金滿象正宗泰國菜

营业中

休息中

旺角實在太多美食選擇! 但呢間泰國菜真係食極都唔嫌，過一排又會想再黎幫襯🙊 鋪頭既員工都係泰國人，超nice同識講廣東話🤣⭐豬手飯超多豬手，豬手燜得又腍又惹味👍🏻 個汁又唔會話太濃，味道剛剛好⭐黃咖哩牛肉飯有得揀青咖哩同紅咖哩配搭，但友人唔係太食得辣，就揀黃咖哩😃 咖哩偏甜， 奶味濃得黎又唔會覺得太咸🤩 牛肉都好多同埋有少少蔬菜底⭐香葉豬肉碎炒河炒河炒得夠乾身又夠鑊氣🤩有少少微辣，連食唔到辣的友人都話呢個辣度是可以接受的🤣 ⭐視帝奶茶(泰式凍奶茶)話明視帝奶茶，梗係要有返咁上下分量先可以配得上呢個名🤣🤣🤣 呢杯奶茶味道，真係好似係泰國飲緊個D奶茶，又香又滑，好鬼正宗 (每次都必飲)

好耐未去過旺角行街，朋友介紹嚟呢間泰國餐廳食嘢餐廳裏面大部份都係泰國姐姐，個個都好Nice飲過咁多間冬蔭功湯，呢間口味最啱我同我個女，濃味得黎又唔會太辣，炸蝦餅都好好味，彈牙得黎，入邊仲見到一粒粒嘅蝦肉，好足料串燒雞都好Juice 兩個人食到飽飽嘅一餐

星期六晚同男朋友7.30鐘左右walk-in, 唔使等位, 但眼見都幾full。我哋兩個人點咗五道菜，上得都算快，點知原來勁失望…其中一味生蝦還可以之外，他們的串燒牛從來未食過咁難食，啲肉硬過擦子膠、泰式豬頸肉，似泰式叉燒乾多d…(肉已經唔多仲要又薄又乾)。冬陰功海鮮湯冇乜酸辣及香味（成碗湯得一隻霉蝦分咗三件，蝦頭同兩嚿同半邊嘅蝦身）仲要湯擺咗陣已經凍晒，最後係個馬拉盞通菜都有60分嘅味道偏淡火候麻麻，可以講完全唔值咁嘅性價比，埋單五百幾!

廣華街的一角竟然俾我搵到重開嘅金滿象正宗泰國菜抱住對重開期待一於試下先1️⃣椰子油豬頸肉炒芥蘭：上菜好快，第一步就係呢道菜，椰子油有一陣特別嘅香味，豬頸肉唔算有鑊氣，不過啲肉揀得好好，唔會太肥亦唔會太瘦，肥瘦相間，咬落口Juice得來唔肥膩同芥蘭一齊炒，爽口又有層次感。2️⃣泰式蛋包金邊粉：雖然話蛋包飯，但係其實嗰一場蛋網，只不過係裝飾😂金邊粉熟軟彈牙，再加上泰式醬汁，酸酸甜甜好開胃，Fatty中意粉硬，不過味道都好味3️⃣泰式檸汁蒸烏頭王：蒸烏頭王肉質細嫩，滋味鮮美，不過尼重魚比較多骨泰式檸汁嘅柑橘香氣，一d都唔會腥，好fresh每一口都係鮮味滿溢，係清新嘅感覺！4️⃣泰王咖喱軟殼蟹：軟殼蟹嘅份量好多，記得一定要即刻食，唔係好快就淋咗泰王咖喱香料味濃郁，唔係好辣，建議可以再剪多個薄餅點埋一齊❇️總結❇️座位舒適老闆娘真係泰國人嘢食嘅原料係靚嘅👍🏻味道偏淡價錢ok唔伏

