重慶劉一手火鍋店 (已結業)

同朋友約好左黎挑戰呢間麻辣鍋，發現做緊湯底半價，又幾抵喎！座位好闊落，格夠大，可以放好多碟野食都唔逼，裝修風格都幾特別，有民族特色。配料選擇好多，特別係魚類，連龍躉都有得叫。叫左麻辣小辣，同酸菜魚片湯底，兩款的辣度其實差不多！不過酸菜魚d 魚片好新鮮好滑，份量仲好多，食得好滿足。魚片大大舊，又滑又唔腥，鮮味！酥肉炸得好酥脆，咸咸香香，做餐前小食無得頂！牛頸脊大份，份量真係好多！肉質嫩滑有牛味，唔錯。最愛嘅炸芋頭！好香脆好粉，仲好香芋頭味，竟然夏天都有優質芋頭！寛粉好滑好彈牙！吸哂麻辣湯精華！呢個必試！整體服務好好，環境都幾舒服，價錢尚算合理。

香港人最鐘意就係打邊爐 當然我都唔會例外所以就去試下呢間重慶火鍋……兩個女仔去食唔到太多所以就叫得唔多鴛鴦鍋（芫荽/麻辣）$168一邊清一邊濃既湯底向來都係我既最愛芫荽湯底有皮蛋既香味同芫荽獨有既清香麻辣湯底就相對濃味 辣中帶麻牛骨濃汁牛丸$68見佢個名好得意就叫左黎試試 點知食落有驚喜食落有好香好重既牛味 咬開牛丸中間有牛汁而且有牛丸獨有既爽口彈牙 好配麻辣湯底鱈魚芝心丸$68睇佢外表既顏色就已經非常吸引 一開始食落係外面鱈魚粒既口感同味道咬開中間係半溶既芝士 兩種味道食落好夾雞肉片$88原本以為會係平時出面食到有雪味既雞肉但食落感覺好新鮮 雞肉既肉質亦好鮮嫩蔬菜拼盤$108當中包括菠菜,娃娃菜,萵筍,冬菇同粟米拼盤份量十足 而且入既蔬菜都好新鮮尤其係萵筍 配埋芫荽湯底食一流..........整體黎講呢間係一間好正宗既重慶火鍋餐廳 無論係佢既醬汁配料定係食材湯底都好有重慶既風味

休息日行過呢間火鍋店，醒起舊同事成日話好食，見佢湯底做緊半價，一於入去辣辣爽吓。店內光猛企理，有啲中國農家味道，樓上窗旁更有啲客棧感覺。自助醬料區有16種選擇，居然有老干媽！跟住指示整個正宗風味，麻油+蒜蓉，再加啲芫茜、蔥、陳醋。有6種湯底，我哋揀咗鴛鴦鍋，酸菜魚鍋（原價$198/半鍋）正宗重慶麻辣鍋（原價$84/半鍋）由於有半價，成個鴛鴦鍋都係$141咋。兩款湯底各有千秋 ，麻辣湯底叫咗小辣，紅油蓋面，好多花椒+辣椒乾，香氣撲鼻，又麻又辣，越滾越辣，好過癮。另一個係新湯底酸菜魚鍋， 魚片嫩滑，有好多片，味道酸酸辣辣好開胃，呢個湯底都越滾越辣， 到後期會幾辣架。唔想食咁多肉，叫多啲蔬菜類：鐵棍山藥$38，秋葵$38，凍豆腐$38，寬粉$38。豚肉片$68半份海鮮套餐$568好吸引，鮑魚、海蝦仲好生猛，鮑魚、元貝各4隻、海蝦8隻、脆肉鯇8片，全部都好新鮮！元貝鮮甜爽脆，鮮味十足！鮑魚口感腍滑爽彈，好味！海蝦大大隻，肉質爽彈，味道鮮甜！豚肉片滿有肉香，好味。寬粉煮熟後變透明，吸收咗湯汁好好食。由於兩邊湯底都越滾越辣，辣到我哋每人叫咗個沙冰，原來好大個架！哈蜜瓜鮮果沙冰 $88用咗成半個哈蜜

