辣辣屋

营业中

休息中

聯和墟 一 話近唔近，話遠又唔係太遠嘅（你住新界嘅話），粉嶺站轉乘278K往聯和墟循環線都只係$3.8，十分八分鐘就已經到。辣辣屋位於聯和墟舊街市旁，即係果套《每當變幻時》嘅取景地。舖面唔大，都係做街坊生意多，夜市有七八枱客幫襯，都希望略盡綿力，寫篇文支持下啦。餐廳主打多款口味嘅烤魚，分別有麻辣、泡椒、酸菜、泰式冬蔭功、泰式酸辣及蒜香雜菌，同行友人話冬蔭功好好食喎，仲有就係串燒同埋超大杯嘅Jumbo Drinks!香辣泡椒烤魚-中辣（$298）：首先，烤魚採用江團魚，魚肉非常嫩滑及少骨，每條魚平均重近兩斤，新鮮肥美，真係啖啖肉唔係講笑，烤魚梗係必食之選。湯底夠香夠辣，食開譚仔小辣嘅我，收汁前都仲飲到半碗湯，收汁後啲泡椒又出曬味都真係覺得有啲辣。另加$48有雜菜拼盤（土豆片/金菇/腐竹/蓮藕/海帶），湯底收汁後再灼黎食，的確濃郁惹味，尤其係腐竹。另外，鴨血夠滑，大大塊，唔會有腥味。燒蠔-芝士及蒜香（$88/4隻）：可從芝士、蒜香及香辣選兩款口味，蠔夠大隻，燒完都唔會縮好多，幼滑且多汁，蠔味適中，個人偏愛芝士焗蠔，好惹味。燒牛舌（$38/串）：每串三件，口味香辣，配有沙嗲醬汁，確實惹味，唯

聯和墟係一個美食天堂應該無咩人會反對，我自己真係由學校時代已經蒲開呢頭。我自己就鍾意呢個地方多餐廳小店，唔會食來食去都係連鎖店。今次朋友帶我試的烤魚店係舊街市的小巴站旁邊，地方唔算難揾。呢到的烤魚用了1kg的江團魚，呢種魚出名少骨，吃起來除了啖啖肉，而且都比較方便。食烤魚除了魚要好，「湯底」同樣重要。餐廳叫得辣辣屋，當然會有不同的辣湯底啦！50HZ麻辣、香辣泡椒味、泰式冬蔭功。如果唔太辣得的朋友仔，可以揀老壇酸菜、蒜蒜蒜雜菌味，仲有我今次揀的泰式酸辣味。等了10-15分鐘到，我的泰式酸辣烤魚已經準備好。大大條的煎香的魚，加上大量的香茅、檸檬葉、肉碎，酸酸辣辣非常惹味。由於條魚唔多骨，可以享受真正的啖啖肉，而且魚肉滑溜，入口唔鞋口。大家仲可以揀幾款配料伴魚肉。有惹味的酸辣湯底，當然要揀「吸味」的食材，彈牙的薯粉及枝竹係我的Must Have，$18/份真係幾抵食。食辣野，飲品基本上係必點，30幾蚊杯1300ml飲品，真係良心價，而且飲品的選擇都必常解渴解辣。我點了一杯檸檬冬瓜茶，甜甜的冬瓜茶加上淡淡的檸檬香，味道好足，啱晒唔鍾意飲有氣飲品的我。朋友仔就點了估唔到好味青瓜梳打，清爽的梳打，

勁鍾意食烤魚既我，一見到烤魚就會發癲要想食，今次食烤魚就嚟到粉嶺呢間叫做辣辣屋餐廳，入到去睇完Menu之後其實佢哋都有好多嘢食，但係今次我哋主要食烤魚所以我哋就向着烤魚進發，叫咗一條麻辣味嘅烤魚因為魚種類冇得選擇，佢哋用嘅係江團魚，另外就加咗四款配菜，佢哋Menu上面加配菜五款以內就會係$18 ，如果五款以上嘅話就會收返$20，佢哋除咗烤魚之外仲有一啲BBQ串燒，台灣菜，咖喱菜等等，所以如果唔食烤魚的話，都可以有其他選擇，叫完等咗一陣之後我終於都嚟到啦，已經聞到好香麻辣味，我哋叫咗小辣，所以略嫌唔夠辣，但係可以食到少少辣嘅朋友就啱晒，因為佢真係唔算太辣，配料餸菜亦都好多，本身以為好似出面咁樣放埋落個魚盆度一齊上枱，但係原來佢哋分開一碟碟上枱，所以份量都唔少👍🏻👍🏻👍🏻飲品我哋叫咗一炸水果茶，用咗一個好大嘅杯裝起咗好多水果，味道唔錯，只係雜果飲料咁樣，唔會太甜，咁大杯二人份量剛剛好👍🏻👍🏻

