醉鮮靚湯特色粉麵

营业中

休息中

話去食午餐 , 結果去到已經是2:25 pm 變咗下午茶, 仲好唔駛迫和平D. 第一次嚟食, 好開心今日叫嘅食物都做得好. 最驚喜是放在側邊的調味料, 唔係普通料, 喺小蝦乾, 香香脆脆 唔知喺唔係櫻花蝦呢？另㚈仲有自製嘅蝦乾XO醬, 都幾惹味. 這兩種配料都喺任你落 , 下次大家去唔好唔記得落！ 個醉鮮麵喺要加錢, 如果未食過喺值得俾多$2去試, 呢隻麵喺出麵較少食得到. 我會去多幾次試埋其他菜式. 今次叫嘅三款食物中, 我覺得撈起$12一碟可以每次嚟都叫, 又平又健康又好食. 

雖然葵芳都算我的「地頭」，不過自從搬屋後，在葵芳蹓躂便愈來愈少。今天碰巧要到這區買東西，肚皮餓起來，就到附近覓食。 沒想到，葵芳的食肆選擇愈來愈多。我說的當然不是葵涌廣場，而是指葵芳街市與學校區一帶。那裡新增了各類食肆，如西餐廳、火鍋店、快餐店和拉麵店等。而這次我便走進了這家看起來並不起眼的麵店。 麵店雖不大，我亦沒有從媒體聽過，倒是搜索之下，看到不少網民力推，就這樣，我便踏進去了。 店舖不大，茶餐廳的格局，幸好當晚是一個人光顧，否則就要在外等位了。店不大，但卻坐滿了廿多人，每張桌子上都放著一碟相似的菜——不是醉雞，就是醉豬手，還有招牌的「醉鮮麵」和「魚湯麵」。 當天，胃口想吃爽口一點的食物，所以點了「醉豬手醉鮮麵」。 食物來到，我還放入口，但已經聞到一股酒香。醉豬手的酒味濃郁，酒香滲進了肉和骨，吃起來爽口之餘，還嘗到酒精的甜味。 麵呢？雖叫「醉鮮麵」，但吃起來卻不覺有半點酒味。後來聽人說，才知道其實沒有酒精成分，「醉鮮麵」其實跟酒沒關係，但依然值得一試。因為它入口爽滑，口感亦比米線煙韌，不錯！值得一試。 我還另加了「鮮蝦腐皮卷」，一吃就知道是廚師自製的，腐皮很薄，吃得出有

見網上評價唔錯 所以去試下 七點左右去到 唔洗等位 叫左醉雞醉鮮面 同鮮鯇魚咀醉鮮面 換醉鮮面要加3蚊 因為未試過 又見個名咁特別 所以試下 但跟泡飯 河粉同米線就唔洗加錢 醉雞好夠味 份量都唔會好少 另外係第一次試醉米線 好有驚喜 係介乎於米粉同瀨粉之間 比米粉粗但比瀨粉幼 好爽口 一試便愛上 強烈推介！！！另外鮮鯇魚咀製作需時 要等大概十分鐘左右 有兩個魚頭 都好新鮮 因為太肚餓 唔記得影相 湯底都係清甜既 但個人覺得鹹左少少 但係整體黎講係好味既 另外餐牌上都有唔少泡飯 特色小食 下次會再黎試！

豬軟骨米線。很難食。米線淡而無味，湯底如同滾水般無味，配料份量極少。豬軟骨過硬，味道調配不當。色澤更是難看，染色配料像是落重許多。服務生態度很差。非常失望...又中伏

靚湯底,鮮甜無味精醉雞好入味,都新鮮,不過細件D炸魚腩,好香口,不過好多骨,要好小心XO醬令米線生息不少仲有蝦米,超正,未試過有蝦米做配料成件事好住家feel健康又美味~~

經常到葵芳食野，但今次第一次到這小店。既然叫做醉鮮靚湯特色粉麵，當然要試一試佢既招牌醉鮮湯底啦。我地分別點左醉雞同醉牛麵線, 未食之前已經聞到酒香!! 醉雞既酒醃得好重, 雞亦好少肥膏, 好嫩好滑. 而醉牛真係第一次食, 估唔到酒味都咁濃, 但食落又不會將牛肉味蓋過，值得一讚! 另外，鮮魚湯底好清甜唔咸, 鍾意魚湯既朋友千其唔好錯過😄 魚湯蘿蔔更加將魚湯精華吸收晒，加上蘿蔔又夠腍，真係想食多幾件啊!!燙生菜亦都好鮮甜，仲可以平衡一下食左咁多肉類既油膩感添~

