通達食店

营业中

休息中

這夜路過油麻地港鐵入口看到通達，反正剛好有點餓，便不作他想一於入內吃碗車仔麵做晚餐吧。通達以這類型的港式小食店來說雖然都是簡單裝修，但地方光猛兼打理得衛生清潔，檯面和地下都乾乾淨淨，讓人吃得放心。坐下後在車仔麵order紙上自選想吃的。由於很久沒有吃過車仔麵這類食物，便有點貪心地選了4款配料，蘿蔔，豬皮，腐皮角和咖喱魚蛋，麵選了粗麵，而醬汁就選了我喜歡的咖喱汁，共＄30。選好後把order紙交給講話大聲但其實都有禮貌的阿姐，很快便有得吃了。配料的份量都算落得鬆手，蘿蔔有3-4大塊，豬皮有多塊，腐皮角有3-4塊，魚蛋有5粒，加上粗麵底，真是滿滿的一碗。各款配料中，我較喜歡是既甜又多汁的蘿蔔和彈牙帶點微甜的腐皮角。豬皮不過不失，爽口但份量有點太多吃膩了。至於咖喱魚蛋就質感稍實和不夠入味，是未煮夠時間嗎？粗麵麵質爽，味道不錯。咖喱汁水準依舊，香辣惹味，拌著麵吃一流。簡簡單單又吃得滿意的一餐。

將近八時半, 仍未想到吃什麼, 走著來到地鐵站口的小食館, 橫豎也不算太餓. 簡單的吃下地道小食當作晚飯也許是個不錯的選擇.女友點了三餸(大腸, 雞翅, 小棠菜)車仔麵, 我沒能吃得一碗麵, 只點了三溝加菜圃, 外加魚蛋及腸粉(其實算起來分量是比女友還是多)我的三溝先來, 看著可以隨意添加的麻油及胡椒粉, 心情格外興奮, 將麻油和胡椒粉瓶在碗上繞了一圈後, 便正式開動. 一碗加了麻油的食物, 味道是不可能差到那裡, 但想讚賞那加在裡面的辣菜圃, 原來加了辣菜圃的三溝是可以讓味道提升了不少. 如果那碗三溝值75分, 那辣菜圃應該佔上40分. 我看到女友試過那分給她的菜圃三溝翅後, 也忍不住要把它們往車仔麵加上去便知道那小小丁粒的威力有多大了. 當然, 主菜水準也是不錯的了. 不然單靠那小小的配料也是回天乏術.諸位下次如果經過這食店時, 不妨在點食物(如油渣麵, 車仔麵, 碗仔翅)時, 加上菜圃, 也許會有驚喜的.*三溝即生菜魚肉加碗仔翅

咖哩魚蛋，好正既咖哩魚蛋！一口氣叫四串食，每串只係 HKD7 蚊 ﹗深啡色既咖哩，既香且辣又帶甜，仲混有辣油係裡面添 ﹗香氣撲鼻，幾條街都聞得到。食落味道刺激，魚蛋口感實淨，魚肉味濃，好好味 ﹗跟細細個時食既一模一樣，依家第二間搵唔到架喇 ﹗白牛柏葉巴西牛腩幼麵咖哩汁，白柏葉都好爽口鮮味，灼一灼唔會老，正噃 ﹗巴西牛腩有別於一般車仔麵檔所用既牛腩，啖啖肉，形狀端正，炆得入味而口感彈牙又無渣，好味喎 ﹗淺黃色既咖哩汁，濃郁香甜，跟我廿幾年前童年時既味道好似 ﹗好好味 ﹗幼麵烚同剛好，不過火又嚥嚥靭靭，依個車仔麵真係好好食 ﹗好食過西貢間名店啦 ﹗原來咖哩魚蛋既咖哩跟車仔麵既咖哩唔同架，我係想撈咖哩魚蛋既咖哩架 ﹗碗仔翅，顏色真係好靚，通透帶光澤，味道香甜有肉味，夠晒濃郁，幾好味。但要趁熱食，凍左會偏咸，如果當汁撈麵會更好。

咖哩魚蛋呀 ﹗一出油麻地地鐵鐵站，即時聞到遺忘左多年辣魚蛋咖喱汁既香味 ﹗絕對無錯 ﹗係十幾廿年前濃郁香辣既咖哩味道 ﹗諗都唔洗諗，坐低同朋友仔每人兩串慢慢嘆，雖然我地趕住同其他朋友會合去晚餐，哈哈。魚蛋口感一流，彈牙又有魚味，並無偷工減料。最緊要個咖哩汁，就係細細個最地道古法既味道，超香濃味美、啡黃色又杰達達既汁。依家係市面上近年冒起既小食店完全做唔到依個質量 ﹗推介必食魚蛋檔，日日拮晚晚拮都唔會厭。搵日我一定要黎食佢地既咖喱車仔麵，正呀 ﹗