琴晚同朋友嚟到粉嶺聯和墟呢間食烤魚嘅辣辣屋。可能因為係平日嘅夜晚，所以人唔算多，坐得幾舒服。佢餐牌上面有咖喱，但因為呢度嘅主打係烤魚，所以我同朋友就揀咗一個冬陰功烤魚。比着平時熱愛麻辣嘅我一定會揀麻辣口味，但因為身體緣故同埋朋友唔食辣所以呢只係揀咗微辣嘅冬陰功口味。條魚本身份量都好驚人，魚肉厚實，上面擺咗一對我最鍾意嘅芫荽，入面有菇、洋蔥等配料。一飲啖湯，冬陰公嘅香料味好出，好似去咗泰國咁。加配配料方面我哋只係叫咗薯粉，但個份量都大到嚇親我哋。嘢飲方面，我哋就揀咗水果茶，個水果茶並唔係一杯杯，應該用一揸揸去形容，個份量應該唔係for一個人掛。。。小食方面，我哋揀咗蒜蓉燒茄子同埋一口甜薯，值得一提嘅係一口甜薯喺燒完之後，個皮變得有少少煙韌，冇平時食火鍋放題配料咁淋同濕，好味，值得一試。

好少過嚟粉嶺，放假入沙田大圍行吓，晚餐一於就過嚟粉嶺搵食。聯和墟呢邊有好多唔同嘅餐廳小店，我哋就揀咗呢間食烤魚嘅餐廳。入到去，座位數量雖然唔多，但幾乎全部都係卡位。呢間餐廳除咗食烤魚之外，仲有好多BBQ嘅食物，同埋一般港式茶餐廳見到嘅西餐。我哋嚟到，就梗係叫一盤烤魚啦！呢度嘅烤魚全部都係江團魚，好少聽到呢種魚，我哋揀咗泰式酸辣味。上菜見到成條魚好大條，而且上面鋪滿泰式香料，淹沒晒成條魚，視覺效果一絕！條魚本身有炸過先再上盤，所以聞落都好香。食落去嘅口感好鮮嫩，唔會烤到老晒，同啲香料好夾。我哋另外仲叫咗一份薯粉，呢種薯粉好快就煮淋，而且索晒烤魚汁嘅香料味，好似食緊酸辣粉咁！我哋又叫咗一份燒水牛城雞翼，一份有四隻，每隻都大大隻！未食已經聞到嗰陣燒烤嘅味道，食落去好Juicy，微辣，夠晒bbq癮！呢度仲有幾款唔同嘅特飲，佢寫明係800 ml，其實夠兩個人飲有突，但我哋數學太差，完全對800 ml 冇概念，結果一人嗌左一杯，唔怪得個侍應姐姐仲特登走黎問我哋係咪真係叫兩杯！我哋叫咗菠蘿特飲同凍柑桔檸，兩杯夠晒冰涼，完全解到烤魚嘅辣。今餐食到飽飽，聯和墟真係好多美食，下次經過又試吓其他嘢先！

喺粉嶺站坐小巴3.5hkd到餐廳，行路需時15分鐘，係聯和街街市及熟食中心附近。日式生薑燒豚肉飯 52hkd配熱柚子蜜 2hkd薑味唔係咁重，正中間有個流心蛋黃， 三成熟， 剛剛好可以拌牛肉食，燒汁多，想咸d可以Mix埋燒汁食。泰皇咖哩牛坑腩 54hkd(椰漿製作)凍菊花蜂蜜 2hkd牛坑腩四大件， 黃咖哩好香濃， 甜甜地， 上枱何時好夠熱， 有意外驚喜係呢一個set原來有曲型炸薯條。大粟的愛。。。。好潮點餐時諗左一陣有冇讀錯字，我諗3個月都係真係唔會唔記得，配上原條大大大大條既鯰魚柳，魚柳爆大粟激戰由11:30am到5:00pm結束雞扒脆脆豬 35hkd 黃色芥末醬，蕃茄，青瓜，生菜，雙面金黃色的雞扒，一路食芥末醬一直係包到流出漏到成張枱都係，非非juice.......口感多層次豬扒脆脆豬 35hkd沙律醬，蕃茄，青瓜，生菜，整體都okay，但雞扒脆脆豬真係不能取代。。。。。3人食，平均一人70蚊

