車仔麵之家 (已結業)

在北角晚餐，其實有很多選擇。可是我卻想"探險"一下，就走到橫街小巷找東西吃。這樣就讓我找到了家連看地圖也難找的車仔麵之家。星期日晚上人流好旺，一直都有客人進來。這裡的流程是先在門口收銀台點餐付款，再找個位置坐，叫號時就自己出去拿。廚房員工工作速度快，坐下沒久就弄好了。我和男友各點了四餸，連飲品只是118，非常豐富。飲品是付款後在雪櫃自取的，我倆都選了公和豆漿，味道不太甜又有解辣作用。他那碗的湯有香濃牛腩味道，加上秘製辣醬讓滋味更提升。米粉和牛肚都爽口又入味，牛肚數量又多，足料！釀豆卜中心是蝦滑，味道甜甜的，果然是推介！牛腩的牛味超重讓我們好驚喜，肉質軟滑，又有煙靭的牛筋，正！油麵那碗有咖喱魷魚，所以湯都成了咖喱湯，味道香口濃郁，比腩汁更重口味。油麵頗彈牙的，喜歡它的麵條較粗身。豬手也是必叫之選，炆得入味，皮也不肥，肉質又軟。咖喱魷魚是用咖喱醬直接煮的，放到碗中還有大量醬汁，好香口！質感爽脆，不叫就蝕底！我以為甜酸齋是軟身橙色的，這裡是炸的，會分開上。因為是麵筋，所以口感煙靭，醬汁酸甜適中好開胃。每人60元，捧著肚子完成這"捐窿捐罅"的任務~

每逢Weekend都搞到差唔多中午先起身 所以都係食一餐Brunch就算啦今日都唔例外 十一點先起身 無啦啦好想食粉面記得有friend介紹過呢間車仔麵 就嚟試下佢係咪真係咁正啦呢間車仔麵好超多餸既選擇 麵底有得揀大或者細 啱曬d細食既朋友另外收銀員通常都會問洗唔洗加辣 我推介食得辣既朋友可以加 就算少少辣都好 因為佢個辣真係好好味 辣得過癮又帶d甜味我自己叫左炸豬扒 甜酸齋 咖喱魷魚加細米粉就算米粉係細既但都唔會好少 最後食到我好飽咖喱魷魚係佢地既招牌 點可以唔試呢味道果然不負佢招牌之名魷魚好爽口 一d都唔會韌 咖喱帶少少甜味 為鮮味既魷魚加添一個層次甜酸齋有超多汁 味道濃郁就算係幾蚊既餸都唔會得幾舊 份量好足煎炸野佢係叫即刻整既所以會叫我地食住碗麵先 之後會有waiter攞去檯面炸豬扒其實係香茅豬扒 估唔到十幾蚊都有咁大塊豬扒肉質鬆軟 好夠香茅味同一碗仲有我個friend叫去魚餅魚餅係用鯪魚肉做成 唔會腥而且好夠魚味我個friend果碗就係叫左豬皮同埋釀豆卜佢食左一啖我碗麵之後超後悔自己冇加辣豬皮好入味同埋夠淋 如果吸多d辣汁應該仲正豆卜入面有d蝦肉 為豆卜加d唔同既味道一路食辣一

在這大城市，香港島的邊陲，除了一堆港女排隊勝地外，還有一些性價比高的小店不能遺忘。車仔麵之家，真的有家的感覺，店員友善，車仔麵味道傳統親切，有時大餐過後，還是會想吃些普通的小麵店吧。可以點淨麵不雙計，$8一個米線，$8一份生菜，往哪找？麵類我就選了伊麵，硬度浸了一會熱湯還是適中推介必點特製辣醬，辣中帶點甜味，非常惹味！店主推介酸齋竟然有炸過，煙煙韌韌又帶點酸，非常開胃！釀豆卜的蝦滑有醃過，吃起來味道剛好平衡到淡淡的豆卜，不俗！最驚喜是腩仔肉，輕輕的辣味的把它提升到另一層次，就好像日式拉麵的叉燒一樣好吃！而且帶點中式叉燒的煙韌，推介唷！店員也是態度友善，想不到在茶餐廳的裡面，也可以找到有水準的服務呢！

