金滿膳燒味餐室 (已結業)

客人都未睇到要食咩嘅時候 個樓面就走埋嚟問食啲咩 係咁吹住曬 令到個客人是但嗌咗一個燒鵝飯 未夠20秒 客人想將個飯轉做瀨粉 個樓面問都冇問就一句話唔可以 事實上間舖頭得三個客 斬燒味嘅夥記都喺度吹水 佢有足夠嘅時間可以將佢改單 佢冇做到 之後就出單比個客人 放張單落枱時 即刻講話唔可以改單跟住就走咗去 呢個樓面 好冇禮貌 令到個客人要重新叫多一個燒鵝瀨粉 要將個燒鵝飯外賣 即係夾硬個客人焗住要買多一客（ 賺多一客錢）首先嚟嘅燒鵝飯嘅燒鵝份量 同 燒鵝瀨粉嘅燒鵝份量係唔一樣 價錢一樣 根本就係搵笨 而且啲燒鵝好難食冇肉味 啲皮又韌 一啲都唔脆 仲收52蚊一客 呢間嘢真係唔值得幫襯 （請小心幫襯）

平時唔多黎牛頭角，今次黎到呢邊做野，做到下午茶時間，見到呢間茶餐廳，就即管去試下！呢度既下午茶超級抵食，全部燒味下午茶都只係$34，我地就即刻叫佐兩款黎試下，就係招牌脆皮燒腩仔瀨粉同埋柚子蜜叉燒瀨粉！燒腩仔外皮爽脆，脆卜卜既皮加上肥瘦適中既燒腩，食到上癮呀😆而叉燒用上柚子蜜糖黎醃，香甜微焦，燒到鎖住啲肉汁，超級高質！仲有不可忽視既瀨粉，爽口既瀨粉配埋啲湯好食，係不可多得既配角！😋食燒味飲埋汽水就解渴十足！

牛頭角既金滿膳燒味餐室聽個名就知係以燒味為賣點，櫥窗掛滿燒好既燒味，就咁睇都知好食吸引！🐽🍚招牌脆皮燒腩仔飯 $48叫得做招牌，果然無令人失望，一碟既燒肉份量唔少，而且真係腩肉黎，肥瘦分明既豬肉有醃完既微咸，唔駛再點芥辣都好好食，而燒肉皮真係好香脆，咬落卜卜聲，每一塊皮都酥脆可口，一啖飯一啖燒肉簡直係一大享受呀！😋中意再重口味啲既朋友加埋芥辣就岩岩好，芥辣會令燒肉更加香濃好食！食燒肉飯加杯凍檸茶就岩岩好，茶味濃，篤埋啲檸檬酸酸地，消濟開胃呀😆

呢間茶餐廳係牛頭角新開，難得過到黎就試一試新野！呢間餐廳以燒味為主，我地就試下佢既碟頭飯😆😋雞扒蛋飯 $50雞扒烤到香脆，放係煎蛋隔離，咬一啖即刻爆晒肉汁，脆脆既外皮加上嫩口既肉，好好味！而太陽蛋係另一個重點，流心既蛋黃撈埋啲飯黎食，超夾超好味呀！😍金滿膳燻香燒鵝髀飯$128燒鵝髀好大隻，仲好貼心咁斬開佐一舊舊，每件鵝肉都充滿油香，滲埋落白飯既鵝汁超正，一啖鵝一啖飯，好好味，不得了呀！一人飲多一杯凍奶茶凍檸茶就岩岩好啦！解渴又好飲！

今日行開牛頭角，行到tea time，見到呢間新開既茶餐廳，就黎試下先！我地先叫佐下午茶成日食既雪菜肉絲米粉 $50🍜大大碗既米粉有埋方包炒蛋，做late lunch或者early dinner都得呀！講番米粉，滿滿既雪菜同肉絲，加埋少量辣椒絲，唔太咸又好味，岩晒唔中意太重口味既朋友😚然後呢度既燒味下午茶全部都只係$34，會唔會太抵呀🤣我地就叫佐柚子蜜叉燒瀨粉，叉燒焦香甜蜜，又唔會太肥，肉質軟腍，好好味呀！瀨粉都好重要，唔可以太淋呢度既瀨粉就岩岩好，有啲咬口，連湯都好飲，不得了呀！再一人一杯茶味香濃既凍奶茶就岩岩好啦！🧋