在毫無先兆下舌頭左右兩旁各生了一粒特大飛滋 痛不欲生!!! 飛滋如同大敵, 假如生埋左邊, 我都有右邊進食. 現在兩邊都生, 食乜都冇味, 乜都唔想食~~話咁快達至本年度最窈窕身段.....唯一想進食, 是一些熱辣辣的湯類, 可以刺激一下傷口, 麻痺麻痺.位於油麻地A2出口的通達食店, 已經有多年歷史. 以前到家樂商場之前必定買串魚蛋過過癮. 今次第一次內進, 地方狹窄. 同友人選了面壁思過位, 寧願對住幅牆, 增加自由度. 魚肉碗仔翅好多年冇食兩溝, $17一d都唔貴~魚肉都切成正方粒, 跟以往吃開條狀不一樣. 魚肉味沒有, 另有彈牙口感.翅是糊狀, 我喜歡水多的碗仔翅. 而且偏黑, 沒有光澤, 好似落了超多黑醋老抽調色..木耳粉絲多, 也有切條冬菇, 有香菇味.配有肉絲與蛋花, 令碗仔翅生色不少~ 但肉絲痴牙.以價錢來看, 收貨.

同朋友傾計時講開話好耐都無食過街邊腸粉，因為試o親都好難食所以都放棄咗！但呢個老友同我講話呢到啲腸粉OK無得輸叫我一定要食下，今日有時間一於要去試下。地鐵一出就見到呢間食店初頭望來望去都見唔到有腸粉賣，後來發現角位到寫住十蚊四條好就嚟十蚊試下咩料。腸粉送上樣子似樣，來一口腸粉軟滑質感非常好，食街邊腸粉除咗粉質本身啲醬汁非重要佢啲麻醬夠香夠滑，甜醬唔會太甜與腸粉，豉油，麻醬組合一齊成為咗美味嘅街邊腸粉。終於發現一間好味嘅腸粉多謝MY FRIEND.

一年一度的師生球賽又再舉行。今年小弟再度穿起久違了的球衣球鞋重新披甲上陣，與好久沒見的畢業學生一起合作上陣殺敵，另一方面又可趁機聚舊聯誼一番，確是大樂也....開波前要先祭一下五臟廟，不然邊踢邊捱餓就真並不好玩了。時間緊迫，匆匆就跑到"通達"內食碗粉及腸粉就可以....下單要了加大的油渣魚肉麵。份量的確甚大的，麵條是普通的粗身上海麵，有少許咬頭而且頗有掛湯能力；魚肉樣子四四方方的一睇就知溝了很多粉進去，魚味完全欠奉，咬入口亦只是至在填肚而已；油渣當然也沒期望是炸得香噴噴脆卜卜的貨色，不過入口不過份肥膩而還帶少許彈牙的，已是比預料中好嘞.....特別要一提是舖在麵上有大量的冬菜碎及辣菜甫粒，令香辣及惹味指數確提昇了不少....腸粉雖不算很滑溜但勝在超多醬的有如洪水泛濫一般，這樣當然難吃極亦有個譜了....以為不太夠飽，怎知一掃光之後卻有點撐撐的感覺。這便是眼闊肚窄的典型例子...望望手錶，發現已夠晒鐘，馬上收拾行裝奪門而出....由進門至埋單，前後也花不了十分鐘....

這日在油麻地，想起附近這間小食店的咖喱魚蛋好好食，便走過來。不過來到後又被他的車仔麵吸引了，於是又變心改成了吃碗車仔麵。車仔麵配料選了咖喱魚蛋，豬皮，腐皮角和白蘿蔔4款，加粗麵和咖喱汁，就是我的選擇了。交單後很快就有得食。蘿蔔入口就化，又沒有苦澀味，好吃。豬皮爽，不錯。不過我最喜歡的是咖喱魚蛋和腐皮角，彈牙質感，撈了咖喱汁後很好吃。店員服務醒目有禮，地方亦打理得清潔企理。下次會再來吃過。

跟阿媽做完瑜珈回家前在附近吃點東西。在這裡的小店我們叫了一碗碗仔翅撈麵和一碗魚肉翅撈麵。然後再叫了一些走辣魚蛋。翅比較大碗但是我覺得不怎麼好吃。粗麵條嫩到快要爛了，一點彈性都沒有：吃的時候很不舒服。那個湯也稀了一點，不夠滐。如果＂翅王＂沒有寫在這裡我不會那麼失望也不會期待些甚麼。魚蛋還可以；是一般吃得到的魚蛋，沒什麼特別的。我覺得通達食店好吃的東西應該是小吃吧。每次經過都很多人排隊（買魚蛋，炒麵•••）只是對我來說這裡不是去到＂翅王＂的level啦！

