金船長餐廳 (已結業)

家人生日，近近地在家附近食， 知道呢間金船長好耐啲人都讚過話好味道，但成日行過都未試過，今次就全家人一起去試吓！頭盤軟殼蟹 配有一個酸酸嘅沙律醬，不過不失。黑松露pizza，果然實至名歸，好味！配咗個藍莓醬汁，不過我覺得唔㸃好味啲。黑松露意大利飯，黑松露香濃 份量都大，飯軟硬適中！還order了牛扒和三文魚，味道都ok最值得一提嘅，就係最後嘅甜品，現在已很少地方有得食，梳乎厘，叫了原味，非常鬆軟，入口即溶又不太甜7，值得推介

今晚老婆OT要食自己，唯有喺大角咀食埋飯先返屋企啦，今晚不如去金船長，因為平時lunch time金船長經常爆滿，食咗幾日米線，今晚早收工，決定入去食啦，夜D驚又要等位夜晚一樣有套餐喎，價錢公道，有湯有餐飲，啱晒我呢D打工仔啦，哈哈今晚轉涼，先嚟個熱辣辣蕃茄清湯，正！主菜出埸，慢煮德國咸豬手，嘩。。。駛唔駛咁大隻呀，尖沙咀D餐廳咁嘅價錢食半隻咋，平時同老婆一齊好少食豬手，因為佢話肥膩，但今晚。。。一如男人的浪漫，慢煮果然係一流，皮鬆肉嫩，少少咸香，配合個红酒汁。。。絕配經過一輪大戰後，真係飽到上心口，最後整番杯黑牛。。。舒服晒！

聽聞大角咀一向係食店平靚正之地，今日去探親順道去發掘吓啦。。。。經過十至十五分鐘穿梭兩條食街，嘩嘩。。。真係好多食店，最後決定入金船長餐廳，因為比店舖外的雜誌訪問吸引了，一於入去試試龍與鳳入到去餐廳坐低一陣，店員正想推薦鎮店名菜，他未開口我已經搶先order一份黑松露pizza,店員也笑笑口話我識食，我心諗識食梗係食招牌菜啦上菜……黑松露pizza，比想像中濃味，因為脆脆的pizza皮内是滿滿的松露茸，對於我呢D黑松露控，一個字。。。正法式焗田螺……正常水準，但一般西餐廳好難做到正常，……讚西冷牛扒五成熟。。。嘩、咁大件都做到火喉啱啱好……讚讚最後用一杯凍o茶完结，因為真係好飽，見到D甜品好似好正，冇辦法……唯有下次再試

餐湯好特別，有青豆忌廉同鴨清湯，其他餐廳好少有，吾系例牌既羅宋湯同白湯，睇得出系有心思既食物。吞拿魚沙律配巴馬火腿，吞拿魚外面嗰層煎熟左，入面仲系生，口感好豐富好有趣，好似食緊牛肉咁，好正。燒海鮮配天使麵，海鮮既size都幾大，系真材實料，味道吾錯無雪藏味，橙黃色嗰舊吾知系咩生果，不過幾好味。心太軟朱古力布甸，平時食心太軟最驚好甜，呢個又吾系好甜，外皮焗到脆一脆，入面熱熱既流心加埋雪糕，一流，不過雪糕放系蛋糕上面好快溶，要快d食。忌廉波菜

今日係同老婆嘅記念日，搵啲有回憶嘅地方先！之前大學時期試過去金船長食，於是重遊舊地！不過一入去感覺唔同哂，氣氛浪漫咗好多噃！同埋有得獎黑松露芝士夾心pizza，當然要一試！大家都專誠來試pizza，梗係唔可以miss啦！雖然稱之為pizza，但係口感好唔同，係餅皮包住黑松露外包芝士碎，好香濃嘅味道！侍應仲特登教我哋點食，可以原汁原味、點自家製提子醋一齊食，同埋提子醋加有機菜齊齊放入口！提子醋味道好清爽，加埋芝士好有化學作用！不過我最愛都係原汁原味，因為夠濃味！我哋仲叫咗白酒忌廉青口同埋羊架，青口好新鮮，甜味好夠，正！啲汁仲唔駛浪費，因為好細心有塊包畀你點嚟食！至於羊架都好爽口，唔韌易入口，都叫做多汁。但係我最推薦都係pizza同埋青口喇！必試！飲品都有誠意架，叫咗抹茶紅豆奶昔share，唔係好甜啲紅豆又夠大粒，但2個人飲真係唔夠喉！下次試埋其他嘢飲先得！得獎pizza！提子醋