今日忽然間想食火鍋，所以行完街就去呢度食火鍋。食火鍋，湯底最緊要，所以我點左個鴛鴦鍋湯底，兩種湯底都試下，唔洗獨沽一味。正宗重慶麻辣鍋 小辣 由於我唔係好食得辣既關係，所以辣度只能揀小辣，辣度係我可以接受既程度。食落去，麻得黎最後有少少辣慢慢滲出黎，食完好醒晨。酸菜魚鍋 本身好鍾意食酸菜魚，所以每次食火鍋如果有酸菜魚湯底，我都必定會叫黎試下。湯度酸得黎有少許微辣，再加上裡面仲有d魚片係入面，魚肉勁滑，食完個魚之後勁開胃，正。羽衣甘藍豬肉餃羽衣甘藍既豬肉餃真係第一次試，因為有羽衣甘藍既關係，個餃食落去勁爽口，仲可以帶出豬肉既鮮味，餃子皮都算幾薄。牛頸脊 手切牛肉 半份牛肉表面既雪花都算幾均勻，只要放落湯底灼一灼已經好快熟。食落去牛味好濃郁，輕輕一咬已經可以咬開，一d都唔靭，正。朱古力糍粑 見到幅圖好似好好味，所以點左黎下。糍粑面炸到勁脆，裡面既糍粑勁煙韌，再點埋個朱古力醬黎食，好味。 巨峰乳酸沙冰食到勁熱，叫返杯涼浸浸既巨峰乳酸沙冰，沙冰攪得好幼細，巨峰乳酸味道好濃郁，而且唔係好甜，飲完透心涼。

早兩日即興想食麻辣火鍋，所以特約朋友去食依間餐廳，之前都食過覺得好正又辣得過癮，今次再黎辣一辣，但朋友唔太食得辣，最後叫左一邊正宗重慶麻辣鍋小辣同一邊酸菜魚鍋，一送到黎不斷傳黎陣陣麻辣味，辣椒份量非常多，攻鼻到鼻痕痕，而酸菜魚鍋一樣足料有大量酸菜同魚片，湯頭酸中帶甜，飲個時慢慢有少許辣味湧出，唔錯之後出左自助醬料區拎醬料，同拎左餐廳獨有既招牌麻油同醬料拌匀咁點，麻油味極香濃，將係麻辣鍋個邊煮熟既食材再點黎食，的確有解辣功效叫左牛頸脊半份，即係手切牛肉，賣相不失霸氣，灼一灼就食得，厚薄適中，雪花紋路好靚，牛肉味好濃郁，食得出好新鮮，啖啖肉超正之後就黎小食油炸鬼墨魚滑，一份有八件，炸得香脆可口，我個人就比較喜歡放入麻辣鍋灼一灼先食，帶麻辣味食更加惹味十足手打牛肉滑丸叫左半份，非常彈牙，牛肉鮮甜味好突出估唔到龍躉份量都幾多，滑中帶韌口感，唔好灼太耐，否則會過份韌口，魚肉鮮味強烈，每片都係厚切，的確性價比高最後點少得我至愛既澱粉質，平時都係成日叫烏冬，今次叫重慶小麵，估唔到麵條爽彈有質感，配麻辣食真係一流飲埋杯椰汁沙冰解下辣最好不過，椰子味好濃郁，又唔甜，好好飲

無論夏天定冬天 打邊爐都係晚飯好選擇今日係銅鑼灣gei 重慶劉一手火鍋入邊設計好有鄉村風味 坐落感覺好舒服有一種遠離凡囂gei 舒適感本身我地都好想試佢個九宮格 但怕菜食麻辣會好油所以叫左半個麻辣 小辣 半個係滋補豬骨湯佢個麻辣只係小辣 但食落已經好刺激辣中帶麻  令人慾罷不能呢一邊白色gei 係豬骨湯 有香濃藥材味 舊豬骨就咁食都好好味喺食野前 緊係要整自己喜歡gei 沾醬呢度個調味吧雖然簡單 但調味料都好新鮮手切牛頸隻 - 淨係睇個樣 油脂分佈均勻 顏色鮮紅 就知道好食食落牛味食濃 咬落口感非常好手切肉眼邊 - 呢個比起牛頸隻 佢牛味無咁重 但肉質比較嫩滑 係另一種口感黎牛舌 - 個牛舌切得好薄 所以快速咁滾幾秒就食得嫁喇佢食落好爽口彈牙 因為切得薄 所以一啲都唔韌油炸鬼墨魚滑 - 呢個係新鮮炸起就上枱可以襯佢熱辣辣 就咁食一舊先 真係好好味如果落湯就同炸魚皮一樣 煮3秒就食得嫁喇仲有呢一個炸重慶酥肉 又係熱辣辣上碟浸湯食得 就咁食都得 香脆鬆酥 好好味

