通達食店

营业中

休息中

聽完bb講座好肚餓，眼見地鐵站附近這鋪經常性好多人，一於試下先，叫左碗仔翅，想再叫其他，但得我同阿b又食唔落咁多=_=um..其實點為之好味碗仔翅我唔知，不過我覺得呢碗太勁「獻」喇，好似漿糊咁，我唔鍾意，但的確係有好多好多人黎食，我諗，可能只係唔岩自己吧，可能好味既碗仔翅係應該係咁=_=

生菜魚肉，繼碗仔翅後又一敗北之作 ﹗無誠意的生菜魚肉！唔熱，微暖就上枱，唔熱點會好食。魚肉方形一粒粒，好明顯係預先蒸熟切再粒，無魚味無鮮味又偏咸，口感硬實無生氣，死屍一樣！湯底只有雞湯同生菜味道，完全唔想飲。魚肉要新鮮魚漿剔出黎長條眼形，大滾即烚，表面凹凹凸凸，口感同味道先會一絕，先會好味道，湯要用返烚魚肉既湯先會有鮮味 ﹗咖哩魚蛋，永恆不變美味辣魚蛋 ﹗香濃辣咖哩，香甜蠔汁味道，色香味美，正呀 ﹗

咖哩魚蛋，路過硬係受唔住魔鬼辣魚蛋既誘惑！拮返兩串先，美味美味！熱騰騰夠香夠辣又夠彈，我忍忍忍，唔可以食太多。碗仔翅，太耐無食唔記得左唔好食架 ﹗成廿蚊碗仔翅淨係得豉油味，又稀又咸又少料！中伏！No good ﹗多謝 HKD34 蚊，魚蛋 Good，但碗仔翅唔值囉 ﹗

咖哩魚蛋，太好味！咖哩味香濃，辛辣帶甜，魚蛋結實魚味濃，唔會有腥味。路過都要拮下先甘心！每次都食兩串，因為仲要留肚試其他野麻。豬紅蘿蔔雞中翼幼麵多咖哩汁，好味好味！咖哩車仔麵多汁，麵質又夠硬夠嚥韌，好正呀！豬紅有點腥味啊，質感有點韌。滷水雞中翼太咸，而且浸到乾左少少。蘿蔔一般，唔夠甜，好采無渣啫。

等朋友收工，附近冇咩地方可以坐下入左通達食左串魚蛋同埋一碟腸粉分量好夠, 其實我都食唔晒魚蛋好彈牙, 加埋甜醬正~~腸粉比一般食開的軟滑, 唔會話局到硬晒腸炒上面有小小油, 不過就係咁令到腸粉更香滑加埋甜醬麻醬, 又香又好味!!

呢間食店我由讀書時已開始幫襯。今日帶朋友一齊食嘢，服務態度差到真係再無法接受，食你幾十蚊小食多謝都冇聲仲要受氣，賬單寫唔清楚問一句都好似有罪咁，連我朋友都忍唔住話:「使唔使咁巴閉呀!」我明白平民小食店唔應該抱有要求，但食嘢俾錢人兼仲要受氣就真係冇下次!今日食嘅魚旦仲要有腥味，好失望!

今日喺呢頭濕平~濕濕下經過呢間舖頭~唔知點解明明冇咩肚餓感,但都想入去食少少野~可能呢D就係街頭小食的威力~~~喺門口望望下都唔知入唔入去好~最後阿姐的微笑令我唔好意思走開..入到去地方都好迫下~有好多後生仔女~幸好正中間有張枱有兩個吉位,我就坐左落去了~安頓好就睇下有咩野食~車仔麵種類好多~樣樣都想試~最後點左雲吞牛腩同魚皮餃加油菜勁辣~阿姐好快手咁上枱~真係不得了...雲吞滿以為唔會好似潮式麵店咁味道~原來都唔係~蝦肉同豬肉比例好恰當,相當有水準~牛腩好香好淋而且好入味~魚皮餃一食就知係四海出品~~!!油菜雖然好普通的生菜,亦唔會煮得太淋,很好~~可惜所謂的勁辣真係唔係好辣~要再加辣椒油先過隱~!總括黎講..這個價錢的話,先放下自己的要求及幻想..以一個街頭小食黎講~真係唔差啊~

充滿陽光的早晨，當然少不了早餐時間，在遠處被香濃辣魚旦味所吸引以來。坐下...看著牆上的餐紙，心想，沒理由大清早就來一個辣魚旦吧，還是點一碗粥，孕媽媽的食量較大，就加多個腸粉。皮旦瘦肉粥: 無味...還有似在汪洋中飄浮著的皮旦，皮旦硬實實的，粥又水汪汪的，oh...還是等待腸粉的來臨。腸粉: 麻醬、甜醬這必勝法都無法補救這一碟皮厚粗糙的腸粉，食之無味，棄之浪費。