一天放工後，獨自來到油麻地這附近閒逛，一時興起，來到這間店子不細，佔據毗鄰左右兩個相連舖位的「通達食店」，以一碗平民版魚翅「金牌碗仔翅」做下午茶。其實「碗仔翅」與「生菜魚肉」一樣，都是舊日街頭常見的廉價美食，要是把「碗仔翅」與「生菜魚肉」兩者溝埋，就更是魚與熊掌，兩者兼得，可以一次過同時享受兩款平民美食，最適合想兩樣都吃的人了。不過這天我沒有叫來兩溝的「魚肉碗仔翅」，而只是叫來簡單的「金牌碗仔翅」而已。這碗仔翅顏色深濃，比一般的碗仔翅來得深色，幸好味道仍算適中，不會濃得過份。至於材料嘛？還不是那些彷真魚翅、粉絲、木耳絲、蛋絲、瘦肉等，與其他店子售賣的碗仔翅無甚分別。十來塊的價錢，滿足了自己的肚子，也滿足了自己吃碗懷舊碗仔翅的霎時衝動。

叫左件十一蚊蛋治走油，黎到打開蛋治嚇呆，個蛋又薄又細。朋友見到就嚇親，我仲係堂食。以前覺呢間野唔錯，兒家對通達真好失望，從來未食過甘＂大份三文治＂以後唔再食尼間。

昨日和朋友去午餐，叫了兩碗粥及一些小食，食物未到巳發現附近地面上有曱甴屍體，食物來了之後我向後望被我發現有另外一隻大曱甴在另外有一位女食客腳邊徘徊，我和我的朋友已經很驚慌，再過五分鐘我朋友發現有令外一隻曱甴在我們腳底下，我們立刻將腳提起並加快進食速度，5分鐘後最不幸的事情發生在我身上，我向下望竟發現曱甴經在我牛仔褲大髀上，第一次有這樣的遭遇，嚇到傻咗！blacklist 以後不會再幫襯。

每次到油麻地地鐡站出口, 也會跟男友吉串辣味魚旦, 記得第一次食, 我跟男友亦相當驚奇, "有魚味的魚蛋呀!!" , 大家不要怪我,大鄉里出城, 身為澳門人的人, 澳門的魚旦, 只是個名稱而已, 魚味的, 澳門的連順城吧, 但略嫌味精多了點, 相比下, 這種魚味濃的, 我少吃, 雖然近年水準參差, 有時粉重了............但總的來說也不錯, 8塊錢, 好像加價了, 不打緊, 反正好吃就是了

是日油麻地早餐本打算到老牌得如茶樓飲早茶,畢竟早上十時多出現油麻地的機會不是常有的嘛! 只是當天一早已掛起炎熱天氣警告,從煙廠街走到港鐵站口,人已經熱得滿頭大汗,口乾舌燥還有點眼花花!為免疑似中暑症狀加劇,快快找家有空調的地方散熱,在油麻地港鐵站附近,最方便的不就是連續兩間舖位的通達?! 在兩個舖位中選了較少人的一間, 即時找個冷氣機出風口坐下,好涼快!!與此同時坐在收銀處的老闆問我要吃什麼?! 看到大大張紙寫著腸粉,就來個腸粉燒賣這超級無敵絕配早餐組合,再加杯豆漿潤潤喉嚨。老闆即時跑出店外去,原來較少人的這邊是煮車仔麵,鄰舖才是腸粉魚蛋出品處。$10/4條的腸粉售價並不便宜,可幸質素的確不錯,才令食客不致像入了謀人寺。幼身腸粉跟合益泰的相若,柔軟滑溜的必要條件俱備,最利害這碟腸粉竟是熱得燙咀!!自己也忘記多久沒有吃過熱得要吹至降溫才可進食的剪剪腸粉了?? 熱乎乎的腸粉澆了蠻有香氣的花生醬及味道濃郁的豉油,雖然未夠合益泰般有著馥郁誘人豬油香,但味道都很不錯,要是外地遊客來試也會喜歡這港式小吃食味的。還加有一大坨濃味甜醬作伴,這種街頭剪剪腸粉定不會難食。魚肉燒賣底部有著格仔紋,明顯是來貨

端午節放半天假,同老公食個下午茶,我地難得由上水出到九龍, 一定要去食我地摰愛~~通達魚蛋!!一入去超多人,我地唯有坐面向牆既位!!!我地當然點左出名既辣魚蛋+燒賣魚蛋係我28年食過最好味的辣魚蛋,佢有D甜,咸咸辣辣,最重要佢個汁好令人回味,辣汁不會過辣,不失魚蛋味,食完唔會即刻要飲水!!燒賣要放落魚蛋汁度一齊食,燒賣佢本身無咩味,但佢索左D辣汁,加埋佢比較淋身,好入味喔!!所以我平時一定要叫多汁!!我每次一定要叫的!!!辣菜圃超多,我會自己加少少麻油,好香,不過今次佢落得太多蒜蓉.好似咸左D..好口渴..我仲要自己加D魚蛋汁落面度,味道VERY GOOD!!老公食兩溝,比較杰身,不會太水,魚肉超多,不過我比較LIKE 長條形,佢一大粒一大粒!!凍豆漿,甜味適中,好飲,又大杯!!