今日開工又嚟食呢間，例牌叫咗醉豬手醉鮮面，佢個豬手呢真係醃得好入到酒嘅味，同埋好爽脆彈牙。咁又例牌叫咗杯凍香檸薏米蜜，係咁熱咁濕嘅天氣飲杯凍薏米蜜，真係飲完個都覺得好清新同身體感覺舒服曬。

其實之前都幫襯過幾次，今晚又嚟食晚飯我叫咗個「鮑羅萬有」魚湯醉鮮麵，咸魚煎肉餅。鮑羅萬有即係鮑汁雞腳+鮑汁豬手+鮑汁雞翼尖，當中最驚喜係雞翼尖，超級入味同埋骨肉一咬就分離XD咸魚煎肉餅超級香口，有d似食緊豬肉版嘅麥樂雞魚湯超鮮甜，魚味夠重，飲咗唔會口乾，無味精醉鮮麵係呢到先有嘅麵，個樣似賴粉但係口感似米粉溝咗薯粉同魚湯一齊食好夾好好食！屋企人叫咗魚鮫醉仙麵，我試咗一舊，d魚都好新鮮好多肉。支持小店

很喜歡吃雞. 醉雞是我頭號至愛之一. 要整得滑又夠熟, 浸雞時間要準確. 今次到醉雞專門店吃飯. 雞件酒味夠香而不苦, 味道很好. 可惜雞件不夠滑. 米線的魚湯顏色很白, 但沒有味道, 只是普通粉麵檔的湯底

難得放假…賴先生就梗係夾實屈小姐玩足1日啦! 而細心既屈小姐每次都會搵定食d乜!!黎到葵芳! 佢搵左間食麵既，睇中左佢既醉鮮麵同埋魚湯湯底(利申:we are fish lover)，所以就去左試啦!入到去環境都幾乾淨! 睇下個餐牌啦，屈小姐就一早決定左叫醉雞魚片魚湯醉鮮麵，而賴先生就係牛筋腩同豬軟骨中掙扎! 最後揀左豬軟骨鮮茄薯蓉湯底醉鮮麵! 另外再叫左椒鹽魚腩同靚湯煮菜!先comment下個湯底先…!魚湯: 都唔差啦! 但魚味不及生記(上環)同添記麵皇(荃灣)…而佢個靚湯煮菜只係同一個魚湯+左鹽去煮，比起生記同樣既魚湯菜差一點，因為生記既魚湯菜真係濃d既魚味!豬骨湯 : 正常既! 不過不失!鮮茄薯蓉 (要另加4蚊) : 呢個就失望左少少，因為…冇乜蕃茄味，另外薯蓉比較少…食到好底先食得到薯仔蓉…under expectation但比呢間既comment係黎由佢個醉鮮麵(加3蚊轉)同埋佢d餸既!醉鮮麵: 係比米粉幼既麵，望有少少似檬粉，但比檬粉更有咬口同彈!!好特別好正!醉雞 : D雞好滑! 食得出酒味! 不錯之作!豬軟骨 : 不得了! 炆得好淋…好入味! 個人(賴先生)覺得送飯一流

在一個中午考慮吃怎麼午飯時,,同伴提議去嚐這間店,,說很好吃,,可以試下在大雨下,,來到這間店,,入到店內幾乎坐滿了人,,詢問了同伴推介@@看餐牌,,直接選了推介"醉系",,都花多眼亂xdd每樣都想嚐試。我選了醉雞w($41)選擇配米線/麵/泡飯再選 魚湯/豬骨湯很可惜飲品要加錢。稍貴喔聽說檸蜜薏米水係自家煲,,可以試!!同伴說很好飲。加配$6首先湯底夠香濃,,夠吸引!!食落又唔會太咸,,但米線上枱已經浸到漲哂,,所以有點不足。醉雞味道很好,,冷度足夠,,雞肉夠滑身,,仲有不會有太強烈酒精味,,大概有把酒煮過,,當然這個是凍吃,,xd最後,,如果喜歡吃魚,,絕對是好選擇,,有鯇魚片供應,,選埋魚湯就正哂啦ww

