辨面館 (已結業)

同事推介，石板街行上去右邊巷仔新開左間面館，襯lunch上去食下，星期五1點左右已經要等位，想食既最好早小小去，同埋餐廳比較窄最好1-2個人食就唔使等咁耐。好在佢有拉麵店特色自閉位，一個人食lunch都無所謂❣️🔸招牌蝦米辣油拌蝦球麵🔸$78個汁調得好惹味，麵條比較彈口唔會太稔，蝦大隻新鮮🔸慢煮吉列豬扒擔擔麵🔸$98傳統上海擔擔麵味，花生醬味濃稠，慢煮吉烈豬扒同平時吉烈豬扒相比較嫩，而且炸皮唔厚，值得再食餐前小菜有滷水豆腐同花生，豆腐份量都ok有誠意👍

今日路過中環擺花街見到辨麵館同區黎講 價錢相宜緣份嘅關係買個紅燒牛肋面（唔好意思冇影相）估唔到充滿驚喜牛肋又淋又入味 ，湯底味道同份量都剛剛好👍🏻👍🏻👍🏻

食晏時間隨意搵倒呢間位於石板街少少隱蔽嘅麵館，點知食物有驚喜！1）慢煮吉列豬排擔擔麵 - 擔擔麵個湯底好香濃（有少少辣），麵條個質感好好👍🏻隻糖心蛋好好食😋2）紅湯龍利麵 - 個麻辣湯底好香！龍利魚肉好滑另外，午餐跟嘅小食酸辣蘿蔔都好好食～中環食lunch黎講呢個價錢有咁嘅質素已經好難得，加油！*之後再試咗佢哋嘅古早肉操拌面外賣（如圖）個麵底同糖心蛋都係一樣好食，有大量肉操醬，個人覺得擔擔麵出色啲。

辨面館BMG - Bian Mian Guan中環威靈頓街51地下A號舖同事講到好好食 要帶我食好西位置比較隱蔽 係石板街附近行到入去都要等一陣坐低入去睇到店鋪又唔算好大可以坐到4-5張枱上網一睇先知呢到係灣仔川菜嘅前米芝蓮一星主廚開呢到都算係四川MAX台灣LUNCH會送小食同飲品招牌蝦米辣油拌蝦球麵蝦米辣油係自家調製 好香紅油唔算好辣 一上黎枱好有川菜味道D蝦好彈牙 仲要每粒都好大粒架麵都好好食 每一條都有醬油沾上夠哂彈牙 爽口 超入味慢煮吉列豬扒擔擔麵有D似日式炸豬扒咁都好大塊既豬扒底有D雜菜放係低到 無咁油膩個擔擔麵一上菜係勁香花生醬同麻油味道將豬扒慢慢浸入去個湯到 再放入口 超惹味完全提升哂成舊豬扒 食落好有質感但個湯本身好濃 所以食2-3舊豬扒就開始會好個麵底都唔係好硬 師傅煮得岩岩好 每一條都好分明呢間真心店鋪小小 但值得再去一試 價錢係中環都尚算正常 未到話好貴

佢ig highlight有得睇menu呢間嘅師傅喺前一星餐廳主廚 餐廳新開 但位置比較隱蔽 所以冇乜人知 就算係午餐時間都冇乜人流🥲 午市$68起包前菜 主食同飲品 中環嚟講算抵玩🤣不過個人覺得份量比較細 男仔未必夠飽前菜喺兩粒紅油抄手 個人覺得唔辣 如果爆得更香就好🤣————————————————————————🐕魚籽棒棒雞香醋冷麵（$75）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯冇乜醋味🤣反而幾似麻醬手撕雞撈麵 麻醬帶有麻辣味 甚為濃郁香口質地比較濃稠杰身均勻地包覆住每一條麵可惜如果麵質更彈牙煙韌就好愛麻辣冷麵嘅人不妨加少少紅油抄手嘅辣油香氣會昇一層樓😋————————————————————————🐕古早肉燥拌麵（$75）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯肉燥唔算多 反而醬汁夠醬汁偏向咸肉燥比想像中液態不過依稀都能掛上麵身最正反正係粒溏心蛋😋————————————————————————🐕濃湯三黃雞麵（$85）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯三黃雞起了骨 普通水準 至少不柴雖話濃湯 但其實好凊 雞湯味欠奉 淡而無味 味寡 量寡 建議試吓其他菜色🤣

A bit hidden on Pottinger Street, go and find BMG behind the costume stalls. Very tasty, elevated Sichuan food. A cosy atmosphere almost like a private kitchen as you can see the chef cooking right next to you in an open kitchen. Especially loved the saliva chicken, fried prawns and wontons. Will definitely come back and enjoy more!

Lunch set ($138)Starter: 紅油抄手 (2件)Main: 招牌蝦米辣油拌蝦球麵超級推薦呢一間餐廳畀係中環返工嘅朋友仔！佢係由一個米芝蓮一星中菜館嘅廚師開嘅, 位於中環嘅一個小角落, 係餃掂嘅附近轉彎有個梯級, 梯級嘅其中一間小店就係佢啦！個人係非常之欣賞佢嘅服務態度, 好熱情亦好樂意介紹每一款食物嘅由來呀、點樣可以食得更加好呀咁樣嘅。首先就講佢嘅紅油炒手啦, 真係超級好食。食到本身抄手餡料嘅飽滿, 同埋食得出嘅紅油係自家製嘅, 非常之香非常之好味。跟住就係佢個招牌蝦米辣油拌蝦球麵啦, 佢嘅蝦米辣油呢亦都係自家調製架。我覺得用呢一個價錢食到一個米芝蓮level嘅川菜真係超級物超所值。而且因為佢係一間新開嘅小店, 都唔係好多人知道呢一間鋪頭, 所以都希望大家都可以去試下, 唔好俾呢啲有心有力做嘅舖頭消失呀！Address: 中環威靈頓街51地下A號舖Shop A, B1/F, 51 Wellington Street, Central港鐵香港站 C 出口, 步行約6分鐘#food #foodie #foodhk #foodiehk #中環 #美食 #中環美食 #上環美

一行五人包場食川菜原來大廚係前米之連一星主廚自己開鋪，新店優惠堂食有九折店員有禮貌，會介紹不同既菜式推薦大家食水煮安格斯牛小排可以自行選擇辣度，食落有驚喜，除了牛肉，仲有紅薯粉酸菜魚仲有烏冬，大人細路食得津津有味適合一家大細去食仲有豆沙鍋餅

難得放假早起身，就梗係要出去行下啦。行完一日都已經攰到諗唔到食咩，又咁啱聽個朋友講灣仔川菜嘅前米芝蓮一星主廚自己開舖，咁就梗係要去支持下！！！雖然小店menu可以揀嘅item唔多，但全部都好吸引好想試，可惜得兩個人自己又食得唔多，今次試住少少先，等下次再去食其他嘢 🤤地方唔大，但都坐得舒服，乾淨整齊～開放式廚房仲可以同師傅交流，又可以順便偷師，正👍🏻中環返工嘅朋友都話地方算就腳，價錢都合理，可以覆桌 😏