農耕記 湖南土菜 (東港城)

营业中

休息中

豬肝爆炒夠香夠味配合埋辣椒，蔥，好夠惹味，叫左小辣都好夠辣，如果唔食得辣嘅朋友可以試吓小辣，其他菜都好惹味，同樣都係叫小辣都好夠辣，好正中的味道，大家必需試蒜蓉蝦仁

間唔中都路過東港城，見七月中開咗間新餐廳，一直都keep住好多人氣，一到6點鐘打後出面就排晒隊咁樣，忍唔住試一試，人食我又食先。其實間餐廳有下場嘅，午市過後五點先開門，我5點幾同媽咪就去咗食飯，啱啱開晚市冇乜人就可以直入。間餐廳裝修同埋菜單，仲有侍應姐姐上下同一般喺內地食飯嘅感覺冇乜大分別，合埋眼都唔知自己喺香港添😂間餐廳都係同平常喺內地食飯一樣，掃碼點餐，菜單其實喺枱面同大門螢幕都有，係當眼處好易睇到唔使爭。我哋點咗鮑魚辣椒炒肉，諗住放喺菜單第一位一定有啲信心嘅。上菜係有個鍋仔，會有個酒精膏煮住，可以保到溫。啲鮑魚仔唔係好大嚿，大概好似指甲咁大塊，本身以為係乾貨，點知食落原來都幾淋吓，似係新鮮貨幾好。另外仲有啲青椒炒埋一齊，啲青椒有少少辣嘅，都好送飯。肉就係豬肉嚟嘅，肉量都幾多，我哋都食唔晒。另外試咗蒜蓉粉絲蝦仁，都係成個Gas爐上，上面啲蝦仁仲係生嘅，侍應哥哥俾咗個漏斗，我哋話漏斗啲沙漏完就食得。另外佢仲加咗豉油，本來以為啲粉絲顏色幾深就以為好鹹，點知都唔算嘅，算係正常調味唔會過鹹，啲蝦仁都幾爽。點咗個花菜，備注咗小辣，點知真係得少少辣，早知唔叫少辣，應該會仲過癮，份量都okay。

这家店已经来第三次了，感觉非常好吃，不用去到深圳吃了，在将军澳就可以找得到，加上来回车费简直划算得不得了，每个星期都想来吃饭，是小炒肉还是大米饭，特别蝴蝶鱼真的味道好好！

湖南菜香口惹味，成日令我心心念念食過返尋味，今日有天大嘅喜訊就係农耕記分店開到嚟坑口啦！ 佢嘅分店遍布全球，開咗成百幾間，終於到坑口啦！佢嘅受歡迎程度都不容忽視，我排咗成個鐘，不過食到又香口惹味嘅湖南菜，排幾耐都值得啦！原來而家做緊開業折扣活動！5折呀！🤯📍東港城店：7月19日開業，7月內三天做5折優惠（19，20，21）地址：將軍澳坑口重華路8號東港城1樓112號舖📍好運中心：7月26日開業，7月內三天做5折優惠（26，27，28）地址：沙田橫壆街1-15號好運中心3樓3013號舖同屋企人叫咗好多款嘢食分享，抱住肚咁走超滿足！值得一提，佢個飯擺咗番薯同紅棗一齊煮，香同微微嘅甜味搭埋食落有幾得意！私心推介大家一定要叫以下幾款：😋蒜蓉粉絲蝦仁($118)蒜蓉、粉絲永遠都係最好味嘅配搭，加埋特調醬汁現場煮熟後，簡直係錦上添花！大蝦都好彈牙鮮甜，惹味？正！😋鮑魚辣椒炒肉($128)鮑魚配脆口豬肉，超惹味，雖然鮑魚細細粒，但係仍然充滿鮮味，配搭少少嘅辣椒香，送飯可以食好多碗!😋經典酸菜爐魚($158)魚肉好新鮮好滑，與酸菜同埋湯底嘅味道適中！飲完一啖就想飲下一啖，又係送飯一流之選！成個酸菜魚仲

過江龍「農耕記」呢間店無論喺大陸定係香港都保留住店舖的味道和特色！平日放工時間排隊好快就有去，原來入面有好多位。 就算嚟咗香港價錢都非常親民！「鮑魚辣椒炒肉」這道菜實在太有鑊氣了😋店員會幫手點火保持食物的溫度，小鮑魚份量好多，雖然細細隻但都好彈牙！鮑魚和辣椒也都被炒得入味，完全係送飯嘅小菜「經典酸菜鱸魚」也非常出色,魚肉滑嫩無刺,加上酸菜和新鮮的萵筍,整個口感層次豐富,寬粉係幼身的如果轉做闊身應該會更加更加吸引！🤤。「蒜蓉粉絲蒸蝦仁」完全搬番內地版來香港,店員會比個漏斗，漏斗完就可以食了！蒜蓉醬汁非常鮮美,蒸的恰到好處,蝦仁彈牙，粉絲唔會乾😋。「家常炒絲瓜」,呢個非常驚喜！普通的絲瓜整得超級甜,連絲瓜的湯都是極好喝💧「鹹蛋黃燒賣」好似係一個糭子變成了燒賣,實在是太有趣了😂,味道也是恰到好處的咸香滋味！呢個真係要試下 ，口感好有趣😁最後要特別推薦他們的「香水檸檬茶」,超大一杯,清涼解渴,更重要的是唔會太甜！又不會過於酸澀恰恰能夠中和一頓豐盛大餐後的油膩感😌💯下次再來的話，會叫多啲人再叫幾道菜品來細細品嘗!