之前食過呢度嘅烤魚，突然又掛住嗰份惹味，即刻捉埋老婆再嚟食喇我哋集中揀啲餐牌上寫住「best seller」嘅菜式，兩個人叫咗一份小食、一份拌麵、一份烤魚同飲品。蒜香黃金皮蛋黃金皮蛋色澤誘人，比平時食到嘅黑色皮蛋蛋味冇咁濃、易入口啲，軟糯嘅溏心蛋黃＋彈嫩嘅蛋清，口感極佳；加上濃濃嘅蒜香，呢份皮蛋真係encore之選香蔥肉碎拌麵成餐都係食濃味嘢，所以我哋叫咗呢份簡單香口嘅拌麵，都幾好食。泰式冬蔭功烤魚主角嚟喇！上次試咗泰式酸辣，今次揀泰式冬蔭功湯底（小麻小辣）。職員好快就送上大大份嘅烤魚，等緊條魚滾嘅時候已經聞到陣好香嘅冬蔭功味，令人流曬口水小麻小辣對唔太食得辣嘅我哋嚟講都好夠辣、好惹味，真係越食越辣，越辣越爽！個湯底除咗香辣，仲帶有淡淡嘅椰香，我哋都忍唔住飲咗碗冬蔭功湯，好正。烤魚份量次次都好足秤，啖啖肉，冇乜細骨，肉質肥美嫩滑。凍柑橘檸檬呢杯飲品真係超大杯超抵飲，真係要兩個人share先飲得曬。酸甜清爽，食辣嘢嗰陣飲真爽曬。第二次嚟幫襯，食物水準keep住都係唔錯，又坐得幾舒服，值得翻兜。

夜晚係聯和墟搵食，見到辣辣屋有得食烤魚，就即入。老實講，係北區真係選擇唔多，難得有咁特別既野食，梗係要試下啦！餐廳就唔係好大間，不過裝修幾新，同埋好多卡位。首先就一定點烤魚，考慮到得2個人食，我地都唔敢再加配菜。泰式冬陰公烤魚（江團魚）條魚送到黎之後，加熱就食得。魚肉好滑，唔腥，一D都唔覺得辣，重好野味！鍋有車厘茄，秀珍菇，娃娃菜，紅洋蔥等配料。 香草亦落足，感覺好足料。飲品點左多人推介既Signature 水果茶。Signature 水果茶係非常大杯，服務員重好細心咁準備埋2個杯俾我地開心share橙，青檸，百香果，蘋果，薄荷葉等就一定唔少得。不過個人覺得略甜左d。蒜香黃金皮蛋見個名好吸引，真係金黃色。唔知係點做到既呢不過食落唔覺有好大分別！蒜燒茄子好大條同香口，不過因為茄子吸油既關係，會覺得膩左d!蘆筍雞中翼新鮮燒，幾好食，又冇骨，有d似釀雞翼既做法！整體俾我感覺唔錯，有機會會再黎！

有朋友最近搬左去聯和墟，不過佢仲未執好屋企，所以我地就落左樓下食入夥飯，點知就俾我地發現左呢間寶藏小店，呢度環境都幾闊落，而且裝潢都幾chill。泰式冬陰功烤魚我地嗌左冬陰功味烤魚，條魚好大條，而且又有魚食又有湯飲，我同朋友2個人淨喺食魚已經飽曬，啱啱上枱嘅時候條魚煎到酥脆，冬陰功湯滾左之後我舀左碗湯黎飲，呢個湯底微辣，唔食得辣嘅朋友都食得津津有味。啱啱滾嘅時候食條魚仲喺外脆內軟嘅，已經覺得好正，點知之後越煮越入味，更加好食，魚肉嫩滑爽口，魚皮吸埋湯汁之後更加喺一絕。燒牛舌 蒜燒茄子我地非常滿意佢地嘅烤魚，雖然我地食完魚已經好飽，但喺我地就想試埋佢地嘅串燒係咪都一樣咁好味，我地揀左牛舌串燒同埋茄子，結果勁有驚喜。牛舌好juicy好香，牛味勁重，我地完全唔捨得點醬，因為原味已經好正。茄子都好香甜，蒜香味啱啱好，唔會有苦味，整體水準唔錯。凍檸檬泰薑蜜呢個薑味勁重，薑嘅辣味分分鐘仲辣過個冬陰功烤魚，如果喺薑嘅愛好者應該會好中意，配埋檸檬嘅酸，成個野飲都幾fresh下。

