軟橋米苔目餐廳 (已搬遷) 新店位置

早2日同同事食午餐同事介紹呢間小店話又平又好食一於去試下～.我地試左1. 魚蛋雞肉米苔木 方魚湯 (魚蛋好彈牙有魚味,但個湯底就淡左d,但都match)2. 鴨肉雞肉餃米苔木 方魚 (鴨肉店主推介 都好食)3. 豆卜豬肶肉 米粉 方魚湯 4. 金菇 冬菇雞肉餃 板面 蕃茄湯 個蕃茄湯好味 吾會好湯 板面都好煙韌 有咬口 比米苔木好 米苔木比想像淋身5. 白菜豬肉餃 豬肶肉 米苔木 方魚全部餸都好正常.小食叫左藥膳雞腳(勁補身 好重藥材味但份量少)Q彈豆腐 好好味 推介 好特別 似魚腐肉餅 普通 好脆 有點熱氣雙脆 我地全部人都覺得呢個正 好有酒味 花雕酒 有豬耳同豬脷.野飲全部叫愛玉冰，要左芭樂，百香果，梅，鳳梨都正常味 但偏甜小小呢個價錢 呢個cp值 算唔錯了

🔎軟橋米苔目餐廳 📍深水埗鴨寮街249號地下B舖-又繼續係深水埗搵食啦 今次試新野 係主打台灣傳統麵食米苔目～🔹手工米苔目$40/2餸 今次揀左粟米豬肉餃豆卜米苔目 轉沙爹湯底 +$3第一次食米苔目 一睇外表好似銀針粉 但食落完全唔係果回事 比起銀針粉有咬口 較煙韌 我覺得唔錯 可以encore豆卜係一大塊果種 會比較吸湯餃子皮雖然唔係好薄果種 但勝在夠大粒 餡料夠足沙爹湯唔算好濃 唔會搶哂應有的味道🔹鴨血鴨肉米粉 $48食台灣野好鍾意食鴨血 呢到有埋鴨肉都幾正鴨血切到一口size幾方便食 夠滑無腥味但比起鴨血 呢間嘅鴨肉更好味！！ 唔似係一般貨 （利申原本唔太鐘意食鴨肉）但我都覺得好好味呢款係指定湯底無得轉～🔹瑤柱蟹肉碗仔翅 $28比起平時食嘅碗仔翅濃 夠哂足料 麻油味亦夠香 除左瑤柱同蟹肉 仲有好多木耳絲同冬菇絲 2個人share岩岩好🔹Q彈豆腐 $25煎香的豆腐幾好味 類似百頁豆腐的口感 灑上小量味粉但味道唔會太濃🔹烏梅仙草冰 +$15好飲！酸酸的烏梅汁加上小量仙草增加咬口 而且唔甜 好岩我飲～～🔹凍蜂蜜生薑茶 +$10凍嘅生薑茶薑味唔會太濃 想健康d但又怕薑味嘅都可以試下#食在

每次黎深水埗都係買電話卡，今次經朋友介紹，去左食地道台灣菜小店，餐廳位置好近地鐵站，好方便。睇睇餐牌，除左招牌米苔目之外，仲有勁多小食選擇，店員亦會好細心咁推介下有咩好食，讚！墨魚丸豆卜麻辣湯底米苔目先試湯底，我地叫左小辣，唔會太辣，湯香濃帶小許麻，有驚喜！米苔目類似銀針粉，但口感比較煙韌，有米香，感覺幾特別。墨魚丸好食，唔粉。豆卜索曬麻辣湯，好好食。台南豬手豬手煮得剛剛好，好彈，充滿骨膠原，肉質嫩滑不油膩，連個湯都好好飲。蒜蓉鴨肉份量超多，鴨肉唔老唔鞋，底下仲有粉絲吸汁，好惹味。Q彈豆腐口感似炸魚蛋，但帶有豆香，好香口好特別，唔同平時一般既酥炸豆腐。芭樂鮮草冰 冬瓜愛玉冰跟餐加15元，甜道適中，好解渴。冬瓜愛玉冰冬瓜蓉好香，好好飲，我極速已經飲咗一大杯。

呢間位於鴨寮街既隱藏小店係小妹係深水埗其中一間間中會翻兜既食店 真心欣賞老闆同老闆娘對店舖食物既熱誠同信心天氣開始熱 叫返個冷盤雲耳 開下胃先腩肉生菜豬骨湯米苔目說真的 米苔目我到宜家都未係其他地方遇過 真係好有特式 豬骨湯底睇落好清 但實質係濃郁得黎又唔味精麻辣米線亦做得唔錯 鴨肉牛肉都係招牌餸 當然都有返咁上下質素不過最喜愛都係呢度既小食 香煎脆皮肉餅同Q彈豆腐 無論口感抑或味道都真係好出色 好好食猶其係Q彈豆腐 完全猜唔透用咩袐方黎整 可以咁彈 口感咁獨特仲試左個類似期間限定既蟹肉碗仔翅 真係有蟹肉既 勁足料 抵試食咁多野 又有野飲 加埋都唔駛200蚊 真心抵食

