金源小館 (已結業)

好耐冇黎，今日星期六堅多人，所以今次坐得迫同辛苦，但都照樣三餸一湯。魚湯比之前藥材味更香濃，所以顏色比之前更深色，魚頭一個又有3舊豬骨，大約有6小碗湯。朋友話醫頭風不錯。鎮江香醋骨，香醋酸香味勁香。鎮江骨的份量多，我地4個人都係剛好食完。鎮江香醋骨肉多骨少，咬下去好厚肉、有甜酸味滲入厚切豬肉，最後忍吾住叫一個白飯送飯。豆豉鯪魚油小麥菜，份量多但吾叫好油味道都夠，但豆豉鯪魚份量偏少。頭抽蝦，頭抽味不濃，蝦今次有點梅吾新鮮。有點失望。最後有豆腐花，紅豆沙和海底椰南瓜露選擇，南瓜露仲有少少海底椰肉係度，豆花都好香同清。叫了石榴，咖啡和榴槤雪糕（我地叫開，咁多甜品試晒最愛3款），很多人這裡吃飯都會叫甜品外賣。而雪糕＄14都手抵食自家制，但今次榴槤味偏少。。最後每人＄97，都已經飽飽離開。

筆者之前光顧過金源小館多次，店内裝潢與食物款式大體上和以前都是一樣。裝潢簡單，午膳時間要搭枱，坐處頗迫，衞生情況合理。午市客飯 $55 一份，包例湯、主菜小炒及白飯一碗，12:45 前結賬離開更可享 $40 的優惠價。例湯是冬瓜煲豬肉，湯頭挺甜幾好味！金銀蛋菠菜出品大碟，菠菜用料挺嫩，但吃後避不過一份「鞋口」感覺於口中。少吃金銀蛋亦見滋味。土魷蒸肉餅製作厚身，因加入冬菇馬蹄，食感鬆軟帶爽，味道不俗。臨行前來一客奶茶木槺布甸，略淡的奶茶味，引入「木槺」後布甸亦當然難保細滑。個人還是喜愛傳統的木槺布甸多一點。

大學友人到訪香港，想找個經典一點的粵菜餐廳帶朋友去體驗一下，在網路上看到這家餐廳很有人氣決定去試試看。餐廳坐落在灣仔，在大王東街和皇後大道東交界。餐廳很小，所以來之前要訂好座位哦。走進餐廳就聞到一股奇怪的味道，像隔夜飯菜那種？我們選了晚市套餐，可以選三炒菜一湯一青菜，是四個人的份量。一下單1分鐘菜就上來了。第一道菜我們點的是人氣山東燒雞。因為上菜速度奇快所以應該是早就做好的咯。雞有點冷掉了，不過味道還蠻香。這不像燒雞，因為不是亁身的，有醬油底汁。很香是因為放了很多蒜，如果雞熱一點會好很多吧。第二道菜是鎮江骨。味道不錯，但是肉質太硬了(° o°)!用來送飯吃還是不錯的。說起飯，這裏的飯很亁很硬！！！然後上來的是上抽蝦。味道正常，不算很新鮮，但是味道好鹹哦。這家餐廳的菜都做得很鹹，要不斷喝茶才行(° o°)!最後是炒通菜。同樣味道很鹹，不過菜算新鮮！最後附送的甜品我選了豆腐花。豆味還蠻重，沒有很滑，就這樣。這家餐廳唯一可以推薦一下的是甜點。我們另外點了一個木糠布甸。不會太甜，很香很滑！我想為什麽大家贊好可能是因為價錢便宜，因為我們三個人吃飯一共才400港幣，在灣仔來說真的算蠻便宜了。但是我

