逸之燒 (已結業)

元朗國係飲食界既All Blue (睇One Piece既人會明），住呢度既人從來唔憂食，well~唯一就係一到夜晚D好食既鋪係難搵位 。有日試左成日經過逸之燒，專登book位，7點左右已經開始多人，好彩我醒😂 我同媽咪兩個人坐梳化4人枱，坐得舒服🤟🏼餐牌勁多選擇，諗都諗左好耐，開始介紹野食：汁燒豚肉金菇芝士串 $24 - 汁燒味道跟豚肉很夾，超級大串，好多金菇菜，不錯。汁燒月見免治雞肉串 $38 - 雞肉串啖啖肉，當中混和雞軟骨，口感很好，點特製醬汁（有我最鐘意既生蛋）好滋味。推介鹽燒豚肉荔枝串 $28 - 鹹甜組合，粒荔枝好大粒好甜，燒到暖暖地又係令一種感覺，加埋豚肉食好夾。汁燒鰻魚串 $28 - 咁大串咁厚肉估佢唔到，蒲燒鰻魚燒得外皮脆身，肉質彈牙結實，帶點juicy，好正！雞泡魚乾（半客）$40 - 居酒屋必叫，好惹味，佐酒一流。活赤貝刺身 $58 - 呢個價算好良心。赤貝好爽甜，鮮味係口爆發。沖繩赤蝦刺身 （$98）- 呢個好抵，98蚊6隻日本赤蝦，好生鮮爽甜。枝豆 $28 - 同樣為佐酒名物，呢度落鹽比較輕手，light version既枝豆都好！和風魚生沙律 $48 -

生日飯去呢間食，經Openrice訂位有里數送，見佢都幾多食評唔差，成日行過咪來試一試，點知有啲失望而回。有可能我哋唔識叫野，今晚食既野都麻麻地，原本一心諗住去食串燒，叫左幾串，都無串好食，肉普通，又唔夠乾身，唔夠香口。串串係得個菠蘿好食，因為夠甜。壽喜燒太甜，配料又唔足，得幾條菜同牛，對唔住佢收我個價錢，連一舊豆腐都無，鮮冬菇又無。侍應生好似得兩個姐姐，全晚都見好忙。炸軟殼蟹都唔夠香脆。大啡菇完全唔得，似蒸完再放芝士係面用火槍燒燒佢拎出來。

今日放工，同朋友又去左呢間傳統既日本居酒屋食飯。餐廳內外面嘅佈置令我覺得置身於日本咁，令人心情放鬆，座位寬敞，坐得很舒服。 每次食日本菜，燒物、壽司同埋鍋物都係必食，咁樣先夠喉。 我地先叫個蟹籽沙律，上面鋪滿滿的蟹籽，加上沙律醬一齊食，味道好夾！ 然後到手卷及壽司，叫左鰻魚同帶子手卷。鰻魚比較甜，夾住紫菜卷恰到好處。大大粒帶子爽口，新鮮，值得一試！因為我比較鍾意食蟹籽, 所以叫左個加州反卷，口感十足！ 呢間餐廳最出名既應該係各式各樣嘅串燒，我地叫左豚肉荔枝串、菠蘿串、冬菇串、燒蕃薯仔。豚肉荔枝串堅多汁，咬落去荔枝汁充滿成個口腔，令到肉味更加突出，一啲都唔膩，正! 菠蘿同冬菇串燒得剛好，不會太乾，蕃薯仔夠哂甜！ 最後食埋個皇帝蟹炒飯和牛小排壽喜燒，堅滿足！皇帝蟹炒飯分量適中，飯粒乾身不油膩，加埋蟹肉，簡直一流。壽喜燒同其他日式餐廳一樣，先放個gas爐, 再整鍋上加熱，鍋裏面有包心菜等配料，牛肉嫩滑高質！ P.S. 呢間餐廳估唔到有我小時候喜歡喝的波子汽水, 爽!

今晚同朋友食生日飯，知佢鍾意食日本野，所以一早訂定枱食呢間元朗小店。好彩訂咗位，黎到坐低一陣就已經差不多滿座。店𥚃裝潢以木色為主調，燈光微暗，充滿日本風🇯🇵點咗好多款野食，樣樣都唔錯呢！先來一道磯煮鮑魚刺身，鮑魚浸得好入味壽司方面🍣點咗三文魚。油甘魚。劍魚。海膽。好新鮮，劍魚好厚身好肥美。海膽味道好濃郁，甘味比較重，份量都好足。再來個七味池魚仔唐揚，一條條香口嘅魚仔，可以慢慢食。燒物亦點咗好多款，包括汁燒豚肉蒜芯串。黑椒牛脷串。汁燒免治雞肉棒。鹽燒三文魚柳。汁燒鰻魚串。芝士啡菇。我特別喜歡鰻魚串，魚夠肥美，加上甜甜嘅鰻魚汁，燒得好香。最後食埋個黑松露和牛炒飯，夠哂滿足。黑松露嘅香味好正，炒飯唔會太油，香噴噴熱辣辣最重要嘅係，朋友都非常滿意呢餐生日飯！