估唔到大角區多左咁多餐廳，最緊要係小店而唔係集團，見到金船長比較出名，去試下先，不過地點位置真係幾遠而且係街尾店內都幾黑，側面有一面大 玻璃窗，白天可讓陽光透進來，夜晚有燈光滲入 ，幾覺開揚舒適 。見到個meal 呢個鮮吞拿魚田園沙律好似幾吸引，吞拿魚肉質很細緻，鮮味扒一定又叫扒*美國肉眼牛扒，比較厚身大塊份量無得輸，牛扒肉味香濃，肥邊份量適中好緊要，太少又唔香，太多會韌性，牛扒煎香後蘸一些特製的黑椒汁，惹味飯後點品金船長梳乎厘脹卜卜，外層香脆，內裏鬆化，原味梳乎厘十分軟滑，質感掌握得幾好，蛋味唔過甜，濕潤度啱啱好，一流店員服務友善，食物係有質素，下次試佢地其他野

大角咀千色店有大特價，見好耐無去嗰邊，順便行吓街。行飽街就要食個飯，原來大角咀大全街有唔小餐廳，今次試咗間《金船長餐廳》。內裹環境好有情調，待應有禮貌，會詳細介紹餐廳有什麼特色食品。佢哋有set dinner，有餐湯，主菜，餐飲仲可以升級加配紅\白酒。當然仲有主餐牌。待應哥哥推介，主餐牌內餐廳之得獎作品［黑松露菌醬意式馬斯卡普芝士夾心比薩］，一上枱已聞到濃濃嘅芝士香味，撲鼻而來，熱騰騰的香餅，外皮有一層薄薄嘅香脆馬斯卡普芝士，但唔會有膩嘅感覺，係會令你食到停唔到口，內裹軟棉棉的口感，再配上滿滿的黑松露菌醬，諗起都流口水。跟比薩上會有一個自家制嘅提子果醋，果醋內會見到有提子嘅果肉在內，真材實料，加在比薩一起吃，無想過可以那麼夾，果醋做得好好。另仲會跟上有機沙律菜苗，好新鮮，高品質之選，可張沙律菜夾在比薩一起吃，有錦上添花嘅感覺，呢個菜式係其他餐廳未見過，今之叫了6吋的，唔多夠喉，我相信下次我一定會為咗呢個比薩，而再來呢間餐廳，一定會叫9吋的，真心推介比大家「必食之選」另試了［炸軟殼蟹南瓜意大利飯］賣相非常吸引，軟殼蟹炸到挺身，皮脆內軟保留濃濃蟹味，意大利飯好飽滿，濃濃南瓜味，黃黃的南瓜色

睇openrice搵好嘢食，見到「金船長餐廳」係今年最優秀開飯熱店，超過400個好評😵 決定要試下～ 餐廳位置大角咀，氣氛唔錯，幾有情調，店員服務態度好好，並推介店裡的得奬菜式～黑松露菌醬意式馬斯卡普芝士夾心比薩$108店員好細心介紹，有三種食法～1. 純粹感受黑松露及芝士的清香，入口外脆內軟～ 2. 配合自家製提子果醋享用3. 加上有機沙拉菜和自家製提子果醋享用我覺得等一個食法最好味☺️ 黑松露同芝士的味道平衡得好好，好香濃，而且外脆內軟的口感好好，唔加任何東西都已經非常好味～ 而友人就覺得加提子果醋更好味，一款菜式可以滿足不同人的口味，果然係得獎菜式👍🏻 餐湯今晚係牛尾湯，質感好濃厚，唔會太鹹，餐包係蒜蓉多士，好香脆～法式焗田螺配法式多士 $68田螺用牛油焗，充滿牛油香，田螺都幾鮮甜，配法式多士一齊食，味道唔錯～美國特級肉眼牛扒（12安士）$298嘩！好大塊啊！果然係足12安士，而且賣相幾特別，設計到帆船咁樣，配合返餐廳主題，其實係一塊多士，幾香脆～ 牛扒我哋揀咗五成熟，切開見到粉嫩肉，係嘅粉紅色，有肉汁，肉質鮮嫩，好林，一啲都唔靭，肉味濃～ 我哋揀咗蒜蓉汁，都好香，同牛扒好配合～