講親台灣嘢食唔係滷肉飯就係牛肉麵，米苔目又有冇聽過？最近喺深水埗就開咗間專食米苔目嘅舖頭，仲嚟個港台fusion，唔再淨係簡單加肉碎，而係以車仔麵形式咁做😮同朋友叫咗兩碗米苔目再加幾款小食，其實米苔目有啲似銀針粉，不過食落又好似有啲分別，再軟熟啲同煙韌啲，腍腍地咁幾啱我口味（亦有可能係同一樣嘢嚟🤣）湯底都有幾款，沙嗲湯幾惹味不過我食唔到辣就覺得有啲辣，方魚湯就偏向清淡，餸料揀咗粟米豬肉餃/墨魚丸/豬腩肉/豬髀肉，幾款質素都唔差，幾有煮家味唔會難食😛比起麵食小食就更亮眼，秘製豬大腸值得推介，好入味唔會帶腥涼拌皮蛋就賣相超靚兼夾有啲流心醉香豬雙脆就即係豬脷同豬耳，前者個醉香味重啲，後者爽脆但酒味就偏薄弱，其實仲有其他小食都好吸引，有機會可翻啅😗

要去深水埗買電話卡，就去了軟橋米苔目餐廳，之前已經想試好耐，今次終於可以順道去試下。米苔目是台灣地道食品，外表與銀針粉及狗仔粉相似。這間餐廳飲品好多元化，除了一般的檸茶，還有日本、台灣飲品等。日本綠茶可樂 $19，好有綠茶香味，不太甜，好解渴。Q彈豆腐 $25外皮香脆，內裡好Q彈煙韌，好似有魚肉。藥膳雞腳 $28湯底有當歸、淮山、紅棗等好足料，雞腳夠大隻。台南豬手湯底是酸菜及黃豆，湯底好濃郁厚厚的，豬手肉腍，不肥不膩。酸辣米粉湯底酸辣味道剛好，辣中帶酸，好開胃惹味，選了金菇及豬肶，豬肶外表似燻蹄，好腍又爽口。手工米苔目 $40豬骨湯底豆卜，冬菇豬肉餃米苔目類似銀針粉，不過再幼細點，腍身一點，有米香。

深水埗出名多嘢食，又要搵open rice睇下有乜好介紹先😬😬星期日的節目，當然係出動去食個午餐先，行到去一個好隱敞的地方，發現有間食肆係食台式嘢，就走入去睇下有乜食，原來係台式（米苔目）見到餐牌上特別造法，全人手製造，當然要試下咩叫米苔目叫左鴨血，豬手，豬大腸，一碗墨魚丸牛肉米苔目，一碗鴨胸豬腩肉米苔目原來米苔目外表似銀針粉，但口感卻比銀針粉煙硬彈牙鴨血食物特出，樣子似豬紅，但味道就比豬紅更加好味豬手抆得又夠腍，有黃豆酸菜烹調配以調味，食落口不油不膩，湯仲可以飲，啖啖充滿骨膠原，湯亦鮮甜味美😋大腸有口感，味道又適中，食物零味精，想不到係呢區有間甘特別既台式餐廳仲有好多款小食，價廉物美，值得一試✌️

深水埗呢一間米苔目，食既就係米苔目啦見識少既我係香港除咗呢一間之外就無試過其他啦唔知仲有無呢？鴨肉生菜米苔目鴨肉真係做到齒頰留香！肉味濃郁湯底係方魚底 一試難忘 無味精既感覺米苔目就好似子彈型既米線咁 入口軟綿綿 好快就清哂碗鴨肉墨魚丸意見同上，墨魚丸彈牙爽口Q彈豆腐好得意呢一個小食，外面”煙銀”豆腐皮面入面係軟既豆腐 食落去好新奇又好食 推薦！雙脆豬耳豬脷浸有淡淡酒香，口感味道價錢都非常吸引都值得一推！櫻花可樂 限定版正宗可樂估唔到呢到都穩到，見到都興奮，今次櫻花味無中伏，有小小士多啤梨味波子汽水既感覺，下次一定要試！總結，小食嗌幾多食幾多 人情小店除了米苔目好食之外，呢到既小食都非常美味！

