金所 (已結業)

收藏左呢間餐廳好耐，終於試到其貌不揚的群馬縣特產-白布烏冬！當日下午六點左右去到，已經有少少人龍等入座。我哋都算係第一批晚市嘅食客，唔需要等返枱。選了冷汁天婦羅白布烏冬，烏冬煙韌有口感，沾上濃濃的鰹魚汁，很有新鮮感！天婦羅油溫控制剛好，外脆內軟，不會太油膩。至於友人吃的雞肉入沾白布烏冬就有點失望，沾了湯後，烏冬像水餃皮。沒有了太大特色。推薦大家也去試試與讚岐及稻庭烏冬齊名的白布烏冬！記得試冷烏冬！

平時係香港多數烏冬都係讚岐烏冬同稻庭烏冬今次係大角咀開左一間專食白布烏冬既日式小店，亦係香港第一間白布烏冬👍🏻白布烏冬係日本群馬縣的名物，形狀是正方形一片片的 睇落去似香港既雲吞皮這個咁特別的烏冬 加上傳媒廣泛報道，成功吸引我去試試😋由於這間人氣烏冬店 十分有名氣，就算遇上疫情，人龍依然有增無減 我也有定心理準備去排隊大約等候了30分鐘。入到去，環境很日式店鋪feel，鋪內座位不算多(約20多個座位)，幸運地店員安排我們坐吧檯座位，可以睇住師傅為我地烹調美食。頓時，所有既等待都變得值得。😂餐單主打白布烏冬，當中分了3類，包括熱湯泡、冷沾、暖沾，各具特色。而我選擇了最受歡迎既沾烏冬，我叫左冷汁天婦羅沾白布鳥冬因為天氣熱 叫冷汁可以透心涼，而且沾鳥冬既好處就係可以直接試到烏冬既質感。冷汁天婦羅沾白布鳥冬實物睇確實幾似雲吞皮，白布烏冬厚薄適中，1共8片食落去較岐烏冬 稻庭烏冬彈牙 質感很滑溜，不過方形設計有點難夾，較容易''滑跌''山藥山藥我係額外加的 山藥配白布烏冬既配搭很特別山藥很新鮮是即磨的，如果直接將白布烏冬沾點山藥，就會冇乜味但將山藥倒進鰹魚汁加上胡麻汁、Wasabi同蔥之後，味道

平時喺大角咀都會見到一個門面係用綠色木造嘅，唔行近去睇都唔會發覺餐廳的存在，是將日本既簡約風帶到香港嗎?但正正因為有好多人排隊，而引起了我們既注意，因此隊要排 拜訪一趟，睇下全間首間既白有烏冬的威力。當日7點排了一小時才可以進日，餐廳私位置不多，大約可容納15-20人。--雞肉入沾白布烏冬塊白布烏冬滑嘟嘟，真係想夾起佢都難，佢不停呢你對筷子之間溜走，幾經辛苦咬到，真係又滑又彈牙，加上鰹魚湯加雞肉新鮮嫩滑既甜味，真係一試難忘。唯一問題係湯比較濃，不沾白布烏冬會好咸。而湯內的雞肉量不太多，希望下次可以多返少少。--冷汁天婦羅白布烏冬 佢有兩款醬汁俾你沾烏冬黎食，第一款胡麻醬，一開始出現胡麻嘅甜味之後就會出現有類似酒既苦味，唔知係咪個醬有問題定真係有酒調味? 但個人認為佢嘅烏冬同冷面汁係最夾，會將烏冬嘅甜味散發出嚟。而天婦羅都炸得好脆口，同新鮮既。

下午營業時間到3pm，星期六預早時間1:45pm去到，後面三位就開始截龍，好彩排左45分鐘就可以入座，比想像中快。睇過報道，覺得白布烏冬好特別，全港得一間有，好奇心下好想試下。鴨肉入沾白布烏冬$86烏冬白滑，口感煙韌，呈長方形，有八塊，湯底帶甜有鴨脂香味，三片鴨胸，算厚身，口感嫩滑，烏冬夾上黎太滑，好難夾入口，要慢慢好有儀態咁食，否則彈到成身都係湯，過完冷河後，麵底凍，所以令湯底溫度好快下降，食到後半段湯變凍。雞肉入熱湯白布烏冬$75湯底應該用昆布鰹魚煲出黎，但味道太甜似壽喜燒，配料茄子、蔥吸滿湯汁，雞肉份量太少，得幾粒，但沒有驚喜。

6:30去到門口 已經是一條大長龍 其實早在試業時已食過2次 2次都好評 但見近排有報導出 多人食了 所以未有幫襯 但今日真係好想食 所以排隊啦！都排左成30分鐘 叫左雞肉沾/鴨肉沾 滿心期待 可惜上枱時成個trap 都係濕既 似係當洗完未抹就即刻用 感覺唔好 白布烏冬比起上兩次食時厚 難夾起 爽滑口感不再 湯頭今次偏甜 雞肉/鴨肉量偏少另店內播放既音樂非常急速 會跟住音樂食得好快 好煩心 最後侍應來收trap 完全冇留意到個碗仲有湯 打瀉了 唉 日本餐廳有既細心呢度搵唔到失望 不值一排

