金滿庭京川滬菜館 (九龍東智選假日酒店) (已結業)

食物so far so good, 環境ok, 但駕車的以後真．不用來！阿媽，我好亂！亂指老點我去３個不同的停車場，而且不論入或出，個條入閘于都是「紋風不動」call 人仲要等好久！

家人熱愛上海菜，7人去到呢間位於將軍澳假日酒店既金滿庭，有幸使用貴賓房，有落地玻璃夜景，大大部電視，環境夠哂矜貴，望望細貴賓房min charge 1300蚊，其實唔算好貴喎，平時食都咁上下，有機會訂訂看。家人最愛既擔擔麵仍然保持水準，好多料，有小中大辣選擇，我家愛小辣。黃花魚肉香嫩滑，可惜其中1條切割不良，腩位有苦澀味，餐廳安排再蒸1條比我地。包點紅油抄手，素菜包，流沙包，保持水準。鱔鰗味濃，醬汁惹味。是日特價八寶辣醬，42蚊。原來叫左特價或套餐不能儲asia miles, 早知食第2樣好過。紫薯上湯豆苗，份量夠大，豆苗爽甜，仲有本人最愛蒜子，正全晚主角久等出場，元蹄好厚肉，皮脂非常香滑，肉亦夠嫩，醬油配合亦很搭配，餸飯一流，唔會有油膩感，不過罪咎感大量，不敢多吃。最少6個人先好叫。冰花燉雪梨好大碗，2 3 人share 都可以，秋冬潤一潤，作結尾圓滿。

呢間係愛數一數二至愛上海菜! 上次weekend嚟好多人，又限時，服務ma ma, 今次平日晚上嚟，好好多!擔擔麵，$44，算好抵，出面菜記都要呢個價，但呢度既湯底香濃，大量花生粒、肉碎的濃湯底，係出面少有既質素紅油抄手，$68，有8粒，食抄手最重要個汁，呢度既蒜泥甜醬油汁好好食，辣油可另上，配合各人需要，覺得唔落辣油都好食流金歲月，$44， 3個流沙飽，好rich，足料素菜飽都正，飽皮鬆化，素菜料新鮮黑松露炒麵$128， 新嘗試，一入口除了松露味，仲有芝士/牛油既酥味，但睇落又似醬油麵，個人覺得錯配了....白水黃花魚$48一條，兩條起，細條但都滑既，食食吓個肚有d苦，好在佢地肯蒸過一條比我地，算啦～炒鱔糊，偏細碟，但好食，黃鱔好肥，又多韮黃紫薯浸豆苗(因佢無莧菜)，仲正，$80抵左!八寶辣醬，是日半價， $41，好香，唔係好辣，但好細碟，果然係半價。是日重頭戲，紅燒元蹄，$218，係第二次食啦！燉得好霖，震震如啫喱般亦唔係全部肥膏，因好大隻，亦有好多嫩既豬手肉，所以肥瘦適中食完元蹄，真係飽晒，但都好想食甜品川貝燉雪梨，$58，推介好潤，清甜，又有雪耳紅棗，好正高力豆沙，$16一件，

等左2個鐘，1個號碼都無叫過！俾面黎試食點知成肚火，食麥記都唔會再黎，不會分配walkin同訂枱的比例，真是垃圾管理垃圾服務問個經理要等幾耐，就話幾分鐘有位，點知等幾分鐘變左2個鐘，垃圾

甘香的人蔘烏龍，小籠包的質素，舒適的環境，呢兩年都成為我weekend下午茶no. 1去處。但最近真係越使越衰，之前改咗menu無咗油爆蝦等受歡迎小食，食物質素又差咗，都算，百物騰貴，理解。但今日嘅經驗令我覺得要從此要black list.今日兩個人未到3pm去到食下午茶，佢居然叫我搭枱! 我去咗兩年幾三年，第一次話要搭枱!!! 個場明明就仲有空枱，5個人逼一張最細size嘅圓枱。話哂都叫酒店入面嘅餐廳，真係唔係好合理。剛剛又有另一張4人卡位走，我同個女部長講，可唔可以搬過去。我好禮貌咁問佢，佢好串咁答我，唔得，你張枱坐6個人都無問題啦. 我呆咗一呆，同佢講呢張細枱坐5個人太逼，而且時間仲早，咁多年從來都無試過搭枱。佢即刻話係出面帶位同事負責，轉身就走 !如果唔係肚餓又趕時間，一定即走。無論你之前做得幾好，一次差嘅exp就足夠令客人永不回頭。