有無覺得一個人好耐搵野食？人到中年有時真係會諗，如果去到一間又貴又唔好食仲要受氣趕客既餐廳，不如自己煮。今次仲介紹一間我其中一間幾鍾意既車仔麵。鍾意既原因最主要係好少可車仔麵舖可以坐得舒服。入門口個陣要先落order，然後等number。拎完就食。野食方面，牛筋腩係我至愛，其次就係滷大腸。反而推薦既尢魚我就無特別喜好。酸齋幾有咬口，同平日時齋舖買既有啲唔同，都幾特別，可以一試。價錢方面我覺得都平，睇餸食飯，唔大食既就三四十蚊都有找。最重要係，佢無趕人走同坐得唔舒服既感覺。好多時我都放工八點幾九點黎食，一路食一路打機或者睇電視，都算係男人的浪漫既一種。

我星期日同老公去北角行街，發現裝修都算比較新既車仔麵檔。原來係之前灣仔好出面既車仔麵之家。我就叫左菜心同好出面既咖哩辣尤魚，但出奇地一D都唔辣其一，其二係完全冇咩咖哩味。係裏面一點都唔似炒過既尤魚。我同我老公都覺得根本佢既質素仲未去到$11一個餸呢個位置。佢根本要努力改善食物質素。油麵又唔爽又肥膩，一點都冇靚麵既質素。成湯麵既湯D温度一D都唔夠熱，係成碗麵超級敗筆既位。加上我話要加咖哩汁同腩汁D阿姐串我話咩汁都要。把幾火食車仔麵唔落汁今有咩好食，好心個老闆管教好D阿姐咪今串串共喇!我已經冇唒下次再來既動力!

塔塔子一向好鐘意港式嘅特色美食麵食黎講，車仔麵係我嘅不二之選～最適合貪心嘅塔塔子～今日黎到北角呢間隱世車仔麵店，裝修簡潔得黎夠乾淨，坐得好舒服抵讚！叫餐係出去買飛，喺收銀姐姐面前見到咁多選擇嘅menu，真係有d緊張！於事就跟佢地嘅推介啦！眼闊肚闊嘅塔塔子叫左：豬扒，豬腸，白籮白，咖哩魷魚，甜酸齋呢個豬扒真係100分首先係新鮮即製，好細心咁另上充滿香茅嘅芳香，脂肪比例岩岩好，口感100分呀！甜酸齋：充滿口感，加上酸酸甜甜嘅汁，令人食唔停口豬腸同咖哩魷魚都好入味，湯底都好夠味，叫小辣都覺得好香口，但食完唔覺好口乾，值得一讚而麵底仲有分大細，塔塔子想試多d配料就叫左細，相信叫大嘅話一樣可以滿足大食嘅你地呢～～呢間車仔麵之家真係誠意十足！地點有d隱世，而且同佢寫嘅地址條街唔同，係由書局街行入去呢

一講到我嘅中學生涯，最有回憶嘅就係車仔麵，lunch time 企麵檔點餸，自由選擇自己喜歡的味道，最重要是平，可以儲錢買玩具。以前嘅車仔麵真係小販推車，而家車仔麵大部份都已經入晒舖，大家都可以坐得舒服啲，有冷氣又衛生啲，不時回味這種香港味道。中午繁忙時間，門外有長長的人龍，先在門口購票然後找座位再自取。車仔麵配料有20多款，當中的炸豬扒、酸齋和咖喱魷魚都是熱門之選。 真係急不及待要開餐，一口食到腩汁菜芯，菜芯爽加上腩汁濃味，正呀！我覺得碗麵的靈魂就在面頭的秘製辣醬身上，小小份量入口香濃，辣度慢慢上升，香辣的口感仍然留在口腔內，回味無窮。牛腩亦是必食之選，入味又好夠腍。足料香濃的湯底，食過返尋味！ 生炒咖喱魷魚唔會腥，口感煙煙靱靱。酸齋入味，油麵再加上濃濃既湯底，更加係超好吃的。另上的香茅炸豬扒，真材實料又炸得香脆，我覺得係必食之選。魷魚質素不俗，還有車仔麵少見的酸齋，其辣汁是車仔麵的精華，所以再叫多杯清涼飲品，豆漿同埋菠蘿荔枝梳打都好飲喎！有回憶又有人情味的車仔麵，下次再見。

