道北工房 (已搬遷) 新店位置

每道菜都超有水準，服務無得彈，呢個位置一定是朋友介紹才會去到，多謝同事介紹，過了一晩開心又滿足的一晚。無介紹錯！魚生新鮮，牛舌很厚肉，從未嚐過，最後用牡丹蝦頭去煮面試湯！

今晚在北角附近放工，順便約朋友食個晚飯。搵到呢間多國菜Fusion餐廳，好有特式，便過來食下，在天后地鐵站行過來都近。贈送前菜- 牛舌心，煮得軟稔嫩滑，牛肉味濃郁。莞茜皮蛋肉碎煮大蜆，即制熱辣辣，大蜆夠大隻而鮮甜，肉質飽满嫩滑，爽口彈牙，莞茜同肉碎的香甜味滲入蜆肉同湯當中，口感層次豐富。重慶香辣鮑魚雞球煲仔飯，第一次食咁特別的煲仔飯，用上平時雞煲的辣雞肉煮成，香辣惹味，香氣撲鼻，飯粒結實煙韌，吸收晒辣汁同雞肉的精華。炭燒加拿大有骨保濕豬鞍扒，煮得剛好熟，有陣陣炭燒香味，肉質厚身多汁，嫩滑香甜，豬肉味濃郁。

朋友生日為求給她驚喜，找了一家Fusion菜，打算滿足一下嘴饞的她。道北工坊最出名是那些巨型海鮮，很多朋友會預留一兩隻作開菜，看到已經流口水了🤤。贈送前菜- 牛舌芯爽脆青瓜、爽甜蕃茄配牛舌心以冷盤上桌，口感富彈性，肉汁豐富。法式焗虎蝦多士店家以蟹柳蘿蔔粒及蝦粒混沙律醬再以芝士灑表面焗製，醬與香脆多士互相配合，惹味之選。莞茜皮蛋肉碎煮大蜆大蜆鮮甜無砂，湯汁清新而帶蜆香及咸香味，皮蛋蛋白滑身彈牙。炭燒美國安格斯牛小排五成熟牛小排肉嫩，入口富牛肉味，咬下肉汁滲出，越咬越香。

8點到左，唔使等，環境優雅，一入到就有濃厚嘅海鮮味。 侍應態度好好向我們推介餸菜，好有禮貌。前菜之選牛油果沙律-廚師好重手好多牛油果。粒粒牛油果🥑罕有地加埋Wasabi同沙律，配搭得啱啱好好，非常好味。因為之前食嘅牛油果沙律通常都係得沙律醬沒有wasabi，反而加wasabi令到個配搭變得非常新鮮。皮蛋莞茜煮蜆 - 本來諗住揀清酒煮蜆，但廚師推介皮蛋莞茜煮蜆。一上碟好多芫荽，一食落去，啲蜆好入味好多芫荽味，應該煮左好耐。鵝肝伴飯 - 3份大大件嘅鵝肝係個盤道。侍應加蛋加芫荽加豉油幫我地攪勻，仲好貼心問我地使唔使多啲飯焦定係唔鍾意飯焦。食落口，鵝肝味好香， 飯焦好有口感，大熱推介。

愛吃、愛試新口味的好友，說是知道有新店開張，於是又約同大家去吃過夠。大夥來到店前，看到店子也覺意外，門面裝修很有規模，內裡有著大大的魚池，而且還有二樓。餐廳為我們準備二樓的一個角落，有點貴賓之感。我們邊等著還未到的好友，邊談天，也研究今晚的菜式如何。當大家也來到後，餐廳開始為我們上菜。刺身 (自選款式約$1000)，刺身只要是新鮮，怎樣也會好吃。單看色澤鮮明，色彩光亮，已是上上之選。特別是赤睦，晶瑩剔透，看似會透光一樣，入口鮮味及魚香十足，玻璃蝦鮮甜可口，極品之至。燒雞，外皮燒得有點燶，雞皮也被燒成很深色，可是外皮卻完全沒有燶的味道，反而帶著濃香的燒烤味，更驚奇的是肉質軟滑，肉汁豐富，雞油從皮肉之間流出，更覺香濃可口，完全想不到烤成這樣，卻是皮香肉滑。燒豬手，外皮看來很乾，卻又透著香烤的豬手香。皮雖有點乾，卻仍帶著脆香，很合適伴啤酒。肉卻是鮮嫩的粉紅色，軟滑香口，質感豐富，就連中間的豬骨也是粉紅色。配合豬手下的酸菜，除了減低了肉膩感，酸菜的味道更突顯豬肉的肉香及肉味。花雕蒸蟹，這個更為眼前一亮，比珍寶蟹更為巨形，以花雕蒸出雖沒以薑蔥炒成的香氣那麼濃郁，可是花雕蒸過後，蟹肉又帶出酒香，配

