車仔麵之家 (已結業)

認識車仔麵之家應該係某飲食雜誌介紹， 而且個陣係金鐘返工，lunch時間都行到去灣仔食， 嗰間車仔麵之家 平日lunch時間排曬長龍， 而且門面好細， 通常都係買外賣， 但北角呢間唔同，大多了，有12張枱左右。 喺收銀處買完，攞咗飛就等叫number拎。我叫咗個四餸車仔麵 加凍檸茶 ， 叫親車仔麵我一定係選擇油麵， 今次嘅組合就有必選嘅，豬大腸，牛腩， 豬紅，牛肚中辣。 呢度豬大腸好出名，而且洗得好乾淨，份量又多， 食到有8,9舊。 牛腩肥瘦適中，最正係有牛筋，牛肚爽脆，豬紅分量都唔少。另外工人姐姐叫咗個牛腩河，問佢要唔要加餸話唔使， 單餸19蚊好抵，都有6舊牛腩左右。下次番北角會再食

星期日去北角搵朋友聚舊，豬友帶我去食車仔麵，而且好豪咁要請我食😌地鐵出口行1分鐘，轉角位唔多起眼🤔12點前仲未坐晒，食到12:30就要等位講了豪食，我堅唔會客氣🐒辣醬好正，可以話係車仔麵的精髓！一定要加！$17蚊豬扒絕對物有所值！同塊面咁大，有咬口唔會梅/淋，唔鞋口，值得一試！另外豬大腸都入味👍🏾咖哩魷魚係可以連魷魚內都有咖哩味！唔係得表面有味個種，係豬扒外另一必食👍🏾朋友都點了唔少餸，蘿白都算甜牛肚夠淋，配少少辣醬就再好食d😋其他丸類係大路野所有東西都係單點，無套餐，飲品自己拎，要讚下有豆漿飲，唔係間間車仔麵都有重點推介大家食豬扒，咖哩魷魚，豬大腸同牛肚🤓

悠閒的星期天，最好相約姊妹午餐聚會，姊妹的話題總是離不開對食物的美味程度，姊妹推介之下來到「車仔麵之家」，美味車仔麵的午餐，享受慢活寫意的周末，當然感覺開心快活。 位於北角區，在門外窺視環境不俗，繁忙的午飯時段這裡十分墟冚，令人印象十分難忘。 餐廳門前擺放食物的介紹，十分吸引，令人期待。地理位置方便，很有家的感覺，一個人來或幾個朋友一齊來都很適合。 門口更添置美食的圖片及價錢，每款價格相宜，未食巳吸睛，令我胃口大開。 第一次來車仔麵之家，進入餐廳後，店內空間感很好，店中有幾張長枱，仲有高枱，店內的設計以木為主，品舖裝修簡約，環境整齊優美，舒適很寫意，乾淨整潔，氣氛輕鬆。 我和朋友先叫了麵、幾款餸及韭菜。 我先點了油麵，再選三餸，包括炸豬扒、貢丸及甜酸齋。 湯底濃郁，炸豬扒帶點香茅味，豬扒口感嫰滑，但又不會韌，讓人回味無窮。貢丸一口咬下去，十分彈牙，黏性剛好，味道可口。 車仔麵之家鎮店之寶是秘製酸齋，酸酸甜甜，十分開胃，不會太淋身，充滿優雅不膩的滋味，水準不俗。 朋友點了油麵，再選四餸，包括魚蛋、魚皮餃、粉腸及豬大腸。 這裡的魚蛋彈牙爽口，魚皮餃厚薄適中，肉汁豐富，入面的汁

平時車仔麵之家喺灣仔有分店，非常之出名，經過北角搵食嘅時候見到喎，趁唔使排隊，當然要試吓啦！選擇好多，特別在佢麵嘅份量可以選擇大同細，好貼心！一定要加佢嗰個辣醬，比較辣，不過好刺激，好惹味，我叫左油麵，師傅唔會煮到一pat pat！推介炸豬扒，好重香茅味，又唔會太咸，其實$17好超值。韭菜豬紅 $20$20個小食依家係邊度搵呀，好入味，炒菜份量算多。咖喱魷魚 $27魷魚都係其次，最主要都係食佢個咖喱汁，都幾辣下，不過越食就越多，真係好食。

