通達食店

营业中

休息中

上次光顧通達食店，已是兩年多前的事了。今日路過，驚見小店面積擴充了一倍。然，食物卻不進反退。魚肉翅兩溝$21，碗仔翅質感稀稀的，材料不過是粉絲、木耳絲、蛋絲和瘦肉等，與其他店子售賣的碗仔翅分別不大。吃一碗，既填飽了自己的肚子，也滿足了吃碗懷舊碗仔翅的霎時衝動。魚肉，切成粒狀的，份量頗多，一看就知溝了很多麵粉。吃一粒，口感煙韌彈牙，魚味卻欠奉。燒賣$9/5粒，以鮮黃色薄皮包裹蒸成，咬下，只感粉味，魚味被消失了!此外，燒賣蒸到得十分粉腍，入口即糊，十分失望!

那天路過覺肚餓，就走入去「就手」醫肚啦！見店舖裡多人幫襯到水洩不通咁，想搵個位都幾難！好彩當日只是一個人逛街，容易攝位。最實際是食車仔麵，而這間店馳名係咖哩汁，咁我就點了兩種配咖哩汁最夾的牛筋腩和豆卜，與咖哩汁油麵的一碗車仔麵。盛惠港幣20元。很快麵來了，基本上是清湯加上用來浸辣魚蛋的咖哩辣汁，另外再放牛筋腩和豆卜在油麵上。所以食之前要撈一撈勻這些食材。辣度因為被清湯溝淡了所以變成微微辣，牛筋腩尚可但當然不如專做清湯牛腩的麵店般，它的肉質略為少韌。最敗筆是豆卜，心想豆卜可以吸收湯汁，該是最好味的，可是那幾塊豆卜…一咬落去，中心是凍的！！！即使將豆卜放在湯底擠壓幾下，等熱湯可以滲入豆卜中心，但都是徒勞無功所以呢…有時貪「就手」的話，很容易中伏！

店名:通達食店地址：油麻地碧街48號地下好味指數:7.7/10價錢:$9咖喱魚蛋魚蛋一串有六粒，質感爽口彈牙。味道香濃，有辣味或不辣選擇，識食一定揀辣味，香味直撲出來，辣味不是很辣，但咖喱汁本身夠惹味，略嫌魚蛋有一點腥味。

如果世上只有一樣食物，我會選擇合益泰腸粉!!!但又唔可以次次行街都去深水埗，腸粉癮發作，唯有通達頂一頂。12蚊4條，貴合益泰一倍有多，只可以話個汁稀杰度接近，與葵涌廣場地下輕鬆一下相約，止癮之用，但還是本尊好味。環保關係洗少隻碟所以我順應老細要求魚旦腸粉放埋一齊，但咖喱汁真係同腸粉唔friend, 下次死都要堅持分開上。魚旦已加到9蚊一串6粒，其實我覺得呢間魚旦唔錯，或多或少喺因為個古早味甜醬。細個阿爸阿媽無買街邊嘢我食，到小學朋友帶偷雞喺石籬屋村叫咗串魚旦，魚旦係細粒嗰款，最記得佢用個大面盤裝住兜咖哩汁，然後一大班顧客各自手攞住一串魚旦圍住個面盤，將串魚旦好似潛水咁浸入個深不見底嘅咖喱汁內，再加甜醬，到目前為止佢都係我食過最好食嘅魚旦，但食過一次就無咗了，成為我永久嘅美好回憶。

咖哩魚蛋是香港地道小食，好味的咖哩魚蛋不一定要大粒，但一定要夠彈牙。咖哩亦好重要，單單魚蛋表面有色而內裡沒味，光有外表不足夠。這裡的咖哩魚蛋夠彈牙，在咖哩以外兼帶香辣，怪不得經常排長龍。已經一段時間沒來光顧，每次來，總要吃兩串才能滿足口腹之欲。不過今次有點失望，沒過往那樣彈牙，好像遜色了。因為太肚，除了兩串辣魚蛋，另加4條腸粉和一杯豆漿。兩樣食物水準一般，勝在腸粉夠熱夠爽口，豆漿也夠濃有豆香。

今日剪完頭髮又未夠鐘食飯，真係極需要少少野食醫下肚，行下行下就去到油麻地嘅通達，好！一於整返3串魚蛋先，呢度嘅魚蛋係少有有地彈牙，同埋佢啲辣汁係真係滲到入啲魚肉入面，唔係整係喺魚蛋嘅表面，加返一杯佢新鮮嘅豆漿，豆味幾濃，又解到辣，唔會太甜，呢個小食我相當滿意！

