金山粥店

营业中

休息中

金山粥店，一間好舊的店鋪但又好有特色，所有粥同腸粉都係即做。豬潤肉片粥 ~ 粥底好綿，望到就知足料，豬潤唔係間間好味，但依間就很好味，肉片唔會太"鞋"，亦都很大塊皮蛋瘦肉粥 ~ 這個粥底較豬潤粥那個淡，顏色都白d，但亦都好足料，男友成碗食曬 ！蝦米腸 ~ 好正，即叫即拉，蝦米切細細的，唔似酒樓個d，大大舊蝦米搶曬腸粉個味，正。同時應該係用了自家豉油，好正，唔會太甜亦唔會太咸，剛剛好！食得多外面大集團的味精粥 ， 真係好懷念這種街坊粥店！

在西貢人們想到的是吃海鮮.呢間店不是在西貢大街.而且是一個老店無華麗裝修,只是一間平平無奇的老店.但客人源源不絕.什麼年紀的客人都有.究竟有什麼吸引力第一價錢便宜.全張菜單最貴的只是20元.而且開放式廚房,腸粉即叫即拉.粥也即煮..油條:我明顯係一個傻婆.9成食物即煮我不要.要一樣放在好耐的食物..無保暖,上手冷冷的.不過仍算鬆化.都香口.已合格....义燒腸:即叫即拉.皮薄.义燒仍帶少少肥膏.加上甜鼓油..正....艇仔粥:粥底好綿.不過我覺得稀,亦不覺有米香,料亦不多,也覺得有少許味精....不過可能不同的粥.有不同感覺...2個人一人30元左右...也無可批評............

西貢早!!! 嘩! 真的好耐沒有於早晨時份出現在西貢墟了. 一早起, 駒著車子的來到. 在舊墟的小街內, 有著一間在區內區外都出哂名的早餐熱店. 而這個也是一間我常常經過門口卻不知是食店的一間古老店. 今日一個人到, 務必要朝聖一下.多年沒有洗的油煙機, 已經變成黑色的電掣. 紙皮石, 圓檯圓凳. 也就是一種舊世界的感覺. 在香港, 能找到這些 "老店" 真的要去試一試老手的味道同手藝.一碗粥, 一碟腸粉, 這是大多數食客的早晨選擇, 有一些, 更加只是白粥油炸鬼, 或是一碟齋腸. 而我就大食少少, 要了一客皮蛋瘦肉粥, 之後再加一碟牛肉腸.綿綿的粥底, 看見是兩種不同粥兩溝出來的結果, 一是粥米, 另一是米漿. 兩者配合出來, 併出來, 就是一碗有漿, 有軟米粒, 綿花一樣的, 粥中帶有嚴重的米香. 而皮蛋, 看得出是帶有冰花的, 而且是流心黃. 一碗靚粥, 一碗靚既皮蛋瘦肉粥, 就是要這樣的綿滑, 有這樣的米香, 同靚皮蛋.腸粉, 即叫即拉. 天氣凍凍地, 看見腸粉爐的蒸汽不斷的冒出. 蒸腸粉師傅的手, 會不會像廣告下, 釀酒司的手一樣的細滑. 極有可能在腸粉的米漿水中, 再提煉出

早前少年食神有介紹過的粥店，反正本人近人樓台，再者未吃過的店子，本人是總有興趣試試的，所以就找了個平日的中午，來吃碗粥來當午餐。一坐低，就着店家要白粥、油炸鬼及淨腸粉，皆因本人真的想試這粥店的基本實力，怎知道店家說白粥及油炸鬼都已賣光，吓！立時望一望錶，現在只不過是十二時五十分左右，真的教人嘖嘖稱奇，那我立時問還有什麼粥及油器呢？店家回答說油器就什麼都沒了，而有料粥就還有一點粥底，所以我就要了個平時常吃的魚片粥。先來的是淨腸粉，是老闆娘即拉的，這個布拉的腸粉，其實一點也不淨，而味道也一點兒也不寡，因為店家放了不少的蝦米及蔥花，細的一份只收四元真的很是便宜。腸粉以即拉來說不算太熱，粉身嫩滑得來有質感，吃起來既有米香，又有蔥香，反之蝦米的味道不太彰顯，不過加上點帶甜身的豉油、甜醬及芝麻粒，其實已經是夠好味的了。碗魚片粥非常之夠熱，雖則確是懷疑粥底內有味精，皆因吃起來有種不尋常的惹味，但本人又不得不讚這個濃稠的粥底，在濃味的情形下，還吃到一點的米香，加上米花爆開得非常燦爛，燦爛得來又非常之密，真的不叫我用上形容奶泡的綿密來形容它。當中的魚片是一貫的鯇魚片，細滑而不腥，連着粥內的蔥花及薑絲一起