餐廳距離地鐵站唔算遠，10分鐘內就到，都幾方便。餐廳佔地2層，地面果層有好多海鮮缸，證明海產非常新鮮。新鮮生蠔同鯛魚刺身🐟海產咁新鮮當然要叫返幾款試下啦。我地點左生蠔同鯛魚刺身。生蠔好大隻好肥美，而且好鮮甜。鯛魚平時好少食，估唔到原來咁清甜，重點係好厚切。海膽火鍋🍲平時食海膽都係就咁生食，真係人生第一次用海膽做火鍋湯底🤩 店員話佢地係用六隻北海道海膽去做，加埋上等昆布汁做鍋底，齋聽未食都已經覺得好吸引。火鍋料拼盤包左三文魚，大蝦，蟹腳，帶子等等好豐富好抵食～沾滿海膽的食材除左本身食物的清甜外，會多左一份海膽濃郁的鮮味，真係好正👍🏻 食完曬之後店員仲會加入白飯，雞蛋等去煮成粥，超級滿足呀！不過呢個係期間限定，所以未必次次都有得食！

朋友住天后，今晚就話帶我去一間叫道北工房食好野！佢有兩層，地下係賣海鮮，即叫即整👍買番屋企自己下廚又得。朋友話仲可以book烹飪班，又幾特別。今晚叫左個我最愛的炒美國蘆筍，超級爽嫩清甜，健康之選。蟹籽牛油果🥑虎蝦🦐沙律🥗，牛油混入芥辣好有驚喜，味道好夾，加埋爽口嘅虎🦐同沙律菜，係我食過最好味的牛油果菜式😋焗龍葵菇🍄釀加拿大珍寶帶子，面層的芝士好香濃，帶子又甜又爽口，配上龍葵菇，一咬又香又甜又多汁，小小一個餸已經感受到廚師的用心！芫茜皮蛋碎肉煮大蜆，大蜆好大隻，一D沙都冇，肉質鮮甜。最後叫左兩款甜品法式焦糖燉蛋、Panna Cotta，兩款都好夠滑，甜度適中，為整個晚餐畫上完美句號。

今日有位台灣朋友嚟咗香港，所以就搵咗一間位於天后嘅道北工房，主要係食多國菜，咁就唔洗擔心唔啱口味啦😜餐廳樓底好高，分開上下兩層，裝修以日式為主。入面有個大魚缸，分別都放咗唔同嘅活水產，例如花咲蟹，加拿大肉蟹，海螺之類。牛油果配芥辣醬虎蝦沙律新鮮雜菜沙律，咬落脆口。芥辣醬配上牛油果蟹籽，加上虎蝦嘅鮮味，有多種唔同口感。因為味道帶微辣牛油果又帶清新，選擇呢道菜作為餐前小食，係唔錯嘅選擇。辣椒皮蛋肉碎上湯煮沙白呢一道較為似中式嘅菜，味道配合得幾好，帶少少辣味同芫茜味，鮮甜嘅沙白加上肉碎，豐富咗上湯嘅味道。又特別又好味嘅一道菜。香草燒雞淡淡香草嘅味道，加上新鮮即磨嘅黑椒粒，味道帶少少嘅甜 ，皮薄燒到好脆，雞就用咗幼雞，所以食喺上嚟肉質好滑。餐廳食物質素高，老闆又細心，每食完一道菜都會嚟問吓食客對餸菜有咩意見。感覺到餐廳對食客的尊重，很有心。

今晚又俾我喺天后搵到間新餐廳'道北工房'，我初初以為係一間日本料理餐廳，直到坐低打開menu先知，係一間多國菜餐廳，日本嘅刺身鍋物，意粉生蠔，就連煲仔飯都有得食。魚缸仲放咗唔同喺日本直送嘅活海鮮。海魚刺身又大條又新鮮，魚眼非常通透。鋪內仲有風乾牛肉，醃咗嘅雞，新年仲有蘿蔔糕可以買返屋企，自己煮。仲有季節限定特別餐牌冷盤就叫咗虎蝦芥辣醬蟹籽牛油果，淡淡嘅芥辣帶微辛味，可以將味道較寡嘅牛油果味，變得更有層次。虎蝦爽口彈牙，同牛油果有強烈對比，好開胃嘅一道菜。蝦多士我食得多，成隻大虎蝦喺塊多士上面就真係第一次，多士焗到外脆內軟，牛油蒜蓉加蟹肉絲，加埋沙律醬，食得出廚房係用心去做。超級推介呢個鵝肝煲仔飯，打開蓋聞到香噴噴嘅鵝肝味已經好開心，仲見到3塊超厚嘅鵝肝，真係好正，睇完一陣店員就將雞蛋，蔥花，芫茜，放落煲仔撈起。每啖都食到脆脆嘅飯焦，雞蛋嘅滑，鵝肝嘅油香，蔥花同芫荽嘅清新配合得好出色，鍾意食鵝肝嘅朋友一定要試。