今晚約了朋友在大角咀見面，須便食埋晚飯，沒有到大角咀一段長時間，這裡原來多了很多餐廳，好不容易才選了這間西餐廳--金船長餐廳，食完覺得這店很值得讚，無論是食物水準、店員服務水平、餐廳環境都令我留下很好的印象。其實這裡環境好有氣氛，情調一流，雖然餐廳已開業多年，但內裡保持新淨，坐得很寫意自在。睇完餐牌，便點了兩個set dinner,是 美國豬鞍扒( 12安士）和燒紐西蘭羊架配香草燒汁，有湯有飲品，才不過$188，西餐來說真係算平。正！豬鞍我跟意大利粉，塊豬鞍真係大得有點誇張，差不多兩隻手掌咁大，而肉質嫩滑軟韌,好像食嫩滑牛般， 肉鮮味濃， 脂肪分佈平均，咬落入口好滑。加上豬鞍煮得啱啱熟，而肉汁多，食每一啖都感鬆軟無比，好正。而另一個燒紐西蘭羊架配香草燒汁也美味嫩滑，完全沒有半點酥味，八成熟外脆肉滑，味道濃，而跟餐薯菜也燒烤過，特別惹味。餐湯也很有水準， 忌廉蘑菇湯 ，湯裏有粟米，飲起來特別香滑。飲品叫了熱可樂加薑和熱朱古力，為這餐畫上滿足句號。

今晚特登嚟到大角咀食好野，揀左幾出名嘅金船長🤗 先要左個黑松露pizza🙆🏻‍♂️切左有6件，非常有創意嘅pizza😂首先可以就咁食，細味其松露及芝士香。再者沾上自家制提子醋，可以提升整體口感，中和枱露芝士嘅重味！最後更可以夾上沙律菜，會比較fresh!! 法式田螺($68)👍🏻有6粒，夾法包好味道，好香牛油同蒜味。海鮮鮮果沙律($98)🥗好夠fresh🤤有blueberry, strawberry, apples and pear😊仲有好多新鮮沙律菜，清新之選！上面海鮮都幾新鮮，蝦幾大隻，肉質彈牙。番茄醬比目魚($178)🍅魚肉鮮美，同番茄醬幾夾！配嘅薯條好香口，食唔停！肉眼扒($298)⭐️ 好大塊，12安士不是說笑的！！揀左紅酒汁，令佢冇咁膩😃加左28蚊要忌廉菠菜，好creamy🙏🏻食落好邪惡但原來兩者一齊係咁好食🥗🥗南瓜素翅湯($42)好推介，小小甜，食落好舒服！

離奧運地鐵站10分鐘既距離，位於大角咀附近，有好多餐廳選擇，今次揀金船長當然因爲佢個黑松露芝士薄餅。黑松露芝士薄餅黑松露既味道真系好香！香到系隔離枱上菜都聞到，外面既餅好鬆脆，加埋d提子醋食味道更加fresh，可以加番多d芝士，口感就吾會咁乾。跟餐餐湯揀左青豆忌廉湯，味道都幾得意，出面餐廳好少有。main course要左羊架配薯圈，羊架要左七成熟，啱啱好，肉質仲keep住好嫩滑，但又吾會太生。焗田螺，味道清清地，好重牛油味。