香港地有邊個打工仔做嘢唔辛苦吖，有時放工已經接近8點，唔通仲返屋企煮咩。都係喺附近睇下有咩想食好過啦。係街行行下見到呢間有泡飯，好…就試試佢。海龍王泡飯，追加了蕃茄薯仔蓉湯底。湯底濃厚，帶有蕃茄的微酸，很醒胃，而泡飯亦有菜，感覺比較健康。而泡飯亦配有一小碟的炒米，喜歡的話可以伴泡飯一起吃，香脆的炒米加泡飯，頗有口感。但個人覺得炒米略為硬了點，不夠鬆化。泡飯本身的材料都幾豐富，有蝦、蟹柳、魷魚等。

有誠意的湯品小店: 醉鮮靚湯特色粉麵* * * * * * * *近來發掘新地點shopping ，最近新寵是葵芳一帶，皆因他集新商場於一身，特色商舖多、食肆多、價格又便宜，基本上在這兒打發時間，一定購買到心儀貨品。到葵芳廣場，除了指定"掃街"動作，也努力搜尋可 舒服坐下來慢慢用膳的餐廳， 對上的星期日，在網上找到醉鮮靚特色湯粉麵，碰巧在晚飯時間路過這兒，看見門面光鮮，室內格局企理整潔，最重要還是菜式合心水，價錢大眾化嘛，就決定進來内用餐。食店內座住不多，小本經營模式，大約容納到廿多人，簡單裝潢，燈光柔和亮麗，暗閃黑色枱面與椅子，有份型格，脫去一份傳統茶餐廳味道，小店有電視節目播放，也提供免費wifi，規模雖小但服務相當貼心啊! 小店菜式精簡，但好多食材都合我口味呀!小食多元化，價錢由17元至48元不等，要注意是份量偏少了，通常有「不夠喉」的感覺。這3款食物相信是新推出的，胡椒酸菜真的不得了呀!再細看餐牌上菜式，主打"醉系列"如醉雞、醉豬手，"鮮系列"則有鯇魚腩、鯇魚鮫，牛筋腩，"泡飯系列"包括海龍王或客家酸菜魚片泡飯，"特色系列"如鮑汁豬手、豬軟骨、"特選系列"就有香煎咸魚肉餅、醉鮮

每次行完街都會黎食呢間泡飯，上枱時會用隻碟仔裝啲脆米俾你食既時間就加落啲飯到，好有咬口呢個飯岩晒我呢種懶人全個飯用羹就食到，湯入面有啲菜粒、粟米、鮑魚絲，加埋個鮮甜既魚湯，真係好好味

這家店告訴大家，在葵涌，就算不在工廈也能找到平民美食😗既然店名是「醉鮮」，唔係唔點醉雞醉豬手同魚湯呀化～醉雞呢～紹興酒滿香，雞塊大小適中所以頗為入味，如果太計較那是冰鮮雞⋯認真你就輸了魚湯呢～隔壁桌吃的時候聞起來真的有小腥，但吃起來卻不是那回事了疑似開沖劑的感覺，但不能否認它調味不多，魚鮮味道仍然品嚐得到。吃醉豬手最能看出店家的功夫，因為豬手皮厚，無疑增加使其入味的難度。事實上這道菜確實稍遜於醉雞，但$4X有如此份量確實難求😢有趣的是例牌醉豬手+$1就有一份魚湯浸菜，份量根本就跟一般單點一樣，把這頓飯的性價比大幅提高😱另一高CP值推介就是這份椒鹽魚腩起初在餐牌上看到才$25，就想著點份小吃還不錯結果呢～根本就可以當一道菜嘛～炸雞香料遇上鯇魚腩，泥味算是蓋了一大半😂雖然稱不上人間美味而且有難搞的丫叉骨，但是這個價位這個份量⋯😝😝😝最後簡介一下這個海龍王泡飯在魚湯的基礎上加上蝦仁、帶子、蟹棒、鯇魚片等海鮮，份量十足。惟不足之處就是鯇魚片的魚刺沒有處理掉魚腩有刺很能理解，但泡飯呢家野會大啖大啖咁食，魚刺處理掉即能大快朵頤😜這種小蝦子是可以隨意下進湯裡，確實能提鮮、增口感以上結賬盛惠$15X（