今天老細升職話請食飯，佢帶左我去天后永興街道北工房食晚飯。我地未夠七點已經到達，餐廳裝修同環境都好好，老細一打開餐牌就熟練地點菜，仲同餐廳老闆打招呼，原來佢係熟客😆首先黎個生蠔，賣相靚仔，食落好厚肉，第一款KYS Marine好清甜，好想食多幾隻；第二款Lambert，更加厚肉，但有種礦物味道，個人較喜歡KYS。鰆魚刺身，好新鮮，切得好薄，廚師刀工幾好，先把蘿蔔蓉加入醬油，再配上本身質感較硬的鰆魚，感覺好清新，口感亦變得軟了，好味！😋道北鵝肝煲仔飯，面層有三大件鵝肝，加蛋、芫茜等配料攪拌就食得，D飯好香軟硬適中，芫茜一定要落先好味，它會令鵝肝飯冇咁油。我本身吾識飲酒，但都覺得個清酒好純好易入口👍

女朋友知道我愛吃鵝肝, 今晚特別約我去,    天后  道北工房 吃鵝肝飯.  餐廳的地鋪做零售食品, 海產, 扒類及  日本酒.餐廳在一樓,  有落地大玻璃窗, 地方寬敞.  每張檯上都備有白開水.天花燈飾以酒樽作主題, 女友看看餐牌, 即先點了 鵝肝飯,店員一盆子送上.  鵝肝飯用鐵鍋盛載, 伴有雞蛋.  餓肝煎得香, 很肥美,  香氣傳來撲鼻, 加添我們食慾感.  盆子內有 元茜, 青蔥和醬油.鵝肝大大塊, 油脂豐富,  與其他餐廳不同, 店員會把鵝肝打碎拌入白飯,                        再加入青蔥, 元茜,和醬油,   每人一碗, 白飯吸入鵝肝油脂加撈汁, 很不錯, 變得香滑可口.  鵝油味濃.   我又愛那帶點焦的飯, 有點香脆口感.  店員服務真不錯.  我們兩人全鍋吃清.   真另有一翻滋味.我知道女友愛吃火鍋, 點了秋季推介.    天舟鍋  2 人前,先來鐵鍋盛載濃鬱甘甜的海膽湯頭, 黃金的海膽, 色香味齊. 海膽鍋用的海膽都是由北海道空運來,  鐵鍋在電磁爐上, 湯頭微微滾起, 海膽香氣撲鼻,   顏色光澤好吸睛.  師傅教我們海膽鍋要慢慢燒

朋友介紹去天后永興街的 道北工房 (The Fusion Studio) 我是電器道一帶食肆的常客, 但也沒有發現此兩層樓的餐廳.  原來位置靠近維園道.  此餐廳給我們的印象, 服務頗全面性.   地鋪有海鮮缸, 檯上有冰格藏著多款海產, 雪櫃內展視牛扒. 有點像小超市, 原來在此可以零售食品.另一邊高櫃, 放有日本入口酒.  也可供零售或送上一樓餐廳享用.步行上餐廳, 環境不錯,  用餐空間闊落, 舒適自在.服務員很勤快, 安排座位便立即送上熱熱的綠茶及餐牌. 今晚天氣較涼, 餐廳有秋季限定推介.   天舟鍋  2 人前,  看看 menu 好適合我們.......海膽火鍋, 用精選北海道海膽, 上等昆布汁做鍋湯底.  再加上日本進口的不同海鮮. 超值 !!  有鮑魚, 帶子, 三文魚, 石斑, 大蝦, 蟹腳, 全部刺身品質, 可以即食.   各款肉質優, 色澤明亮.火鍋配料有新鮮蔬菜: 日本草菇, 大蔥, 生菜. 北海道產海膽涮涮鍋,  先在廚房煮熱, 師傅話用了六隻海膽, 真材實料,  上檯已聞到香味濃郁, 金黃色的海膽湯底, 好吸睛.師傅話海膽鍋要慢慢燒, 不要太熱滾.  先

叫左個局豬飯........d 飯唔熱........豬排無味.........個湯係凍的................！貨不對版，要收$80...........

第一次黎 誤打誤撞 見到間日本野 就上左去食野 一上到去個環境裝修係好少有既工業風🤩之最估吾到哩到個老闆好細心 事關我去洗手間既時候 發現洗手間入邊有衛生巾呢樣野 係為客人准備的 哩一點真係要比個like佢👍🏻 重點係d野食 牛排食洛感覺上同出面食到既差不多 但原來個重點係係個燒汁到 我最想推介朋友黎食既野 麻辣雞煲煲仔飯呢個係必食😛或者鵝肝煲仔飯 都一樣咁出色 仲有...仲有.........有好多都好有心思啲刺身切好靚😝

第一次連啲間比較特色嘅日本菜，朋友介紹，一早book好枱唔係傳統環境好好，好舒服，座位比較少，貴精不貴多，如果唔book，分分鐘無位服務質素OK，服務員nice介紹菜式,廚師上個電視節目，有開班教整蛋糕，留上未食嘢，樓下就係教整嘢食，整體好高級最特別就係鵝肝炒飯，真係好好好好好好食同埋海膽都係大讚.甜品勁正，牆腳蟹好抵食，一大隻，四個人剛剛好，總括來講，唔係出邊食到嘅普通日本野，真係好有創意，味道好唔同，食完會好想再黎