金田長壽司 (已結業)

不及想像中好, 由服務到食物都是如此！其實中午已食o左另一間, 只是聽聞o個度有長壽司, 所以去試下。星期二7點幾去到, 唔使等位。但門口接待員已聲明一般食個半鐘,有人等就要走, 冇人可以坐耐 D。以為好滿, 但其實只坐o左 1/3。我同朋友2人, 被安排坐 1/3滿 人群中o既2個位, 好逼, 唔明點解要將D 客放埋一齊, 其餘 2/3 座位就留空。點o左 4樣o野:1) 五點八吋長壽司2) 燒牛舌3) 炸廣島蠔4) 燒三文魚頭張枱好細, 位置好少, 4樣o野一齊o黎, 要執位先擺得晒。份量唔大, 有諗過要加, 但好彩因為冇位, 諗住食完再加。燒牛舌: OK, 爽口及有味炸廣島蠔: 朋友認為最好, 但太熱, 我條脷受害, 同埋D 蠔好似好細隻。燒三文魚頭: 味道ok, 入味 D 更好。五點八吋長壽司: 最失望 朋友話解凍得太好, D 魚全部係室溫o既。我腸胃一向麻麻, 唔敢博。另一失望係越食越熱, 唔知係佢o地安排食客坐得太集中定冷氣唔夠。

星期日同媽咪&細佬嚟。。20:45都仲係好多客。。可能有啲晏，三文魚腩，燒三文魚鮫，大蠔都已經沽清！不過呢度多選擇！大把有得揀！加拿大海膽好有海膽嘅鮮味！$138好抵食！4吋長壽司：三文，吞拿，劍魚，𩶘，鱆紅，牛油魚。。可以包住件壽司飯食，好爽！！串燒牛舌好爽口，好有牛味！自己食咗成串都好想再食！！燒羊架落單時有問多句要唔要唔好咁熟，好！又真係無整到熟哂！有應有嘅羊味，我鍾意！蕃薯天婦羅件蕃薯本身超甜！炸粉夠薄又炸得鬆脆！媽咪一向對蕃薯天婦羅多挑剔，今次佢超讚！1客8件，佢1人食咗6件！本身我同細佬見咁難得地咁啱佢口味，叫佢不如食哂。。不過佢叫我地唔試會後悔！講到咁！！！所以不好炸物嘅我都要食番件！又真係好好食噃！！！

中午同一個朋友來食飯佢帶左我來金田食睇個門口覺得好細間原來入到去,都幾有空間地方有少少暗,都唔錯,地方又幾企理我叫了個日本叉燒拉麵拉麵的湯底好正,好濃味麵的味道都唔錯,而且有少少通透,而且滑,很入味菜心有點大了,而且有點老,比較難咬,不太喜歡紫菜好碎,但味道唔錯日本叉燒好夠味,又唔韌,不過有少少老,而且乾我食拉麵,好喜歡食嗚門卷,但呢次塊嗚門卷好細塊整個麵的味道很好,只可惜份量不是很夠!!

游完水，幾個同學去了金田坐，順便食點東西搵左個近門口的位置坐叫左好多樣野食，劍魚腩 肉肥美而入口鮮甜，油份頗多金倉魚肉特別厚而嫩滑珍寶帶子份量依然勁!厚肉，沾了豉油都掩不住那種鮮甜，令人回味。油甘魚壽司入口非常之香口，肉質非常鮮嫩天婦羅蝦蝦縮水，上枱時有點o咀，點解隻蝦可以細到咁架 ！不過算係新鮮炸起，夠脆綠茶冷麵 賣相很好吃的樣子，不過老實說味道麻麻，主要是冷麵口感不好,感覺過于'粉'餐廳環境不大，裝修非常簡單，唯坐得尚算舒適。價錢都幾抵食，食物份量很夠．值得試下

