金田長壽司 (已結業)

同女友睇完電影，去左金田食lunch，因為諗吾到去邊度食，日本野就最好，有飯、面、刺身，又有炸物和燒物，壽司北寄貝：細細只， 巨大甜蝦：蝦肉鮮甜， 長三文魚：將長左出來的三文魚繞舊飯卷左兩圈，這樣才能一口食完，果然長啊！蟹籽：超有口感，多蟹籽，爽餃子賣相不吸引，味道也一般般，普通貨色！蝦刺身：size真的大呀，吃起來也蠻新鮮的，起碼蝦肉爽口嘛服務一般，lunch time店內人多比較吵雜。

夜晚８點，想食壽司，黎左呢間金田壽司，之前試過元朗果間，覺得唔錯不過果一次排隊排左好久。壽司款式好多好新鮮魚肉好有光澤，刺身即叫即整，無欺場。珍寶帶子最印象深 刻，冰凍的帶子，非常新鮮，厚切，口感十足大粒又夠鮮味， 但就不夠甜味；花之戀係我至愛，蟹籽爽，三文魚肥美，就連色彩繽紛滿足我的視覺享受；吉列炸蝦壽司卷，蝦是很鮮又夠 爽，但是炸得不夠精彩，粉嫌略厚了些。價錢唔算貴，服務值得加分

大哥來穩我食午餐,由於我有事沒做完,大哥先去金田穩位,因為食飯時間好多人的,果然俾我估中,不少人排隊等位,侍應上菜有點慢！！！！一坐下就叫了帶子壽司、三文魚壽司--一樣好新鮮,而且大大粒 好肥厚鰻魚壽司--鰻魚汁惹味,燒得煙韌好味軟殼蟹手卷--等左好耐至有,軟殼蟹d殼其實幾硬,都好脆,蟹味一般,好在紫菜香脆天婦羅--粉漿雖然有少少厚身,但香脆,蝦亦彈牙吉烈炸蠔--蠔新鮮,內裡夠熱但仍然鮮甜嫩口燒牛舌--燒得香噴噴還吃了：炸蝦壽司卷 鐵板魷魚須 炸餃子 燒秋刀魚都相當好味！

三個人排左半粒鐘隊先入到去食.十分肚餓啊!一坐低就叫左好多碟,上菜都快燒牛舌,吃起來乾韌欠肉汁,不過燒得味道不錯三文魚腩壽司唔腥,好食,有點入口即溶o既感覺吞拿魚腩卷味道同三文魚腩差吾多,三文魚口感好D,都幾好味帶子壽司大件的帶子,有點肥,無乜味蕎麥冷面味道一般,吾多喜歡,不過只蛋蛋就喜歡日式豆腐除了表面的豆腐皮有味道,裡面的都沒味道,早知道就叫炸豆腐算了。鰻魚炒飯好好味,鰻魚雖然切開一粒粒,但無隕燒鰻魚本身的味道,還加進了蛋下去炒 飯更加香了,贊！

星期三那天，第一次參與openrice試食會去到已經好多食家到場，還認識多位資深食家分享好多食之經驗很高興，今次來到金田長 我之前食開嵯峨野同稻菊甚至黎緊的雲海..還有放題... 已經好少食呢種壽司店.. 今次的餐牌，好多食物頭菜是三款魚皮 泡菜三文魚、炸三文魚、燒三文魚... 有不同味道，我較愛炸同燒 4款刺身，最令大家驚喜 帶子、三文魚、大蝦、北寄貝，大大件呢 銀鱈魚西京燒 燒燒地好正，魚很滑，好似燒烤 鹽燒牛脷，唔難食，易入口 8吋長的 海膽壽司及藍鰭吞拿魚罕腩壽司 第一次食..勁長呀，好食呀...尤其吞拿魚，好新鮮..聽其他食家講海膽很腥 最愛的炸蝦天婦羅拼明太子雜菌 炸蝦天婦羅不錯，金黃色都有，明太子雜菌正...有蟹子伴係面度 8吋馬刀貝味噌煮 呢個本來落好味，誰不知食到最尾，發現有沙，真可惜 某幾位食家..食左一兩啖已發現有沙，但個湯真係好飲... 所以馬刀貝呢款菜要改善極力推介，新特級火山卷 同個卷頭咁大，正，第一眼見到勁大份...料很足 有三文魚、青瓜、蟹子、蛋、蟹柳、紫菜及醬，還有飯 雲呢拿海謄燉蛋，食落去，雲呢件同燉蛋個味道都蓋了海膽，所以不錯 各位食家寵愛的日本絹

