路邊煱 (已結業)

難得有朋友約飯局 , 而且仲話這餐廳值得推介 , 見盛情難卻,就不妨一試啦 .收工後就約係土瓜灣等 , 自己平時真係好少黎土瓜灣尼頭食飯 , 而這次亦令我難下一個好印象!去到店舖因為已提前預約,不用等位,而且店面光鮮,令人舒服 , 剛剛坐下沒多久, 待應已為我們送上前菜云耳食洛口 幾爽口 , 口感唔錯, 而且比一般餐廳唔同既係佢既汁 係有陳醋 , 兩者配搭在一起 非常合襯很快就一次上多2款既小食, 第一款有我最鍾意食既 椒鹽魷魚鬚 而且溫度十足, 一食洛口就知係新鮮炸起, 真係超正! 另外一款叫 八味甘香豆腐 , 又係一款非常值得推介既小食, 外皮十分香口鬆脆,而內裹既豆腐卻不損嫩滑 Good!上台唔夠3分鍾我地已經食完一牒, 真係好搶手...食完甘多款前菜 , 終於到主菜上台啦 , 今晚既鍋底 花甲蟹鍋 , 老友仲話係必食之推介, 講到甘未食已經勁期待上鍋先,比想像中要大鍋, 因為平時食開都係得佢既一半份量, 而且真係好香 個種香味 就好似你係出西貢 食新鮮即煮既海鮮 鮮香味再加埋大廚既絕款配料, 加埋一齊真係勁開胃...花甲好多,食到最後仲有幾隻食唔哂, 不過本人唔好花甲,所以無特

上星期同同事放工聚一聚,一致通過決定去烚下烚下,最後揀左近公司嘅一間火鍋店。本身對係土瓜灣呢D地方已經唔太抱有希望,但今次真係比到驚喜我地。打邊爐除左湯底重要之外,環境都係不容忽視,由其係有女同事在場,環境光鮮不在話下,連洗手間都有香味,讚!幾位同事一坐低就個個變哂餓狼咁款,湯底都未叫已經叫左幾道小菜。八味金磚豆腐 正正指數:墨釀油炸鬼 正正指數:椒鹽魷魚鬍 正正指數:陳醋野生雲耳 正正指數:食完小菜,緊係輪到主角出場啦蕃茄花甲蟹煲 正正指數:胡椒豬肚雞煲 正正指數:珊瑚蚌 正正指數:桂花蚌 正正指數:紫菜脆響鈴 正正指數:自家手打墨魚丸 正正指數:鮮蝦雲吞 正正指數:特選黑豚肉 正正指數: 招牌肥牛拼盤 正正指數:同同事食飽飽後,返屋企大覺訓,聽日又係一個上班日

今日生日，所以一家人開開心心咁出去食餐好既，去之前已經做了好多資料搜查，睇到呢間路邊鍋人氣都好高，正評很多，所以就決定去試下，可能我地來得太早了，剛好六點，所以唔需要等位就已經可以安排座位比我們！特別一讚的真系服務員真的給到很殷勤的招待！

天寒地凍兩條友去打邊爐，Book咗枱都安排坐門口第一張，大門係咁開開閂閂啲風係咁吹埋黎，同阿姐講，阿姐幾好轉左另一張枱比我，唔使成晚食風。好快全場full晒，阿姐推介海鮮生蝦，兩條友唔會太多，手切肥牛好好味，值得推介。食完個雞煲打底都飽左4成，加完湯個湯底仲有好濃雞味，厚切午餐肉最啱打邊爐，兩個人叫個四寶丸樣樣試啲，不過啲丸就好普通。打邊爐鍾意落白鱔片，爽口彈牙！菜就普普通通夠兩個人食，其他食物水準都唔錯。整體價錢唔算大眾化。

同FD去食火鍋，真心食過好多香港火鍋，同一間既湯底食得多都會悶。心情特別想食蟹，揀一間有蟹鍋的地方特別困難，找到了這一間路邊煱（室內+有冷氣）。今時今日在室外食火煱都真係幾熱，除非冬天啦⋯花甲蟹有大大隻蟹，d蟹肉好鮮甜，仲有好多蟹膏，就算整耐左都食到好滑既肉質。成個煱都好鮮甜，洋溢香的海鮮味。除了蟹功不可沒，蜆都好肥美，好似食極都食唔完咁！蟹子墨魚丸手打製造，彈滑度十足。另外調味方面都很不錯，咸香吸引，上面的蟹子少少熟仲好脆，好香，配搭我不錯。水豆腐好似皺巴巴，滾熟左之後都幾香滑，充分吃到豆腐和湯底的鮮味，還有一點爽口。鯇魚肉是軟身的那重，熟左之後還有些魚腥味不過好香。肉質夠滑極少骨，吃起來好方便。蟹煲真係好好味，好怕會食上癮！畢竟蟹煲成本貴，價格也會較高。