小時候一家三口👨‍👩‍👦最愛去舊街市食車仔麵。車仔麵係經典港式平民既美食。細個覺得車仔麵檔好得意，除左麵條有多款選擇，仲有十幾廿款餸任君挑選呢。一邊揀，老闆同步一邊用摩打手泡製一碗平靚正既車仔麵唔駛2分鐘就誕生了。-今日同爸媽兩個朝早去行山，之後途經依間車仔麵檔，大家心有靈犀咁好想去食😆餐廳座位又舒服，環境又乾淨我地好肚餓，叫左好多個餸🤤當然全部食得哂啦🤪-爸爸👨🏻叫左：🍜粗麵（細）➡️牛丸、甜酸齋、蠔油齋、韭菜、紅腸、粉腸、豬大腸、牛腩一邊食一邊讚不絕口每款餸都有水準❤️粗麵口感紮實，唔會煮到偏腍❤️最愛牛丸爽彈又有豐盈既肉汁爸之前好鍾意係街邊食豬大腸同牛腩不過基於衛生問題，我唔俾佢食😅今晚佢見到佢既至愛，俾佢放縱一番❤️豬大腸爽口、牛腩軟綿腍滑👍🏼❤️甜酸齋脆卜卜，酸酸甜甜幾開胃-媽媽👩🏻叫左：🍜米粉（細）➡️豬紅、蘿蔔、韭菜、生菜、冬菇鳳爪、炸豬扒、貢丸、牛肚媽雖然好想食油麵，但最後叫左米粉健康之選呢👍🏼蘿蔔真心覺得好好食！超清甜多汁！👍🏼韭菜係一種營養價值非常高既蔬菜平時我同媽都成日食好鍾意韭菜獨特既香味-我👧🏻叫左：🍜幼麵（細）➡️紅腸、蘿蔔、生菜、韭菜、魚蛋、雞翼、炸豬扒 🌟魚蛋唔算大粒

來到北角，一出路面就見到車仔麵之家，小女生問什麼是車仔麵，那麼我就順便帶她去吃個午餐，見識一下香港的地道美食吧！12時來到，時間尚早，不用等位，聽說平日這間車仔麵店要排隊入座呢！店內裝潢整潔，有卡位，配菜比我平日在石硤尾吃開的多很多，而且頗少見，例如豬手，甜酸齋，炸魚餅，實在心大心細，每款都想試試看。原來車仔麵之家還當選為全港10大好味車仔麵檔 選擇好食物後就到收銀處落單，之後就回到座位等待， 當叫你的號碼後再到水吧自取食物。我一共點了四款餸， 分別點了蘿蔔、 豆卜、豬腸、咖哩魷魚，再加一杯熱奶茶($56)。四款餸當中有三款都是廚師推介，我特別鍾情蘿蔔，總覺得吃車仔麵時蘿蔔是必吃的。湯底很濃很甜，我最愛吃的蘿蔔和豆卜相當入味。豬腸帶點微辣但又爽又香，咖哩魷魚用秘製醬汁烹調，很爽口，很地道，辛辣指數很高， 喜歡辣的必定要試！小女生也點了四款餸，分別是貢丸，紅腸，豬腸，炸豬扒，再加一枝公和豆漿。($54)米線煮得剛好，不會太淋。貢丸及紅腸該是上等貨，香茅炸豬扒又香又惹味

位於北角七姊妹道轉角位，地點當然唔起眼，但係每次經過，都發覺長期超多人排隊，小弟本着多人排隊當然好食嘅原則 ，今日我同細佬決定要排下隊……見排隊人龍 ，大部分都係附近街坊，因為對收銀員及服務員都有講有笑十分親切我們點了二碗車仔麵 豬紅，結實咬落爽口 豬皮好入味， 表皮豬毛清潔得好乾淨 豬大腸好企理， 好新鮮冬菇蘿蔔牛腩都夠水準我們了兩份鱿魚， 食落去好爽口彈牙。其實食車仔麵，食物新鮮好重要， 除此之外 就係街坊那股人情味， 令人心思思， 有空又要再試！