係鴨寮街行下，見到依間隱藏的店鋪，發現有樣叫做米苔目的食物，聽都未聽過，從未接觸過的食物，睇店鋪介紹先知係台灣米食之一，而老闆由細食米苔目大，咁新奇有趣，俾佢吸引左。米苔目-牛肉、雞肉、粟米豬肉餃睇簡介米苔目本身只係少少肉碎，但現在為迎合香港口味，有其他餸選擇，就像所有香港人都愛吃的米線一樣。米苔目原來細細條，要形容就飲瀨粉+狗仔粉，細細粒但又彈牙爽滑，豬骨清湯又十分鮮美，真係唔錯，餸方面餃子感覺是自己人手包，因為好足料，出面機整的，不會這樣，牛肉和雞肉都穩陣好食，但我食緊才發現有鴨肉，失策了，明明店有推薦，但忘記了。Q彈豆腐個人很喜歡這款Q彈豆腐，有一點椒鹽配味，但不搶本身的豆味，外皮少少脆，有點似齋雞，但內在像魚片頭的彈軟。瑤柱蟹肉碗仔翅+芒果仙草特飲蟹肉就像雪花係碗仔翅面，大大碗望落配料好似唔多，但其實都足夠每啖都食到料，而且瑤柱同蟹肉再增加多一份鮮味，最近芒果特飲，雖然隻杯好港式，但入面仍然係台灣的味道。

究竟什麼是米苔目，帶著好奇心黎到這間位於深水埗的台式小店，一窺究竟。米苔目是台灣傳統麵色，細細條，短短地，有d似銀針粉，但淋身d 。配上酸甜的番茄湯底，好美味，女女都岩食。這裡是小店格局，沒有豪華裝潢，但坐得舒適，衛生企理。店員亦有禮，比連鎖店更有人情味。除麵食，小食更是令人有驚喜，Q彈豆腐香口，還彈牙呢，第一次食彈牙的豆腐，推介，一定要試。蒜蓉鴨肉嫩滑肥美，充滿蒜香。瑤柱碗仔翅大碗足料，麻油味香濃，多木耳絲及冬菇絲。特別的是這裡有供應日本波子汽水，岩曬小朋友。

之所以留意到呢間餐廳係因為佢特別嘅店名，搜尋之下發現米苔目係一種來自台灣嘅麵食，走勻香港似乎得呢度先有，梗係要嚟品嘗一下一入到去老闆娘好殷勤咁安排位置，見我哋第一次嚟就介紹呢度嘅拿手好菜Q彈豆腐$25 –老闆娘冇介紹錯，真係好彈牙，明明係豆腐但食落好似魚蛋咁，外層煎到香口，仲加咗啲辣粉上面，用佢嚟點鴨肉嘅汁好惹味蒜茸鴨肉$48 – 鴨肉醃到好入味，肉質鮮嫩，面頭啲蔥蒜芝麻又好香。墊底嘅粉絲吸收曬啲精華，到最後一定要食埋呀!鴨肉豬潤粄條$40+酸辣湯底$3 – 好少食湯麵嘅地方有得揀鴨肉，落咗湯嘅鴨肉依然好鮮味；豬潤厚度剛好，咬落仲好爽；粄條就似平時用嚟炒嗰種河粉，偏厚身同闊身，都幾掛湯；酸辣湯底都夠酸夠辣，不過就似係用現成嘅調味料加水開出嚟，冇咩特別豬肶肉粟米豬肉餃手工米苔目$40+冬蔭公湯底$3 –豬肶肉呢個選項唔常見，一上枱果然冇令人失望!係厚肉版嘅臐蹄，啖啖肉之餘仲食到煙韌嘅豬皮，推介!粟米豬肉餃就不過不失，似平時超市買到嘅雪藏餃；手工米苔目似銀針粉，但食落更加煙韌，因為形狀比銀針粉短，而且兩邊都係圓嘅，所以比較容易用匙更食；冬蔭公湯底需然都似用現成調味料開出嚟，但味道較出色，下

深水埗大家都知道係平民食堂集中地，今次我地去到一間小店食米苔目，認真係黎之前都唔知係點樣既粉麵，但食落幾過癮。呢間店有好多唔同既湯底，其中豬骨湯底係基本湯底，我就叫左一個豬潤雞肉米苔目。米苔目本身質地幾好，食落唔會好粉，有啲似烏冬，本人幾鍾意呢個口感，表面都容易掛湯，所以的確幾好食。之後女朋友叫左個豬潤酸菜，方魚湯底飲落麵幾重方魚味，酸菜同豬潤份量都好多。小食方面係我好愛呢間小店既原因，有好多種類選擇，同時都幾好質素。麻辣鴨肉既鴨肉本身有輕滷既味道，麻辣有得選擇辣度，重點肉質都好彈牙。下一個係台南豬手，豬手煮到好淋好滑，食落好入味，豬皮唔係爽既口感，一樣都係煮到好淋，食落味道好濃厚。骨入面更加有骨髓可以吸食。重點推介係Q彈豆腐，到底係點樣做到呢種咁彈牙既口感，表面有啲辣粉同調味料，好惹味上癮。仲有就係呢到有日本入口既波子汽水，今次試左士多啤梨味，飲落幾清爽。總結小店入面唔會太迫，同時枱面設計好清潔乾淨，有好多餸菜選擇，小食亦好好食，下時經過都可以再次一試。

