金源小館 (已結業)

新年到, 周圍約埋朋友食飯團聚團聚。今次約左大學朋友食飯加拜年。灣仔地膽介紹呢間金源小館。環境方面係差少少, 傳統舊菜館feel。朋友話預先book位會好啲, 冇講錯, 7點去到都已經坐淨一枱。伙記安排左樓上嘅枱, 要經過廚房, 拉開門, 沿條窄窄地樓梯上去, 閣樓地方都算窄, 開左冷氣, 所以唔會焗。如果要求乾淨同舒適嘅朋友, 呢度唔啱你地喇。伙記會介紹今日有咩新鮮海鮮, 有套餐同小菜可點。叫左個4人餐, 可選3個小菜, 包例海同清炒蔬菜一碟。半隻山東燒雞, 每枱必點, 雞肉都嫩滑, 已去骨, 方便食用。淋上勁量蒜粒醬汁, 超正。連埋雞皮一齊食, 好入味。絕對推介, 必點!!!! 墊底仲有豆腐, 索哂啲汁, 好味。油浸筍殼魚係呢間店另一名物。真係冇介紹錯, 魚冇腥味, 魚肉嫩滑, 炸過之後加醬汁。好快就掃清光。蝦子山根豆腐都幾大碟, 啲汁充滿蝦子, 豆腐用炸過嘅, 山根豆腐同汁一齊煮索哂啲味。蝦子汁仲可以撈飯食。食完仲有免費糖水, 試左南瓜露, 好正, 唔食南瓜嘅我都可以食哂。其實一路睇菜單, 好多嘢都想試架, 例如: 椒鹽白飯魚, 鎮江骨等等。下次要約多啲人試多啲款。一路食一路見到

今日喺大球場睇完決賽,就一行四人行過灣仔食晚飯, 這裏不太難搵,入到去得番樓上仲要最後一張枱,都算好彩,嗌咗四人餐,但唔記得影相冬瓜湯, 味道夠濃,都有五六碗 亦幾足料山東燒雞: 是凍食的,有點似手撕雞,雞肉嫩滑,有豆腐塾底,但最吸引係蒜茸,撈飯一流土魷肉餅: 幾好味,仲有少少馬蹄,撈飯也可蒜茸波菜: 不過不失,相當大碟,抵食蝦子生根豆腐: 超多蝦子,可能我不太喜歡蝦子的味道,我覺得一般,但豆腐是不錯的後加煎藕餅: 相當好味,亦好香口,有六七舊,紅豆沙和豆腐花都高質素,雖然免費絕不求其, 再加錢叫自家製榴槤雪糕亦好香濃一句講哂,非常抵食,以港島區嚟講中菜算出色,走嗰時出門口都難,因為好多人太逼,值得推介,今晚盛為523元

要數係灣仔好食又抵食的小菜店，金源真係我名單入面永恆既三甲。點解，因為抵食兼大碟，而且重要味道好好，永無失準。一行五人坐低，叫左五個套餐之後，呀姐就拎左一大煲湯比我地自己分，總共都差唔多分到7丶8碗。湯有少少味精，但唔算太濃味精，而且有唔少冬瓜既甜味，所以味道都幾好。呢度既叉燒炒蛋真係冇得輸！小菜店炒店竟然都會用牛油去炒，所以雞蛋好香又好滑，一D都唔會老，配上叉燒甜甜地的味道，超好送飯。豆破鯪魚炒油麥菜，大大碟，唔會太咸，但係有少少油膩係真的。不過送飯都係頂瓜瓜！椒鹽骨，味道唔會死咸，肉質腍得黎唔會話醃得好勁。味道少咸，相當惹味！豉汁涼瓜炒牛肉，涼瓜味道少少苦，對於鍾意食涼瓜的人黎講真係好惹味。牛肉大大片，好有咬口，配上豉汁都係一個新食法。四季豆炒咸肉，四季豆好甜，而咸肉就爽爽地咸咸地，真係一啖咸肉可以送半碗飯，超香超好味！呢度最特別就係老闆娘自己會整甜品出黎賣，而且質素都唔差添！焦糖雞旦布甸，唔似出面一Pat勁腍的布甸，呢度的布甸比較結實，而且蛋味好香，15蚊算係勁高質！威士忌雪糕都真係全香港得呢度有。食落口好香威士忌的香味，但係唔會覺得酒味好重，香味為主！雪糕好滑身，而且好稠，絕對