係香港好少有正宗既湘菜餐廳，農耕記呢間內地既過江龍終於開咗嚟香港🇭🇰 農耕記主打湖南土菜，而且性價比極高！餐牌選擇好多，有辣有唔辣，我哋叫既都係小辣，唔會好辣～ 𖡼 鮑魚辣椒炒肉湘菜中既名菜招牌菜，有粒粒小鮑魚仔，辣椒唔會好辣，整體好有鑊氣🔥同惹味，辣椒同肉一齊餸飯或花卷食好好味😋𖡼 招牌湖蝶魚第一次試湖蝶魚，好驚喜地湖蝶魚既口感係爽脆的！爽脆到有啲脆肉鯇，但比脆肉鯇鮮嫩，呢個招牌菜係必叫的👍👍👍𖡼 蒜蓉粉絲蝦仁估唔到係上枱即蒸的，果然唔係預製菜，有個小漏斗計時，蒸既時間就啱啱好🦐 蝦好彈牙，同粉絲充滿蒜香，好餸飯，呢個係必點呀！𖡼 油豆腐拆骨肉油豆腐真係好油香，非常惹味，拆骨肉啖啖肉🤤🤤𖡼 蒜蓉蕃薯葉蕃薯葉炒得啱啱好，調味唔會過咸～ 據說會因應當季蔬菜及食材調整menu菜單☝️𖡼 老面花卷唔叫飯，叫咗個花卷一樣可以配餸一齊食，花卷好軟熟，推薦❣️𖡼 香水檸檬茶$36蚊有 1L，勁大杯，飲唔哂可以拎走飲😋

星期五收工同朋友去左東港城行商場，商場有好多餐廳都食過，正愁緊唔知食咩既時候，一間招牌好搶眼既餐廳映入眼簾，正是食湖南土菜既農耕記，原汁原味既店舖裝修令食客有身歷湖南既感覺！打開菜單，樣樣野食都好吸引，我地好快就揀到食咩野！第一樣先黎個蒜蓉粉絲蝦仁，作為打頭陣既菜式冇得輸！第二道菜叫左招牌湖蝶魚，簡單既芹菜炒魚，已經好好食👍🏻！第三道菜叫大碗花菜，味道正常！第四道菜叫蒜蓉蕃薯葉，本身已好鍾意食蕃薯葉，一見到有依個菜式立即叫，諗都唔洗諗，好有鑊氣，略為美中不足既就係太多油，如果可以少番啲油，成道菜就更加perfect!最後一道菜就係果木脆皮烤雞，個人覺得咁多道菜入面最鍾意食既一道，烤雞皮脆肉嫩，沒有一絲鞋既感覺，加上果木香配料，真係好食到爆！食得湖南土菜依啲咁濃香既菜式點可以唔飲野，鮮榨既香水檸檬茶，茶香檸濃，一啖菜一口茶，真係冇得彈！值得一讚既係店員既服務態度都好好！推薦各位朋友仔一試！

好少會期待一間餐廳嘅新菜式，因為多一個少一個餸其實唔會令我好想回頭，但係如果好似法國餐，每一季都全張餐牌換哂，咁我就會有意慾再去。但係平民餐廳又點可以做到呀？估唔到呢度真係咁。 🍖記得我上一季即係春天，樁菜，春筍，真係可以食到春天既氣息。 🍖夏天就食d有活力既，係山上跑足150天既雞雞。佢地推介炒既做法，我就揀左烤雞。如果單單睇係勁奀，但食落係好唔同既感覺。皮下係冇脂肪架喎，但皮勁脆。以為肉會靭，但又好有彈性，你會成件事覺得健康左。 🍖粉絲蒜蓉蒸蝦，一上枱係冚住個蓋上，加一個沙漏比你，望住啲蝦由生變熟，果種期待既心情，同埋一打開蓋，蒜蓉味攻出黎，就令人流曬口水。加上粉絲仲有洋蔥，夾埋個蒜蓉味，同埋岩岩好焗好既蝦，其味無窮。 🍖湖蝶魚，個名令人諗起蝴蝶，夏天風和日麗嘅感覺返哂嚟，個魚特色係連皮一齊炒，本身個肉已經好爽，加埋個皮，索索聲，未去到crunchy 但非常有口感。加埋啲辣椒一齊食，令人流少少汗，充滿夏日氣息。 🍺夏天咁熱一定要解暑清涼，手打檸檬茶唔駛講，果個滑嘅豆腐花，吖唔喺，果個魚湯豆腐，滑到好似豆腐花咁，解哂上面所有濃味，同埋熱既感覺。 ✨️依家大家話香港晚市死亡，我地2030