人越大越鍾意食下小菜添（唏噓～）金源冇外觀冇裝潢，地方唔大，但係門庭若市，除左食物質素之外，應該都係buy呢陣街坊味。山東燒雞（半隻）係呢度名物，侍應將燒雞上枱後先至淋上大量生蒜同醬汁，好澎湃。雞肉大部分已去骨，肉質幾腍幾滑，加埋甜甜地唔太鹹醬汁同少少辣的蒜粒，味道豐富，怕口臭者就自己衡量啦。上抽煎中蝦非常香口，蝦殻都炸脆左，送酒一流。啫啫油麥菜唔駛多講，好難唔好食。最特別嘅係，呢度的甜品（例如木糠布甸、焦糖雞蛋布甸⋯）都好多人話好食，拍得住甜品店。如果唔想破費，飯後都會送上糖水，有綠豆沙、豆腐花、南瓜露可選。雖然係送，但製作認真，起碼綠豆係煲到起沙、豆花都好滑。值得去指數:

一直覺得近來灣仔區越開越多有水準的食店, 看來大家都是看準了這區的潛力. 的確, 宅女從小時候一直住在灣仔這區, 眼看著這幾十年間的變遷, 的確感覺到這區無論是上班一族還是居民, 對飲食都越來越有要求. 不過新店雖然多, 但仍有不少老派食店依然人流不絕. 其中這家金源小館, 就是在朋友間風評一向不錯的平靚正食店. 這晚跟幾個朋友去完活動, 肚子還是半空狀態, 不想吃得太多, 但又想吃點熱食, 朋友就馬上提議來這裡, 弄幾個小炒吃個宵夜.這家金源小館就在食肆林立的大王東街上, 這裡除了有不少新派食店, 也有幾間街坊味甚濃的平民小店, 不過一入夜過了上班時間, 這裡就顯得較為清靜. 我們在平日晚上九時左右才到, 整條街巳是黑漆漆一片, 就只剩下對面的一家打冷夜店跟金源還是燈火通明.餐廳樓高兩層, 屬典型舊式街坊食店, 一張張木摺枱鋪上粉紅色的桌布, 沒什麼裝潢, 牆上就貼滿了一張張餐牌跟啤酒海報, 加上幾位上了年紀但仍風趣得很的阿叔侍應, 就像宅女小時候沒飯開時跟爸媽出外到樓下的廣東小菜館吃個便飯感覺差不多, 不期然便有點懷念的感覺.看看餐牌, 吃的就是各式各樣的廣東小菜, 一碟小炒配個飯

一行五人，預先訂了星期一晚上七點的枱，叫了四人套餐（包括三餸一時菜一湯及一人一碗甜品），再另外點了五隻蒜蓉蒸扇貝、兩支啤酒和一個木糠布甸，總共五餸一湯一飯一甜品，好飽。最喜歡充滿蒜蓉的山東燒雞和蒸扇貝～～ 很香。油浸筍殻魚也獲一致好評。鎮江香醋骨醬汁酸甜，本人喜歡，朋友們卻覺得肉質一般，比其他小菜令人失望。腐乳炒通菜份量算多，很惹味。很多人在網上推薦的木糠布甸，個人覺得不好吃。埋單一人$114。

今日突然好想飲魚湯，因而諗到這間店，其實係我地一直幫襯開。我地大約8點到達，一樣都是滿座（因為價錢合理味道又吾差）。今次我地4個餸和1個 湯。因為訂座時已經講左要魚湯，因而一黎到已經有得飲今次魚湯比之前藥材味更香濃，魚頭夠大又有3舊豬骨，大約有4碗湯。聽講醫頭風好好。所以必叫這湯！～差不多每桌一定會叫。肉餅豬肉味濃又吾硬，蒸得吾錯。份量多同配料都平均，一口豬肉都有配料。最喜歡係吾咸！啫啫油麥菜，用煲整一上桌勁香同有少少燶，炒得夠香之餘又吾會太熟，口感還有，但要快食，因為最後1／3係偏油。頭抽蝦，大約有13隻左右，頭抽味不濃，幸好蝦吾太淋，總叫新鮮。但本人覺得因為頭抽吾夠，頭抽味入吾到蝦度，有點失望。椒鹽白飯魚，白飯魚夠肥啫啫又厚肉，好味，椒鹽又吾油又香口，沒想到咁好味，送酒一流，推介！～最後有豆腐花和南瓜露選擇，不好以為送吾比料，南瓜露仲有南瓜肉係度，豆花都好香。當然要叫榴槤雪糕，其實這店的甜品都出名，好多人不是在這裡吃飯都會叫甜品外賣。用料足之餘價錢吾貴，這個雪糕都是＄14，口口都有榴槤香味。最後每人＄150，都已經飽。但原來帶一枝酒開瓶費免，之後一枝就要＄30，所以之前要同老闆傾傾