今日去左北角等K先生收工，終於試咗好多雜誌推介嘅車仔麵之家食晚餐。我同K先生覺得車仔麵之家，配料款式有很多選擇，而且很特別，好好食。我地每人各叫左三樣餸。K先生叫左炸豬扒，煎魚餅，炸墨魚腐皮卷加油麵，份量很足，很惹味。而我就叫左釀豆卜，牛肚同埋炸墨魚腐皮卷加伊麵，第一次食車仔面有醸豆卜嘅餸，很特別，好好食。食車仔麵當然吾少得咖喱魷魚，所以點咗一份淨餸咖喱魷魚。另外，還點咗菜心，很新鮮同份量都幾多。而且呢度飲品種類很多，K先生叫左菠蘿荔枝梳打，荔枝肉大大粒，很清甜。而我就叫左熱公和豆漿，很香豆味。

在北角調理肩頸痛楚過後，就去醫肚。附近有檔>>> 車仔麵之家 <<<，燈火通明，當刻猶如飛蛾被亮燈吸引，忍不住走去看看。 餐廳以自助形式運作，每個食物及飲品選項的價錢，清楚臚列在門面及收銀處。 先按預算及食量揀好食物，再排隊落單，豐儉由人。 這個組合是細碗粗麵，餸菜有釀豆腐卜、咖哩魷魚及炸豬扒，再加一瓶熱的公和豆漿。細碗粗麵麵如其名，小小的一碗，不想吃得太飽的時候就最適合。釀豆腐卜表面看不出乾坤，原來內裡已被釀入蝦膠，讓豆卜更添驚喜。咖哩魷魚沒額外加辣，但已有夠刺激，吃起來零舍醒神、惹味。炸豬扒看來似煎豬扒，入口鬆脆，味道香濃，大大片的還算物有所值。餐飲是公和豆漿，質素具保證，豆香誘人，暖暖的一樽，是冬日最佳拍檔。

呢間車仔麵相對好食過大眾個啲，坐位坐得舒服，吾似傳統嘅車仔麵舖頭又迫又熱！腩肉一定要食，所有配料份量都好足，未見過好似湯碗咁大嘅圓形午餐肉，厚度係一般茶餐廳嘅2倍，煎得幾香，抵食！值得一提係豬大腸，柔軟當中帶住爽彈嘅口感，滑膩當中又嚼勁十足！至於咖哩魷魚就好爽、好惹味！鷄翼尖亦炆得好入味，差D連骨都食想埋！就算係清湯底，都好清甜，唔似一般車仔麵舖如水一樣淡！雖然都是一般款式，但味道絕非一般，可以話係水準之上！價錢幾平，正過食米線， 員工服務好，有禮貌，吾會呼呼喝喝， 店鋪空間寬敞、潔淨，下次會再黎幫襯！👍👍

接標題>亦可直接B4岀，個頭望右手面就見到，希望幫到大家,皆因我呢個東區人都信錯地圖入錯左錦屏街😂入番正題先，上星期試完永年士多，今個星期由於夜晚要入香港仔食飯，所以喺北角呢個轉車點揾下午茶食，經濟地search>北角below$50,發覺左原來北角都有呢間有啲朵旣- 車仔麵之家。老實,個名聽過,個心亦曾經想試過，不過由於本人唔會企響度食嘅關係，一直無緣幫襯...油麵大腸沙爹魷魚甜酸齋小辣- 沙爹魷魚幾好，童年味道！大腸與齋，不過不失～沙爹汁叫做ok👌米粉蘿蔔墨魚條煎魚餅- 魚餅厚煎我覺得不錯👍! 蘿蔔墨魚條ok噤la,不過老婆覺得蘿蔔比永年岀色。永和豆漿一枝- 普通料。總結，於我未有特別吸引嘅食物，不過整體唔差。位置較偏，加上試業中，基本上唔駛等位。車仔麵之家叫做有啲朵，仲開到第三間分店，想試而又唔想企響灣仔總店食，可以黎呢間分店一試