本身鍾意食烏冬既我成日聽人講好好味，終於佛誕日的起心肝乖乖去排隊食好野一點去到，前面已經有2x人，排排排，排左半個鐘已經有職員出嚟點人數截龍，總共排左個半鐘終於有得食啦⋯⋯好肚餓呀老公叫左雞肉熱烏冬，我叫左天掃羅冷烏冬，天掃羅後上同因為太肚餓就無影😂係好食既、白白滑滑又煙韌，癲覆左對烏冬既概念😂烏冬浸係濃濃既雞湯入面好掛湯好好味凍烏冬有兩個汁，一個冷面汁一個麻醬，個人喜愛冷面汁多啲，夏天消暑一流，但重要係等排隊都差啲中暑😅如果無咁多人一定會再食多次

如你有看開我的介紹，你應該聽過這間位於大角咀嘅金所，賣的是白布烏冬。這來自群馬縣的出品，同秋田縣的稻庭烏冬，仲有香川縣的讚岐烏龍被列為日本的三大烏冬。自從唔同嘅媒體報道左之後，呢間白布烏冬紅極一時，基本上隨時要排番一個鐘頭先至會等到位。當然前排Viu TV個節目空肚講宵夜介紹完之後，應該再下一城咁hit。因此，就算多個月之後，疫情告急，呢度嘅熱潮還未減退，好多人依然想過來潮聖。不過有個好消息想話俾大家聽，自從農曆新年開始，你就可以上網訂白布烏冬返屋企煮，如果你唔想出街食，唔想排隊，留喺屋企行亦都可以吃到呢個白布烏冬。佢一出左之後，就訂左一盒冷烏冬，第二日順豐免費送到屋企門口。每包獨立包裝，附上唔同嘅醬油、蔥花、薑蓉，用來招待親朋戚友最好。Meter Chen嘅IG曾經親自教你點樣煮好烏冬，但我話好簡單，最緊要手勢溫柔同屋企有個夠大嘅煲，我第一次煮烏冬都會黐埋一舊，但換咗個大煲之後就非常成功，依家係屋企都享用唔到美味嘅白布烏冬。我自己食完冷麵之後，都好想再訂下湯烏冬和沾麵湯。每日下午3:30就開賣，每天限額售完即止，上呢個網頁: https://www.kintaro.tv/ 有興趣大家

下午3點就會落場,所以就提前在1點半到達,沒想到大排長龍,到1點40分更已經截龍,真是有運,哈哈,不過亦要等了1小時才能入內,所以建議先吃小食打底,以免餓壞肚子^^雞肉湯白布烏冬 4/5分   75元優點: 湯底的甜度剛剛好,熱辣辣的湯令白布烏冬更上一層樓,要熱食才好味!烏冬本身都好滑,好難用筷子夾,所以要小心,最好用匙啦~缺點: 雞肉只有6粒,味道好普通,不夠好味鴨肉沾白布烏冬 3.5/5分   86元優點: 鴨肉三小片夠肉味,令湯底加上鴨油的香味缺點: 湯底太甜不夠熱,令本身略冰凍的白布烏冬失色不少,有一兩片烏冬破爛亦影響觀感,鴨肉略少其他: 店員有禮、麥茶夠熱又好飲、環境日式好特別、冷氣太強(但夏天不是問題)、廁所乾淨、價格中等、位置不算方便如果不介意排隊的朋友,白布烏冬不坊一試。

白布烏冬，講到好特別咁，所以好奇一試，襯今日星期日算早起，所以揸車去試下。地點：隔zip，唔揸車我唔會去。等候時間：好彩早去，12點半前到，第一round已入，我係第二round排第3個，都算快，within 15分鐘入得。環境：個bar枱個所謂「social distancing隔開人嘅板」，塊板好hea細到嘔，同唔隔冇分別。我哋俾安排坐房仔，OK～樓面得一個女士，要控制前面排隊人流，點菜同執野，辛苦哂。味道：沾麵同湯麵都試咗，just so-so，冇乜特別～ 可能我哋食開濃味，所以個湯底覺得偏淡。方型布烏冬食起上嚟有難度，所以唔好同心儀男士/女士去食(joking)，因好難會得elegant，用筷子夾會”sir”，要快吸，哈哈～ 質感似厚身彈牙d嘅雲吞皮，gimmick新鮮感。我哋對沾麵有期望，以為佢會好過深水埗個間，點知冇乜特別。［同深水埗個間沾麵同一集團(初期未裝修仲係日本人打理未轉手前深水埗好食到會返尋味，裝修後差好多完全唔係個回事，服務又差）上菜速度快，d人都食得快，所以turnaround time都快，走時兩點出面排長龍。總括：佢做唔到深水埗初期好食到會令人返尋味en