去完長洲出到中環才不過六時，想起旁邊便是重開的荔園就和男友過去湊熱鬧，在場內看見那些可愛的小露寶更是忍不住唱起它的主題曲來，童心未泯；逛了好一陣子見差不多晚飯時間，麻煩人如我一直也搞不清究竟想吃些什麼，要王子在大熱天時陪我由中環走到灣仔然後又在灣仔兜了好幾個圈，實在不該，思前想後終於決定來點小菜白飯充飢。周六晚上約八時去到，兩個人等了十多分鐘便能入座；店舖有兩層，位子不多但排得密密麻麻，大檯和細檯的比例幾乎是一比一，四、五個人來的話要搭檯也是家常便飯，說實話坐真的坐得不太舒服，勝在價格相宜以及人情味搭救。椒鹽鮮魷$55男友說想吃蟶子，但在菜單上不見便點另外一個海鮮類的；魷魚外層裹上薄薄的粉漿，炸得金黃，魷魚未至鮮甜但肉質爽口彈牙，蘸上喼汁後沒那油膩，用來下酒最好不過。菠蘿咕嚕肉$55今天晚上基本上是為了咕嚕肉而來，一上桌便急不及待吃一口，剛炸起像麻雀般大小的肉外皮香脆，味道酸酸甜甜，偶爾吃到一兩舊較柴，不是我吃過最好的咕嚕肉但以這價錢來說整體仍是令人滿意的。上湯浸菜心$68天氣真的太熱了，想來一個清清地又濕濕地的菜，上桌時和我想像中的模樣有點差別；啡色的上湯勾了個薄芡，面頭有幾粒我倆都

多年前，在中環上班，與BFD同事搭的士到灣仔的金源小館吃午飯。一大班人，叫了滿滿一桌子的小菜，咇呢吧啦地吃個痛快﹗是日，與老爹兩人去了金源，人少關係，不能訂枱，只能walk-in。去到時，地上已爆滿了，樓上，又大多為訂枱客人而設。幸而，稍等片刻，我們可以入座了，在近門口的大圓枱搭枱。地方極為擠逼，擺滿了枱凳，且坐滿了人，真的寸步難行﹗環境擠逼且嘈雜，空氣又差，坐得又十分不舒服……一看餐牌，一如既往，超級低食﹗午市套餐$55/位，包一款小菜、白飯和例湯，且有14款選擇，難怪人頭湧湧，座無虛席。除套餐外，遇有海鮮類、煲仔菜、馳名山東燒雞和24款滋味甜品任君選擇。是日例湯乃冬瓜豬骨湯，清清淡淡的。白飯，滿滿的一碗。叉燒炒蛋大大碟，炒蛋混入蔥花和叉燒同炒，炒得香滑不過火。叉燒份量也蠻多的，然，嘴刁老爹稍嫌叉燒只是街市買的貨通貨色，食味一般。鎮江香醋骨未上枱，酸香味已撲鼻而來，教人不禁垂涎三尺。鎮江骨的份量，多得出乎意料之外，坦白講，合我們兩人之力，也未能吃完兩碟餸。鎮江香醋骨肉多骨少，咬下去啖啖軟腍、甜酸參半且甚為入味的豬肉，伴白飯吃確是一流的。醬汁的確極為美吵味，教人吃得舔舔脷﹗小結：原本還