車仔麵係我其中一樣既最後食物, 貪佢夠平夠好味,而車仔麵之家既咖哩魷魚可以稱為香港一絕, 久不久就想食下,所以今日就同男朋友一齊去食!出地鐵站行幾步就到, 超方便就食到好野!選擇多, 價錢合理首先, 我不得不讚, 除左咖哩魷魚之外, 炸豬排都係超好味, 我覺得係香港既頭幾名黎, 炸得岩岩好, 又唔會太油膩, 又夠厚肉, 仲有連少少骨, 我覺得真係極品, 而且個辣醬真係超好味, 我食米粉, 索左D味真係超完味, 另外, 豬腸都好入味, 腩肉唔肥又夠入味, 比我想像中更好味男朋友就叫雞翼, 蘿白, 牛肚同我唔同, 牛肚我覺得好味到有D驚為天人, 而蘿白就夠晒清甜, 相對黎講, 雞翼就比較普通, 下次可以不叫雞翼食其他!另外就叫左碟菜, 同埋當然主角既咖哩魷魚, D個真係超入味, 辣辣地超開胃, D個真係值得山長水遠黎食呀!最後飲埋青檸琉打, 爽晒總結黎講, D間車仔麵真係超級好食, 魷魚同豬排係必叫的, 一定會再黎食過!

落雨唔想周圍去, 去搭北角站前, 先醫個肚, 記得琴行街的車仔麵點, 以前的獨家立食店, 易手後一變三, 開了堂食店。估唔在家附近就可以食堵! 出名酸齋, 咖哩魷魚和辣醬! 今次食雞翼, 魚皮餃, 酸齋河粉, 少辣。辣醬好味, 其他和舊總店有些分別。 希望麵店在食店林立的琴行街站穩陣腳。 **價錢唔算抵食, 辣醬酸齋一定要試!

超方便好近地鐵站既車仔麵店 唔洗5分鐘就到👍佢係自助形式既 即係去叫野食既時候比埋錢😉同埋要自己拎野食架 環境都乾淨 仲有佢地好快就整好碗麵 等唔洗10分鐘就有得食！我叫左我最中意食既米線 而餸就有咖哩魷魚、豬皮、豬大腸同埋雞翼 而朋友就叫左粗麵 同埋咖哩魷魚、魚片頭同生菜 好足料 每個餸既份量都多架 同埋麵底都好夠食👍佢地最多人食既配料一定係咖哩魷魚 我亦都比較推介大家試呢個餸😍少少辣又夠煙韌 大家記住要叫黎食下喇

After I finished my appointment in North Point, it was already lunch time and i just walked around nearby to see if there is any nice food around. Finally i chanced upon this cart noodle shop named Car noodle's family. It was quite busy during lunch time, but the turnover was quite fast.The menu was simple and straight forward, 1 page listing all items available. I am able to choose the types of noodles and there are several choices of items for me to choose from Pineapple and lychee soda - It w

車仔麵特色就係任叫自己鍾意食既餸,仲要每樣餸都經過多重心機去製造。呢間車仔麵店未試過,門面好吸引,大大隻字"車仔麵之家"。環境好乾淨坐位又夠闊,唔洗同人迫。值得ㄧ提係店員好有禮好有親切感,係我心大心細既時候提我邊樣餸好食,邊樣餸熱賣牛肚牛筋羅白菜肉餃細米粉加凈生菜清湯走腩汁仲有釀豆卜(嚇死人,叫左好多餸xddd)米粉彈牙唔會過淋口感係好爽,吸收唒d湯汁。牛肚牛筋唔會太過UN,好爽囗。腩汁入哂味,明顯係有心機淆左好耐牛腩汁，好好味😎😎😎羅白清甜又入味,最緊要冇渣。好怕平時食羅白咬2啖之後就吐ㄧ啖渣😅😅釀西卜:唔會成口油,又冇浸到林唒冇口感,同埋好似媽咪平時屋企煮既靚餸😂😂生菜爽甜又翠綠,好新鮮加多ㄧ支豆漿。唔太甜都ok食到清唒底是常識吧