一間港式的打邊爐店，叫路邊鍋。看餐廳的名子，便知道鍋是餐廳的招牌。天氣有點漸熱，但阻止不到我想吃鍋的食慾。先點了小吃和前菜作為鍋前小吃。麻辣海蜇，上台份量不小的海蜇，作為前菜岩岩好。爽口的海蜇配上麻辣口感，很開胃。海蜇軟硬適中，，想不到和麻辣味道好夾。金磚豆腐，即椒鹽豆腐。放成一層層的豆腐貌相不錯，炸得金黃，香滑，外脆内軟，熱辣辣好香口，是我推介小吃。雜菌花甲蟹煲湯底現橙紅色，蟹味和花甲味鮮甜味足。 蟹味和花甲份量多，而且啖啖肉，肉質也算嫩滑。花甲沒有沙，吃得岀很鮮嫩。一大鍋足夠二人分享，雜菌，花甲，蟹的味道完全入了湯中，令人吃不停口。

朋友生日，佢又住喺土瓜灣，為咗就佢，我哋就喺open rice 搵土瓜灣有咩好嘢食！見到呢間路邊煱既食評都好唔錯，生日嗰位朋友又好鍾意食魚鍋，於是我地就去咗呢間同佢慶祝！佢哋嘅環境好舒服，座位同座位之間好寬敞！叫咗個川味魚煱，魚鍋有好多唔同嘅配料，條魚又大條又新鮮，肉質非常嫩滑而且幾鮮甜！叫咗一份雪花肥牛打邊爐，肥牛嘅脂肪分布好平均，入口即溶嘅感覺！而且肥牛有好香嘅牛味，厚薄適中，絕對值得一試！仲另外叫咗一份特選黑豚肉，今次真係第一次食，原來黑豚肉嘅肉味咁重，而且佢嘅掛湯能力好高，索晒湯底嘅鮮味，簡直就係雙重享受。呢個蟹子包心丸，佢哋嘅蟹子丸唔係劣質蟹子丸，蟹子丸好爽口彈牙，加上裏面嘅蟹子好爽脆，而且一咬就會有汁流出來，非常有口感。仲叫咗一份鮮黑百葉，好少會見到有黑百葉，絕對係新鮮同無經過任何化學加工漂白！佢既黑百葉牛味比較重，而且口感好爽脆，不過注意唔好煮太耐。

朋友係土瓜灣返工，佢收工過去順便撐下檯腳雖然土瓜灣大部份地方都係工業區，但暗藏好多美食店.路邊鍋就係推介嘅其中一間位置係美景街，我地左穿右插，好快就到門口可能係平日，唔算多人，好快就可以坐底，冷氣好足，淡住冷氣烚下烚下真係一大享受眼見用一次性筷子，都幾衛生而調味品就係自助嘅，鐘意加咩就加咩，都幾方便快捷由落單到上菜速度都幾快下，大概十五分鐘左右由於點左雞煲底，所以食完雞食加湯打邊爐.2人的雞煲底唔會太多，大概占成隻雞的1/4，食完都係少飽到打邊爐時間，首先試墨釀油炸鬼，之前對呢樣食物印象麻麻，因朋友鐘意食，就點左，聽朋友講烚5秒就好上碗，抱住一試心態食左一件，比之前我係某些火鍋店好食，但不足以吸引我，味道係OK嘅相對我鐘意韭菜餃多D，餡好扎實，有種韭菜嘅甜味，而且烚好耐D皮都唔會散開，食落都好煙韌好滑，一口氣食左4，5隻食飽賣單先3百幾，算抵食味道又OK嘅邊爐好地方