今日尼到呢間好似居酒屋既店，都坐得舒服。一開始我哋記叫咗一個赤貝同鮑魚刺身，都身鮮既但就未到話哇一聲個種，之後尼咗串燒十貫，尼個呢到一定要叫，佢係有唔同既肉配一啲生果/蛋去燒，所以食起尼香同埋唔會肥。皇帝蟹炒飯，都幾好食，成個蟹蓋好吸引，味道唔錯。我哋兩個人埋單差唔多$8XX，希望下次再黎。

燒飯糰睇落簡單但一D都唔容易，燒飯糰翻面果陣如果唔小心就會好容易成個散開。燒飯糰脆脆嘅口感，搭上日本甜豉油，令簡單嘅飯糰不再只係普通配菜，成為左我去居酒必點嘅食物。個飯竟然係個帝皇蟹蓋上，夠哂誠意，飯都炒得好香，夠哂蟹味。鹽燒豚肉荔枝串荔枝好甜，配埋咸既豚肉，大家互相中和返，好食。聽店員講佢地嘅日本白象拔蚌係今日新鮮飛機運到，所以就叫左一個黎試試，肉質的確比平時食嘅象拔蚌更加彈牙爽甜，果然冇介紹錯。西京燒鮑魚剌身

今天收工後約了朋友在元朗吃晚飯！我們選擇了日本菜，行過一處在鳳攸北街附近，找了一間值得推介的日本串燒及料理食店。看看他們的餐牌十分多選擇，一向選擇困難症的我，就將這個任務交給了朋友。店舖裝修也很講究，牆上也很多掛畫，門口也帶了很多裝飾物很特別，座位也算寬敞。我們點了壽司：火炙三文魚壽司、海膽壽司。海膽份量也不少，味道鮮甜，一客有2件。也少不了點魚生刺身- 劍魚腩刺身、磯主鮑魚刺身、沖繩赤蝦刺身等等。所有魚生都非常新鮮及質素也一樣出色。串燒也點了鹽燒牛利，牛味濃郁，有咬口！另外鹽燒安格斯牛肉粒，味道香濃及牛肉入口嫩滑。不可不提北海道黃金燒帶子， 厚厚一啖帶子，肉質鮮嫩，配合了自家調製的醬汁，簡直絶配。說到重點菜一定是燒皇帝蟹膏， 大大一個皇帝蟹蟹蓋，分量相當不錯，可以二人食。濃濃的蟹膏配上我們蟹蓋的蟹肉，層次豐富，滋味滿分。最後也點多了一份燒鵝肝多士，鵝肝質感輕盈軟綿配以脆脆的多士，視覺和味蕾同得享受。

朋友叫我去元朗食飯，佢話有間日本🇯🇵餐廳抵食又幾好味，咁我就一於萬水千山長途跋涉遠赴元朗，陪朋友食番一餐😆我哋叫咗幾樣嘢share嚟食😋；- $38嘅「燒鵝肝多士」：外型袖珍非常 kawaii🤩, 又香口又好食😋- $24嘅「鰻魚壽司🍣」：幾好味😋- $128嘅「一夜干黃花魚一條」：一夜干🐟我都幾經常食，因為美味兼簡單易整，所以喺屋企或者餐廳都會食😆；呢度嘅一夜干都唔例外，黃花魚肉質鮮甜，仲好juicy，好食😋- $28嘅「鹽燒五花串」同 $28嘅「黑椒五花串」：半肥瘦嘅五花腩🐷非常甘香，入口爽滑😋- $25嘅「鹽燒雞腎串」：有啲啲咬頭，又香口😋- $25嘅「明太子雞翼」x2；燒雞翼、我鍾意食😆，更何況有好多明太子釀咗喺雞翼裏面，仲去咗雞骨啖啖肉😋- $99嘅「牛油燒海虎蝦」：蝦肉🦐結實，兼大大隻，可以用刀叉嚟享受😋- $33嘅「燒廣島蠔」x2 ：廣島蠔🦪每一隻都圓轆轆外表肥美🤩，食落好鮮甜，仲充滿蠔汁，呢個好正😋- $38嘅「黑糖梅酒冰淇淋」：雪糕🍨加梅酒🍹原來味道好夾，食落好清新😋

