逸翠軒點心專門店 (已結業)

每逢周末都會同老公飲茶，不過有些時候，尤其是接近大時大節，茶樓肯定係逼爆。所以我們這次來到這裡，都可以歎番一盅兩件。這裡就像一間縮小版的茶樓，四周像餐廳的格調，但是燈火通明，極具中式茶樓的氣氛。我們一邊歎著茶，一邊睇有什麼心水美食。逸翠鮮蝦餃一上枱，見到 4 隻蝦餃的其中兩隻的皮係青綠色，其實是加了菜而製成的，真係好特別。一咬之下入面的鮮蝦好厚肉，而且係好彈牙。蟹籽蒸燒賣蟹籽大大粒，洒在每隻燒賣的量可不少，增加不少咬口。而燒賣蒸完之後，咬落是較軟身的，完全唔會覺得實的的。家鄉咸水角這個咸水角的咸味不少也不多，能提升饀料的味道，仲釀入了香蔥，於口中增加不少香味。鳳爪排骨飯老公話好餓，所以點了這個飯。排骨是半肥瘦，食落既香又特別好咬口。而鳳爪都是大大隻，加上飯的量也不少，所以他食咗大半已經見飽。流沙奶皇包在他食飯的同時，我在吃奶皇包。雖然裡面的奶皇唔算係流心嗰隻，不過對於論盡的我來講，唔會整到手又唔會辣親個咀。然而奶皇入面都幾香蛋味，令人印象深刻。南瓜西米露 (熱)最後當然唔少得甜品吧~味道清清地又夠滑，食完真係好滿足啊~

小弟有幸竟然係尖沙嘴呢d鬧市中心發掘到一家飲茶免加一，但點心絕對媲美高級酒樓質素的餐廳，仲要營業到夜晚11點！絕對係無花無假的好推介！點心款式貴精不貴多，一d點心例如：「百花釀魚肚」「藥膳湯鳳爪」「芝心蝦春卷」等都係一般酒樓、中菜館搵唔到的，有心思抵讚！我見在場好多人點春卷，跟下風，竟然有意外發現。春卷炸得外脆內軟，春卷皮不厚，不怕搶走內面的餡的戲份。大廚用蝦膠伴以芝士作餡，食落好香口。百花釀魚肚-百花指蝦滑，上面灑了蟹籽，舖在魚肚上蒸熟。在蒸籠內，鮮甜的精華被魚肚逐一吸收，有心思。逸翠鮮蝦餃，隔著餃皮都隱約見到隻蝦的位置！原隻鮮蝦係賣點，而且係爽口的，絕對不怕梅，認真係皮薄餡靚！蜜味叉燒腸-亦都係薄到通透的粉皮，十分滑嫩，蒸的時間控制的剛剛好，一點也不怕老、鞋。飲茶點少得叫番個鳳爪排骨飯？飯和餸的比例恰到好處，排骨尤其嫩滑可口，比一般的酒樓盅頭飯有過之而無不及！最後來一個南瓜西米露（熱），為呢餐劃上完美的句號！每羹都有南瓜蓉，不太甜剛剛好🤗白灼菜心，份量絕不馬虎，十分青甜。餐廳的菜單有英文翻譯，老闆好細心啊😻值得多多支持！伙計的態度亦非常好，呢餐飯都好滿足！

之前在尖東那邊見過這間逸翠軒點心專門店，已經有點興趣，早陣子經過首都廣場看到這間分店，剛好未吃晚餐，便決定一試。點心的選擇不少，價錢亦算合理。逸翠鮮蝦餃 $32這裡的蝦餃有一半是綠色皮，賣相更吸睛。蝦餃本身大件，蝦餃皮厚薄剛好，口感煙韌有彈性，夾下去不會很易穿。蝦的份量不少，口感亦紮實爽彈。蟹籽蒸燒賣 $28和蝦餃一樣大件，燒賣皮包得很好，豬肉和蝦的比例適中，口感油潤中帶爽。家鄉咸水角 $24皮和餡的比例恰到好處，外層香脆，內裡煙韌，餡料的味道不錯。芝心蝦春卷 $30咬下去脆卜卜，又不算太油，蝦肉爽彈，味道不錯，只是不太吃得出有芝士味。香茜牛肉腸 $25腸粉皮不會太厚，口感亦算軟滑，牛肉口感軟稔不霉，芫茜味很香，另不會調味調到連牛肉味也失掉。流沙奶黃包 $25流沙不算太流沙，但很香奶黃蛋黃香，味道不會太甜，包皮亦算鬆軟。可能點心都偏大件，我倆食量不算太大，所以吃到非常飽，而點心整體質素不錯，加上全日免加一，這個價錢來說可以一試。