星期六一大早就起來, 為的是跟文迪來個西貢半天遊, 第一站就是在這裡食粥. 店子在舊村那邊, 都要找一輪先找得到. 預期之內的人山人海, 堂食的人不少, 等外賣的更多.好不容易穿過人群坐下, 但落單又花了一陣子. 正如文迪下面的食評, 情況真的相當混亂. 到最後, 甚至是要自己出去搶碟腸粉回來先有得食.皮蛋碎牛肉粥 $15: 8分, 十分足料, 簡單來講是料多過粥, 想吃粥的或者要另外叫碗白粥才行. 粥底偏杰身, 加上皮蛋同吃, 幾下火. 碎牛肉也幾滑. 吃完不覺口喝, 起碼沒有師傅的痕跡. $15一碗, 都相當抵食.炸腸 $11: 7分, 份量超級大, 一個人吃的話, 單吃一客炸腸都應該夠飽. 腸粉是即拉的, 不算太薄, 加上蝦米, 葱粒以及芝麻, 幾有鹹香. 來的時候是十點幾, 油炸鬼已經凍了, 當然不會是脆脆的, 影響了味道.叉燒腸 $12: 7分, 也要了碟叉燒腸, 叉燒肉質還幾好, 不會太實. 如果腸粉皮薄一點會更好.這裡的環境只算一般, 不過價位又真係幾抵. 服務方面, 是接近沒有, 或者實在應接不瑕了. 食物是有水準的, 如果來到西貢的話, 來這裡一試, 感受一下舊日的風

期待以久的秋風送爽終於歸來，為了好好珍惜她，星期六大清早同老公入西貢享用我們悠閒的早餐、漫步。有準備而來，要一試這間位於橫街窄巷的金山粥店，處於正街的他的確吾容易搵倒，有句話說“路在口旁”，街坊樂於指引，有明燈就當然馬上搵倒。見舖前數位街坊等外賣，店內也人頭湧湧，見狀唯有自己顧自己，埋邊剛好有兩個位，不知道是店舖的嬸嬸太忙，定係我地太過斯文，叫極都無乜反無應，同枱的一位小姐話他們不夠人手，店舖的嬸嬸其實是負責洗碗，現場觀察她的視力和記憶力差一點點，引起了混亂；同枱的一家三口其中的爸爸就說：「這裡只有亂和好亂之分(說著當作笑話)」，媽媽的就說：「老闆娘見你等得耐會請你食野架」；雖然服務不夠周到，但大家一點沒有鼓譟，反而多一點體諒多一點歡笑，來到這裡我終於明白，要有得食都係親自出去取回來。皮蛋免治牛肉粥 $15材料十足的皮蛋免治牛肉粥，可以話粥被皮蛋免治牛肉浸住來形容，粥底都幾綿，皮蛋屬一般貨式，免治牛肉沒有見慣的碎，稍為大一點，碎牛夠滑，老闆娘以猛火滾粥，將材料和粥結合起來。炸腸 $12好大碟的炸腸即炸兩，街外可吃到兩碟的份量等於這裡一碟，粉漿包括蝦米、葱粒、芝麻，粉皮較厚仍算滑，味道香

食左豬潤粥、艇仔粥同叉燒腸。最特別應該是即拉叉燒腸，舖頭面口有個經典的銀色金屬制腸粉機。老闆娘(估計是) 收order 即拉，熱食都唔錯，不過感覺腸粉皮有點爛....豬潤粥不錯不失，不是每間粥點店會供應。當天中午抵達，已沒有"炸面"、炒米粉，未知是否該店自製。店舖裝修很八十年代，頗有懷舊感覺。

2011年的首天, 與食友一起到西貢遊玩; 其中令人最難忘的, 不是甚麼甜食, 竟是金山的炸兩遇上它都是個偶然; 本來, 兩個女孩, 盡是想找些甜食; 間場之間, 週圍逛逛以便利消化, 卻被金山製腸粉師傅的純熟手勢吸引住: 倒米漿, 蓋蓋, 放料, 捲起; 尾部餘一點, 另外捲好放一邊當蝦米腸 (對, 不是齋米漿, 有蝦米葱花的); 弄好的炸兩就切件奉客; 一切是那麼的利落, 直覺告訴我們, 再飽, 也得要試一下, 就買了一份炸兩; 堂食爆滿, 也就拿在街邊吃吧!!炸兩內的油條不算很脆, 許是我們是12點多光顧, 油條都放了一段時間, 只是邊皮角位尚餘一點脆; 但畢竟都算即日製 (相信也只是放了幾小時而已), 內製鬆軟, 仍是好吃的; 腸粉皮的確夠滑, 而且這蝦米咸咸香香的 (不如很多時在酒樓吃的蝦米腸般無味或死咸), 光這樣吃已很不錯, 加上一點鼓油和甜醬 (不要太多啊), 味道更對了. 一客炸兩才12元 (沒記錯?) 已是很大的一盒, 兩個女孩本來是半飽, 分著吃完這一份, 是飽到撐了, 但滿足得很!! 能作出如此美味炸兩的地方不多了, 能於2011年的首日就讓我們遇上 - 201

