軟橋米苔目餐廳 (已搬遷) 新店位置

Alfred 係其中一個我會keep 住睇既YouTuber, 今次就專程黎試呢間佢推薦過既米苔目我叫左碗喇沙米苔目配鴨肉同新出既豬脾肉($50)，計埋喇沙湯底本身跟既金菇同豆卜，足足有成4個餸，認真啖啖餸好滿足喇沙湯底中規中矩，鐘意辣既朋友可以揀呢個湯底，小小辣。有睇條片既人都知道，呢啲米苔目係老闆每日手工製造，望落去同銀針粉幾可亂真。食落去軟滑，我同男朋友都幾欣賞，但就唔似alfred 所講咁煙韌，唔知同煙韌既米苔目相比邊個好食啲呢？餸料方面，豆卜同金菇正正常常，而鴨肉充滿肉香，推薦！男朋友叫左個鮮茄湯，墨魚丸同平日係街食既分別唔大，而雞肉處理得唔錯，推薦雞肉($43)鴨血($42), 呢度既鴨血同台灣食到個啲相比之下無咁有口感，但味道就做得好相似，同個特製湯底亦都好夾～雙脆($25), 有豬脷同豬耳，好食而且好抵食豬耳真係無敵咁爽脆，仲有淡淡花雕酒香香煎脆皮肉餅（$24），鹹香十足，適合重口味人士，炸得香口，不錯。草莓仙草甜度適中，本來唔打算飲凍野既我最後搶左大半杯黎飲😂Q彈豆腐（$25），口感好得意既豆腐真係好似食緊魚腐咁，好食價廉物美，確實值得一試

去深水埗玩完夾公仔，順便想睇下附近有啲咩好嘢食，唔係特別想食米線，但又想食麻辣湯底，見到呢間個名幾得意就嚟咗。地點好方便，好近西九龍中心。去到坐低，環境好乾淨闊落。香港應該得呢度有米苔目食，老闆娘好熱心介紹唔同小食，本身我哋想要兩碗但係都係諗住試多啲佢唔同嘅小食。米苔目個口感好特別，食落好滑又好輕身，無好粉嘅感覺，雪一啖就食咗好多粒，好令人上癮，未試過嘅人一定要試吓。佢推介豬骨湯底，但我地始終最愛麻辣湯底，湯底味道唔錯，夠味夠麻辣！（我地要中辣）我地比較貪心，叫咗雞肉，豆卜，墨魚丸，木耳同粟米豬肉餃。粟米豬肉餃好足料，可惜我影得唔夠好，老闆娘介紹嗰時都有講過皮比較厚，食落真係有粒粒粟米。鴨肉係佢嘅推介，咁我哋要咗麻辣鴨肉，啖啖鴨肉一啲都唔老唔鞋，味道好夠好醒胃，份量又夠多。麻辣皮蛋都處理得好好煮得啱啱好，又入味，因為皮蛋好易煮到好老好un。香煎脆皮肉餅，本身驚剪煎得好油膩，但食落唔覺，個皮脆卜卜，入邊啲肉好juicy，必食之一Q彈豆腐係我嘅最愛，係好特別，唔知道點解佢可以做到咁彈口，同一般豆腐好唔同，又有啲似麵筋嘅感覺，係必試推介，下次如果一個人來食都要叫！最後好想推介係呢個日本櫻花可

自從在台東吃過米苔目之後就念念不忘，很喜歡其QQ的口感! 有次路經深水埗看見這家餐廳，想也不用想就決定要試試。米苔目是以粘米粉、地瓜粉及水製成，軟滑可口。這家店是以手工製作，不加任何防腐劑，因此都是新鮮的米食。我則點了一道蕃茄湯底配雲吞的米苔目。湯底有著濃郁的蕃茄肉，粒粒鮮甜。本來是想吃粟米豬肉餃，但已經賣完，下次必定再試。不過醉翁之意不在酒，米苔目才是重點。這裡的也做得很Q很彈牙，滑溜溜的「雪」入口中，吃得非常過癮。唯一不好的就是份量太少。

最近去深水埗行街，行累了就到了這間米苔目餐廳覓食。餐廳裝修簡約，小店的格局，簡單和較緊逼的座位間隔，牆身則貼滿各種餐牌和推介，環境十分整潔，坐下也不會覺得不自在，到訪當日，店員似乎不足，唯一的樓面非常忙碌，我們等了一段時間才能下單。雞肉海帶米苔目 ($40)整個米苔目看落頗足料，成碗都海帶，雞肉份量符合預期，豬骨湯底味道足夠，略有香味；米苔目有口感，稍稍煙韌，不會被湯底浸腍。雞肉肉質一般，切成片狀，大約有四五塊左右，略略的肉味，還可以！鴨肉魚旦米苔目 ($40)目測不及雞肉海帶足料，魚旦不多，只有約三四粒。鴨肉和雞肉份量相近，符合預期。豬骨湯底味道足夠，略有香味；米苔目有口感，稍稍煙韌，不會被湯底浸腍；魚旦爽口彈牙，惟份量不足；鴨肉肉質一般，切成片狀，大約有四五塊左右，偏硬，不算好但可接受。餐廳食品質素還算可以，即使有挑剔的空間，價錢也未算相宜，但考慮到餐廳似是小生意，持續在香港經營實在不易，而且主打米苔目的餐廳實在少見，還是值得支持一下的！