估唔到牛頭角呢間金滿膳燒味餐室除咗燒味吸引，仲有好好食既串燒燒物😋我地今次主打就係串燒燒物，串燒方面就試佐燒五花腩 $18同埋肥牛金菇卷$28🍢，五花腩肥瘦分明，油香十足，加埋調味粉超香超好食！肥牛金菇卷都好正，少肥既牛肉同新鮮既金菇好夾好好味！另外我地叫佐唔同燒海鮮，超級豐富呀！先係麻辣小龍蝦$228🦞大大隻既小龍蝦肉質肥美鮮甜，加上滿滿既麻辣味，好惹味好正呀！然後就係大扇貝$108.3隻😍啲扇貝超大隻，配上滿滿既蒜蓉辣椒，惹味香口，同扇貝一齊食真係好夾呀！唔少得既仲有燒生蠔 $68.3隻🦪生蠔大大隻，手掌咁大呀！每隻都有滿滿既蒜蓉辣椒去燒，超級惹味，而且生蠔燒到岩岩熟，好正呀！最後食埋開心花甲粉 $68👅大隻既花甲鮮甜入味，粉絲加上好多既蒜蓉辣椒去煮，仲有金菇，超香超好食！

呢間新開既金滿膳燒味餐室係地道茶餐廳裝修，座位雖然唔算好闊，但都唔會坐得唔舒服！而我地黎得緊係試下啲燒味！秘製燻蹄飯($48)🐷啲燻蹄好香，啲皮唔會太厚，同豬肉比例岩岩好，啲味又醃得好，同白飯一齊食好好味！玫瑰油雞皇飯($48)🐥雞皇呢個名絕對名不虛傳，啲雞好大舊好新鮮，雞味好濃，雞肉又嫩，而且啲雞好入味，好香豉油味，超好食呀！！少量既雞油滲埋落飯一齊食更加好食，香到不行了😆😆最後食燒味飯係要配埋汽水先夠正既！飲住汽水咁食就真係岩岩好啦！

牛頭角呢間金滿膳燒味餐室係以燒味為賣點，門口櫥窗掛住既燒味全部都好新鮮，燒得好好，我地就當然都要試下！咁岩去到係下午茶時間，全部燒味下午茶都係$34，我地叫佐秘製燻蹄米粉同埋玫瑰油雞皇米粉🐽🐤燻蹄好香好好食，肥瘦適中，豬肉唔鞋口，配埋米粉好好食！而豉油雞亦好香，雞肉唔會太熟唔會鞋口，玫瑰酒加上豉油既雞真係好好食，超級入味，連埋米粉食好正！呢間既下午茶真係好抵食，平一截既價錢食到一樣質素既燒味，不得了呀！

今日同姊妹去開牛頭角，麻甩既我地見到呢間以燒味出名既茶餐廳，就決定要去試下！雖然係茶餐廳，但係坐位闊落，坐得好舒服😌😍燒味四寶飯四寶飯都係$50，同快餐店價錢差唔多，但味道好食好多！四寶有白切雞，紅腸，叉燒同咸蛋，好足料，全部都好好食！白切雞咸咸地，而且雞肉好嫩口！紅腸就好彈牙。叉燒燒得好好，柚子醬燒到叉燒好香，甜甜地又有啲燶邊，咸蛋又咸得適中，送飯世一！🥰玫瑰油雞皇飯豉油雞飯平少少，$48🐥雞既份量好多，有好多舊，而且唔止雞胸，雞髀都有，好抵！啲雞豉油味好濃，而且好香，雞肉好入味，好好食呀！我地兩個每人再叫一枝可樂黎食飯，好正！

咁啱喺牛頭角經過呢間燒味餐廳，外面已經見到佢哋大大個餐牌，好似又幾抵食，玻璃窗入面燒味都好靚仔好吸引，同朋友又肚餓啦就俾佢吸引咗啦。天氣咁熱即刻叫返枝雪碧同忌廉爽一爽先。見到佢哋啲燒味咁搶眼，我哋就決定叫燒味四寶飯 同招牌脆皮燒腩仔飯。燒味四寶飯入面有叉燒、紅腸、鹹蛋同埋白切雞。食落啲白切雞鹹鹹地，肉質又滑嫩，連埋雞皮聲真係好滿足啊。跟住叉燒都係好出色，燒到非常之均勻，食落仲會有啲柚子味，好鍾意呢種味道。招牌脆皮燒腩仔飯不愧係招牌，一碟入面有勁多舊，啱晒我呢啲食肉獸，唔使郁我真係冇力做嘢。仲要係超級脆皮，肉質好淋，外脆內軟真係無得彈！