好野!今日有朋友請食飯...為左就我,我就話事去我公司附近嘅金田長啦!雖然訂左枱,不過依嫁好爆,我地五位到齊都仲要等多五分鐘...問個侍應有咩好介紹,佢就好detail咁介紹左我地食:依嫁哩個季節最合時嘅秋刀魚刺身;最新返嘅日本熊本大生蠔同埋馬糞海膽...雖然佢係一輪咀咁講,不過介紹得超長盡!但係一場黎到無理由唔叫長壽司食嘅~8吋三文魚壽司8分;三文魚壽司水準保持得幾好,三文魚切得厚薄適中,而且壽司飯嘅酸度剛剛好!8吋鰻魚壽司9分;我最喜愛嘅鰻魚呀~好肥美,而且鰻魚仲熱嫁咁樣食就會覺得無咁油膩,不過要keep fit,所以我只食左半件,但已經好夠皮啦!三文魚籽壽司7分;我覺得有啲太濕,而且好似咸左少少~秋刀魚刺身8.5分;平時食魚生,我只會食拖羅同三文魚嫁咋~因為白魚通常脂肪無咁多會好韌嫁,但係比朋友鬆湧之下試左一片秋刀魚...改變左我哩個固有信念呀!因為哩條秋刀好肥美,我落重酸汁以為會好腥點知又唔韌又唔腥喎~哈哈~跟住我就開始食第二第三片啦...!帶子刺身7分;同我之前食過嘅一樣係咁大隻,不過略覺得今次好似無之前果次食咁鮮甜...可能係每隻都會有啲出入啦,不過都一樣新鮮嘅!馬糞海膽8

今日去尖沙咀接女朋友放工,之後食埋晚飯,我女朋友就帶左我去呢間金田長壽司,可能我地比較早就已經去左食飯,去到唔洗等位就有得食,食日本野,壽司刺身就係必然,不過我覺得最底食就係件壽司上面既三文魚好大件,如果淨食壽司,去食多幾件都好快飽,我睇番OPENRICE D 食評,先知原來金田長壽司係幾有名,除左壽司同刺身之外,我有個對於芝士愛好者既推介,就係芝士雞軟骨,芝士份量勁多, 岩曬我呢個芝士狂,如果要講呢間金田長壽司比較唔好,就係個MEUN設計得幾差下...如果我只係睇MEUN真係唔係好吸引到我,不過試過D野就真係幾好食,而且又多款,值得推介~!

今日下午，同朋友去尖咀間金田長壽司 Lunch都唔會等好耐 好快有位坐叫左個大什錦刺身船見到d魚生雜錦拼盆，真係好開心 ^^三文魚肥腩、金槍肥美，八爪魚爽口不過如果d甜蝦多番幾隻 就好啦!之後自己叫左碗天婦羅烏冬都尚可 不過隻天婦羅浸到淋左少少影響左口感另外個朋友，叫左個饅魚炒飯，佢話d飯都ok。一粒粒咁，唔痴牙。而且d芝麻幾香。

行經尖沙嘴，諗緊食咩之際，突然好想食sushi，咁就走左入黎喇！服務員都好懇勤，斟茶斟得好密．不過人太多，出菜出得好慢其實次次都來食三文魚，也鍾情鰻魚壽司．三文魚腩刺身頗新鮮, 紋路靚、油潤有光澤、 而且切得真係幾厚的! 帶子壽司，飯size適中, 捏得夠實唔怕鬆散，就算分兩啖食都吾怕啦!不過帶子食不出鮮味。油甘魚 你真係會食出油甘魚獨有既鮮甜前，一級棒架呢。8吋長鰻魚壽司，係我的至愛，長長的鰻魚，細細舊飯團，份量十足，卷一卷再食入口時鰻魚壽司仲係暖架!加埋燒得甘甜的鰻魚汁，冇得頂呀!

聞名不如一見八吋長sushi, 巨型火山卷真係未食先高興懷著興奮0既心情食乜都特別好食我叫左個石頭飯, 份量畀我想像中細, 因為個碢唔夠深; 味道.... OK 啦老公叫左火山卷, 嘩! 真係大舊到.... 味道方便, 老公話滿分10分的話, 佢有6.5分-7分

今日食 Lunch, 叫左個 火山卷 午餐. 有罐Cream soda, 細手打烏冬, 前菜 同埋 火山卷 x2大舊 ! 侍應一放上枱, 我只有一個反應 真係我一生一見到最大的卷物呢 我係一個大食的人. 呢個餐夠哂飽. 反到公司仲飯氣攻心 tim.