唔知大家有冇睇過一個連登post話，瀨粉一定係最古惑既食物，因為夾到埋口都會溜走。(痴女小編：其實感情咪一樣，以為會開花結果咩，最後又為何結果不是我想像的，嗚嗚嗚)講番正題，原來米苔目都係古惑仔既一份子，比佢既兄弟銀針款淋啲軟啲，都係滑嘟嘟夾唔到，只可用匙羹。當日小編同友人各自叫左碗米苔目，一個乜Q軟豆腐，一個拍青瓜。米苔目可以配兩個餸，我地分別揀左鴨肉，豬潤同豬脾肉，而湯底default係豬骨，不過我地加三蚊轉方魚湯。食得出食材都新鮮，湯底都冇乜味精，但就不算好特出，係清淡、飽肚之選。另外Q彈軟豆腐係我鐘意既口感，好彈牙，似食緊魚片，但調味只有五味粉，有點兒單調。最後就係拍青瓜，呢個可以唔叫，因為冇乜蒜味，唔夠香。平日夜晚六點九左右到店，食左一個鐘，發覺店內都冇乜食客，希望老闆可以改良下煮法調味，例如提供辣菜脯，然後有更多人會幫襯。總括嚟講，感覺上呢間小店都係真材實料，值得支持的。

有一段時間在深水埗做野深水埗出名多平靚正野食而我亦好鍾意幫襯小店同試新野所以就周圍覓食～上網見到呢間野幾特別又多好評就走去試下～但呢間野都幾難搵下我兜左幾個圈先去到大家去要留意啊叫左佢既招牌鴨血鴨肉米台目老實講其實唔太特別但亦唔算難食既鴨肉有啲老而鴨血就爽口唔腥想試新野可以去一次～

之前嚟過2次，食物唔算特出但可以，價錢相宜，印象最深刻係有個阿姐好熱情，服務態度好，香港少見。今次嚟加咗價，15%以上，都算啦。換咗人，阿姐好忟，有生意好似受罪咁。當住客人面話之前個客阻住佢食飯，個客越無耐性就特登遲d拎碗野比佢，希望佢早走早著。香港的確好多客人好無禮貌，但好多服務行業員亦好差，呢個阿姐就係其中一個。食物同以前一樣，香港好少見米苔目，算合格，但唔impressive. 台灣食物，香港服務，既然佢地嘅態度唔休做，亦唔係真係咁好食，我地都唔會再嚟啦。

入到坐低睇完餐牌，叫店員落單第一次未有理會，再舉手叫佢，店員態度無禮地說：得啦，睇到啦。好啦叫左碗 鴨血鴨肉米，鴨肉又老，鴨血成舊硬塊咁，又腥。另外叫左碗苔米，以為好出名 係牆到有晒介紹又盛，點知一食落去，又粉又漿，碗野其實碗菜都還可以，但千奇唔好再叫苔米仲有個Q彈豆腐 睇d食評以為好食，一黎到 入口好大陣油億味，似萬年油煎出黎野食到台既時候又大聲，睇住阿！小心後面，又大聲又無禮。咁既服務 真係有待改善食過一次 唔會再去

未食過米苔目,專誠來試一試！食物質素： 方魚湯底米苔目湯底清！食完唔會口渴！可能有人中意濃味就要自加調味。米苔目..細細條似銀針看似唔夠飽,但食到尾都好飽！ 有鴨血食！少有配搭！ 豬潤厚度夠...仲有粉嫰唔會過熟都係如果中意濃味,要再加辣醬！ 小食方面選擇多 試左涼拌皮蛋醉香雙脆皮蛋正常不會有異味雙脆食落味道夠，香味俱全！ 但切太薄...如果厚番一點,質感會更好！ 待應好細心 會介紹下小食 皮蛋又有得揀辣/唔辣整體小店食物味精少，感覺健康點