首先要多謝OPENRICE, 使我有機會出席是次試食會. 雖然當晚三號風球高掛, 但仍然無損各食家的興致, 到達時未到7:30PM, 大部分食家已經齊集, 好不熱鬧!! 餐廳方面安排了近門口的位置作為是次活動, 地方雖小, 而且座位間也較擠迫, 但正好方便我們談談天,互相認識一番!安頓後不久, 侍應便上前說可以點一杯welcome drink, 我選了北海道牛奶特飲. 這個特飲看起來有點像雞尾酒, 但喝一口後發覺完全貨不對板! 整杯飲品只有忌廉汽水味, 而牛奶味則欠奉! 後來才發現, 杯內的冰粒並不是一般的用水雪成的, 而是用牛奶來做的, 所以正確的應該叫做牛奶冰粒忌廉!! 這個點子雖然有創意, 但完全埋沒了牛奶的味道, 賣點完全消失, 乃失敗之作!!再來的就是前菜三味: 即泡菜三文魚皮, 炸三文魚皮和燒三文魚皮. 這個的賣相不差, 不過味道則一般而已. 炸三文魚皮雖算香脆, 但魚味比起坊間很多粉麵店的炸魚皮遜色; 燒三文魚皮則一點香口的感覺也沒有, 只有一種很油膩的感覺, 就算用了沙律菜去配襯, 也抵消不了油膩, 更顯得是個不倫不類的組合! 至於泡菜三文魚皮, 更是一個奇怪的組合!

前幾日聽到我同事講佐敦有間日本嘢食有八吋長壽司... 我都想見識吓有幾吋, 咪約埋一班人去囉! 一去到我就覺得好彩我有訂枱, 七點到己經無乜大枱淨 (所以話去食飯一定去 open rice 做好 research訂好枱先)今次重點係嚟試八吋長既佢! 真係好長而且抵食仲有圖教你點食. 不過掛住食無影到. haha. 之後我最愛嘅帶子嚟咗啦! 只係叫咗兩件（怕一陣食得太飽試唔到其他嘢） D同事都大讚大件又新鮮. 我hunnie同另一個朋友都唔食生嘢. 黎呢度就係好在多choice多熱食. 七味雞翼煎得好香好crispy一碟當然唔夠食啦, 叫咗兩碟. 我朋友好yim尖怕'聲', 好彩碟鯖魚嚟到ok咋! 可能我哋又親熱食啦!碟炸豆腐要讚一讚, 夠熱夠crispy.好多地方就算個碟未dim到枱你就夾嚟食都係已經淋晒... 唔知想點. 呢個先似樣嘛! hahaha. D菜夠多又'sean'. Hunnie平時食得比較多, 見佢哋有好多唔同款既飯. 最後叫咗猪排蛋飯. 佢哋仲有石頭飯, 有好多汁揀! 本來想再叫飯, 不過我地見另外一款魷魚勁香, 忍唔住又order埋. 食完都KO晒! 我D同

在下第一次參加試食會，首先要多謝金田長壽司同openrice搞依個function!!! 環境：金田長個水牌好大，遠一遠都睇到，所以唔怕蕩失路，不過大家要行幾級樓梯既。當日 T3 落雨，好彩扇門係電動既，唔係我兩手都係野會狼狽。餐地方唔算大，裝修簡單，光線柔和。雖然佢冇房，不過都為是次活動間開左個corner，放兩張枱比我地試食團開餐。更為我地製作一系列既試食菜式（廚師用左成個月諗架！）。埋位坐低見到個精美既試食menu（老板話係個team親手造架）有少少感動，因為覺得好認真，自己有少少貴賓feel添，hehe。服務：全晚最落力當然係老板Tommy哥哥，成晚講解食物來源，創作概念，完全冇冷場。要照顧一個大party其實係好吃力架，不過見到老板assign左成 team人黎服侍我地，睇得出佢好有誠意。所有人都好努力，而且態度誠懇有禮，只係有幾個廚師個樣比較嚴肅。不得不提：好多時我個位會有好多垃圾（乾紙巾，濕紙巾，骨），不過因為工作人員效率高，所以都好快變得好乾淨，讚。味道：Welcome drink:　（一埋位哥哥仔就走過黎話比我地知，為歡迎我地，一人會有一杯特飲：A) 北海道牛乳雪葩