近日來到北角返parttime，每次到lunch time都要四圍搵食，今日經過呢條小巷子，見車仔麵都咁多人排，一定有其吸引力，所以就入左去試試。午市時間人流爆滿，半開放式廚房，店內亦有電視供客人觀看，店内採用自助形式，先揀好食物，到收銀處付款，之後會叫號碼供客人取餐。車仔麵餸菜款式特多，應有盡有，麵既份量亦有大有小，揀左一段時間先揀到想食d乜。下午茶更加抵食呢碗係我點既:生菜、雞翼、炸墨魚腐皮卷、炸豬扒、米粉 (小辣) 呢度既辣味道好濃郁，建議先試小辣，因為小辣已經好刺激。炸墨魚腐皮卷爽彈，味道好討好。炸豬扒帶有香茅味，同出面食既唔同，而且都幾多肉。朋友點:蘿蔔、墨魚條、牛腩、煎魚餅、甜酸齋、米線 （中辣）中辣味道更加強勁蘿蔔軟腍入味，墨魚條好似香腸咁既樣牛腩原來會比一半牛筋所以唔鍾意牛筋既人可以預先通知走牛筋煎魚餅香口，沒有鯹味甜酸齋另上，脆炸幾滋味最後來一杯青檸梳打，透心涼呢。選擇多而且味道夠哂入味，店內乾淨整潔，難怪咁多人排隊。

時不時都在北角活動，又到肚餓時間，兩點左右，都唔知食咩好!路經見佢新開張，就試一試吧。先品評下食用環境，因為新裝關係，其實店面和內面都係幾乾淨，有小桌也有卡位，但香港地寸金尺土，如果撞正人多都幾逼下，但呢間車仔麪店呢，樓底都算高，所以感覺係舒服，呢部分0既評分係唔錯。而點餐流係自己先買票、等叫、自己捧麵，但我對呢個安排都有意見，因為間店唔大，客人自己捧0係小巷都穿插，都危險下。價錢方面，車仔麵黎講，價錢中上，每樣8元以上，但份量都算OK，呢間都有特別食物，例如咖哩魷魚，係店內招牌菜，但我就無咩興趣，可是佢\麵0既份量係唔差。結果呢，我就點了豬紅+蘿蔔+魚蛋+油麵+不辣。豬紅入味唔腥，但口感就無咩驚喜，豬紅外層「衣」無爆破效果。蘿蔔甜但少左鮮味都無咩起渣，份量都有好幾粒，咖喱魚蛋黎講，食得出係咸辣同咖哩和油味，但唔夠彈牙。但係呢，人地又唔係淋身，一句到尾，就係隨街都買到的質素。油麪其實不錯，唔會話好「張」住個口，係爽身。湯底呢，我就有少少失望，因為好多油，甜味比重幾高下，所以唔係太合我個人口味。其實，無咩特別、普普通通、OK 啦 就係呢間店特色，佢價錢唔平又唔貴，趕時間快食、想慳D 食個

北角係個令人感覺懐舊既地方，黎到都想食啲地道野，配合返個心情車仔麵似乎係個唔錯既選擇，亦都幾近地鐵站，懶惰既我行多幾步就到同大部份既車仔檔一樣，都係先比錢落單但呢到再先進啲，電子化左，單再係煮食部出而環境都好乾淨企理，亦唔迫我就叫左大幼麵，小辣加腩汁辣醬標明自家特製，放落湯匙到，到時可自行落，都幾細心因為第一次黎，餸全部都係揀左餐廳推介，有豬手、甜酸齋同咖哩魷魚 當中最推甜酸齋，首先估唔到車仔麵會有得揀佢，第二係既味道無出面咁濃，唔會有好多醬痂身，適當既甜酸味，第三係質地好特別，比較有嚼口，內部相對無咁濕潤，絕對可以一試而咖喱魷魚夠香夠辣，魷魚又夠彈牙，好惹味總結黎睇，湯底有傳統車仔麵既神韻，但餸就加入左新元素，不錯不錯