今日入咗粉嶺搵朋友屋企隻貓貓 玩玩下開始肚餓又唔想叫外賣就睇吓附近有咩食 然後見到呢間辣辣屋 本身係俾佢嘅烤魚同埋串燒吸引住嘅🤩 但落到去先知原來烤魚只係夜晚時段先有🥺 不過都唔緊要 望到佢嘅下午茶都幾吸引又抵食🤣 我哋都叫咗幾多嘢食🤩 川味無骨口水雞麵 $58先講個麵 個湯好香唔會好辣都唔會好鹹 麵條應該係麵線幼身唔會話吸晒啲湯 都幾有咬口～ 口水雞好惹味😋 辣度鹹度適中 越食越惹味😌 泰式酸辣鳳爪 $68唔知做咩朋友突然間話想食呢個😂 冇骨又酸酸甜甜 幾好味嘅開胃菜😌 韓式炸魷魚鬚 $58因為本身想食佢嘅串燒魷魚🦑 但只係晚市先有 所以就叫住呢個魷魚鬚代替住先😬 炸得酥脆乾身 魷魚鬚又唔會好韌咬唔開 脆脆又香口好好味😋 椒鹽雞中翼+沙律+脆薯條+西多 $40追加 香脆奶油豬配火腿奄列 +$12嘩🤩 呢個下午茶餐真係好邪惡啊😈 薯條同雞翼都炸得好香脆 西多半份香脆奶油豬都係半份 每樣嘢都想試少少嘅就啱晒喇🤣 加埋啲沙律菜感覺上都冇咁邪惡😛 煉奶花生醬多士 $30呢個係朋友話想食 麵包烤得脆身 係正常嘅奶醬多🤣 川味手撕雞乾撈 $52呢個就真係做得幾出色幾好味😋 本身都好驚啲醬

今次就帶大家去得有點遠 就係粉嶺嘅聯和墟，聽說聯和墟都係個好多美食聚集之處有機會黎到滿足口腹之慾呢間晚市就主推烤魚同烤串，當然除咗烤魚外有d泰式咖哩啊，碎肉飯等🔸泰式冬陰公烤魚$298條魚好大條~~D肉好易夾，又沒乜骨，唔怕啃骨😜冬陰公香料好足重椰香，唔太辣佢仲自帶少量娃娃菜同菇類，吸哂冬陰公味呢另加$18會自選配料 咁我地就揀左午餐肉同公仔麵🍜 午餐肉就講都幾大份 唔怕貴啊🔸燒牛舌$38非常推薦！牛舌厚而有肉，調料酸辣酸辣 好惹味一定要試🔸百香果檸檬茶食呢啲重味嘅嘢點可以唔叫凍飲啊！好大杯啊，朋友情侶叫一杯都夠share啦，唔太甜，好飲！推薦推薦！其實仲有好多款熱門小食都想食，例如烤茄子同黃金皮蛋有機會再黎一定要叫！另外友人表示呢間牛市大推佢個豬仔包喎

鐘意食辣既我最鐘意係食烤魚近近地去聯和墟試一試 解一解麻辣癮之苦—觸電麻辣烤魚（$298）見到寫住best sell 就一於試試佢一黎就叫左中辣 辣辣屋果然名不虛存越食越辣 好正再加上配料包括安格斯肥牛（$148）萵筍 金菇 鴨血 薯粉（每款$20）配料份量多 抵食肥牛睇得出唔係普通貨 牛花好靚加上江團魚亦好大條 單單烤魚份量都夠兩個人食—蒜蓉/香辣燒日本廣島蠔（4隻$88）唔食芝士既我一次過試左其餘兩款口味蒜蓉味香 香辣惹味加上鮮甜既廣島蠔 每人兩粒都覺得唔夠想再食—燒牛舌 （$40）必試之選 厚切既牛舌有牛味之餘又有咬口加上泰式酸汁好惹味泰北黑毛豬串（2串$40）食豬最怕好鞋 黑毛豬唔鞋之餘亦好食—Signature 水果茶 （$42）欣賞呢間野飲大大杯 有成800ml絕對對得起呢個價水果茶唔會好甜 有水果啖啖香味幾好飲—值得讚既係食物質素好之餘服務態度都好好員工主動服務 亦有關心客人需要環境又坐得舒服值得下之再黎食烤魚

