金兜記海鮮菜館

营业中

休息中

我是這家餐館的常客，也不是第一次來吃羊腩煲，可是今次卻令我切底失望。事情是這樣的，我預訂了一個羊腩煲，卻來了一個＂羊骨煲＂，直接的講就是＂羊雜碎煲＂，點解咁講，因為吃羊腩煲的人，大部份都希望啖啖肉，大口兒的吃個痛快，當然如果有些細骨，亦可理解。但我在煲中真的找吾到一塊似樣的羊腩，我問我的朋友，是否她手快把羊腩肉都全吃清光，她說她吃的都是骨頭，我要求檢查她的骨碟，果真是一座骨頭小山仔，而我的骨碟卻是一座骨頭大山。所謂的羊腩，其實是幾條約1CM x 10CM的幼長細骨，其間由薄肉相連，我們只能把細骨條續一拔出來，才可吃到一丁點的羊肉。我挾到那塊6CM x 6CM 的巨骨頭，就更離譜，根本不可能在羊腩煲中出現，也不知是羊的什麼部份，我在那大骨頭上無論如何都挑不出任何羊肉來吃。我平時都算有食品，但今次真係連餐桌禮儀都吾理，把那個煲大翻身，都只能找到一些細碎的肉塊，我問我的朋友有冇真真正正的吃過一塊羊腩，她說只吃過一塊，真心的說我也只吃過一塊，那麼我們出了$368，連加一就是404.8元，每人就只吃了一塊羊腩，平均每塊202.4元，是否貴得太過份？我們本來準備了那兩碟羊骨和他們理論，不知何時被服

即日book仲有位，兩位大閘蟹宴包四餸：花膠湯，燒乳鴿，炸蝦球，炒糯米飯各一份。 質素都唔錯，唔求其。主角大閘蟹一黎就四隻，size還可以，但全部都係公蟹，有啲多膏有啲無咁多，全部都新鮮夠熱。差不多食完一輪，叫加蟹，職員即入單，大約5分鐘就再加4隻蟹俾你。之後我叫了5轉加蟹，都可以蟹接蟹，職員都很欣勤，限食2個鐘，last call，職員會提你，最後個轉職員主動給了我地6隻。我最後食左12隻，我朋友食左10隻，非常飽，再多都食唔落了。最後有每人一碗姜茶，姜味超濃，消消滯，又驅寒，啱晒。環境坐得舒服，寬落。最後埋單818。

今晚市面比較平靜可以約齊來自唔同區份的親人一同到灣仔食飯補祝太太生日，原本開開心心的飲局竟被這𥚃的服務員徹徹底底的破壞！事緣我們點了任食大閘蟹套餐，蟹雖然細隻但質素不差；當我們食到第三輪的時候，一位衣著看似比較高級啲女部長竟然從一堆我哋棄置的蟹殼垃圾當中徒手拿出一舊話我哋食得唔乾淨，語氣之差⋯⋯⋯⋯連自己也從沒有用這個語氣駡過幾歲大的女兒，更何況我哋係你的客人，當其時自己需然非常不滿和憤怒但都平心靜氣解釋我們不喜歡食白膏蟹及有腥味；同時間另外一個部長經過用鄙視的語氣叫我地上網睇下白膏係好嘢，意思話我地唔識食⋯他們這種＂恐嚇＂式的服務態度逼到我老爸差點要拍枱走人⋯⋯活在當下已經不簡單，難得一家人花上幾千蚊諗住可以食餐安樂茶飯原來也這樣困難，唉⋯

友人上年去金兜記食大閘蟹放題, 推介我去試試.大即閘蟹放題? 喂有創意喎! 未試過喎!於是本著一試嘅心態, 即刻約齊班朋友一齊去吹水開餐.當然.... 放題係有時限, 兩個鐘!除咗大閘蟹, 套餐重有杏汁燉花膠, 黃金蝦球, 燒BB乳鴿同生炒糯米飯, 但係好可惜.... 以上四款菜式即使煮得出色, 重點, 仍然聚焦係大閘蟹身上.每隻大閘蟹約拳頭大, 為咗爭取時間, 手手腳腳被迫放棄是常識吧.攞走蟹和尚之后, 鮮艷嘅金黃色蟹黃馬上呈現眼前, 蟹黃鮮香美味食極唔厭, 轉眼一個人已經食咗十隻, 如果無時限, 相信食多十隻都無問題.最後上嘅薑茶, 睇唔出都幾好飲!食完之后要同大閘蟹講再會, 一年后再相見!