這間在油麻地地鐵A出口的車仔麵舖，午市經過總見很多顧客，今次第一次品嚐$25油渣麵加$5涷豆漿。碗面舖滿很多又辣又脆口菜圃，有五件油渣都被麵湯浸諗，但味道不錯，還有切薄的菇片，白雪雪的相信是上海粗炒麵。$5涷豆漿價錢相宜，而且有豆味！

係旺角街頭，每間小食店都係堆滿人買野，場面十分混亂，死迫爛迫先入到店入面，唔好講話排隊啦，有位即刻要坐，慢啲都會比人霸。店內阿姐態度十分惡，呢啲都應該係小食店嘅文化黎。比錢買野食，根住就可以埋位食，係食緊嘅期間，起碼有十幾人企你隔離等位，食慢啲都會比人黑面架。韮菜豬紅大腸，豬紅好入味，軟硬適中唔錯吃。韮菜好老多泎。至於大腸，仲有好多肥膏係入面，而且有怪味，好懷疑自己食緊乜。碗仔翅，十分咸！肉絲又硬又鞋，完全唔掂。咖哩魚蛋同魷魚，兩樣都係湁熟，無左啲咖哩汁就無味，都ok唔難食嘅，不過貴啲啲囉。

位於油麻地地鐵站出口的通達食店的燒賣一向是我至愛，個人認為是本港魚肉燒賣之最。這裡的魚肉燒賣不會蒸過焾，整粒燒賣很有彈性，加上美味的甜豉油來食，真是非常美味。雖然經常光顧這家食店，但是除了燒賣之後外，我從未曾吃過其他的食物。今天趁午膳時間，來到這家食店試試其他的食物。午膳時間的通達食店食客非常多，坐得非常擠迫，我好不容易才找到一個靠牆的角落坐下。除了依舊要了一串燒賣外，還點了招牌秘製豬扒麵。$25豬扒麵的份量不多，配有一塊豬扒，使用上海麵作麵底。豬扒都煎頗香，味道不錯。湯底混有少量麻油，香味令人食指大動。

見人咁推d咖喱魚蛋，就決定同個frd去試食。叫咗兩份咖喱魚蛋一份燒賣，一份腸粉同埋一碗碗仔翅，仲飲咗杯豆漿同檸樂。講講魚蛋先，齋睇個樣好似好辣好濃味，但系食落一d都五辣而且d汁有d奇怪，出乎意料地難食。燒賣就好多粉，無咩魚味。個碗仔翅d料好足，粉絲木耳等等樣樣齊，但系味道偏鹹帶苦，很一般。值得一讚既系個腸粉，好滑而且d醬汁好多，岩曬我d重口味既人仲有得自己加醬添，平時系第二間小食店叫多醬d服務員已經都眼啤啤，更何況自己無限加醬？加醬哩一點真系抵讚！

通達魚旦經過都食1串 因為佢硬既但唔系因為多粉個隻硬 食到魚既味辣度十分強勁 幾爽口 既小食油渣面 都幾好食 多送 油渣唔會太肥ar 不過d菜甫就甜，辣，鹹~重口味！

多年來，小妹數次路過，見小店不斷擴充店面，人頭湧湧，客似雲來，惜未有機會入去幫襯。今日，同N碰巧經過，覺到有點餓，見有位，就決定入去食少少嘢先。食物選擇種類繁多，有粉麵類、自選車仔麵、小食、三文治及飲品，價錢平民化，啱晒油尖旺區年青一族的蒲友。小店堂食最低消費每位僅$12，頗為合理。夏日炎炎，有冷氣嘆有得坐又有得食， $12超抵﹗當日所見，更有不少自由行同胞幫襯。收銀大叔，估計是老闆，滿臉笑容，殷勤招待客人，還落手落腳收拾枱面。以傳統快餐店來說，環境尚算乾淨企理。魚蛋看似簡單，但要做到魚肉味濃，爽口彈牙，卻着實不易。香港街邊或小食店魚蛋多用廉價雜魚製造，吃落頗腥，只靠獨門辣醬混入咖喱粉的醬汁吊味；大部分粉麵檔都會向食物工場攞貨，魚蛋多以門鱔及鯪魚製造，以機器打魚蛋成本較平，但口感則略為欠奉；最頂級的粉麵店，會前鋪後工場，即場打魚蛋，手打潮式魚蛋為當中佼佼者。N想試小店馳名魚旦，但怕辣，故叫了蠔油魚旦。一咬，魚蛋口感實淨，未算十分爽口彈牙但沒有粉粉的感覺。因沒有濃香咖哩汁辟味，故帶有腥味，齒逢間滲透出淡淡的鯪魚肉味。蠔油醬汁味道較淡，小妹味蕾甚至嚐不出蠔油的鮮香，感覺好似是豉油而已﹗燒賣

Had a dessert tasting that day, so decided to dine here before going.I used to eat here a lot because the fried snacks and fish shaomai are good.When i got there, I realised they do not serve fried snacks, so I only ordered Fish Shaomai.After ordering they said I couldnt just order shaomai because there is a minimum spending of $12 per person.Since there were no fried snacks, I ordered two portions.Hopefully at their other branch they still do fried snacks as I regret not taking photos of the fr