之前經過已經俾呢間火鍋餐廳既裝修吸引到，今日終於有機會去試一試我諗呢度最出名應該係麻辣既火鍋湯底，不過可惜我今日個喉嚨唔舒服，唔食得辣，唯有揀個清清地湯底：椰子滑雞鍋呢度感覺好乾淨，連放自助醬料都井井有條，非常企理$398既牛肉拼盆岩晒我地2個人打邊爐，可以試唔同既部分，非常推介羊肉都唔差，我都鍾意羊「騷」味，不過老公就麻麻地鍾意羊我地仲叫左唔同既丸，同埋油麥菜仲有秋葵，好似係我第一次用秋葵打邊爐 and i love it😍仲有水果茶好好飲，可以一試👍🏻

夏天最開心就係出街係冷氣房打邊爐，今日約咗老婆唔係食燭光晚餐而係食我哋其次鍾意嘅打邊爐。今次去咗銅鑼灣重慶劉一手火鍋，餐廳幾細心會比一條即棄嘅圍巾，唔會整污糟自己。老婆唔係食得太辣所以今次叫咗一個椰子雞煲。湯底幾清甜大約有半隻雞係個湯底裏面，個湯一滾起就可以食雞件啦，隻雞都幾滑。呢間火鍋店有好多款唔同嘅牛肉俾你選擇有日本嘅和牛澳洲嘅和牛。我哋就叫咗一個極上牛肉拼盤，打邊爐食肥牛就最正。肥牛片有好香嘅牛肉味！仲叫咗其他嘢食包括羊肉片、蝦丸、墨魚丸、新鮮鮑魚、油麥菜同埋秋葵。鮑魚同埋蝦丸最好味，鮑魚亦都非常新鮮千祈唔好落太耐。整體嘢食唔錯我哋仲叫咗一個水果茶，打邊爐飲水果茶最解渴。

今次已經係第二次光顧劉一手，上一次係晚餐，叫咗麻辣湯底，好好味，今日再次光顧，食過返尋味。今次係趕到四點前落單，仲夠時間叫佢哋嘅lunch set，佢哋嘅lunch set非常抵食，二人餐唔使$600 ，食到攬住個肚，仲要打包走添！佢哋食材非常新鮮，呢個係我欣賞嘅！而且湯底都整得好好味，今次試咗兩個新湯底，係上次冇試過嘅，我哋鴛鴦鍋，分別係酸菜魚鍋同皮蛋莞茜鍋。酸菜魚囉比較濃味，皮蛋莞茜鍋就比較清新清淡，我同朋友一個重口味一個喜歡清淡，啱晒我哋各取所需。酸菜魚鍋裏面嘅魚絕對唔少，而且係新鮮嘅魚片，雖然有骨，但係淡淡魚肉爽口彈牙，真係好正。二人餐嘅配料極豐富，每碟嘅份量都唔少，牛肚同黃喉淥8至10秒就食得，非常好味，黃喉非常彈牙。呢個餐牛、豬、雞都有，啱晒喜歡食肉嘅。肥牛非常正，好林，好有牛味，我勁想encore。豬頸肉爽口，雞肉都幾滑，而且厚身，啖啖肉。丸類都有幾款俾你，有大大粒豆卜魚腐、牛丸、龍蝦沙拉丸和蟹柳，樣樣都彈牙好味。蔬菜拼盤裏面有成五至六種蔬菜，其中萵筍好爽口，大愛！其他例如粟米、娃娃菜、唐生菜、冬瓜片都好新鮮。仲有個出前一丁，我哋已經飽到食唔落啦，唯有連埋其他食剩嘅配料一