放假唔想周圍迫，就同男朋友去咗屋企附近呢間燒味餐室食飯，入到去覺得餐廳環境好闊落，而且係比較現代化嘅設計，牆身仲有特別嘅卡通招財貓同埋唔同嘅燒味圖案，幾有特色。我哋分別叫咗雞扒蛋飯同燒味四寶飯，兩個飯嘅價錢都係$50，但送到嚟好大碟，都幾抵食。燒味四寶飯有齊白切雞、叉燒、鹹蛋同埋紅腸，超級豐富呀。鹹蛋嘅味道好香濃，用嚟送飯就一流。跟住叉燒係我最鍾意食嘅燒味，叉燒肥瘦適中，識落唔會鞋，超鍾意。跟住白切雞都冇任何雪藏味，口感仲好滑添。雞扒蛋飯有塊超巨型嘅雞扒，食落仲會有肉汁，同樣口感都係唔會鞋，仲有啲香脆。然後側邊仲有大大隻嘅太陽蛋，隻蛋仲係流心，蛋汁撈埋啲飯食真係一流。

同事話附近有間燒味餐室睇落普普通通，但食落又唔錯。甘啱諗唔到食咩好，就決定去試下。入到嚟一坐低睇餐牌已經覺得有好多嘢食揀，不過一個人又有啲飽，唔想食飯。見到佢哋有啲串燒都唔錯，所以就叫咗嚟試吓。韭菜$16佢哋嘅韭菜味超香濃，上面仲要加左啲調味粉，食落更加辣同惹味。錫紙焗金針菇$38一送到黎已經聞到好香嘅牛油味，可能因為用咗錫紙焗，牛油味滲透晒落金針菇入面，好鬼正。燒五花腩 $18跟住燒五花腩極之邪惡，五花腩嘅油脂燒完分泌哂出嚟，加上啖啖肉，我就係要呢啲🤪肥牛金菇卷$28肥牛仲要係串燒，仲正過打邊爐，享受到金菇嘅甜味以及爽脆的食感，又食到啖啖嘅肥牛，好食。

今晚媽咪偷懶唔煮飯，我哋就落樓下睇吓今晚食咩，見到好耐冇食燒味飯，又見到幾多街坊到食嘢，就決定求其揀呢間餐廳食我哋嘅晚餐。入到去就叫左凍奶茶同樽裝可樂。佢哋杯凍奶茶都沖得幾好，奶味同茶味啱啱好，又唔會太甜。可樂嘅話，唔知點解我成日覺得樽裝好飲過罐裝好多🤣咁啱想食雞又想食叉燒，不如就叫個燒味四寶飯。送到嚟真係勁大碟，一個人真係食唔晒🥹佢哋嘅叉燒食落有啲柚子甜味，甜甜地咁令人不自覺食到停唔到口，仲要燒得好均勻，唔會太燶黑哂。媽咪就叫左個金滿膳燻香燒鵝髀飯，佢呢個就犀利啦，超級大隻燒鵝髀，望到佢拎住個燒鵝髀大啖大啖咬，我都忍唔住食咗兩啖。

一到放假時候就瞓到好晏先起身，瞓醒去到牛頭角搵男朋友已經三點，跟住就喺附近搵咗間餐廳食個下午茶。金滿膳燒味餐室入到去牆身有好可愛嘅招財貓，估唔到茶餐廳都有咁靚嘅設計。我哋見到燒味下午茶餐都係$34，價錢又幾抵食，男朋友叫左金滿膳燻香燒鵝髀，$34但係個燒鵝髀勁大隻，正呀😍我就叫左個玫瑰油雞，食落雞肉好滑，一啲都唔會鞋，份量仲要唔少添。仲有得自己揀瀨粉、河粉同米粉。整體嚟講$34，性價比好高。除此之外，仲見到佢哋有好多唔同嘅食物，見到人哋食西多士都幾吸引，下次一於試吓先。

經過金滿膳燒味餐室見到門口玻璃窗啲燒味好吸引，就諗住同fd入去食個燒味飯。點知入去發現仲有其他好野食，我地就改變主意叫左麻辣小龍蝦、韭菜同錫紙焗金針菇。韭菜味道最香濃，韭菜味道係個口入面久久不散，超級正。錫紙焗金針菇都焗到好香，口感爽滑，吸收哂牛油嘅味道。有咩令到我地變心唔食燒味飯呢？就係呢個麻辣小龍蝦🦞！小龍蝦份量好多，上面佈滿辣椒🌶️，見到就好興奮！入口時有啲辛辣感覺之餘仲有種香口鮮味，唔係死辣👍🏻仲食到小龍蝦原來鮮甜味。