老豆生日，又去左位於將軍澳酒店嘅金滿庭食上海菜，今次已經第4次幫襯啦。20號星期三book左7:30，正值晚飯時間，好彩係popcorn商場撘lift上去唔洗等好耐記得有一次試過等足15分鐘先上到去，所以book左位嘅可以預早少少去等lift，尤其係假日！5個人點左7樣嘢，咁岩呢日咕嚕肉有半價，所以就叫左一碟，的確比酒樓好食，啖啖肉。沙鍋雲呑雞 (半隻)個湯好飲，不過今次鹹左少少，無記錯似有8-10粒雲呑， 有白菜同黃芽白，雞就比較"鞋"。京蔥鐵板牛肉吾係太特別，味道幾好，好香。鍋㙮豆腐必食，個豆腐皮食落去脆脆地，入面嘅豆腐軟淋淋，有種口感同時食落口好有新鮮感，加上個汁吾會太鹹，撈飯都好好食。xxx水晶肉？！(忘記左個名)招牌松子魚每次必點，好鐘意酸酸甜甜嘅汁，每次都會用來撈飯食！魚皮脆，魚肉嫩！最後埋單 around $800

生日飯， 訂檯只有5:45~7:30，真係好早!小籠包，保持水準，皮薄多湯燻蛋，另一必叫頭盤，正！雞絲粉皮同烤夫，一般啦！沒大驚喜蝦仁炒蛋，原來係蛋餅，唔係滑蛋，有d失望。睇食評知呢個元蹄出名，果然唔錯，好霖好滑，好特別口感，但真係要好多人先食到。雲吞鷄喜出望外，鮮甜度十足，又清，7個人都每人有兩碗，正!片皮鴨，兩食，ok, 但未算好特別。炸饅頭同豆沙鍋餅，熱辣辣，好食，份量好足。整體

去金滿庭飲茶或晚飯，我和家人最愛點「人參烏龍茶」，味道甘香。我比較喜歡這裡的「奶油津白」多過「金華火腿津白」，奶油味好香，但不會太濃烈。花雕醉雞酒味十分濃，雞肉嫩滑入味。啖啖肉（師傅斬雞手勢不錯！不會食到有碎骨）肉絲兩面黃沾滿肉汁既韮黃和肉絲撈上脆卜卜既麵條，配XO醬。不過掠嫌肉絲，韮黃炒得唔夠熱，如果這道菜熱一點會更好味。

長輩生日到這餐廳晚餐，餐廳於酒店內，裝潢大方，一行4人被安排到卡座茶水巾芥每人$11，很喜歡雨前龍井的清新茶香，下次嘗嘗這兒的烏龍餸菜方面點了一隻片皮鴨($350)、上海粗炒($78)、八寶辣醬(是日半價$39)、一口小籠包($58)及雲白肉($76)。先上冷盤雲白肉，肉片脂肪和肉分佈均勻，肥而不膩，最難忘其秘制醬汁，辣度適中，配上陳川粉味道一流!再來一口小籠包，一籠有八個，咬一口湯汁滿溢，湯汁鮮甜，且皮薄饀靚，立即便吃清光!味道是所嘗過的小籠包中數一數二的!十分推介周一至周四每天都有一半價推廣，周二是八寶辣醬，第一次點這個菜，八寶即蝦仁、雞肉、豬肉、腰果、青椒、紅椒、豆腐干等，還有什麼忘記了這餸配飯一流，像回鍋肉的煮法，不是很辣，半價值得一嘗! (但若是原價不會再點，沒什麼特別)整晚最不滿意的便是上海粗炒($66)，味道太咸且太油膩，亦沒什麼配菜萬眾期待的片皮鴨終於登場! 分成二碟鴨肉，配有24件薄餅!鴨肉不算很多，但肉質尚算細嫩，皮亦很脆，配上熱辣辣的薄餅、青瓜及醬料，最特別是加上生蒜，味道特別突出!

小籠包金滿庭的小籠包是我食過咁多間最好食👍🏻每次黎都要最小食一籠一籠有八粒($58) 價錢不貴每粒不但肉汁鮮甜 仲皮薄多汁，沒有穿肉汁起落每一啖都充滿肉汁 無得輸😍柚子雞球一開始吾知系炸雞 但食落酸酸甜甜咁 好開胃 又炸得岩岩好 忍吾住食多幾舊 (雖然有點熱氣)😝鮑汁蟹肉炒飯炒飯炒得好香口 加左小小蛋一齊炒個鮑汁同配料好夾 每食一口都有好多配料😍山東手撕雞最開心食手撕雞系無骨，好方便客人食 啖啖都系肉配上秘制豉油 更突出雞味 不錯不錯😝😝