話說上回途經劉一手，已經深深被那麻辣紅湯鍋吸引，急不及待在這天下班後跟E先生來品嚐一下。店舖採用中式設計，感覺古色古香。山珍雜菌鍋 $84/半鍋 + 正宗重慶麻辣鍋 $84/半鍋 $168/全鍋/九格全鍋 我們選了鴛鴦鍋，左邊山珍雜菌鍋材料豐富，有大量菌類及蟲草花，充滿菌類的香氣。 右邊是正宗重慶麻辣鍋，可選大中小辣，既麻又辣的感覺挺刺激。自助醬料區有十多種調味醬料以供選擇。記得要試這一小罐麻油，不但可以增加食物的香味，而且還可以解辣。菊花桂圓杞子茶 $78/1L 清熱飲品，冷熱佳宜。油炸鬼墨魚滑 $78/8件 剛炸起的油炸鬼墨魚滑要趁熱吃，當小食吃來香脆可口，亦可放湯幾秒後吃，兩種不同吃法。墨汁墨魚丸 $68/8粒 黑漆漆的墨汁墨魚丸，不但爽口彈牙，中間還有不少墨魚粒，入口充滿墨魚汁的香甜濃郁味道，推介！牛頸脊 (手切牛肉) $198/半份 $388/一份 一份有24片，牛肉油脂分布平均，輕輕灼數秒入口肉質嫩滑。團圓鴨血 $68/6件 鴨血質地結實，配上麻辣吃，簡直一流。羽衣甘藍 $68/一份 & 蓮藕片 $38/10片Like & share facebook 送炸魚皮半份，炸魚皮

今日放工又去打邊爐！今次就去左銅鑼灣重慶劉一手火鍋店！ 我地晏左搞到9點幾先食，呢個鐘數真係冇乜人，我地坐左上面個層，環境唔錯，中式嘅裝修，都幾別緻！我地叫左一個麻辣同豬骨，個鍋係有個細位，俾你放麵或者啲易散嘅食物，好貼心！個湯底對我黎講唔算好麻辣，但就算濃，所以都唔駛再點汁！食物我地就叫左肥牛，竹笙，冬菇等，同油炸鬼魚滑，墨魚麵！！個墨魚麵係值得推介，好爽口！好好食！中意食辣嘅朋友仲可以加辣！好惹味！整體唔錯啦！！最後，我地仲叫左甜品，紅糖糍粑，脆卜卜，好香口！😋🤪

上次路過劉一手已經俾佢店內一格格的火鍋吸引了，所以同朋友今日來劉一手食麻辣火鍋，環境雅致而且很有特色！座位亦非常寬趟。- 鴛鴦湯底 (山珍雜菌鍋+重慶麻辣鍋小辣）叫左個自選鴛鴦湯底，其中山珍雜菌鍋材料非常豐富，有各種的雜菌之外仲有大量蟲草花。而重慶麻辣鍋則陣陣香的麻辣味道，即使係小辣，但食落辣勁十足及刺激過癮。- 醬料吧有多種不同的調味料俾食客調教醬汁。吧上有一小瓶的麻油，店員推介要必試，因為香之餘亦可解辣。- 蓮藕 + 羽衣甘籃蓮藕係食麻辣鍋必叫的，因為會吸收曬湯底的精華且脆嫩香甜。羽衣甘籃則是少有的火鍋蔬菜，食落又幾好味又唔怕會過腍。- 墨汁墨魚丸 + 團圓鴨血墨汁墨魚丸好大粒，重墨魚味外仲有墨魚粒。鴨血比起一般豬紅結實爽彈，但一樣嫩滑。- 魚皮是店員指現在只要LIKE佢地個FB PAGE就有得送，咁就更係LIKE左先啦。炸得薄脆而不油膩，香酥可口。- 手切牛頸脊雪花紋理清晰，色澤鮮豔，雖然脂肪比例高但入口不覺膩，肉味豐沛而質感爽嫩。- 西瓜沙冰食得火辣辣的火鍋就更係有一杯涼冰冰的沙冰解解辣，原個西瓜起肉做沙冰，原汁清甜，仲有西瓜肉食。