朋友介紹話呢度個火山卷幾好食 所以就同黎食\下星期六8點幾黎到 都幾多人 我地2個人等左15分鐘先有位 甜蝦+三文魚刺身 甜蝦新鮮 三文魚夠厚夠食落去個感覺好滿足 火山卷 果然無介紹錯 大大舊! 食落去好滿足好幸福既感覺! !必食之選!蠔 好新鮮,大大隻 ,無腥味\甜品 雪糕球 師父好有心機將幾個普通既雪糕球整到靚一靚!好有心機

係我office附近我最常去的餐廳就係哩間日本料理啦!我住係元朗,知道哩間日本料理係元朗好出名,而且成日排隊~所以我都無乜機會係元朗光顧!但係office近住哩間分店,我lunch就可以久唔久幫趁下啦!今日個lunch都幾爆,我等左5分鐘左右先有位,lunch set都有幾多選擇,不過我都係揀最light果啲嫁啦!可能因為店面人手不足,只得三個人,所以侍應好似有啲趕~我點左一個自選壽司餐:有前菜+五款自選壽司+一件精選壽司+一款卷物+手打烏冬+飲品我覺份量岩岩好又健康!不過我見隔離枱有啲便當都好靚,我諗我下次都可以試下!雖然係午市套餐,但壽司都係即叫即做,三文魚好新鮮,烏冬小小的一個,但係好彈牙,湯底都唔錯!

因看到好多食評都好好同D相都影得D嘢食都好靚，所以早一日已訂枱，19:30去到得五成坐咗人，閒日可以唔洗訂定位，見到D嘢食都好貴，不過算啦，叫咗個話拳頭禁大嘅拳頭刺身拼盆，見到時原來係手指刺身，細到禁仲要件$110一客，仲要得四件，$25一件?唔係我無錢食，如果D嘢好食就OK，四件都好唔新鮮，唉!8寸長壽司叫左幾樣，好似紙禁薄嘅刺身面，只可以講一句>>>>好刀功，味道一般全晚最好食係火山卷(已經係最好食)沙律魚子手卷，普通!仲有收多我錢，明明話信用咭9折，最後發現係95折，不過係自己無看清楚。各位諗清楚先去食，睇清楚先比錢呀!!!!!!!!!!!!!!!!!!

剛剛做完義工就有幾個志同道合相約我一齊去金田食飯剛剛過左午市時間所以人流唔係好多呢間金田雖然覺得有點細間但空間唔算迫這裡環境不錯較一般的日本餐廳昏暗比較喜歡壽司類所以叫了幾件不同種的試了試有吞拿...三文魚...八爪魚...金槍魚經朋友教露,先將件壽司平放然後將壽司長出來的部份把飯卷成一圈先食會比較滋味食完覺得味道一般,飯唔算太散,幾新鮮!!都ok既覺得幾抵食,食完呢個,之後就食炸蝦天婦羅覺得炸得都幾脆,唔係好油,但外層一般,比較乾身炸蝦都幾受歡迎...然後我食左炸蠔,味道好味,炸得好正我最喜歡食這個之後仲食左軟餃子,沙律同一些刺身......覺得幾抵食...味道唔錯

星期六晚去左金田食壽司，我第三次黎，每次感覺都唔錯，魚生每次都算保持水準?定，今次來都是一樣，主要點魚生及壽司，亦正配合夏日炎炎^^。當日主要點菜如下：(1) 北奇具壽司 X 1(2) 劍魚腩壽司 X 4(3) 天婦羅蝦(4) 蟹柳壽司 X 2(5) 三文魚壽司 X 2(6) 三文雪花腩壽司 X 4(7) 玉子壽司X 1(8) 炸蠔 X 1(9) 火炙三文魚壽司, 芝士鰻魚壽司 X 1(10) 小剌身船真係特別要admire個三文雪花腩及劍魚腩壽司~~~~~~~~~~~~聽朋友講劍魚現在好似係當造，所以特別鮮甜，微微鮮嫩和鮮美=百分百劍魚迷的我!!!!!!今次兩個人食左$300多d ,都好飽啦! 另外火炙三文魚和北奇貝都非常鮮甜，芝士鰻魚及燒三文魚壽司一定要試!!!!!!!太香啦. 三味壽司賣相好靚,金光閃閃,發光一樣haha，而且樣靚味道都正.另外?拿魚就一般,唔夠甜，老左小小。