尖沙咀區的餐廳多數因身處鬧市而少不免定價稍高，今日同朋友見到間點心專門店全日免加一，我地就立即入內吃午飯位於尖東漆咸道交界的［逸翠軒］，地點方便，室內環境寬敞，人多都不怕擠逼。除左散叫點心外，仲有孖寶套餐，盎頭飯加碗湯都只係$53，方便附近上班族來吃個簡便lunch 蟹籽燒賣 $28食點心必點燒賣，有大大粒蝦肉 ～蠔皇叉燒包 $24雖然個包不夠鬆軟，但餡料好夠味香茜牛肉腸 $25腸粉皮結實不易爛，厚厚的但口感滑溜，牛肉份量足夠北菇滑雞飯 $33即叫即蒸的飯，熱辣辣送上我地面前雞肉沒有多餘肥膏，啖啖都係肉藥膳湯鳳爪 $28起初以為只係上湯雞腳，點知係足料藥材湯雞腳仲有四隻添，煲到軟腍，方便食用湯汁味道濃郁，有肉竹、當歸片、紅棗，滋補養生杞子桂花糕 $18味道不會太甜 我地兩個人食都不用二百蚊就食飽，都幾抵食！

今日同男朋友行街經過想食點心就入咗去試一試呢間餐廳嘅嘢食普遍都唔貴座位坐得都幾舒服藥膳鳳爪非常有藥材味，而且唔會太個湯行到啱啱好我幾推介而且佢嘅鳳爪好軟林林好多膠原嘅感覺鹹魚肉片飯肉嘅份量唔少鹹魚亦都比得大方味道都唔錯肉片唔會讓鹹魚唔會太鹹 流沙奶黃包流沙嘅份量都唔少 都夠熱 一吹先可以搞咁大聲比較特別有啲特色蝦餃分量多一樣咁多大大隻燒賣入邊有好香嘅冬菇呢個真心幾香價錢又唔貴叉燒腸唔會太鹹叉燒亦都唔會話分量太少組歌來講呢一間算係經濟實惠而且佢點心黎既速度都好快

同男友行完街，佢話好耐冇飲茶，我地就黎呢間飲夜茶 都幾多遊客選呢間我地點左6款點心，大部分都幾好食韮黃鮮蝦腸：粉皮好滑，每條有2隻大蝦，爽口有少少韮黃增加腸粉香味蟹籽蒸燒賣燒賣都幾大粒，面頭嘅蝦都幾爽，內餡扎實藥膳湯雞腳藥材味重，好岩秋冬食，雞腳煮得好稔，入晒湯汁，我幾鐘意酥皮叉燒包包皮入口有少少甜味，同叉燒嘅鹹香幾夾，好食！ 但個皮唔夠酥脆芝心蝦春卷拿起時有少少芝士拉絲的效果， 芝士唔係好膩果種，又夠脆口咸魚肉片飯咸魚不會太咸，所以加上豉油就啱啱好兩個人食左咁多野，埋單$180，幾抵而且環境好闊落，坐得舒服，又唔會好嘈靜靜地飲下茶幾開心