將軍澳近幾年發展左好多商場，餐廳都愈開愈多。就連香港比較著名既上海餐廳金滿庭都進駐咗喺popcorn上面。因為金滿庭係喺商埸上面，所以平時都唔會太多人。今次已經係第二次來呢度食下午茶餐，入坐時店員好有禮貌咁帶我地去卡位。我地今次個茶都係叫翻人參烏龍，前菜就叫左炸雞軟骨同雞絲粉皮，主食就係上海年糕同排骨湯拉麵。呢度個人參烏龍茶真係一定要飲下，甘香得黎又吾會有苦澀味，同鑽石山分店比真係好好多。講翻個炸雞軟骨，論賣相真係一流，而口感都好鬆脆😍。排骨湯拉麵上海炒年糕另外值得一提的是排骨湯拉麵，個排骨炸得真係好好食，肉質都好嫩嫩厚身，不過份量略嫌過少，感覺好似得翻半份。而個麵既湯底就十分清淡，近乎沒有味道。

趁有幾天假期找媽媽撐枱腳，唸住兩個人易搵位，怎料因為假期，很多人是一家大細來食飯，很多餐廳都預留座位給7-8人的大枱所以反而細枱要等得耐一點，那也沒有辦法呢~~~這餐廳在九龍灣及荷里活的分店我都試過，反倒將軍澳這間則是首次這間分店不知是否因為在酒店內，所以整個裝修風格都比較高級偌大垂墜的水晶吊燈我反而更喜愛九龍灣及荷里活的平實~~我們因為兩個人，所以也不會點太多首先必點的是媽媽最愛的小籠包然後再加一個擔擔麵及一個小菜，都已經很豐富了擔擔麵因為媽媽不能食太辣，所以拜託餐廳要小辣，店員提議不如辣油另上，屆時可以隨個人口味調節辣度擔擔麵舖滿了肉碎、花生碎，湯底濃厚，就算沒有加辣油也已經很夠味了麵質煙韌，可以掛上湯汁大大碗，可以足夠分成4-5小碗了擔擔麵可另加$28 多配一份排骨不過排骨要炸，所以不是跟麵一併上排骨原本切成6-7小塊，只是我們都太心急食，食到一半才記得影相不過，排骨略為乾身了一點，有點小失望本身已夠味，但亦附上甜酸醬或淮鹽，供食客選擇紅燒豆腐跟粵式餐廳的紅燒豆腐非常不同是用滑豆腐再淋上濃味及稠杰的獻汁獻汁也有不少配料，肉片、荀片、冬菇片等獻汁略鹹了一點，但若用來配飯應該是一流，

放假同個妹來到將軍澳九龍東智選假日酒店的《金滿庭》食午餐，交通都好方便，在將軍澳港鐵站去到popcorn商場步行一陣就到，此餐廳都是主要食上海菜，環境真是不錯，一走進餐廳中已經看到落地玻璃窗，天花有金光燦爛的水晶燈，客路都主力是附近的住客，環境都晤會太吵鬧。午市時段有提供4人午市套餐，不過都是主要是a la carte,我們只得二人所以都點了少許食物就足夠。先來冷盤有妹妹愛食的花雕醉雞($78)，雞肉旁的花雕酒都算濃郁醇厚，略帶苦澀，雞肉都好滑可是晤夠入味，有點未能滿足。招牌的小籠包是必食之選，一口小籠包($58)一共有8粒，大小均一，一夾起小籠包都冇穿汁水，可見廚師的廚藝都不錯，一咬開小籠包已經感覺到它皮薄多汁，湯汁鮮甜，肉香又不膩，水準之作。其後點了一碗招牌擔擔麵($39)，份量都好足，冇炸菜碎、肉碎及花生碎，我們要求辣度要小辣，辣味果然適中，肉碎都好多，不過就嫌晤花生醬味，湯底晤夠郁，煮麵條時可以攪散一些，因為夾麵時都夾起一舊舊。最後食個流沙包，店方改了一個美麗的名字叫流金歲月($38) ，一共有三件，店員端著包子上枱時都已經熱騰騰，不過真是要小心翼翼咬開，因為都好易燙口及爆汁，

到訪金滿庭過數十次，幾乎成為了我們家的飯堂。因為價格走大眾化，食物質素也是中上。而每次必叫的當然是小籠包，$68有八粒，比其他上海菜館也做得好。試過到翡翠，鼎泰豐，小南國，南小館，霞飛點心，王家沙，蘇浙滙也不及金滿庭性價比高。菜單上基本上每一道菜也試過，當然有數樣是失敗之作，但大多數也是抵食中上之選。今次開始試一些高價菜。蛋白燴遼參，(可以揀飽魚汁) 清淡之選。唔想食太咸味太濃味可以選揀呢個。 金滿庭無一次會令到我們失望，係拎位個時要早。 

昨天為了買Doulton,就到將軍澳,買完看見金滿庭廣告,便來試試。點了。一放進口，包汁就流出來,味道濃郁,鮮甜好吃,皮薄肉鮮!前菜小肉,也很好吃。價錢也不算貴,下次會再來!