金源小館 灣仔大王東街3號地下 有親人在加拿大回來旅行，一定要帶她們食地道的好嘢，但阿媽的Order是不可以離灣仔太遠。好，於是就選了這間老店。我在這裡吃飯差不多有8年咁耐了。 最出名的當然是山東雞。勁多蒜頭，無骨，啖啖肉。必吃！ 之後叫了個龍蝦上湯伊麵，本來想帶姨姨去西貢食海鮮，時間上又唔得。惟有在這裡"食住先"了。開邊龍蝦入味，只是細隻咗D，少D肉。味道很好。 之後有瑤柱西蘭花，勁多瑤柱，我差不多食完先記得影相。嘻！ 還有蒸海魚，都合格。細條少少啦！ 有糖水，豆腐花和南瓜露，兩個都好食。 最後出場的是眾人至愛，人見人愛，車見車載的榴蓮mousse了。 成為了我加拿大表妹那晚的至愛了！哈哈！ 埋單850元4人，每人約200元。 唯一要挑剔的是坐位太窄，不太舒服。又成日好似催我們快D咁。 正要離開的時候看見鄰枱的蒜蓉開邊蝦只是88元左右，比我們的龍蝦200幾抵食得多，下次一定要試了！相信價錢還可以平D。贊！

一直都幾喜歡呢間小館，因為真係幾好食同抵，雖然外表似茶記唔多覺眼，但lunch time要book 位。回歸正題，午市有lunch set揀，由於食得小炒都係人多先可以試多幾樣，一般都會同3-4個同事食上菜前已有一大碗湯送黎潤喉，幾好飲。點左必選既山東燒雞，撕開一件件上碟連骨都唔洗"lur"好岩怕骨既懶人朋友燒雞上鋪有蒜粒好香好好食另外值我一讚既係琵琶豆腐，d汁令豆腐好入味送飯一流食完再點埋小館特有既木糠布甸就夠晒滿足啦

剛與同事們來食lunch, 四男兩女點了6人餐4 餸1湯，足份量的小菜，加上我們每人再點甜品，真是full lunch 滿足。這裡出名的山東燒雞不錯，起肉去骨有生蒜和葱蓋面增加香味，咸味剛好。其他小菜味道也保持水準。唯獨店裡地方挾窄，如果坐走廊位會要有心理準備不時被撞到啊。

食一餐比人問食唔食扇貝一共6次以上，乜啲扇貝真係咁趕賣咩？我問阿姐係咪得呢張餐牌，佢同我講，你食得哂呢個餐牌先喎

成班人途經灣仔搵食，行到大王東街見到有間小館，咁岩又有2張抬於是入去試試，見到個餐牌都係主打家常小菜，環境就MAMA地,不過可以搵番D住家feel 因為未食過所以隨便點左6，7味餸：呢味叫山東鷄，好似鼔油鷄咁，鷄肉好滑唔＂鞋＂，咸淡適中，又有硬豆腐墊底，餸飯一流！咕嚕肉,普通過普通,豬肉仲略嚴梗,有點食"柴"FEEL椒鹽豆腐,放入口..........咸咸地怪怪既.....點解味道咁得意既.......點解既......點解既......再望下碟豆腐,原來豆腐面頭舖左咸蛋黃,應該係加左咸蛋黃黎炸,都幾得意既.娃娃菜浸稜魚肉,好有住家FEEL,本身鍾意食稜魚肉,鮮甜彈牙,湯底又甜,不過朋友話略嚴D菜唔夠後生,比較老喎........之足蚊班腩........呢個我冇食,不過D魚好多骨,小朋友唔岩食,又係朋友話XO醬脆玉瓜抄什菌,真係食唔到XO醬味,辣都唔辣下,會唔會係咁岩用哂呢不過我本身又好鍾意食脆玉瓜,爽脆清甜....如果有加辣就仲正啦~~~豬肉餅,好多媽媽都識整,但一定好食過佢囉,食落"林吱吱"好似加左好多粉,又冇肉味,完全唔似食緊肉餅,食左一啖就冇再食第2啖了..........

在灣仔食店多，想食小菜但又不太貴的可以選這裡！其實平日晚上來，店內也有不少人，仲有鬼佬ABC來食，真的是人氣食店！是晚友人大力推介這裡的燒雞（其實我麻麻地，因為是冷盤）一上枱，第一感覺是「幾大碟」，排得幾靚！試了一口，感覺不差，連雞胸位也不鞋，不錯！亦叫了個咕嚕肉，味道還可以，肉炸得有點乾及幾大舊而蔬菜選了啫啫油麥菜，其實幾大煲，我第一次食唔晒啲菜最後，也送了豆腐花作甜品，口感不是太滑，像自家製般，但也幾好味