原本去color brown 飲coffee, 人太多就試吓去附近所謂少年食神果間金山粥睇吓，話說祗開上午，冇所謂啦睇吓係邊吧！真唔易搵！ 係橫街小巷！咦！下午3點半都開？見佢整緊牛腸粉，見冇乜人即入去！剛剛吃完海南雞飯祗好叫白粥+牛肉腸粉，志在試粥！間舖就好鬼簡陋啦！如果唔係有食家介紹，講真請我食都唔想入去咯！碟牛肉腸粉就麻麻地！粉皮粗，牛肉不滑，但好大碟！原來都係十零銀！ 試碗白粥就冇得頂啦！ 棉棉滑滑....可惜冇肚試牛肉、艇仔呀！論粥底都算是一絕了！ 冇幾耐就見好多慕名而來人，快快食完俾銀走人！祗是$16！

上網見咁多人話咁好食，而且電視又介紹，特地去一試。下午十二時多仍開門做生意食魚片粥 ＋ 蝦米腸粥同出面的味道差不多， 無話特別軟綿。 個碗好細，粥唔算太多，但魚片份量都夠多。 蝦米腸 由於唔係即時做，所以已經凍了。味道ok價錢，相對較平。衛生就好一般，有蒼蠅一隻與我相伴，在灯光不足的情況下，更加覺不衞生。女店東有感冒，不停咳 奉勸一句，戴口罩 可能做街坊生意，太多街坊入來幫襯，而且有不少人在揀炸両，左按右按，唔知佢事前有無洗手，有夾都唔用，搞到我唔夠膽叫。服務ok，都幾親切。

舊式粥店，越少越少，食粥食到半少碗，D粥唔變水汪汪的更賣少見少，此店比人並唔係驚喜，而係有水準嘅粥底，其實我是一向間中到店幫襯。經電視節目推介後，更見其門如市，但換來的代價就是食物質素，而變好變壞只會走向兩端!油器、粥品保持一向水平，但沒有了老闆親自蒸的腸粉，變得過厚了一點，而且帶有一點粉漿"糠味"，蝦米粒少了...，連帶我最愛的炸両亦見失色。**如果可以希望日後蒸腸粉的嬸嬸，能夠返回樓面幫手落單，老闆再親自蒸腸粉就好了~

星期日一早8:00起左身，諗起電視介紹過西貢有靚粥，心血來潮叫老公入去試，因為老公係粥癡，屋企一帶d粥鋪又執晒笠，老公發夢都想食粥咁我就諗住滿足下佢啦....泊低車行過去剛好9:00，橫街窄巷左穿右插，好難搵，問路人，只係知正街大約位置...結果我們都行錯路，好在村口俾我見到有個地圖，行多一次，好不容易先搵到....門口好多人排隊，店裡面又坐滿人，我地裝左一陣，見原來門口d人係排外賣的，我地就zip入鋪搵位了，因為無人得閒招呼你，問你幾多位....。見到有對公公婆婆剛食完起身，即刻坐低，結果唔洗點等位鋪面好細，但人好多，好逼，一百尺多的鋪面，d人可以逼埋坐大概30人鋪面只見有一個阿姐煮粥，一個阿姐拉腸粉，一個阿姐執檯轉菜落單....大家一d都唔好期望有什麼招呼，連問你食乜都唔會，你落單的話請大叫你要乜野吧，仲要講好多次，都唔知有無人聽到，無人會應你的....但好奇怪，d阿姐原來係聽到的，而且好好記性你叫左d乜...我地叫左兩碗艇仔粥，因坐在煮粥阿姐前，所以直接同佢落單，碗粥好快送到，其他叫傳菜阿姐落的，個個都係度催拉腸粉阿姐做唔切，我地追左好多次炸兩同蝦米腸都無來，粥都差不多食完了，所

2010-07-07 (weekday)又去早收的金山, 試咗及第粥的肉丸真唔錯彈牙添, 豬什食落放心喎, 細(半)份炸腸, 唔係自己炸, 不過都好脆, 上次全份大碟到食唔晒, 今次啱啱好.

呢間粥店如果大家未去過真係要去試下!!雖然環境超舊...但味道真的好好...粥、炸物、腸粉....所有食物都係你眼前整出黎的...我真的不明白老闆為什麼只開5點至11點....如果到下午可能會賺得仲多呢..可能老闆重質不重錢...HAHA大家真係要去試下所謂的棉粥,,,,正!!叉燒腸又好味...炸兩又唔洗講...最緊要係...平.靚..正!!

金山粥店係一間質素一直都keep到o既粥店我由細細個返學o個時都已經係佢o既fans..佢o既及第粥, 豬心粥同魚片粥係一流的,佢o既其他食品 - 油炸鬼, 炸腸, 牛肉腸第都係好好食o既..腸粉即叫即整.. 好滑, 好新鮮.. 不過勸大家早少少去到因為十一點度就會收舖架啦.. 不過好早已經有得食.. 我以前返學時.試過5點幾已經有好多人食..