男友鍾意食火鍋，講真周圍都有酒樓火鍋但係鍾唔鍾意食又係另一件事。聽人講呢間火鍋店最出名就係蟹鍋，唔係到到都有得食。招牌花甲蟹煱掛住食唔記得影相⋯掛住食！中間隻蟹大大隻，裡面仲有一D蟹膏可以食，不過大部份都用左落個湯底裏面。入面仲有好多隻花甲，基本上隻隻都係開左後比較新鮮，好肥美既。湯底方面仲有粟米同埋菇菌類，鮮甜味道絕對唔差。黑柏葉特別別新鮮爽口，因為加上左蟹鍋吸晒湯底D精華鮮味，口感又有味道又夠。牛丸非常彈牙，好明顯食得出是牛肉整爛的質感，不過就有小小黐住d牙。韭菜餃入面大部份都係韭菜，包得好大舊如果唔鍾意食韭菜就千祈唔好叫啦，因為真個水餃皮都整得幾變，呢度係好香濃嘅韭菜味，令人精神為之一振。我地叫左個鵝腸黎試試，整熟左之後依然保持爽口，味道其實都有D油既香味，將主要食口感，質素唔錯。可以叫鴻福堂飲品，清下熱呀嘛。

很多人說土瓜灣很遍遠，坐車很不方便，但其實土瓜灣有很多巴士或小巴能到，你說的不方便，確實又有車可以直達。來到這樣偏遠的地區，都有些食物不錯的餐廳，就在美景街附近已經多燒烤餐廳提供，走在路邊煱門前，是以火鍋為主的専門店，還環也不錯。在人流旺區的地方很多火鍋店，來到路邊煱的鍋底絶對不比其他火鍋店差，絶對足夠惹味香辣，配料選擇也不少，還是新鮮食材，也是一個不錯的選擇。******************************路邊煱在土瓜灣有2間分店，我們便去了美景街的分店。餐廳環境都不錯，今晚人流不算多。鍋底有打邊爐鍋底，也有雞煲、魚鍋、花甲鍋提供。火鍋配料的餐牌。火鍋配料提供有肉類、海鮮、小食、瓜菜類、肉丸餃子和飲品等等。除了散點，還有2人和4人的套餐提供。調味料一共有6款提供。簡單的調味自己選擇。手拍青瓜  HKD42，很簡單的加入蒜蓉粒，青份量也不少。青瓜都幾爽口，不辣，少許酸酸地，感覺不錯。招牌雞煲皇(一隻) HKD228，我們只要小辣，沒想到把蓋打開，香氣帶點辣味撲鼻。鮑魚雖然細隻，但都幾腍和入味。雞件不算很滑溜，沒想到小辣都幾香，帶點辣的口感，確實惹味好食。日本油揚 HKD38

今天放工後約了一班朋友聚一聚，位於土瓜灣的路邊煱地點也不算難找。 甫坐下，先點了些小食！ 麻辣鴨舌（$48）香香辣辣，很開胃的！ 八味金磚豆腐（$48）炸到卜卜脆，外脆內軟，很吸引呢！ 墨釀油炸鬼（$58）同樣炸到脆卜卜，裡面釀了墨魚膠，新穎又特別！ 主角來了，招牌雜菌花甲蟹鍋，鍋內有新鮮花甲和蟹，湯底鮮甜美味！ 我們點的配料也很新鮮呢！ 招牌肥牛拼盤（$368） 游水海蝦（時價） 豬紅（$28） 魚皮餃（$46） 豬粉腸（$32） 廣島蠔（$78） 桂花邦（$108） 脆炸響鈴（$38）    

呢間火鍋店真係唔係朋友帶都唔識路同唔知有間甘既野係度~~ 哈哈!!為食兵團朋友真係好鬼勁~~店內都是一般火鍋店格局, 大都是小圓炲, 可能地方較為偏僻, 所以客人並不是太多, 啱晒想一路打邊爐一路傾下計既朋友, 正~先選火煱底再選配料, 呢度既配料選攞也不少, 有d配料坊間都少見的, 未食已經先興奮~~開餐前大家黎混混醬先, 醬料有生蒜蓉, 熟蒜蓉, 辣椒粒, 辣醬, 蔥粒同芫茜粒~~招牌雞煲皇 (壹隻) HK$228雖然有好多不同既鍋底, 但最終還是選了雞煲, 份量十足, 雞肉嫩滑, 辣度適中, 一上枱已經傳出陣陣香辣味, 唔洗一陣已經KO晒所有既雞了~~ 我地還點了鮑魚仔, 但忘記了一隻幾多錢一隻, 鮑魚好大隻呀, 肉質唔會太硬, 又夠彈牙, 超正呀~~招牌肥牛併盤 (牛頸脊, 牛胸爽, 牛脷托, 和牛粒, 肉眼邊, 金錢𦟌） HK$368呢碟肥牛併盤賣相超得, 每樣牛都好新鮮, 油脂分佈平均, 必試, 可一次過滿足晒牛控既要求~~ 牛頸脊: 超級鮮嫩 牛胸爽: 好爽脆同鮮甜