今晚同內地朋友係尖沙咀食發現左間專食點心既餐廳，咁岩內地朋友想食，就入左去食啦！入座後發現附近好多遊客，講日文、韓文同普通話都有！咁多人食食物質素肯定有番咁上下！我地揀下一款又一款，最後叫左6款點心🤗🤗逸翠鮮蝦餃好大既蝦餃！皮薄、一咬開，啖啖蝦肉！百花釀魚肚好大塊厚厚既魚肚，上面係墨魚滑，足料之作!流沙奶皇包好耐冇係酒樓食過奶皇包！仲要係流心！好好食！芝心蝦春卷唔似普通食到既春卷，因為裡面有芝士，食落有d咸香，創意十足！藥膳湯鳳爪呢一款點心又係用心之作！藥膳湯好滋補！要飲多兩啖蜜味义燒腸滑滑既腸粉加埋义燒粒，簡單而質素高！

晚市食飯，真係好少會走入茶樓，因為已經將茶樓定型為早茶、午市既時段先會入去，食點心、飲杯茶，今日好破天荒地，係到食左個晚市。門面裝潢都好大氣，以黃、金作為主調，頗華麗。而入面空間好大，座位同枱與枱之間既距離都令人感覺舒服，走華麗格調，衛生情況當然都好很多。睇睇點心紙，幸好係尖沙咀地段，價格都唔會太離地，價格同新式、特式點心鋪差唔多點心當然好不免蝦餃。逸翠鮮蝦餃 –特別在有2種餃皮，綠色果款加入左菠菜。開頭我以為係得個樣，但真係食得出淡淡既菠菜味，又幾真材實料WO，蝦唔算大粒，但都幾彈而且肉涵有少許肉汁，都好少見，不錯。百花饟魚肚 – 好少見既傳統點心，魚肚爽，吸滿汁，就變到好有鮮味。流沙奶皇包 – 這可是招牌菜喔，熱騰騰的，非常吸引，一打開，流沙即刻流出，半稠而且帶咸香，真的不凡。鳳爪排骨飯 – 晚飯當然要有飽肚之物鳳爪、排骨都唔小，平時酒樓只會有2隻鳳爪，呢到有成4隻，飯都有兩倍，性價比高。

到朋友位於尖沙咀首都廣埸的boutique看衫及晚膳，正躊躇往那裡解決晚餐，發現這間位於商埸角落的食肆，在外看這小店毫不起眼，加上晚膳時間只小貓三兩只，本提不起勁光顧，但原來朋友之前已食過一次並說水準不錯，於是一行四人的晚餐便選擇在此解決。食物選擇不算多，價錢由$10幾元的甜品至最貴的釀魚肚都只是$36，點心多以三件為主。四個人分別點了六款點心 - 分別有 : 芝士蝦春卷$30、百花釀魚肚$36、脆皮义燒飽$26、蟹籽蒸燒買$28、煎釀虎皮尖椒$28及韮王鮮蝦腸$28，並點了三個鳳爪排骨飯及一個咸魚蒸肉餅飯@$33，蒸飯可以$53加配一盎淮山杞子元肉燉老雞湯，燉湯味道尚算不錯，唔太肥膩，渴後亦冇乾涸的感覺，應該不是味精副產品。各款點心味道正常、普普遍通，唔難吃，但又不特別出色，以這個價錢在尖沙咀來說是合理，反而筆者很欣賞那個蒸飯，排骨肥瘦適中，飯亦蒸得剛好 ，不軟不硬(本人最怕那些軟稔稔、爛溶溶的蒸飯，可惜現今坊間好多食肆均如此)，加上味道剛好的豉油調味，毫不費力便把一大盎蒸飯吃掉😋😋