金源一直都覺得佢湯同甜品係好味價錢又抵，今次同2個朋友加男人，一行4人（2男2女）去再食金源。因為每次我地去都要訂位再加企門口成半個鐘先有得食，所以今次都訂定位，可能因為星期一關係，去到可以即時入去食野勁開心。而這間酒水不用加錢，所以佢地3個人3支紅酒係度飲.....今次我地叫左一個湯，4個小菜同4個雪糕。最後食到超飽離開每人都係百三蚊，堅抵。湯今次沒冇平時咁濃，但幸好還有一點點的藥材味，而魚同豬骨都好夠份量，一個大約可以5碗。筍壳魚係每枱必叫的小菜，份量夠，炸得香口但肉嫩滑。加上䓤就更好味，4個人係食吾晒。黑椒牛仔骨係最失望的小菜，梳打粉太多，冇晒口感，但汁同配菜都好味，最後半碟係冇人食。椒鹽白飯魚炸得香口，但吾油，份量好多。如果醋再酸就更好。送紅酒一流。蒜頭瑤柱莧菜只作普通，但煮得太淋。雪糕係自制的，竟然有果肉係絕對驚喜，咖啡味濃，但酒就偏淡，但以＄14黎講係超值。最後我地食左3個鐘冇比人趕，待應仲好好不停睇我地有冇需要，抵讚。係一間會再黎的小廚。

幸好一早BOOK左枱，所以一去到就有位啦！我地一行七人，叫左幾個套餐半隻燒雞，肉好滑，個汁好好味份量都幾多，個汁送飯一流肉有D硬，有D難咬開，要用D力蛋炒得好香好滑同埋都幾多叉燒推介，煎得好好味，熱辣辣上枱，唔覺肥膩各式布甸，有芒果布甸、好立克木糠布甸、咖啡木糠布甸、原味木糠布甸，我食左原味木糠布甸，cream好滑，唔太甜，好食整體黎講，食物大多數都好食，但坐位有D迫。

今日最後一日ot, 我地成班人一齊出去食，聽聞果度平日好多人，今日有機會試。我地叫左個四人餐加一人餐，份量都唔細ga, 好彩有三個壯男幫手食。咕嚕肉: 鍾意佢酸酸甜甜，食落唔會好滯翠瓜炒豬頸肉: 好得，夠鑊氣炒油麥菜: 跟餐送，可能加左豆豉所以唔太覺苦味粟米斑塊: 話就話一人餐，但已經夠兩三人食，而且唔太重口味手撕雞: 果度係半隻，雞肉好滑，好好食整體佢係即叫即做，非常有鑊氣小心睇熱，因為好飽所以無試埋木糠布甸，同埋價錢相對平

甜品，相信大家都不會陌生，而且年中都吃不少，始終小至一粒糖果，大至成層樓高的結婚蛋糕（雖然未必食得），都可說是甜品。在香港這個現代社會，只要有幾蚊在手，走入M記都可以買到一杯名為新地筒的甜品，要接觸到甜品，實在太容易了，所以要成為一個嗜甜成癮的人其實不難。因此甜品愛好者在我們身邊已不罕見，更有些人自稱有兩個胃，一個用來裝食物，而另一個用來裝甜品，當然人類的進化速度並不似寵物小精靈那樣快，所以到今日為止，我們還是只有一個胃，我們只是會比較傾向留肚吃甜品才會有這種錯覺罷了。當然地，愛好甜品的人變多了，賣甜品的人都會變多，因此我們在旺區要找家甜品店不是一件難事。不過，要找一間好吃的甜品店，就不是太容易了。剛在灣仔吃完飯，有個朋友想吃甜品，阿正即時就推介我們去到一間店，但不是一間甜品店。一去到，我們才知道那是間小菜館，甜品是有得賣的，但沒有人有膽量入去只堂食甜品，外賣邊走邊食大概會更自在。起初想吃威士忌雪糕，怎料已經賣哂，再看看餐牌，留意到一種有點罕見的甜品，就叫它吧！不久之後，一杯番石榴雪糕就送到我手上，當然相片是有的，但都是吃過兩口才影的，有，總比沒有好吧，袋住先啦。雪糕一入口，一陣清新的