這樣的天氣 很容易被病毒打敗我都不幸成為打敗仗的一份子口淡淡 又無胃口 不知吃什麼好想來想去最後醒起早前行經鴨寮街旁有一間門面不太大 但有大大的招牌的台式麵店好 今日就試試看！為了減少等候時間 先打電話落單墨魚丸扎肉米苔目 $40 (外賣加$1)言談間才發現原來已經加了價 (Op的menu 相不是最update)老闆還說笑叫我拿外賣時記得影返新的價錢餐牌一開蓋 好香豬骨湯同葱味米苔目 其實即係類似銀針粉但比銀針粉細小同chewy 呢間嘅米苔目口感幾好 無比湯浸到淋晒份量都好足個墨魚丸好好味普通嘅墨魚丸口感比較實但呢間墨魚丸嘅口感係類似魚蛋咁爽口彈牙 但 仍然有墨魚丸嘅味道而最重要係食完成碗粉都無覺得好口渴如果食得太多三哥 悶悶地可以試下

今曰陪男朋友去深水埗買野，所以順便係到食埋dinner，見到軟橋米苔目都有幾多好評，而且又有我們都喜歡的鴨血食，一於去try try！店舖不大，環境也一般，是一間老店。晚上7點幾去到，等左5分鐘左右就有位啦。鴨血米粉鴨血同麻辣係絕配，可惜一時忘記左叫麻辣湯，所以鴨血食落冇乜味，而口感是爽嫩的。米粉是偏滑身那種，所以感覺上易d消化。香煎脆皮肉餅完全食唔出係咩肉！明顯煎過龍，一點都不脆，口感好硬好實，而且好油膩，食左兩舊就放棄左。瑤柱蟹肉碗仔翅味道同平時食開嘅碗仔翅差不多，賣點係加左蟹肉，蟹肉份糧都算多。藥膳雞腳一碗有三隻雞腳，雞腳都幾大隻，但炆得唔夠淋、唔夠入味，個湯嘅藥材味亦偏淡。Q彈豆腐名副其實：真係好Q彈！外面薄薄炸得香脆，撒上一些椒鹽，而裡面的豆腐口感彈滑，好特別！超級推介！

今日去深水埗尋好西，行行下鴨寮街見到間食台灣粉麵既鋪頭(軟橋米苔目餐廳)，平時食港式粉麵就多，真係冇食過台灣既，所以就入左去食。就揀了扎肉，雞肉湯米苔目，豬骨湯底。另一伴就揀了海帶，墨魚丸湯米苔目，豬骨湯。台南豬手，這道豬手煮得超軟稔入味，豬手都吸收了酸菜湯的味道，鹹中帶酸很不錯。整體感覺小食亦很多樣又好吃，價錢更是很平，我會再來試試其他麵種和小食的。

嗰日經開深水埗，見到間新野，仲要係特色台灣嘢喎！openrice下又見幾多好評實冇死啦！於是同男朋友過去試下囉，一食，有驚喜啊！不過係驚多過喜囉DLKH🤤🤤-一行入去見到餐廳既牆痴滿嘢食相，又有米線又有小食，好似好吸引咁😋重點係價錢都合理😋咁就比佢伏曬啦😍-1️⃣湯米苔目系列 $36 包兩個餸 另加一餸+$7米苔目係咩呢？問左店員話係台灣特色野喎想試下啦所以叫左💁🏼米苔目煮到腍淋曬 咬開粉散 係真係一不起就碎曬嗰隻🤡啲麵真係淋到我唔知講咩好我地揀左三個餸，分別係: 香菇貢丸、韮菜、雞肉，跟埋野菜絲炸菜豆腐卜，都係就咁煮啫冇特別叫左喇沙湯底，又係唔知自己食緊咩，辣又冇椰香又冇🙉店員姨姨仲自稱米苔目好地道，真係地道到我😭出黎呀DLKH-2️⃣鴨血鴨肉米粉 $42嘩嘩嘩，上到黎真係不得了！😍😍啲餸多到爆炸💥💥🤤起碼有十舊鴨血，八片鴨肉，另外比左好多韮菜豆腐卜等配料，以為比得多料就好野？啲鴨肉我都唔知自己食緊乜❤️湯底完全冇味😋🤤清過清湯😊啲米粉淋到hihi，唔講以為我地兩個係老人家要食d糊仔，咩都煮到爛曬❤️-3️⃣花雕醉香豬雙脆 $25唯一正常既一個餸，都叫脆口既，但$25得細細碟，唔值囉-4️⃣涼拌蓮藕(大

朋友介紹話好好食。就黎試下呢間台式野。佢既小食有好多。q彈豆付, 好好味必點。口感似魚付但其實係豆付only....佢既鴨肉米線 都好好味。豬大腸不錯 都可以點來食。q彈豆付必點。

常常行過未必留意到這小的店舖，今天以試著吃心態去吃午餐。坐下來，叫了鴨肉韮菜餃粉、台南一個豬手飯和蒜泥鴨肉。很有台南風味，食物質素不差，真沒想到香港也能吃得到。原汁原味，吃完後沒有口渴的感覺👍🏻！ 下次可以考慮試試另外款式😁！