🇭🇰｜金滿象正宗泰國菜📍 旺角廣華街2-20號翠園大樓2期地下4號舖———————————————啱啱去完泰國反黎對泰國菜仍然念念不忘就決定再戰泰國菜泰國菜真係食極都唔嫌———————————————🔖泰式椰汁雞湯 （細） HKD105🌕🌕🌕🌕🌗超多料😳 感覺啲料同湯比例係2:1飲到尾啲餸仲有勁多😂啲雞好嫩 完全無煲到鞋曬！入面仲有好多洋蔥 同菇類～～真係放心 唔洗怕得湯 但無湯料🔖泰式飛天炒雜菜 HKD79🌕🌕🌕🌕🌗飛天炒好少會有失誤所以成碟菜都好好食佢雜菜包括左椰菜 西蘭花 紅蘿蔔 菇 等等好豐富嘅一碟菜！🔖泰式沙爹串燒（半打）HKD98🌕🌕🌕🌕🌖嗌半打就有齊牛/豬/雞雖然三種肉都燒得好香而且肉質唔會鞋左 但我個人最鍾意係牛串 沙爹汁好香 一啲都唔辣啱晒我呢啲唔太食得辣嘅人🤣🔖泰式蛋包金邊粉 HKD125 🌕🌕🌕🌕🌗平時食金邊粉 都算多但呢間餐廳 好特別 咁用左蛋包 增加左成碟金邊粉嘅味！而且擺設都好吸引人🤣金邊粉入面嘅料唔算好多但有四隻大蝦做配菜！—————————————-📝CP值算高的泰國菜！

見好耐冇食泰國菜，今日同屋企人去開旺角，就倀呢間好耐冇食既泰國菜，唔知水準有冇保持住。呢種又濕又熱既天氣，行到坐底真係要即刻叫番杯凍飲涼一涼先，我地叫左個芒椰冰，第一淡飲落去好香椰子味，到攪拌好後覺得佢既芒果味唔太香，都被椰香蓋過了。之後叫左total 7個菜，第1個上菜既係泰式申燒，雞肉同牛肉串燒都唔會燒得太乾，保留到肉質既鮮嫩，另外仲附上串燒醬俾我地自己點 第2道係南瓜海鮮焗飯，平時泰國菜食菠蘿炒飯食得多，今次食呢個有驚喜，炒飯加南瓜食落好鮮甜，唯一美中不足係海鮮好明顯食得出冰鮮而又冇調味，淡淡的><第3道係飛天蝦球炒西蘭花，一上碟見到個擺盆係失望既，又細碟又冇擺盆，一食蝦球就知同南瓜海鮮焗飯既海鮮一樣，冰鮮而又冇調味 -_-，西蘭花正常水準。第4道係海南雞，不過不失第5道係泰式生菜包，個豬肉碎炒得算香，但覺得佢落泰式香料都唔太多，而且用既豬肉8-9成都係肥豬肉，所以我都係包一塊試試味，留番 quota 食其他，嘻嘻第6道係明爐烏頭，烏頭唔太新鮮，食落肉質有小小粉感，而且佢既湯底都唔太濃味，岩晒減緊肥既我食最後1道係芒果糯米飯，真係好好食，未夾埋芒果一齊食，第一啖糯

食完冇口渴，味道啱啱好，唔會太咸同太甜😋😋👍🏻👍🏻我覺得好食過九龍城泰國餐廳。可惜食唔到燒原隻鮑魚，老闆娘話一定要預早訂先有得食，因為佢要去街市買新鮮先可以早。

旺角食午餐想食泰國嘢。入左去依間泰國餐館第一次試。我叫左個濕炒豬肉河。依個濕炒豬肉河份量都好大。用碗上。一個人食一定夠飽。個豬肉河好濕，有啲似湯麵既感覺，不過唔係好似湯麵咁咁水。味道唔錯。

小巷泰國小店，勝在座位不多距離寬敞，環境尚算清潔。員工姐姐熱心服務，態度溫柔和善，令人感覺良好。食物方面 - 海鮮清湯粉絲︰粉絲份量多亦算爽口彈牙，可惜清湯底重味精，粉絲屬於快速吸水類別，所以一邊吃一邊會喉嚨乾渴。海鮮方面只有魷魚幾片、鮮蝦3至4隻、青口1粒，雖然肉質爽口不韌，卻沒有半點鮮味。冬蔭公生牛肉海鮮金邊粉︰很多紅油浮面卻沒有香味，生牛肉沉在熱湯內，未吃就已經變成全熟肉片。加購生蝦︰蝦肉冰凍，中間還有碎冰質地，而且完全沒有任何鮮味。半打串燒 - 雞 / 牛︰主角沙嗲醬沒有半點花生香，不咸帶點微甜但也是偏向味精。全餐唯一算好吃就是串燒雞肉，因為用上嫩滑雞腿肉，感覺比較有誠意。相反、串燒牛肉質地結實，肉味不香。調味粉醃過，經燒烤後變得十分咸。總結︰以食物作重點計算，性價比極低。個人而言一定不會翻桌，大家不彷去試一次。