最鐘意去鴨療街買手錶小電芯，在當口仔買完行過幾步便看到今晚可以醫肚的小店，因為横豎未吃過米苔目。手工米苔目(2餸) $40豬骨湯底(白色清香骨味) ，豬肶肉(少鹹爽帶腍，像鹹腿肉) ，墨魚丸(有墨魚小粒粒，Q 軟), 主角來啦，怎樣形容呢 .... 不像粉仔的腍口，沒有銀針粉的煙韌，短短的米苔目粉帶微微的煙韌，軟軟不黏口，因為主打無添加劑與防腐劑，吃得放心。另一碗酸辣湯底 $43今回豬骨湯底勝，因不是雲南風味，沒有酸菜的，豬腩肉(嫩滑有咬口), 豬肝(不會有筋，新鮮)，每碗配上椰菜絲與蔥 。蓮藕片$20蔥蒜香味清爽少鹹，一口鴨肉，一片藕片。麻辣鴨肉 (小辣) $48起初吃，味道與外邊的差不多，但越吃感生蒜，辣辣麻麻，與鴨肉很夾，鴨肉柔軟嫩滑有肉味，有咬口。Q 彈豆腐 $25一面煎得香口，另一面略煎，口感像豆腐加素鴨，但比較彈牙，灑上的辣椒粉增加色彩，不辣的。台南豬手$36鹹菜仍有點鹹，黃豆腍，豬手皮沒有爛開，膠口腍軟又入味，老闆說是慢火煮數小時而成。生薑茶$8 跟餐出到薑味，少甜。冬瓜鮮草冰$15 跟餐冬瓜蓉與鮮草溶合了，用黑糖做糖水。我們把所有的都吃完！

今日同朋友行下街 見到有間軟橋米苔目餐廳🍴覺得幾得意就去左試 點知有出乎我地意料之外🤩🤩 我地叫左兩碗米苔目同兩份小食 因為未食過米苔目 所以店主都好耐心同我地介紹 仲推薦好多唔同既人氣小食比我地 服務態度超好👍🏻👍🏻 我地都超級期待😍😍 食落口非常爽滑彈牙 好得意😆😆 小食方面 我地叫左Q彈豆腐同埋煎肉餅 .米苔目豬骨湯底兩餸 $40 （方魚湯底加$3）非常爽滑彈牙 好得意😆😆 湯底我揀左方魚湯底 魚香味好濃烈🥰🥰.Q彈豆腐表面酥香 內裏充滿煙韌柔軟口感 有別於一般豆腐💯.香脆煎皮肉餅外脆內軟 肉身非常juicy 一啲都唔乾 十分惹味😋😋.評分：⭐️⭐️⭐️⭐️.地址：🍜 軟橋米苔目餐廳 (深水埗)深水埗鴨寮街249號地下B舖☎️+852 66115249

同妹子去深水埗鴨記買旅行嘢，買完又係食晏時間嚕，佢帶咗我去鴨記近欽州街嗰頭，一間隱藏在路邊攤後面的小店，個店名好得意妹子話上網睇口過『米苔目』係閩南語，係一種由粘米粉、蕃薯粉加水做成的麵食。店家每日新鮮手製而成，傳統又天然既然米苔目係主打，自己又未食過，梗係要叫一碗大家些牙啦。豬潤海帶米苔目(鮮茄湯底)好多料，除咗豬潤同海帶，上面仲有啲韮菜，好香。米苔目軟滑可口，口感帶點QQ鮮蕃茄製湯底，鮮香又開胃。豬潤新鮮好味，口感爽軟豬雜係店家推介食品之一，有十種豬雜咁多，好想知係邊十種所以另一碗係豬雜薯粉有豬雜、生菜、香芹粒，青青綠綠，心理上都感覺健康啲真係有10種架：豬膶、豬心、豬肚、豬粉腸、豬大腸、豬生腸、豬耳、 豬上顎、豬面青、豬脷。食得出食材新鮮，夠鮮味薯粉質感爽韌滑溜，夾埋豬骨湯底清新美味。涼拌蓮藕切得好薄，容易入味，口感爽脆。蒜香加小小麻辣，開胃之選。好鍾意食雞腳，於是又叫咗個試試，藥膳雞腳好香當歸味，個湯好濃飲落順喉，質感夠厚，真材實料，有黨參、元肉、紅棗、杞子，又香又甜，我哋成碗飲晒雞腳以藥膳湯慢慢浸熟，吸收咗湯嘅精華，腍得嚟仍然有咬口秘製豬大腸大腸洗得夠乾淨，無異味，甚好炆得腍