以往幾年都係係屋企食大閘蟹，今年亦都在屋企咗兩次，但聽朋友講呢度嘅任食大閘蟹質素唔錯，所以趁大閘蟹季未過，約埋幾個朋友嚟食。佢哋標榜係日本大閘蟹，我都係第一次食日本蟹，第一盤在坐低10分鐘左右便上，預每人2隻，蟹大約3-4兩，一打開蟹蓋，見到蟹膏好多，喜出望外，蟹膏好黐口，亦好香，配合佢哋調配嘅蟹醋（加佐唔少糖，味道偏甜），層次豐富，亦減少肥膩感。在食蟹同時，鹹蛋蝦球亦同時上咗，蝦球炸得唔錯，但蝦唔算好彈牙，味道合格。杏汁燉花膠湯好熱，杏汁味濃，但湯比較稀，煲湯時間唔夠（唔夠老火）。當我哋差不多食完第一輪大閘蟹，再叫佢哋上蟹，大約5-8分鐘又上到，今次有2隻質素差少少，其他仍然好多膏。紅燒乳鴿質素還可以，外皮脆口會更好。糯米飯亦是剛剛合格，唔算吸引。薑茶辣度好夠，但太甜了，減少三分一甜度會更好。基本上每次我哋食完蟹再點時，不超過8分鐘便上另一輪，數量可以自己調整，開頭食得快，每次上2隻，之後改為1隻，服務好有水準，亦唔會特登上慢啲等你食少啲，令我哋基本上冇停過手食蟹，經最後點算，我同老公每人都食了10隻，一個朋友11隻而另一個只食到7隻，4人總共38隻，總算返到本，抵食。

朋友推介這灣仔的中式餐廳原來到了大閘蟹季節，有個$358的套餐，可以任食大閘蟹大閘蟹是小小的那種但可以人比較多，上大閘蟹的時間比較慢，最後一輪要等30mins 才來到...我不食大閘蟹的，所以點了個$398套餐，有鮑魚、翅、花膠，雖然沒有任食項目，但味道不錯也是很便宜的。

呢間店系主打海鮮噶，但系我地好少系呢度食海鮮。因為呢度噶其他菜真系唔錯，次次都好吸引我地，以致於海鮮都被放埋一邊。我最中意噶就系燒乳豬，上菜噶時候熱度永遠岩岩好，而且豬皮下邊果層脂肪會去左，對於我呢滴怕肥膩噶人真系再好不過。仲有枸杞浸豬潤，湯又香又濃，豬潤好入味。

放左工係附近食晚飯上到去好舊式茶樓feel叫左個例牌即燒化皮乳豬、 兩隻豉油皇老虎蝦、兩隻豉椒蟶子王同埋芽菜炒蛋例牌即燒化皮乳豬- 皮燒得好香脆 配左個包 食落冇咁油膩兩隻豉油皇老虎蝦- 虎蝦都算大蝦 用左新鮮蝦 肉質好堅實兩隻豉椒蟶子王- 蟶子都係好大隻 炒得岩岩好芽菜炒蛋-呢個係跟餐 唔記得係跟邊個餸 意想不到地好好食... 芽菜好爽口...每條芽菜都痴住蛋