#重慶劉一手火鍋店 (銅鑼灣)銅鑼灣渣甸街66號Aura on Pennington地下及1樓-----餐廳位於渣甸街轉角位 外牆以多塊透明玻璃包圍 每每路過 都見到入面座無虛席 大家圍埋一檯 嘻嘻哈哈 鍋上熱氣騰騰 個個大快朵頤 場面狀甚吸引 趁住週末放假 B仔就帶左屋企人一齊黎 體驗下坐係入面被路人羨慕既感覺😂😂-◆湯底：呢度一共有六款火鍋湯底可以選擇 有辣有唔辣 所有湯底都可以自選兩款黎合併成為鴛鴦鍋 而我哋就揀咗酸菜魚鍋（$198/半鍋）同埋椰子滑雞鍋（$114/半鍋）兩款湯底都各有千秋 ◆酸菜魚鍋 魚片嫩滑 一開始食嘅時候酸味突出 食到後期辣味就會出曬黎 唔食得辣嘅朋友 食到後面可能會頂唔順 ◆椰子滑雞鍋亦有其特色 湯底有大量連皮雞件 質感未算極嫩 但口感扎實 有雞味🤣 其餘材料有紅棗 杞子 椰肉等等 用料質素唔錯 滋補得黎又潤燥 味道清甜😊-◆火鍋料：食完湯底入面嘅魚同雞之後 我地就開始點火鍋料 呢度嘅火鍋料選擇眾多 B仔好無聊咁將餐單數左一次 火鍋料選擇差不多有150種😨不過由於我地食完湯底d材料都輕微飽 所以只係試左20幾樣材料 係20幾種入面 B仔特別推薦大家食嘅有：

之前聽朋友講過劉一手火鍋，今次終於有機會去食啦😍我地特登揀一個無咁多人食既時間去慢慢歎，唔洗咁急😀湯底方面都有好多款，有一款一定必叫-麻辣鍋😍仲話如果唔夠麻或者唔夠啦都可以再叫😂另一款就叫左養生鍋，好像如果湯底係養生款，感覺食多啲都無咁罪惡感🤣當然本身養生鍋都有吸引力，入面已經有雞，花膠，淮山，可以叫少幾樣餸。湯底都好濃味，所以要飲下湯底先得✌️我本身都好鍾意試下唔同菜式，所以今次叫左牛骨髓😏牛骨髓本身唔會話有咩臊味，反而要調味料調下味，最啱麻辣味😊仲有爆漿牛肉丸，超爆汁，呢個侍應姐姐誠意推薦😂食落唔單單係有牛肉，仲有牛筋部分，好有口感。雙拼油炸鬼墨魚滑蝦滑，呢款熱辣辣就可以食，亦可以滾滾2秒食，如果驚唔夠飽，呢款食得好飽。

《美味得不能留一口的重慶劉一手》～～～❣餐廳名稱：重慶劉一手火鍋店 (銅鑼灣)❣餐廳地址：銅鑼灣渣甸街66號Aura on Pennington地下及1樓～～～小Q最近在瘋狂飲食下 肥了不少 告知閨蜜我要努力減肥後 她竟然馬上約我吃這家我提及多次我很想試試的重慶火鍋😨😨～～～小Q：我今日開始要努力減肥閨蜜a:好啊 我支持你啊 不如今晚食重慶劉一手 你之前咪話好想試下小Q：......（諗了10秒）好啦 咁我食埋今日先減啦......閨a: 哈哈哈哈 仲話減肥 我講一句你就放棄左啦😂😂小Q：我無放棄......食埋呢餐馬上開始減～～～就是這樣 小Q就被誘騙到這裡吃火鍋😝放棄我的減肥大計 這家火鍋店裝修環境和氣氛都非常不錯 顏色紅紅的 很重慶 令人很有想吃麻辣火鍋的衝動 不過因為閨蜜剛生病完不久 怕太刺激會喉嚨不舒服 所以我們最後就叫了滋補豬骨鍋 還好豬骨鍋湯底也非常濃郁 清清的 很能突出食材的味道 雖然吃不到他們的麻辣鍋 不過也吃到這款味道不錯的湯底 也算是個不錯的補償 ～～～另外呢 這裡有好多火鍋醬料給我們選擇 墻上很貼心地寫滿了好多種特調醬料的製法 讓我們跟著做 調好醬料之後 我們就