農耕記湖南土菜：鮑魚辣椒炒肉：招牌菜之一，新鮮即炒熱辣辣上菜，鮑魚仔鮮味增加口感，用上茶油猛火快炒，食落唔會太油膩，與埋豬肉炒十分匹配，惹味十分松茸土雞燉湯：湯底濃郁足料，雞件頗多，燉盅將雞既鮮味逼出與湯底融合，十分好飲，味道亦唔會太鹹。家常炒青菜：絲瓜有清熱解暑嘅作用，配埋上湯，清而不寡。蒜蓉粉絲蝦煲：蝦肉開邊上，蒜蓉有提鮮嘅作用，焗完5分鐘再食味道更佳，送飯一流。總結：菜式實而不華，用料十足，性價比高。

今日第一日開張試業，呢間係大陸都好多分店，香港都有幾間，開到黎將軍澳一定要試吓，試業期間仲有8.8折，門口嘅裝修好有農村風味，侍應有禮貌服務態度好好，餐牌上菜式都算多，而且好多可以選擇不辣，岩哂唔食辣既朋友仔，我哋二個人叫左三個小菜鮑魚辣椒炒肉農耕記銷售量最高既菜式之一，辣椒炒肉好香囗，我覺得大陸的偏向濃味同辣，依度唔會好辣唔濃味，岩哂香港人口味，而且有好多鮑魚仔蒜蓉粉絲蒸蝦仁蝦仁好整齊鋪係粉絲上邊，倒上已調教好既醬汁，上枱即煮，有個計時器，夠鐘就可以食啦，隻隻蝦都好大隻又爽口，粉絲索晒啲蝦汁同蒜蓉食唔停口家常炒絲瓜切到薄一片片，好嫩滑，非常清甜，雖然賣相簡單，但好好食最後叫咗杯香水檸檬茶清甜解辣，超大杯1L，二個人飲岩岩好

7点半拿票，等足一个钟，坐下来告知小炒肉和擂椒皮蛋卖没了。小炒黄牛肉世一难吃，从来没吃过这么一般的小炒黄牛肉，牛肉没有一点味道，肉都是白色的，并且是碎的，类似于油炒了一下就端上来。大杯橙汁一股冲剂兑水的味道，炒白菜，又油又索然无味。青椒炒蛋中规中矩，酸辣鸡杂总算吃出来是湘菜了。

試過，柴火燒雞好香！ 白飯竟然有驚喜，幾好味。粉絲蝦性價比高。 蝴蝶乳液都相當唔錯所以每樣餸都有佢嘅特別嘅口味，而且唔算好迫成個環境好舒服。因為小朋友唔食辣，所以初初擔心佢食唔到好味嘅嘢但係結果因為佢有唔少菜式可以走辣，而且係係專登係整起上嚟係為咗唔辣嘅方法去整嘅所以呢小朋友都相當欣賞，所以我哋食嘅時候全部都覺得好味，唔會話部份覺得想食或者部份唔想食，所以呢間都算係一間唔錯，而且係國內新開嘅餐廳呢位以前以為係喺國內先可以食到結果而家喺香港好輕易去到啦。等位過程因為喺屋企附近，所以都相當容易。

農耕記湖南土菜終於係香港開分店內地超有人氣嘅湖南湘菜，海內外開左過百間分店黎緊仲會係香港開第5同第6間分店仲推出新開業大酬賓優惠，連續3日半價優優將軍澳東港城店（19-21/ 7）沙田好運中心店（26-28/ 7）▪️鮑魚辣椒炒肉（$128)湘菜中經典菜色，大廚加入乳鮑，同豬前腿肉、辣椒爆炒上桌香濃惹味超開胃，記得要配白飯，超下飯▪️蒜蓉粉絲蝦仁（$118)新鮮蝦仁上面放滿蒜蓉，小鍋上枱現煮，一打開熱氣滿滿，爽嫩粉絲配上蒜香彈牙蝦仁，大滿足▪️茶油炒土雞（$158)採用茶油炒雞，帶有清香香氣，土雞肉質較有咬口，富有彈性，仲帶有陣陣酒香▪️經典酸菜鱸魚（$158)超大盆酸菜魚，鱸魚好滑溜溜，魚片完整無骨，酸酸辣辣好過癮▪️家常炒絲瓜（$58)炒絲瓜翠翠嫩嫩，同辣野一齊食好解辣·▪️1L裝香水檸檬茶（$36)香水檸檬茶超大杯，兩個人share飲都夠，解辣又解暑

服務態度好，好味道！上菜快，服務員有耐心，對餸菜講解足夠，同埋平時等位唔算耐，我等咗大約10分鐘就可以坐低叫菜，這是一間不錯的餐廳，可以認真推介俾各位，得閒可以嚟試吓

估唔到喺香港可以食到咁正宗嘅湖南菜，辣椒炒肉、燒雞？臘肉都好正宗，酸菜魚意想不到的好食。服務員啲態度非常好，我哋都食得好開心，開心到有啲餸都忘記影相，下次再嚟過