粵菜中的燒臘無人不曉，出色之處在於色香味俱在，就是將肉以特製醬汁抹均後，放入爐中烤，當中的巨無霸必屬燒豬也，不過現時大家也喜歡吃體積少一點的豬，以此豬來烤就成大家看見也心動的燒乳豬了。市面上很容易買到，而且每逢去飲宴，第一道就是，它們不但味道佳，氣派十足，而且取名鴻運金豬，連意頭也用上。要吃到一隻美味的【燒乳豬】，不難找到，不過很多地方也不能好像這兒的出品，即叫即燒那種熱辣辣的味道。除了新鮮熱辣外，那種皮脆肉嫩的質感也是吸引人的原因，加上為了健康著想，會上皮下的一層脂肪切掉，可能有點人覺得沒有那習脂肪就沒趣，但從味道上卻分別真的不大，因不是全部去掉，只是部份，所以我亦很喜歡。每次來到都只點乳豬一款燒味，今天就破格一點，來多一記【燒米鴨】，同樣地皮脆肉香，沒有那討厭的羶味，而且調味都恰到好處，很好吃。是日的菜式都以招牌菜為主，這道【枸杞浸豬潤】是比較清的，以上湯浸熟豬潤及枸杞，前者的生熟度剛好，後者的特殊香味也迷到不少朋友，據說這道菜式是很養生的。來到這兒，作為單尾的【拆肉泥鯭粥】及【豉油皇炒麵】是非叫不可的。泥鯭粥內魚肉蠻多的，粥低夠綿滑，而且鮮味十足，加點蔥花及大頭菜粒，不但提升了味

事緣之前有網友send個memu去whatsapp group問有無勇士想試$328任食大閘蟹宴，於是就約埋朋友4個人去試一試任食大閘蟹係咩質素。我地事先4日已經book左枱，星期六都好快有位。酒家唔大，以食飯小菜為主上左一樓見到12枱左右都坐滿晒，hold左一枱比我地。由暹卜事先知我地book大閘蟹所以老板員工都無講d乜就準備晒食大閘蟹工具比我地了。由於係宴會形式，一開始就先比一人一個豬肺湯先，豬肺湯幾好味，飲落無味精有胡椒味同時再半隻乳鴿比我地食住先，嫰滑好食不過真係幾bb,有d唔忍心...再之後就上炸蝦球同時再一人上8隻大閘蟹過我地，叫我地食住先，唔夠再叫就ok,大閘蟹大概2-3兩內偏小型（不過任食都有心理準備）蟹係夠新鮮，好食。 整體都抵食，其實唔怕超標值得再去嘅XD. 當晚仲有另一枱係食大閘蟹餐，聽佢地同老細講，其實都預平均一人食8隻。

金兜記在灣仔是老字號，午市來的人多數是在附近寫字樓工作的，今日和兩位同事路過灣仔，被那個午市孖寶價錢吸引着， $158兩位，我們點了秘製叉燒及 金兜記炒飯，另外加了三個點心，樣樣都很好，美中不足是如果你人數少就要搭枱。

親戚帶領下來到灣仔金兜記吃晚飯, 這裡除了可以單叫外, 還有二人或以上套餐供應,【鴛鴦蒸北海道元貝皇】分別以蒜蓉同豆豉蒸煮, 元貝開邊, 兩款配料都能帶出元貝鮮甜味, 再以粉絲墊底, 粉絲帶點點QQ彈牙, 索左D汁, 更加惹味。【燒BB乳鴿】表面炸至脆皮, BB乳鴿肉質更為嫩滑多汁, 唔洗額外再調味, 已經夠哂正!【黑白胡椒老虎蝦粉絲煲】老虎蝦大大隻開邊, 食用方便, 黑白胡椒香突出, 惹味得亦不會蓋過蝦的鮮味, 蝦肉略帶爽。【金兜記水煮海龍躉】水煮海龍躉原窩上檯, 份量很大, 入面除了有不少龍躉切片, 還有很多調味配料, 入口時只吃到微辣, 辣味慢慢從舌尖上滲入, 完全能吃到 "麻辣" 的 "麻", 喜歡吃辣的朋友千萬不可錯過! 最後以【椰香桂花糕】作甜品畫上這餐晚餐句號。椰香味比桂花味更為濃郁, 甜甜地, 不錯吃!

