金坊泰國美食

营业中

休息中

上星期日晚上7:30入座，見menu都有很多選擇，便先叫個酸辣鳳爪沙律$79，過多一陣，再落單叫左六款食物:一打沙爹串燒$180，肉質都算ok蒜蓉飽條$45，夠鬆脆印度薄餅$45，太乾身泰式青咖哩雞$90，咖哩汁同雞肉的味道是完全分開，雞肉偏鞋泰式豬手湯河$52，味道一般鹹魚粉絲雜菜煲$85，鹹魚落得太少，沒有鹹香味當食緊鳳爪時，發覺都好辣，便想叫凍飲，點知個服務員好不禮貌地話: 小姐，我哋好忙，你可唔可以一次過落單！我答：我叫嘢飲都得掛……要珍多冰$28同涼粉紅豆冰$32服務員話：咁你仲有冇其他，好一次過落埋又當上雜菜煲時，個服務員景然話：你哋睇住個煲，整親冇得賠俾你哋(我心想：咩事呀！洗唔洗唔講）經過以上的不禮貌對待，我已經一肚氣，其實分開三次落單都不算過分，我又唔係每次落一樣嘢😣到埋單時，我已不想再叫嗰個服務員，便找其他人，見其他人都忙，便親身去找人埋單，點知另一服務又好怒氣話：你返埋位先，我好忙呀！！我真係O晒咀，想點呀……落單又忙，埋單又忙！本來開開心心全家人食餐飯，最後食左一肚氣😤由於全餐飯的心情太差，沒心情拍照，未能分享相片。

食泰菜一定會飲冬蔭功湯....不過佢個湯唔得,海鮮冬蔭功湯冇咩海鮮,冬蔭功味唔夠,冇酸同辣味!冬蔭功雞煱-似蕃茄雞沒有冬蔭功味,雞經過炸,但過火,老左d!青胡椒豬頸肉-冇青胡椒既香味同辛辣味換黎既係草菇味,完全不直一試,燒既應該會好d......粉絲沙律,蝦餅同海南雞好食d...

初三黎左食午餐，$55有一個飯、一個小食、一碗湯+飲品，價錢相當唔錯！同朋友各叫左一個餐，味道黎講不過不欠。海南雞飯（2.5/5）：油飯唔均，一撻有色一撻無色，雞肉嫰既。豬腳飯（3/5）：煮得好淋（個人偏好淋身，朋友就唔太鍾意），香道亦夠香。炒通菜（4/5）：味道係正常泰國餐廳食到既炒通菜，Average。生菜包豬肉（3.5/5）：有d辣，怕辣既朋友可以Skip。

荃灣店口碑唔錯，將軍澳店就新開，環境很好，地點方便，鐵路直達，揸車一族都方便，新都城的停車場很大，加上有泊車優惠。提早一星期打電話去book枱，book六點半。但佢哋訂枱d時間好奇怪，要六點、七點、八點……咁的，無六點半、七點半……，個職員好勉強咁比六點半我，話嗰晚訂枱不太多，今次比你六點半啦……，人數到咗一半或以上才可入座。而佢哋食餐是無限時的，我諗洗嘜咁定個時間呢……4個人，六點三左右到，餐廳已有幾枱用餐中。門口裝飾都幾靚。因相片上載有限，只影了兩張餐牌。食物品種都好多。椰青貴咗d，成$35一個，而且勁少水，皮超厚，不建議飲。香濃芝心虾丸宿咗水，之前睇介紹有網球咁大仲可以彈彈下，依家只比乒乓玻大d，而且仲一開二。各人都覺得傳統的虾丸好味d，因芝士太多，d芝士味遮晒d虾味，就算用新鮮虾嚟整都無用，嘥咗……海南雞普普通通，無驚喜，可以不試，而且半隻要成$100，偏貴。蒜蓉飽條和印度薄餅ok，蒜蓉飽要襯熱食，或點咖哩都正咖哩卜卜花甲煲，花甲和咖哩煲是分開上的，到時你自己將d花甲放入咖哩內煲熟佢，咖哩好香，花甲鮮味香茅蠔仔煲又係必食，好正好香……。蠔仔煲的辣度是無得揀的，因我唔食得辣所以覺