有幸成為是晚試食會員之一, 金田長壽司是小女子的心水餐廳之一估唔到可以先睹為快 差不多是最先進場, 為何有隊攝制在拍攝 ? 心唸..唔係咁慳皮, 個場咁細仲要share 用, 老實講坐位安排有點迫, 每人緊分得小小一角, 而店員上菜時也踩到我兩次 先黎是店員為大家準備了welcome drinks, 二選一: 1. 北海道牛乳忌廉梳打2. 青檸可樂梳打. 由於要留點戰鬥力, 固放棄選牛乳 而選了青檸可樂梳打: 特飲如奇名 , 檸樂一杯 前菜有泡菜三文魚皮、炸三文魚皮及燒三文魚皮: 炸和燒的分別不大, 而泡菜三文魚皮是淖過的, 無乜味道, 反而伴碟的泡菜更開胃 刺身拼盆出黎既時候, 氣氛有點攪笑, 好像去飲時第一道乳豬被枱出場, 好有氣勢而拼盆下還嘖出白煙, 眾食家不期然也嘩然四款刺身 : 珍寶北海道牡丹蝦皇刺身, 珍寶北海道帶子壽司, 三文魚腩刺身及北寄貝壽司 先試珍寶北海道帶子壽司, 帶子的確係好厚身又雪白, 因為好大隻, 要分開兩口先食晒味道雖有小小腥, 但可以接受, 但欠缺帶子應有的質感 珍寶北海道牡丹蝦皇刺身, 又係大到要用刀叉食, 真浮誇味道也算鮮甜但不夠爽, 蝦膏也頗多

趁星期六我就同其他朋友一行四人去金田食，因為係星期六，我地都等左一段時間先有位，坐低之後，我地幾個都點左自己鍾意食既壽司同刺身，特別介紹以下幾款：三文魚：絕對唔會將價就貨，新鮮且脂肪分佈平均，抵食之選。醋鯖魚：濃鬱味道既醋鯖魚，令你食慾大增。鮮帶子：可能你會話貴左D，但新鮮味美，並配上青檸一片，除有僻腥作用，跟令你增進胃口。蝦：鮮嫩爽口既蝦肉，入口帶甜。花之戀：上面滿滿爽口既蟹子 加上軟綿綿既三文魚刺身，口感豐富獨特。而家好難配合到個時間出來同朋友一齊食野，今次來金田有講有笑，更了解到朋友的最新近況，所以好享受同朋友一齊的日子

終於等到老公得閒帶我去金田食野啦,好掛住火山卷~去到居然有好多空位喔,夠安靜我一早就已經想好要叫既食物,坐定定之後就由我來叫野食火山卷先？NO 好野當然最後先出場啦！首先叫的是刺身拼盤,帶冰上,岩曬依家甘熱的天氣,先來涼返下,好新鮮,三文魚肉質軟滑,甜蝦肉實,海膽都好正,入口清甜,老公嫌唔夠多添^^再來什錦天婦羅,粉多,脆,油略多,都算OK^^燒秋刀魚,好耐無食啦,燒得魚皮略脆好味,擠D檸檬汁更加美味七味雞翼,普通又好味,間唔中食下都唔錯嫩滑的牛舌兩三下就食完了巨大的火山卷來啦,如其名,個樣好像火山爆發一樣,只睇個樣都流曬口水,咁大,只要分幾啖食,我食得好失禮D飯都整散,真係消費,細返D就可以一啖食曬啦^^