今天去了土瓜灣吃火鍋～估唔到土瓜灣呢個小小的地方收埋左咁多隱世美食話說今天吃的好東西叫路邊煱～前菜有青瓜同鴨舌叫左好多野食呀～先講湯底有什麼材料！有很多蟹膏的螃蟹、花甲、金菇、雞脾菇、栗米、番茄....所以個湯是亮滿鮮味，且帶點酸甜～非常開胃我最喜歡就是這個牛肉併盤！d牛肉的確好新鮮，而且這個併盤有著牛的不同的部位，有著不同的好味道，相信成碟食哂都唔會食到厭另外，佢個響鈴都好正～和平時的不同～裡面卷有紫菜～很有新意！還有冬菇蝦丸、墨魚丸～好彈牙～真材實料果然是不同的！仲有魚皮餃同豬紅~~yummy!!蝦也是不二之選！ 很大隻！ 肉質彈牙～味道夠鮮唔想等d食物慢慢地碌熟，可以叫個椒鹽脆豆腐～即叫即炸～而且入份量也算多！真的可以食住等其實仲有點其他野食~~~左up唔哂d相呀~~~

有辣雞煲食, 一CALL 老遠都即到啦, 今次食友帶我黎土瓜灣的路邊煱食雞煲, 不在地鐵沿線的土瓜灣, 對我來說非常陌生, 不過為左食好野, 係時候衝出荃灣區了, 反正揸住部倫敦的, 去邊區食都無難度了座位寬敞, 抽油系統強勁。4大皇牌任君選擇, 我地今晚食雞煲。牛魔皇睇到…又來心心眼招牌雞煲皇 (HK$138/半隻)打開蓋, 麻辣香氣澎澎聲湧出黎, 好鬼嗆鼻, 半隻雞份量其實不少, 還有每人一隻鮮鮑魚, 加上大量洋蔥、辣椒、蒜頭、香芹及芫茜, 香到呢……令人食指大動, 好彩叫小辣, 湯汁己經夠辣, 辣得又麻又香, 唔鹹, 卻MIX 左好多香料及調味料, 惹味非常。雞件入味又嫩滑, 正扣左一陣就夾起的鮑魚, 無過火, 好爽滑。招牌肥牛拼盤($368) 有齊牛頸脊、牛胸爽、牛脷托、和牛粒、本地手切及金錢展, 啱晒貪心的牛魔皇牛頸脊 ~ 肉色嫩紅誘人, 油花分佈均混, 油香而滑口牛胸爽 ~ 白色那塊是牛胸爽, 食味跟外型都似一塊肥猪肉, 入口爽爽地, 好似食緊走瘦既猪頸肉, 好油香, 個人唔係咁鐘意呢個口感, 好似食緊肥糕咁。 牛脷托 ~ 口感像牛舌, 爽口但沒有獨特而突出的味道。和牛粒

最近因為一首關於雞的歌，令雞在眾多肉類中脫穎而出成為焦點，想起已有一段時間沒吃雞煲，就跟朋友來湊湊熱鬧。＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊土瓜灣是一個充滿隱世美食的地方，但礙於沒有地鐵站，所以從來都不會考慮作為飯聚的地點。難得終於找到幾個不怕麻煩，只望尋找美食的食友，就找了一個星期五的晚上夜闖此區。路邊煱在土瓜灣有兩間分店，是晚我們拜訪的是位於美景街的分店。雖然沒有地鐵，但走出土瓜灣道，其實有很多來往不同地區的巴士，所以交通都算方便。店內裝潢平實，雖然沒有美輪美奐的外表，但都尚算乾淨整潔，可以令人放心在這裡進食。作為一間以打邊爐為主的食店，煲底都有十款選擇，款式都算多。火鍋料選擇亦多，一般的火鍋料都可以找到。桌上已放有各式調味料讓食客隨自己喜好加在醬油內。(佐料費$10/位)八味金磚豆腐($48)金磚豆腐炸至金黃色，粒粒呈長方形，上桌時連喼汁奉上。金磚豆腐外的炸粉不厚，外脆內滑，本身已略帶鹹味，若嫌不夠味，蘸上喼汁佐食又是另一番風味。酸梅湯($14)打邊爐習慣飲涼茶，食店有幾款涼茶提供，全部是鴻福堂出品，雖然不是我喜歡偏酸的口味，但味道也可以。招牌雞煲皇－壹隻($