香茅燒豬扒湯河HK $42椰皇沙冰淨飲$34跟餐$11湯河可轉米線、米粉、金邊粉、麵、螺絲粉午市套餐均奉送港式熱飲 (特色飲品加 $6/$11) / 港式凍飲加$2豬扒有七件，肉質鞋身，食落冇乜味。平時嘅河粉係一條條幼身，依度嘅河粉係正方形一塊塊咁，幾特別。湯底帶䶢。椰皇沙冰有果肉入面，椰子味重。

皇牌三寶自選組合金坊海南雞飯 + 椰汁西米糕 + 冬瓜湯 + 檸蜜HK $55寶琳最近新開左依間泰國菜，經過見 Lunch 都幾多人幫襯。Lunch Set 價錢都 OK，$55 有飯、小食、湯同飲品。今日就同屋企人試下。海南雞肉質都算滑，不過份量五算多。油飯可轉白飯。椰汁西米糕有四件，細細件。椰汁係面頭個浸，下面全部都係西米粒。冬瓜湯飲落帶有微辣。整體味道一般般，冇乜特別。

咖哩炒蟹、串燒食時已經發現唔熱，跟住咬時發現啲蟹肉透明😰; 串燒豬表面燶晒，咬時發現咬唔開又唔熱心知不妙，再用力咬開，串燒肉裡頭直頭生，生到一望已知唔熟完全連基本都未達標準第一次叫待應換，待應輕描淡寫話入廚房再炒炒佢；第二次投訴串燒唔熟，出面帶位先生無視我投訴，理所當然話拎入廚房再燒燒佢，一啲歉意都冇，🔥都嚟先勉強話換個一碟俾我，食物質素差，出面帶位先生態度又不友善，竟然今時今日服務態度一句唔好意思都冇講😑！啲嘢食又貴又唔好食，顧客服務更不愖一提😪😥唔會再幫襯，冇下次！

睇完戲咁啱下午茶時間，又肚餓，就搵嘢醫肚，見呢間泰國嘢開咗無耐，又不少人氣同價錢幾平，就試下，食完真係覺得又抵食又好食嘅下午茶！1）泰式鴨肉湯河(細)$36，話係細其實都唔細，正常size 。湯底順喉幾好味，似有丁點藥材味，河粉係粗身，好多疊住，整散佢中間全部吸咗汁食，好食好多，有好幾片鴨肉片，不鞋不老，仲有已切開的鴨腳同鴨紅，同埋仲有入味蘿蔔同通菜，好豐富，真係正同抵食！😋😋😋2）紅咖今哩雞飯 $42，個咖哩汁好香濃，好好味，微辣中帶點甜同椰香味，除雞外仲有茄子，碟飯真係夠晒大碟，只係有些雞有點不夠熱仲配港式熱飲，凍飲加$2

係將軍澳新都城中心開左一間分店，今次撞啱下午茶時間黎食。佢嘅下午茶真係好抵食，CP 值超高。 （下午茶時間係兩點至五點）今次叫左泰式鴨肉湯河 （$36）， 同埋紅咖喱雞飯（$42） 。先講鴨肉湯河，湯頭有d 似滷水汁，不過唔太咸。雖然係下午茶，但係都幾多塊鴨肉，河係扁同闊身嘅河粉，好吸到湯嘅味道。好味道！另外紅咖喱雞飯（可以係牛或豬），呢個咖喱就好出色，係杰身濃味，夠辣（對我黎講）， 好好味。 汁又夠多，撈晒碟飯都仲有汁淨。正！