 今晚大棚人來，一于試多幾味。點一個四人套餐，再加幾個其他，食得非常滿足。山東燒雞雞嘅外皮應是輕輕炸過，比較香口。配上大量蒜和蔥，有效中和了雞的肥膩，而且增添風味。食到下面，驚喜地發現鋪了幾舊素雞，長時間的浸泡使其充分吸收了雞和醬汁的精華，真的勝過肉呢。唯一不足是雞肉質比較鞋口，扣了分。蒜蓉蒸中蝦大排檔不止瓁氣小炒，蒸菜也同樣出色。中蝦頗大隻，很新鮮，還有好多蝦膏。蒜蓉十分慷慨，為蝦肉帶來刺激蒜味的同時，激發出蝦的鮮味。粟米斑腩斑腩扎德通透，拌上粟米汁，粘稠和爽口交融。上湯莧菜看似平平無奇，實際味濃之餘還很鮮美，大受歡迎，在茫茫肉海中拯救味蕾。豉汁蒸黃腳立這個不得了，本來只是要條魚balance下班食肉獸嘅攻擊，點知大有驚喜。首先黃腳立肉質細滑鮮甜，沒有泥味。豉汁鹹度剛好讓人可以就著豆豉吃魚，而不必大口吞飯。這種鹹度把握非常精準。錦江豆腐煲用料豐富，簡直系豐盛啊。有大元貝，魷魚，西蘭花，蘑菇，豆腐，各種材料滋味交融，怎有不好食嘅道理。豉汁炒蜆食得差不多飽，重唔夠喉，尼味系最好選擇。蜆肉好多，炒得很香，而且下面保留很多汁，可以撈蜆來食。豆腐花豆腐花好幼嫩細膩，很易碎，也是不俗之作。

以前食開電車路間明記但執了, 所以在灣仔區搵炒小菜就轉去金源, 同生記一樣做熟客多, 但金源較好, 唔介意等位都會有得食.  夜晚8點半已有一班人等位, 大約等20分鐘才有位.  店鋪細細有閣樓, 我們安排上閣樓, 簡陋既裝修正是炒小菜店既標誌 .  我們4人食了6道菜加送一大碗例湯, 每碟都大大碟, 已盡了力都不能食清.  - 山東燒雞: 以往在佐敦既北京酒樓最愛食此道菜, 自關門大吉後只有在金源先再可回味.  此道菜既精華其實不在於雞, 而係個生蒜豉油汁, 一定要將一大堆配於雞肉一併食才滋味.- 豉椒炒蜆: 炒完仲有好多肉, 夠鑊氣, 蜆肉都乾淨不會有砂- 椒鹽九肚魚: 好惹味, 炸得酥脆, 小炒地方必食, 最宜佐酒- 粟米斑塊: 份量多, 每件魚塊都大件, 但獻汁不夠粟米, 味道一般.- 生炒骨: 有掛汁, 味道夠酸, 顏色偏橙, 大大舊啖啖肉, 較似咕嚕肉.- 蒜容炒菜芯: 菜芯青嬾鮮甜, 不太油- 送既南瓜芋頭露: 其實餐牌仲好多款甜品, 好少炒小菜店有咁多甜品選擇, 但已太飽, 又見佢送南瓜露都幾啱我口味.  濃濃的南瓜味, 質地幾滑, 不太甜, 還有粒粒芋頭粒, 但真是