哥同個friend 都係元朗人，講左食呢間野好多次，最後終於有機會食了。一入到去就有種高級日本居酒屋既感覺睇左陣menu，好快就決定左要咩野食皇帝蟹炒飯蟹既外殼係師傅專登用火槍燒過，令蟹殼嘅鮮味融入炒飯入邊。炒飯火氣十足，軟綿綿嘅珍珠飯配上充滿鮮味嘅蟹肉，加上各種炒飯配料，實在冇得彈。雜錦壽司拼盤多款唔同種類嘅壽司，順着拼盤嘅樓梯頂層向下食，就可以由淡至濃味咁樣品嚐各款壽司。先由淡味嘅三文魚，吞拿魚中間嘅蝦同帶子刺身，再到底層嘅海膽，鰻魚壽司等，味道一層一層咁慢慢提升！串燒拼盤去居酒屋又點可以冇串燒食呢？雞軟骨，八爪魚，牛肉車厘茄，甜薯等等特別要提提既係鹽燒肉荔枝串，外脆內甜，燒過既荔枝味道反而更濃更甜仲有招牌既汁燒月見免治雞肉棒，呢個一定要堂食先食到！用蛋汁同特製醬料混合而成，口感非常特別。以下係部分menu 俾大家參考下

吃喝玩樂在元朗，炎炎夏日，最適合食日本菜！泊好車就遠見一間名叫逸之燒的餐廳！行去一睇，剛好適合搵日本菜食的我。鋪仔細細，但日本菜式都可以！食之前先叫杯Asahi 涼快一點再嚟我的最愛鰻魚壽司，大細適中，好味😋火炙三文魚🍣油甘魚都好肥美吉列蝦芝士反卷，外面薄薄芝士咬落脆脆的炸蝦🍤，好味道。海膽花之戀寿司，做緊春祭推介$88就可以食到，外面有三片厚厚的三文魚卷著飯團🍙頂部就係鮮甜的海膽，真係好抵食！鱆紅薄切刺生必食，調左個醬汁，酸酸的，加而點綴，好適合炎熱天氣，開胃！餐廳除咗寿司刺生，燒物都好好味，特別推介炸沖繩芝麻雞翼，汁燒鰻魚串

逸之燒元朗係美食天堂就眾所皆知，所以今日特登去元朗食好西☺️☺️☺️逸之燒係一間walkin唔會食到既餐廳😂😂我地坐低20mins都已經有3pair客人話想walkin，但最後都無位比到佢地walkin🙃🙃🙃我地book得遲，都得返bar枱坐！不過都唔緊要，最緊要有得食😆😆😆我地叫左份銀雪魚西京燒、汁燒鰻魚串、安格斯牛小排壽喜燒、秋葵串、牛脷串、胡麻凍豆腐、幾款壽司同埋鹽燒油甘魚較！壽喜燒個湯好濃味☺️☺️職員怕愈食愈咸，會主動問我地洗唔洗加d水，好體貼呀😍鰻魚串連細骨都無🥰好好味最驚喜無胡麻豆腐！估唔到咁好味，豆腐唔會一夾就散，而家個醬加埋豆腐好好食😍😍😍最重要戲係油甘魚較！超！大！塊！🤩🤩🤩我地太遲叫呢款，食到差唔多飽先叫呢份，飽上加飽😆😆😆牛脷串雖然唔係厚切！但係都好爽口！好有口感🤩本身想再加單，但係又驚食唔哂😂😂😂留返下次再叫！呢間餐廳生意超好，成晚見佢地好忙，又多人客！下次再黎食真係一定要預早book位！性價比又高！兩個人食到飽，都係平均HK$260左右☺️

在元朗若果想吃高質的串燒，一定會聯想到逸之燒。店舖位於雞地，門面已經充滿日式風情。平日夜晚，店舖仍然坐滿客人。是次我和老婆被安排坐在吧枱上，位置闊落舒適。見到有特別的春祭餐單，即刻叫了一客海膽花之戀。三文魚肥美，海膽鮮甜，不需要點豉油，一啖吞下，十分滿足。磯煮鮑魚刺身帶有濃濃的醬油香，冰鎮後的鮑魚肉質爽口彈牙，正👍🏼老婆最愛食鵝肝配多士，香煎過後的鵝肝入口齒留香，油香味充斥口中。然後就來到主菜，雜錦串燒十本。貪心的人，最喜歡就是吃這款雜錦拼，貪它什麼都能嘗到。我個人最喜歡的就是免治雞肉棒、燒牛舌、鹽燒豚肉荔枝、汁燒牛肉車厘茄和雞軟骨串。不得不提這個隨雜錦拼盤附送的蛋漿醬汁，本來這個醬汁只是用於吃免治雞肉串，但由於它實在是太美味了，我們忍不住點了又點。特別要一提這串鹽燒豚肉荔枝，燒香的薄豬肉片包裹着甜荔枝，荔枝的甜剛好中和豬肉的油膩感，完全想像不了兩者可以咁夾。最後我們忍不住Encore了兩串。另外汁燒牛肉車厘茄亦同樣出色，牛肉包裹着燒熟的車厘茄，入口一咬，燒好的車厘茄在口中爆開，Juicy到不得了。逸之燒的燒菠蘿亦是一絕。燒後的菠蘿仍然保持水嫩，更能將菠蘿內的糖分完全逼出來，酸酸甜甜的