呢間泰國餐廳有啲菜式係其他泰國餐廳比較少見，我今次點嘅青咖哩雞肉炒米粉（$58）就係其中一個例子。青咖哩同炒米粉相信大家都曾經分開食過，但兩樣材料夾埋一齊煮，真係第一次食，而效果係出乎意料地好食。米粉係一種吸汁嘅麵，吸收咗咖哩汁就更入味，而且配料好多好足料，呢個炒米粉會係我想再食嘅菜式。美中不足係飲品要加錢，但係杯熱奶茶只係得三分之二杯，盛惠$8，略嫌有啲唔抵。而且餐廳唔大，所以平日中午十二點半已經要搭枱。枱同枱之間都有啲迫，想坐得舒服啲同唔好太嘈嘅朋友要注意啦。

個日一拎起個外賣嚇親 咁重手既番去打開 超足料！！！海南雞飯 d雞好滑好嫩 但我個人成日覺得油飯同個醬先係重點油飯幾香 個醬就好開胃 點完又點海鮮炒河 河粉用左勁粗河粉去炒 又夠乾身好多海鮮配料 青口 蝦 墨魚 蜆 全部都好彈牙非常滿意個馬拉盞炒菜 空口食 略嫌咸左d 送飯食剛剛好最後加多個芒果糯米飯 個芒果又幾甜 食完超飽

已經是二訪啦，份量足，味道好，大部份員工都是泰國🇹🇭姨姨，非常友善，感覺很地道。⭐️黃咖喱牛腩 $88配飯一流，咖哩香口，配料十足，雖然牛腩大大嚿，但略嫌有少少柴。我會中意青咖喱多啲！⭐️原隻菠蘿海鮮炒飯 🍍$139味道不太夠，較淡口，海鮮🦞既份量亦不太多，朋友用咖喱汁撈飯表示超正。⭐️泰式炸軟殼蟹 $99份量很足！炸皮酥脆，熱辣辣，香噴噴。⭐️ 泰式烤酥餅$28個酥餅好香口，一共有兩塊，一開四切開😋用來點咖哩味一流。 ⭐️芒果沙冰 $45芒果🥭味香甜可口👍🏻

 ▷ 泰式酸辣 ⧐ 紅薯Q粉 ⧐ 鮮蝦｜大蝦仁這亮穎橙紅的湯色，看著就令人食指大動！給他辣度就能帶出香料更鮮明的層次，酸香更是南洋料理的經典之處，還有鮮彈大蝦與清脆荸薺巧添口感。將吸飽湯汁的紅薯Q粉吮入口，這醬香與鮮美豐潤的泰式魅力在嘴裡迸發而出，只有親身體會才能知曉其風采~ ⧐ 泰式檸檬蝦仁蒜頭香菜拌炒檸檬鮮蛤後簡單勾芡，以最簡單純粹的料理方式帶出食材原始鮮美，也是櫚月南洋唯一不辣料理。入口香氣溫醇伴隨蝦仁的彈脆嚼感，鮮蛤與菌菇的香氣於嘴裡齊放，最重要的是下料絲毫不手軟啊，隨性一撈就是一只大蝦仁！

上星期臨時約兩個朋友食飯 一心搵唔限時間 可以盡情傾 慢慢食 好怕被趕走嘅感覺 呢間第一次食 舖唔大 但侍應嘅泰國藉ee好友善 經常幫我們加水 當晚嘅嘢食 特別介紹蝦餅 彈牙脆脆 唔會死實實 串燒都好入味 烤餅熱爛爛 超正 美中不足 蒜蓉包一客太少 只有3件 我哋叫個芒果糯米飯 好似個太陽 好正能量 食完就完美🌞最後一提 侍應同老闆娘都好好人 我之前搵甜品上嘅遮仔裝飾 問佢哋可唔可以送一把比我送小姨甥 佢哋仲送3把very nice 😍😍一定會再幫襯

放工好攰突然有同事約食飯當然奉陪啦！兩個人當然唔食得多但係我今次嘅對手比較大隻😂😂所以我哋兩個人都叫一條明爐烏頭已經喺呢度食過好幾次❤️，屋企平時真係好少整魚，去到泰國餐廳通常都會叫條魚一係烤魚一係明爐烏頭馬拉盞炒椰菜苗👍🏻😊蝦醬炒飯好出色，最鍾意佢嘅泰國臘腸係炸過😋😋一個簡單而好味嘅晚餐就係咁🥰