其實之前幫趁過，都係食車仔麵，呢間鋪長期多人，究竟有咩咁吸引呢…我上次食其中一個餸係蠔油魚旦，吾好食，今次試下咖喱魚蛋可能好啲，但都係吾好食，原來應該係粒魚蛋問題，吾知用咩水來開粉漿，一陣山溪泥味，魚肉就吾知有幾多係真魚肉打，好實…呢兩個餸都係麻麻哋…食完又好口渴…

好鍾意食呢到的魚蛋一串6粒你買一串姐姐就會即時篤成一串俾你次次睇到都好期待魚蛋好入味,道算係唔辣的魚蛋都唔會係淡而無味個人唔食得辣,試過食左一次呢到D咖哩魚蛋差D飲左成枝水唔辣的魚蛋食落有D蒜頭的味仲有D甜甜地的豉油

做完運動少少餓，行左去油麻地，見未試過通達,見無咩人就走左入去試下！因為腸粉賣哂，改為叫左炒面，再加辣魚蛋、燒賣同凍豆漿。凍豆漿夠凍，正！但其他食品真係普通貨色，辣魚蛋唔辣扣分，小食黎講真係不過不失～呢餐盛惠$40，少少貴！

店名:通達食店地址：油麻地碧街48號地下好味指數:7/10價錢：$25招牌油渣湯麵(辣)辣菜甫是油渣湯麵的靈魂所在。味道辣辣的非常惹味。湯底味道清甜，配料有火腿，肥肉，冬菇等。麵條是白色的，外貌和味道都有點像烏冬。店名:通達食店地址：油麻地碧街48號地下好味指數:7/10價錢：$18生菜魚肉湯湯底清甜，魚肉比一般的小，是一粒粒的。味道很鮮，肉質不算很粉，但也不夠彈牙。

今天行經油麻地港鐵站A出口，眼睛被一黃色旗子吸引，寫著「咖喱車仔麵」，車仔麵及咖喱均是我的最愛，於是便走入這家通達食店。我點了牛腩、咖喱魚蛋米線，選了咖喱汁，畢竟它以咖喱作賣點。魚蛋不彈牙，無魚味，像食粉團，而咖喱不算太辣，但味道太淡，且缺乏了層次感，當中並無咖喱獨特的芳香。牛腩筋肉相連，口感尚算鬆化，肉味濃郁，可以一試。整體而言，車仔麵只屬一般水準，沒甚驚喜，但餸最便宜也要$7，坊間有車仔麵餸只$6，味道有過之而無不及。差不多下午一時，兩旁的餐廳將近坐滿，而這家車仔麵只有寥寥數個食客，看來街坊與附近的打工仔與我所見略同。

晚餐忽然想食魚旦、腸粉、糍飯，但又唔想企係街食，來到通達就啱晒la魚旦細細粒，彈牙又入味腸粉細細條，好幼滑，加混醬一流碗魚翅份量十足，料又多豆漿都好有豆味，正！

通達是我在旺角最喜歡的小食店之一，走出地鐵站，不難看見很多人都手執一串辣魚蛋，讓人垂涎三尺。這裡的勁­辣魚蛋，辣味不會太過份，可是夠香夠彈牙，難怪可以這麼受歡迎。辣魚蛋配一杯冰凍豆漿，冰凍感貫穿全身，洗­走一身悶氣。再來的是三溝。碗仔翅加生菜魚肉名叫三溝，或是不要生菜則為兩溝，味道都是很吸引人的。一粒粒的魚肉混進不­會太稠的碗仔翅中，簡直是香港人的天堂美食。要看一間店是否受歡迎就要看裡面的是遊客還是當地人，看見店內­坐滿市井的道地香港人，大概，都不用再猶豫了吧？

聽完bb講座好肚餓，眼見地鐵站附近這鋪經常性好多人，一於試下先，叫左碗仔翅，想再叫其他，但得我同阿b又食唔落咁多=_=um..其實點為之好味碗仔翅我唔知，不過我覺得呢碗太勁「獻」喇，好似漿糊咁，我唔鍾意，但的確係有好多好多人黎食，我諗，可能只係唔岩自己吧，可能好味既碗仔翅係應該係咁=_=

生菜魚肉，繼碗仔翅後又一敗北之作 ﹗無誠意的生菜魚肉！唔熱，微暖就上枱，唔熱點會好食。魚肉方形一粒粒，好明顯係預先蒸熟切再粒，無魚味無鮮味又偏咸，口感硬實無生氣，死屍一樣！湯底只有雞湯同生菜味道，完全唔想飲。魚肉要新鮮魚漿剔出黎長條眼形，大滾即烚，表面凹凹凸凸，口感同味道先會一絕，先會好味道，湯要用返烚魚肉既湯先會有鮮味 ﹗咖哩魚蛋，永恆不變美味辣魚蛋 ﹗香濃辣咖哩，香甜蠔汁味道，色香味美，正呀 ﹗