朋友約我放工後在元朗吃日本菜，二話不說就赴約了，因為我喜歡日本菜可以吃得清淡，適合減肥中的我。逸之燒店鋪不大，屬於小店經營，但環境清淨，店員服務態度也很不錯，會為你細心講解推介的食物,有禮又有笑容。介紹下食物了，我們點了三文魚刺身，這個味道鮮美，每片切得肥大肉厚，我們還點了兩輪呢！除了刺身，少不了要推介這裡的特色燒烤串，牛肉豬肉都有叫，最愛吃就是鹽燒豬肉串，只需用鹽完全燒出豬肉的鹹香味！再來一份海膽炒飯，嗯，不過不失的,如果海膽再多一些會更惹味。個人喜好吃蔬菜，點了炒野菜，豚肉鍋，都喜歡它們有大量蔬菜給我大快朵頤，豚肉彈牙多汁，不鞋口，湯底我們點了昆布湯，很清甜呢！下次可以再叫！整體來說，這是一所性價比高的日本菜餐廳，可以再去。

今日去元朗探朋友，聽朋友講附近有間食日本菜好正，所以去咗食番餐。環境舒服，日式裝修風格🎎日式飾物🎏；店員仲好Nice，野食又正又抵食😋 首先嚟咗個開胃前菜 ~ 中華沙律🥗好多食物都好吸引，每款都點咗啲食😋 海膽壽司 (2件) $72 ~ 海膽甘香鮮甜，新鮮好味 明太子雞翼 (2隻) $50呢隻明太子雞翼好正，咬一口啖啖肉又帶有少少辣🌶真係勁好味 汁燒免治雞肉棒 (2支) $60一口咬落雞肉棒啲汁唧哂出嚟，仲好有咬口，好好食 (食一支真係唔夠) 炸軟殼蟹 (客) $58炸到金黃色大大隻軟殼蟹🦀炸到好酥脆，食落唔會油膩 黑松露燒鵝肝多士 (2件) $96一口香脆多士🍞配煎得好香嘅鵝肝 + 好香嘅黑松露，味道非常正 皇帝蟹肉蒸蛋 $26必食推介💥鮮甜蟹肉，香滑蒸蛋，真材實料 胡麻凍豆腐 $22好滑嘅一磚凍豆腐，麻醬汁好正，撈埋個沙律菜一齊食 芝士啡菇 $30大啡菇🍄燒得好食，放埋🧀芝士一齊焗，咬一口熱辣辣嘅啡菇，啲汁唧哂出嚟，juicy又好味 汁燒豚肉秋葵串 $28燒爽脆秋葵，仲有塊嫩滑豚肉包住 汁燒茄子串 $18面層舖滿木魚碎嘅兩大件厚切茄子🍆燒得香口，面層微焦，咬落軟淋多汁 最後仲點咗兩

今次我點了一個皇帝蟹炒飯，果然沒有失望，炒飯以皇帝蟹蓋盛上，賣相已夠吸引，飯粒金黃分明，夾雜著蟹肉與蟹糕，一端上餐桌上，已聞到陣陣的蟹肉香味，入口飯粒軟硬得宜，淡淡的蟹肉和蟹糕的鮮味在口腔內打滾，這種感覺真的難以言喻，總的來說下次必定要再點的。壽喜燒安格斯牛小排片也是非常美味，牛肉的脂肪雪花般鋪在肉上，看上去已不錯，入口更甘香味鮮，而且份量也不少，兩人吃已足夠，湯底不太甜，以往吃的壽喜燒湯底往往過甜，這回真的品嚐到惹味的壽喜燒，亦體會到蠟筆小新為何如此鍾愛這湯底。而其他食物也不錯，如厚切劍魚腩十分新鮮爽口，雖然有些少貴，但亦值得一試。芝麻雞翼是我至愛之一，這店的也沒令我失望，外皮酥脆，肉質嫩滑入味。炸軟殼蟹亦十分酥脆，但內裏仍保持軟潤，不會太乾。吃完這頓，感覺十分滿足，這裏的出品確實不錯。