現今香港人生活節奏急促，近年就連飲茶都變成速食，因此衍生了不少點心專門店，今次我就來到尖沙咀的逸翠軒點心專門店來個一盅兩件。以點心店來說，店內環境尚算闊落，卡位亦坐得頗舒服。點心款式亦不少，即點即蒸，確保新鮮熱辣辣，全日不收加一服務費，即使位處尖沙咀遊客區地段，價錢亦不貴。茗茶每位$4，不過就沒茶款可選，只能當作陪襯。酥皮叉燒包 $25外型雪白渾園，包面外皮香甜奶酥，不過就稍嫌未夠爽脆蓬鬆。內裡包裹著帶蜜糖和蠔油香味的叉燒，和甜甜的酥皮非常合得來。原籠馬拉糕 $25這款馬拉糕是我最喜歡的傳統舊式做法，原個蒸籠上桌，顏色金黃。切開裏面佈滿蜂窩般的氣孔，口感鬆軟香綿富空氣感，散發淡淡的黃糖香氣，甜度恰到好處。芝心蝦春卷 $30將輕巧透薄的外皮炸成金黃色，口感香脆，餡料都是包得滿滿的。裡面的蝦肉夠鮮爽，一咬開就有拉絲芝士，想不到原來芝士和春卷的味道頗為匹配，中西合璧得來完全沒有違和感。逸翠鮮蝦餃 $32餃身包得呈半月型，色澤白裡透紅，餃邊摺工精細，不過厚，夾起不易穿，不會過濕而黏住籠底，每一顆看起來都被餡料撐得脹鼓鼓。餃皮剔透柔韌，內裡餡料豐富飽滿，蝦肉不會霉爛，肉質爽口，富有鮮味。荷香珍珠

平日好想飲茶食返兩籠點心，但又要返工無時間；到假日好想飲茶，但又多人到不得了。然而終於俾foodpigss🐷🐷發現呢間全日點心店，即使係咩時間日子都可以整返兩籠啦🤓呢道既茶位相當便宜，只係$4，不過係已經沖好一壺俾你自己倒，無得好似正宗茶樓咁有得揀飲咩茶，所以對茶有好高要求既人士喺呢方面就唔好給予期盼了👉🏻👈🏻不過對🐷🐷而言，點心先係重點💁🏻‍♀️。之前上網睇過呢間餐廳好壞參半，所以無咩特別期待，只係純粹滿足下想食點心既心😛 點知又意外地滿意👇🏻💁🏻‍♀️逸翠鮮蝦餃（$32）估唔到有兩隻顏色，不過味道其實係一樣。蝦餃皮唔會過厚或過薄，包住既蝦都有好幾舊，而且鮮甜😉💁🏻‍♀️蟹籽蒸燒賣（$28）估唔到咁大粒，有唔少蝦，食落爽口💁🏻‍♀️百花釀魚肚（$36）真材實料，正💁🏻‍♀️北菇滑雞飯（$33）好大碗，而且啲雞好滑，送飯一流，十分飽肚💁🏻‍♀️葱花炸兩腸（$24）腸粉皮唔算好薄，但好滑，加上油炸鬼勁脆，值得一試💁🏻‍♀️芝心蝦春卷（$30）有芝士既春卷真係好完美，有拉絲既效果，仲包住成隻蝦，喺其他餐廳確實少見總括來說，呢間餐廳相當有驚喜，價錢同質素係成正比，值得一黎

近期好似多左好多點心專門店，逸翠軒喺尖沙咀就有兩間分店，而家連夜晚都可以嘆點心，好方便。食客除左好多都係遊客之外，有唔少都係本地人，行完街嘆返個夜茶，幾籠點心，夠晒開心啦。茶位$4，但就冇得揀咩茶，如果有得揀咩茶會更好。如果鍾意食盅頭飯，有套餐供應添。我就鍾意飲湯，淮山杞子元肉燉老雞湯原盅上枱，多材料又幾清潤。逸翠鮮蝦餃係有綠白兩隻色，賣相靚之餘入面仲有好多筍同蝦肉，真材實料。蟹籽蒸燒賣入面雖然有蝦同豬肉，但就食到幾舊肥豬肉，唔係我喜歡的。芝心蝦春卷即炸夠脆口，入面加左芝士有拉絲效果，呢個配搭唔錯。叉燒菠蘿包一次滿足兩個心願，細細個幾cute。薑汁棗拉糕作為甜品，棗味濃薑味就唔多夠，偏甜。所有野食都冇加一，每人幾十蚊夠經濟。