放工和同事食飯,唔知食乜好.就去金田試下啦!,但要等位,等左15分鐘先有位...而D壽司真係好長,我都唔知點食好,好在有侍應話我知,張枱紙有教人點食,我最愛都係件帯子壽司,下次會肚餓d先黎,d食物太大件

今次坐卡位，簡簡單單見有咩就食咩，先要了三文魚壽司，刺身未算厚切，尚算新鮮甜美。三文魚子壽司魚子夠香夠多餃子有3只,可口美味三文魚小卷比較失色，紫菜面腍鬼哂，好似放左好耐咁﹗珍寶帶子，帶子肉真係超大粒，味道甘美肥美，正﹗8.8就最喜歡劍魚,魷魚和鰻魚長壽司，份量也不欺場，味道尚可，order左燒三文魚鮫，雖然燒的，但魚肉好嫩什錦天婦羅熱辣辣, 幾好味鐵板芝士豆腐，味道淡的豆腐配上熱燙燙濃香的芝士真係夠哂惹味

有幸參加是次試食大會, 本應開心的, 可惜天工不做美, 是日三號風球~~未夠開飯時間, 已經有好多食家到達, 我地有一個小小的專區, 不過專區既地方實在有限, 晚飯其間多次被侍應撞到~每位食客一坐低, 侍應馬上上前問大家飲什麼welcome drinks, 有兩款選擇: 1. 北海道牛乳忌廉梳打2. 青檸可樂梳打. 我揀左前者! 聽個名以為好重奶味, 但係飲落去個味道同玉x忌廉無分別! 飲唔出有北海道牛乳既香濃奶味!前菜有泡菜三文魚皮、炸三文魚皮及燒三文魚皮: 三款魚皮其實都麻麻地, 炸三文魚得個脆; 燒三文魚皮, 幾細嚿, 感覺好似食緊d 餸頭餸尾; 泡菜三文魚皮, 泡菜ok, 魚皮唔得!食完前菜, 喺開始食主菜前, 金田長壽司的創辦人Tommy話因為之前試過菜, 發現原本個餐單份量太多, 所以今日個餐單有d 改變! 睇到改左既餐單…..好失望, 無左好多想食既菜!失望完, 開始上主菜, 當侍應捧住四大拳頭刺身拼盆出黎既時候, 大家都嘩然, 4 款刺身包括珍寶北海道牡丹蝦皇刺身、三文魚腩刺身、珍寶北海道帶子壽司及北寄貝壽司, 每一件都好大件. 可惜只係靠份量黎贏住係客人個心係無用,

是咁的,第一次貪得意報名去試食創意長壽司,好好彩有份參與呢次活動係3 號風球高高掛既同時,都無損我去見識下長壽司既心情~一去到就見到有十幾人好熱鬧咁真係嚇左一大跳呢!而餐廳的環境感覺都幾"港式日本料理"feel. 到坐低就有杯welcome drink,我揀左北海道牛乳梳打,但飲落老老實實我真係feel唔到北海道牛乳既威力,好普通的一杯汽水(仲有係無咩汽少冰tim....)之後每上一道菜都有十幾部相機同佢地影影影相,場面真係好壯觀呢泡菜三文魚皮,炸三文魚皮,燒三文魚皮呢款係前菜創意三味 泡菜三文魚皮好似豬皮滑滑的味道不錯 其餘兩款我就覺得似雲吞麵鋪食到個d差唔多無咩特別四大拳頭刺身拼盆一出場就俾佢地既身形嚇親我最愛既帶子大到好似塊牛脷一劈咁訓左係d飯度 大塊到完全見唔到d飯 但大而無味 食完差d膩死左.. 三文魚腩厚厚的都算鮮甜美味 不錯 而牡丹蝦皇刺身真係十.分.大.隻! 第一次用刀叉食刺身 感覺奇妙 北寄貝壽司爽爽的 味道普普通通 又係得個大字 食完既感覺係好似見到o靚模身材得個大字 鍾唔鍾意就真係見仁見智喇銀鱈魚西京燒甜甜的 肉質鮮嫩 好好吃 好想再要多舊呢~鹽燒牛脷聽講係用