今次黎到粉嶺既辣辣屋，一心諗住食佢個烤魚🤤🤤呢度既烤魚味道比出面多好多選擇，最估唔到係有冬陰功味，不過最後我叫左泡椒味既烤魚😋佢一上菜時我個反應係咁大份既😲原來佢係保證有1kg ,呢個價錢咁足料，個老闆仲有賺既😧佢個烤魚大之餘入面都有啲配菜，有鴨血，芽菜，大白菜，海帶結，配埋個汁，真係一絕，勁入味，而且佢個泡椒味唔會話係一味得個辣字，幾有層次。除左烤魚之外，我地亦都嗌左啲小食，有焗蠔，燒牛舌，茄子同凍蝦。焗蠔：🌟🌟🌟🌟🌟火侯岩岩好，食落仲有蠔既鮮味燒牛舌：🌟🌟🌟🌟個調味粉好野味，唔會搶左啲牛味燒茄子：🌟🌟🌟🌟🌟燒到剛剛好，好香又多汁，正凍蝦：🌟🌟🌟🌟🌟蝦好新鮮，配埋個汁，簡直係神來之筆食左咁多重味既野，緊係要叫杯野飲拉，但我真係無諗過係咁大杯😂😂😂我叫個杯水果茶，入面勁多水果，勁多料，而且酸酸甜甜好解膩👍👍如果下次經開我諗我都會再入黎食，性價比高，值得一試

今日同啲朋友一齊去粉嶺，所以就去左聯和虛搵野食，可能天氣太熱，只係想食啲酸辣野，所以就揀左「辣辣屋」黎試。不得不讚呢間餐廳既裝修同座位真係幾舒服👍👍唔會話好迫，坐得好舒服🤣🤣入正題拉，我地叫左個泡辣烤魚，真係痴線嫁，勁大條勁足料🤤🤤重點係佢個味好正，好野味，魚肉又超滑同嫩，我個人超like 呢個烤魚，而佢入面有鴨血同配菜，索哂個湯汁，勁正👍👍👍👍🤤另外我地嗌左杯水果茶同檸檬冬瓜茶，一見到我都嘩左聲，大杯至我覺得幾個人share 都得，太誇張拉，真係性價比極高😍不過我誠意推介一定要叫水果茶，勁足料，又勁好飲😍😍一試難忘除此之外我地仲叫個蒜香焗蠔，凍蝦，牛舌同茄子，先講個焗蠔先，真係好出色，焗得岩岩好，勁新鮮，激讚👍👍😋到個凍蝦，我覺得個汁係個靈魂，酸酸辣辣，好開胃，而個牛舌，勁有牛味👍最後個茄子，燒得岩岩好，而個燒烤粉超級正，唔會話好咸。整體黎講，我對呢間餐廳既評價好高，野食好食之餘，啲staff 超好service 👍👍

今日嚟到呢間食烤魚，聽聞係新開嘅而且網上都好多人讚，所以特登過嚟試吓係咪真係咁好食呢！入到去，環境寬敞，牆壁都有藝術設計，好有特色。入到去既時候，服務員好nice，介紹我哋烤魚嘅有邊啲口味。泰式酸辣烤魚🤤唔係太食到辣又鍾意食酸嘅朋友可以試吓！烤魚一嚟到比我想像中多好多材料。除咗大大條魚之外🥰仲有好多芽菜，雲耳，娃娃菜，海帶係底！條魚有好多肉，大大啖，仲要食極都有，2-3人share一條差唔多。至於味道方面，啱啱好，好好食，特別係去到之後啲蔬菜吸收啲汁，十分好食🤩除咗烤魚其他串燒都超好食，特別係燒茄子。千祈唔好覺得佢好普通，佢係相當之大條，而且燒得好有味，唔會太油，又可以帶到個種蒜香茄子味道。其他串燒都好好食，而且有兩個醬汁俾你揀！飲品方面可以揀呢個水果茶，其實佢菜單裏面嘅飲品全部都係一jar，大概有四五杯，食烤魚配水果茶簡直絕配！