今晚，是家人聚會的日子。所以放工後到了灣仔吃過晚飯呢！鴛鴦蒸北海道元貝皇：每款共有兩大隻，鴛鴦是指一款是豉汁、另一款是蒜蓉。元貝皇非常大隻，味道十分鮮甜。配以豉汁的元貝，味道很惹味，帶點點咸味又不會蓋過鮮味呢！另一款配以蒜蓉，味道更帶出元貝的鮮味，味道亦不錯啊！潤燒bb乳鴨：乳鴨肉質十分嫩滑，外皮炸至香脆，不用配以任何配料和醬料，味道已經十分惹味，還滲出不少香汁出來的！黑白胡椒老虎蝦粉絲煲：本人最愛的菜式啊！以黑白胡椒製成，十分香口！老虎蝦肉質實肉和彈牙。底層還有粉絲，整碟菜式十分惹味！金兜記水煮海龍躉：正所謂水煮魚，味道的確十分香辣和麻辣味。由於我不吃得太辣的關係，所以只能食最上層的海龍躉肉，肉質十分滑，而且啖啖肉！吃後，舌頭果然有麻痹的感覺！窩燒鮑魚雞粒炒飯：可見炒飯的飯粒粒粒分明，十分香口，份量足夠，絕不油膩。當中雞粒嫩滑的，十分飽肚。原茄泡時菜：當中的白菜仔吸入了蕃茄的香味，清清味蕾！椰香桂花糕：椰香味十分濃郁，桂花糕帶點點花香的味道，不錯呢！鮮果拼盤：鮮果包括西瓜和蜜瓜，兩者同樣地十分甜，可以為飯後的我們解解油份！

公司同事中左彩票請食飯，佢訂左灣仔金兜記海鮮菜館，佢話食過好味，所以今天放工，我們就一齊去食返餐，菜館地方整潔，座位舒適。鴛鴦蒸北海道元貝皇：元貝好大隻，2種味道，一種是蒜蓉蒸，蒜味香。另一種除了蒜蓉還加入豆豉，多了豆豉比較惹味。其實元貝甘大隻又新鮮，怎味道都會好好味！潤燒BB乳鸽：乳鴿皮脆肉嫩，好入味！黑白胡椒老虎蝦粉絲煲：老虎蝦大隻，開邊泡油，用鐵鍋加入黑白胡椒和一些配料爆炒，上枱時香氣撲鼻，老虎蝦爽口彈牙，還有墊底的粉絲超香，吸收了蝦的鮮甜味，又有黑白胡椒的香味，真的食到停吾到口！金兜記水煮海龍躉：這味菜是川菜煮法，味道比較辣，我只能淺嗜面層的龍躉片，但食得辣的同事就讚夠辣夠惹味！窩燒鮑魚雞粒炒飯：飯炒得好香口，粒粒分明不油膩，鮮味的鮑魚粒和雞粒有口感，不錯！原茄泡時蔬：飲食均衡，食左肉當然食返D菜，原茄上湯浸白菜仔，菜林度剛剛好，湯帶蕃茄酸甜味，好味！椰香桂花糕和鮮果拼盆是飯後甜品，為這美味的晚餐劃上句號！

上星期去開灣仔玩具街睇玩具，之後順便四周圍睇下有咩好食。行到去街市附近見到有間海鮮酒家，門口有好多新鮮海鮮向魚缸，真刻吸引咗我入去😋😋可能時間比較早，唔算太多人，但7點半後就差不多全場爆滿。餐牌選擇都有好多，而且款式吸引。豉油皇老虎蝦鮮味一流，老虎蝦大大隻，蝦肉爽口彈呀，堅正👍🏻生拆紅燒蟹肉翅蟹肉翅非常足料，啲翅一梳梳，好軟滑，蟹肉嘅鮮甜味好突出，好耐無食過咁出色嘅蟹肉翅😋😋潤燒BB乳鴿乳鴿鮮嫩多汁，肉質軟嫩入味，正👍🏻原茄泡時蔬蕃茄濃湯清甜，啲油麥菜吸收咗湯汁之後又清甜又滋味。店員仲送咗碗綠豆沙俾我地食，又清甜又可以清熱氣，最啱近排天氣食。海鮮真係非常出色，而且店員服務態度又不錯，下次要叫多啲朋友一齊去食先得。