一向都幾鐘意食車仔麵，今日就嚟到食過總店幾次嘅車仔麵之家再戰！相比灣仔店呢間真係好坐好多，加哂分！🐣🐣今次就嗌左墨丸，生菜，冬菇同細米線！而朋友就叫左牛腩，墨丸條，菜心同大油麵😀😀 墨丸都好彈牙，又唔太感！冬菇入哂味，非常好食！再點小小佢嘅辣醬更惹味呀🤗🤗 牛腩都煮得好淋嘅，食落有d牛騷味😂😂而小食叫左招牌咖哩魷魚同豬手！魷魚好有咬口，咖哩偏辣，個份量都唔小！豬手好入味，皮好厚好正😛😛

車仔麵可以話係香港 50 年代嘅窮人恩物，當時市民為了謀生，街頭湧現流動攤販，售賣車仔麵。不過隨住生活水平改善，車仔麵檔已經由街頭走入舖位。早幾天友人突然在群組中提起屹立於灣仔區多年嘅「車仔麵之家」，說店子最近喺北角開咗新分店，位置好近我，叫我有空去試下。講起上嚟，其實我也很久沒吃過車仔麵，趁周五懶得開火鑽，就拉埋兩父子一起來開餐。新舖位於錦屏街後街，地方不大，走小店格局，裝修簡單，不過空間感唔錯。左邊靠牆設有多張四人卡座，而右邊同中間位就以木檯櫈為主，配上盡頭嘅開放式廚房，整體感覺乾淨企理。麵店採自助形式，客人要先去 counter 落單，當場點選，然後等叫號碼領取。麵底共有 9 款，而配料選擇就有接近四十款，除了常見的牛腩、豬紅、蘿蔔、豬皮外，還有多款廚師推介，例如甜酸齋、釀豆卜、咖喱魷魚、豬手、豬大腸、炸豬扒等。另外還有 8 款淨餸，再加埋飲品，選項真係多到數都數唔曬。飲品揀咗凍公和豆漿 ($10x2) 同菠蘿荔枝梳打 ($14)，豆漿入口順滑無渣，豆味頗濃；梳打真材實料，內有菠蘿同荔枝肉，入口味道酸甜，開胃又刺激味蕾。小伙子年青力壯，食量驚人，揀咗大米線做底 ($16/大)，而

今日去到北角做野，之前有睇報導話這間的車仔面吾錯係好近地鐵站當然就午餐過黎食，黎到十二點鐘沒想到已爆滿和有人排隊，今次我叫左一個車仔面加飲品，共六十二元，價錢可以，因為份量都足料而且吾迫坐都舒服。蠔油齋，菜心，釀豆卜，鳳爪，豬大腸，熱檸檬茶釀豆卜有三粒，入面原來係釀蝦，蝦大隻味道吾錯，怪不得對面都有叫啦。油菜用湯上，夠脆口新鮮帶點甜品 ，好食。蠔油齋好入味夠濃味，有三舊入晒辣汁好味道。鳳爪沒想到咁好食，勁入味又有口感，少可整得咁好。豬大腸吾係太肥腸，對我黎講剛剛好。熱檸檬茶味道濃吾苦，檸檬夠酸吾錯 仲有大電視睇新聞添。野食多選擇而且十分清晰，價錢都可接受。叫麵後坐下係度等叫號碼，示意就有待應拿過黎比我添。

車仔麵之家開到黎北角添啦。。。環境比總店闊落得多而且仲有下午茶時段3pm-6pm仲更抵食呀今次叫左大腸蘿蔔 魷魚油麵加辣。這裡的辣必叫的辣得黎好香好好味。豬大腸洗得好乾淨，口感非常有煙un，份量都幾多的！喜歡吃大腸的朋友這個大腸絕對不能不試！做得好出色！而蘿蔔吸受哂湯底既味道，本身已經好清甜，再加上湯底加持更有層次呀。絕無苦澀味道，讚呀！ 魷魚份量就沒有想像中咁多，但質數就不得了！咖喱味魷魚非常濃郁惹味！而且非常爽口。亦食得出鮮味，如份量再多點就無得彈