來吃午飯，左度右度後選了土魷蒸肉餅。落單後方知是即叫即蒸，恰巧與另一顧客做了相同選擇，於是我們便做「陪食」。幸好不是太肚餓，否則望着他人狼吞虎嚥地開飯，頗難受喔！等了廿多分鐘，終可起筷。肉餅厚身且份量大，足夠二人份，入口啖啖肉，土魷味稍嫌單薄。白飯軟綿帶點黏口，跟肉餅同樣軟林林，欠了點嚼感。或許，這裡的強項是小炒，有機會下次在優惠時間來吃小炒套餐，一餐平 10 元的吸引力可不少呢。

這店我光顧了好幾年了，其中有三道菜是最好吃的。這個是山東手撕雞，雞肉沾上獨特自家製的醬油跟蒜泥和香蔥一起吃，很清新，不會很咸。雞肉下面擺放了素豆乾，連著醬油也是非常美味說到本人最愛，就是這條油炸筍殼魚了。廚師把魚炸的酥酥的，可以連骨頭一起吃，雖然是油炸的可是一點都不膩。每次吃都充滿了滿足感梅菜扣肉相對味道比較濃，一定要連飯一起吃，肥肉的肥膏跟肉的比例很平均，每一口都可以嘗到兩種口感，很正

上次黎食過六人餐今次人少少 就試下散叫招牌菜係山東燒雞 (差不多$100左右)幾好食 尤其淋在面上的配料 但雞其實不算太多 因為個底其實攝左好多豆腐鎮江骨 勁似豬扒 味略太濃 個芡打得太杰所以有點漏 食一塊要送飯食先得豆豉鯪魚炒油麥菜 味道都ok晚飯位位送糖水一碗 有豆腐花或紅豆沙可選 自製的也幾好食！須要改善的是服務態度因為當我地婉拒 冇叫一啲店員推介的食物店員會黑面 兼態度有點差😥

一大班人剛從澳門回來, 頭痛在那裡吃晚飯, 朋友推介這間位於灣仔頭的小炒, 這個區域甚少行到, 好試菜特色山東燒雞 : 招牌菜, 幾好, 雞肉不乾柴, 先炸過再淋上特制醬汁, 惹味香口 咕嚕肉 : 小炒靈魂, 做得好間野差極有普, 酸甜適中, 乾身, 不太多汁, 不錯 啫啫芥蘭 : 夠鑊氣, 菜亦爽脆白飯魚煎旦: 白飯魚夠肥, 夠甜椒鹽九肚魚 : 沒有過火, 外脆惹味, 內嫩甜湯 琵琶豆腐  : 豆腐和魚肉嫩滑, 味道ok家鄉煎藕餅 : 香脆惹味, 做得不錯!試完之後覺得朋友無介紹錯, 另外原來這裡亦主打甜, 可惜太飽要下次再試

午間在灣仔找朋友取回聖誕禮物後，又差不多到食晏時間，見人流未出現，即時鑽進金源小館。晚飯是吃得多，午飯試過一兩次，水準不錯。如果在12:45前埋單，只不過收$40，算是相宜的價錢。涼瓜炒牛肉尚算大碟，以豆豉來提味是大路做法，斜切令口感更爽，可能未汆水吧，甘味都幾強烈，但個人反而鐘意。例湯是冬瓜湯，幾夠火喉，非常好喝，比起求其沖杯檸茶強得多了。但白飯只有囝囝拳頭咁多，要食飽除非我係小朋友，唯有多來一碗白飯，點知埋單要另加$8，真係妹仔大過主人婆。

膠圓櫈肩踫肩只有半個人行到嘅通道，真係活現咗香港嘅土地問題。雖然環境不足，但依然門庭若市，優質細心服務應記一功。山東燒雞 真雞+素雞嘅組合真係估佢唔到，雞肉滑。個汁滿滿成碗蒜，再強調係成碗，令我聯想起首爾弘大個蒜蓉豬手，好蒜者必愛。蒸扇貝 size無得輸，嚿肉直徑8cam，連群邊，但可惜鮮味不足而且有啲overcook梅菜炒菜心 又係另一估佢唔到組合，好有生死戀或親子井feel，但菜心好老同無甜味，做唔到個咸與甜、老與嫰嘅對比。鎮江骨 肉排大大件，肥肉特有的彈牙肉質，鎮江醋醬汁香濃掛汁，醋嘅酸味剛好中和肉嘅肥膩感，送到幾碗飯，必點推介。小炒王 成日去酒樓點小炒王都瀬嘢，遇到啲蝦乾又硬又咸又乾嘅機會率好高。呢度蝦乾有切細，SIZE同其他材料相約，融合其中。腰果花生保持香口卜卜脆，無因為炒完而淋哂。飯後送糖水，下次想試佢有成頁紙嘅甜品。除咗以上菜式外，仲叫左兩條炸魚、蝦子豆腐、翠肉瓜、咕嚕肉，請埋生日主角每人才160, 抵食！