今日同老豆兩個係尖沙咀買完野，見肚餓就去左逸翠軒食d 點心。原來我地去果間係尖沙咀新開嘅分店，位置同店入面嘅環境都唔錯，而且點心d 價錢都幾平。我地兩個叫左兩個老火湯，一個鳳爪排骨飯同皮蛋瘦肉粥，仲有小籠包同菜心。上菜嘅速度都幾快，而且份量都幾足。不得不讚佢地嘅老火湯真係好夠火喉同好足料！仲要無味精😋同埋小籠包都做得唔錯，d 肉汁同湯配售搭得好好，而且用左一小片紅蘿蔔係底，夾起果陣唔會穿左漏晒d 湯出黎。菜心都幾嫩，同埋食落唔會話苦同有好大陣草青味。皮蛋粥煲得又綿又香，有口感而且唔會好稀，同埋好多皮蛋😍而個排骨飯都蒸得幾好，飯嘅水分啱啱好，唔會食落濕溼溼，鳳爪同排骨都蒸得好嫩好入味👍🏻

路過尖沙咀，突然似快要落雨的樣子，這個時候當然要找個地方歇下腳，避下雨。我們看見一家點心專門店，見環境可以，價格相宜，於是便進去試試。菜單主要有三張，一張主要是點心，一張是燉湯，最後一張是套餐。我們點了幾款食物，逐一品評一下：鮮蝦雲吞麵 $33雲吞麵一客有四粒，每粒都飽滿大件，內有蝦仁一隻，彈牙爽口。麵是幼麵，軟硬適中，湯底亦有鮮蝦味。逸翠鮮蝦餃 $32這個蝦餃很有驚喜，有兩款顔色的皮，其實味道相約，但很漂亮。每隻蝦餃內都有豬肉和滿滿的蝦肉，很滿足。百花釀魚肚 $36這個其實是蒸蝦滑，下面墊底的是魚肚，用料頗足，抵吃。煎釀虎皮尖 $24一客三件，青椒是頗辣的，煎得很香。色香味俱全。香茜牛肉腸 $25份量很大，牛肉味濃但腸粉皮略嫌厚了一點。如果可以改良一下，再薄點再滑點便完美了。但以這個價格來説是超值的了。鳳爪排骨飯 $33鳳爪與排骨的份量是很多，幾乎舖滿了整個碗面。飯是剛剛蒸好的，熱騰騰好味道。茶位每人只收四元，沒有加一服務費，埋單每人都不用一百元，已經很飽了，超值推介。整體味道不錯，上菜快，環境舒適，價錢便宜。以這個價錢來說，性價比超高，值得推薦。

逸翠鮮蝦餃呢個蝦餃，好鮮甜，佢係鴛鴦嘅，又適合啲比較鍾意用菜製成餃子皮嘅人，大家不妨一試，因為平時嗰啲酒樓都係用白色嘅皮，大家可以試吓呢個菜嘅皮。百花釀魚肚呢個魚肚，都係好新鮮，同埋最主要係佢好滑，啱晒啲想皮膚好嘅女仔！煎釀虎皮蝦你一個虎皮黑，蝦肉非常之爽口，而且蝦沒有鹹水味，同埋蝦都好大隻，唔知平時其他餐廳咁煮完之後啲蝦縮晒水。流沙奶皇包流沙奶皇包，佢真係做到流沙嘅效果，咬落去要小心啲，因為入邊嘅醬汁好熱，容易會熱親！同埋佢係真係做到留心嘅效果，香！係依家係真係好難得！蟹子蒸燒賣去飲茶又點少得燒賣呢？佢呢個燒賣啲客都係一樣咁鮮甜，重點係，佢啲蟹子都係好足料，唔會話淨係比一兩粒你，同埋佢入邊嗰啲豬肉好少肥肉，所以大家係可以值得一試！白灼菜心 平庸 冇乜特別。順道講一講附近的環境，附近便是百樂酒店，而且風景優美，有很多不同的香港特色小店，而且交通方便，在酒樓下面便有很多街頭小食，而且亦可以去附近的大型商場， 10分方便！