#double👧🏽👧🏻吃在大角咀-【一塊塊嘅烏冬🙀• 白布烏冬🇯🇵🥢】..#🥭👧🏻 去咗食早排幾有人氣嘅白布烏冬~座位方面 有分吧枱同房 吧枱有8個位左右 望住個open kitchen 房就有兩張枱仔 大概坐到四個人👀-🔻 雞肉入沾白布烏冬🐤🍜($86）🔻鴨肉入沾白布烏冬🦆🍜 ($86)鴨肉即係鴨胸 都幾厚身~ 有四件 雞肉就偏細粒湯底偏甜 唔算杰身 有啲難掛汁好在個麵可以捲着黎食 將啲湯包住🤣雖然啲烏冬疊住一塊塊 但都唔會黐埋一齊👍🏼但因為個麵底係凍嘅 所以會令個湯好快凍☹️👧🏻覺得最抵係 另加麵底(+$25) 個份量同本身係一樣🤭 大概有10塊 唔錯～///🥢麵底：8/10🍲沾汁/湯底：5/10－－－－－－－－－🏝環境：7/10🛋服務：7/10💲價錢：6/10💥翻兜指數：6/10✨CP值：6/10-🍴餐廳名稱：金所 KINTARO LAB📍地址：大角咀利得街52號地下-🔎食物種類👉🏼#double_沾麵#double_烏冬🔎菜式類別👉🏼#double_日韓🔎選擇口味👉🏼#double_咸-#double_official #double_兩姐妹#🍋👧🏻#double_mango #

上網見呢間烏冬好多好評 好多人排隊 疫情下又勁得閒 就出去排隊試試先中午十二點開門 十一點四十五分去到已經見到有人排隊 去到就排第八個 十二點準時開舖 店員探熱消毒後 就帶領入座 店舖裡面唔算大 今次一數只可以容納12人左右 但係 位置一啲都唔迫 店員帶領入座後 招呼完再落埋單 先再帶領下一組顧客入座 唔會有好多人一齊落單好嘈吵既場面菜單主要有冷烏冬、沾烏冬同埋湯烏冬 我就叫咗個山藥冷烏冬同埋雜錦天婦羅冷烏冬有一碗鰹魚汁同一碗山藥汁 店員介紹將兩種汁撈埋一齊點嚟食 但係 見到鰹魚汁碗都幾細吓 就將山藥汁分兩次落 所以鰹魚汁既甜品比較出 烏冬係片狀 好滑身 厚度啱啱好 食落好掛汁同好煙韌 天婦羅食落唔算好油 蔬菜咬落都有水份 $59一份都幾值既烏冬唔算好多塊 但係 食完都幾飽 整體都幾特別 都幾價得食

多次話去試"金所"，都改去別的地方。 今晚決定不改變，兩人大確七點到，已有十多人排隊，我們等一個半小時才能入座，值得嗎？ 見仁見智！ 方形烏冬好特別，湯底 ~ 一般，下次會再來，要排隊 ~ 免啦！

對於我泥講第一次食一塊布既烏冬真係好有新鮮感，抱住充滿希望既心情去試食店舖地點都完全吾起眼，如果吾係有客人排隊係門口我根本搵吾到😅雞肉入熱湯白布烏冬$75白布烏冬超級滑 超級煙韌🥰配料有雞肉，茄子，大蔥老實說配料份量唔算多但湯底十分甜👍🏻對於女仔來講都足夠嘅份量如果得閒去開個頭 我地真係會再食😋評分9.5/10👍🏻

作為街坊嘅我 食附近嘅野總係比其他人遲 因為太少叫朋友走嚟呢邊🤷🏻‍♀️金所嘅白布烏冬 年頭開店到而家都好受歡迎 當日我地早去唔洗排 食完之後門外排咗十幾人呢度賣嘅烏冬有三款 沾湯 冷湯 熱湯🍜我同朋友分別要咗沾湯同熱湯 而我地嘅食後感都好一致 白布烏冬的確係好煙韌 其他完全無特別 我嘅熱湯同朋友嘅咖喱沾湯都好普通 而天婦羅更加係油到兩個點🙂唔係難食 只係好普通好普通同好普通放心 無失望 因為去之前都無期望過會有啲乜驚喜🤣

[🇭🇰香港- 大角咀].好特別嘅烏冬!係一片片架!估唔到咁滑同口感幾唔錯喎👍🏻望落去好似好薄咁,但係食落去好彈牙有咬口,質地滑到有啲難夾,分別試咗雞肉同鴨肉沾白布烏冬,前者湯底濃郁啲,後者就清甜啲, 個人就鐘意個鴨肉湯底多啲.🔻🍽 金所📌 地址: 大角咀利得街52號地下.#tummysready #tummysreadytoeat #tummysreadyinhongkong #tummysreadyattaikoktsui #tummysreadyforjapanese #tummysreadyfornoodles