呢間泰國餐廳新開架！之前都有幫親過荃灣分店，覺得幾好味架！7點去到，排隊拎飛拍得住對面元x壽司！餐牌上面啲相都整得好靚！入到去枱同枱中間啲位好窄，真係過100磅既都行唔到入去坐入面！叫完野食等左勁耐，起碼20分鐘啲野都未黎！冬陰公海鮮湯（小）$98味道不錯，好岩香港人口味，因為泰國絕對唔會係咁既味！一啲都唔辣，香草味不太濃烈，材料方面不過不失，半隻蝦，一個青口，一塊魚，幾塊魷魚！叫左3樣野，佢算最好！馬拉盞炒椰菜苗 $85$85一碟菜真係好貴！仲要好咸，啲菜又硬，都唔知係啲菜唔靚係佢煮得衰！明爐烏頭 $149最離譜就係呢條烏頭！個碟太細！一郁上面啲料就跌！條魚上既時候凍冰冰，啲水又冇辦法蓋到魚面，倒湯落去左滿瀉出黎！搞左勁耐先熱有得食！點知條魚係十級唔新鮮！勁大陣怪味！我哥稱之為泥味！總之難食！最後食左都冇1/3就叫佢收左佢，冇眼屎乾淨盲！今餐飯真係好差！最後都要比$338！超唔抵！一啲質素都冇！

新開左一路都無試過，今日行過諗住試下，攞起菜單企係門口諗完一大輪入去買，答案係午市唔做外賣，怕亂，今日係平日星期四，咁都搞唔掂就真係要認真檢討將軍澳食店五六日出名多人，平日都咁假日你真係要自求多福

寶琳近來進駐咗好多新開既食肆，不過唔少都係連鎖店，難得有間泰菜開張，所以每日經過都見有好多人排隊。雖然係下午茶時間，但門口都係多人到好似午市咁，我地等左大約20分鐘先有位。下午茶既menu款式比較多，但份量就比較少，有多士﹑細既湯河或炒粉麵飯咁，由三十幾到四十幾不等，而午餐menu就正常份量，再加一個小食同湯。我地叫左一個海南雞飯，一個黃咖哩燒豬頸肉配蒜蓉包，由於馬拉盞炒通菜賣曬，我地揀左青木瓜柚子沙律做小食，湯就揀左比較少見既椰子雞湯。椰子雞湯一放上檯就噴到好大陣椰子味，呈奶白色，但飲落香茅味重過椰子味，而且酸酸地，似白色既冬蔭功湯，不過唔辣，同想像中非常唔同。可以話係小朋友version既冬蔭功湯咁。而飲品加六蚊就可以轉特飲，我就叫左珍多冰，椰汁好夠好濃，唔似出面咁溝好多水，不過就太甜了，我另外問店員拎左杯水加落去，下次我會叫小甜。杯底既珍多都幾有口感，但都係同一個問題，太甜。店家真係落得太重手了。主角之一既海南雞飯就附上一碟醬汁，睇落係自己調配而唔係現成既汁，因為醬入面都幾多香料，亦有新鮮既辣椒同香茅。雞亦切到無骨，都幾滑溜，就算雞胸都唔會鞋口。但飯就比較普通，個黃色主要由黃薑粉

落左單等左30分鐘要罵至黎一碟菜，但食落有叔味，煮得太差，油淋淋，再等10分鐘至來一碟炒飯!但完全冇味，的蝦似食發泡膠!最后快快走人，吾使錢都吾會再去之下理單，一的都吾平。兩人要$171,原來因為吾收加一就要每位收3蚊水喉水費。奉喻各位吾好試，必定後悔。埋單仲要比人串話收番水費啫😈😈😈😈😈😈

試業中，下午一時營業。之前見很多人在門口等待，所以中午去試試。點了一個菠蘿海鮮炒飯，包湯，價錢合理，但味道，員工態度有待改善。味道方面，炒飯略嫌過濕，多油，配料毫無味道。不過冬瓜湯清清地，不錯。至於員工態度，或者因為人手不足，客人舉手示意也不理會，語氣也不太友善。出菜速度慢，我差不多吃完，我媽的餐才送到，其他枱如是。只能說，一段時間也不再來，希望好好改善問題。

昨天book 8位晚市食6點半，6大人和2小孩。如時抵達，店員說要等，期間卻又見店員不斷安排4人入坐，勸5人客坐4人位。見店內多4人檯，小大檯。既然book左大檯都安排不到，甘就不如表明茂booking好過。結果問左3次有位未，等左40分鐘，店員話要等一檯食完尾菜才安排到。最後茂食，拉大隊去同層其他食肆。未食已經一肚🔥，飽曬。