終於book到場打羽毛球，由於冇咩場所以淨係book到大角咀，就上openrice睇定有咩好野食，見到呢個攞獎，價錢ok就決定1700打完就黎食個early dinner ⭕️黑松露芝士夾心pizza $108切成6大塊，每件都有一定厚度。佢有3個食法，就甘食會有d膩，所以推薦大家用第二個方法食，就係掂提子醬😆好fresh又重黑松露味，未食過既值得一試！⭕️呑拿魚沙律 $88十分高質，只燒邊食落入口即融！件數算多，菜亦新鮮同有豆苗！必食！💁🏻⭕️焗田螺配法包 $68有6大粒，冇苦味，醬亦超多，配烘熱左既法包食絕配！⭕️餐湯，洋蔥湯同白湯洋蒽湯好足料，白湯就冇咩特別~⭕️羊架 $188要左5成，冇over-cook!食落十分嫩口，皮煎得脆口，唔難咬！💁🏻如果多d騷味會更正！配菜亦十分認真，全部都焗過，食落超甜！⭕️忌廉燴菠菜 加$25見冇乜菜所以就叫左，份量完勝，又十分新鮮！加上濃濃忌廉，係膩d但真心絕配！⭕️黑牛，熱檸茶⭕️心太軟 加$38主菜加配，又平又高質！係偏甜d，但入面夠熱又流心，加上雪糕，正😆

相信住得響大角咀附近嘅人都一定會聽過金船長餐廳嘅鼎鼎大名，因為真係好出名！如果唔食下依間餐廳就真係枉為大角咀嘅居民今日終於有機會黎試下依個咁有名嘅黑松露芝士pizza! 結果真係無令我失望因為兩者嘅味道真係好夾，大家不單止唔會搶左大家嘅味，係相輔相成，食落好香口好滿足對於薄餅黎講，除左味道之外，包嘅質地都係關鍵佢嘅麵包質地十分香軟，果然係必食首選除左pizza 外，我地叫左牛扒，沙律，檸檬什飲同豆腐竹炭蛋糕當中最令我驚喜嘅係，依度嘅牛扒完全係超水準之作牛肉味香，絕非一般港式扒房嘅貨色如果黎依度，叫牛扒都係個好好嘅選擇除左食物一流之外，值得一讚嘅係員工態度都十分殷勤有禮，好想下次快啲再黎食

為慶祝好朋友生日，我哋揀咗近大家屋企嘅大角咀金船長來慶祝一下。朋友轉眼間就已經結婚生子，大家傾吓講吓，分享人生嘅難題同挑戰。店員推介我哋一定要試招牌嘅黑松露多士。$108兩個女仔，都驚食唔晒。而且我其實不太喜歡太多澱粉質。但係一食嘅時候，就感到滿口黑松露香味，非常濃郁。我喜歡點埋甜醋一齊食，又別有翻風味。加上少許沙津菜，又令層次感更加豐富！呢個真係呢間餐廳一個獨有的嘅菜式，所以非常值得一試！主菜我地點左美國肉眼牛扒來share。$298每人先來餐湯，有南瓜忌廉同埋番茄湯。牛扒叫咗七成熟。佢亦煎到肉汁被封住，加上黑椒汁食非常夾。牛扒又肥瘦並存，肉質鬆軟。作為不是扒房嘅餐廳來講，質素真的很不錯。當晚我哋仲試咗薑味梳乎厘。$38佢哋即叫即整，淡淡地滲出薑味，份量係兩個人share就啱啱好啦！當晚我們亦飲了薑檸樂同薄荷朱古力咖啡特飲。整體食物質素也令我們滿意及盡興！

星期六晚唔知食咩好...開車就順便落大角咀幾間"名"店都等爆試下去金船長先唔洗等位既即入啦!!餐湯係魚清湯, 一黎就出事菜味都有點吧.....都無, 唉燴鴨脾..... 汁太濃了, 不咸不甜, 沒紅酒香我個人不喜歡鴨..... 如果原隻鴨脾, 好過三件分開的更開心美國豬鞍扒 12oz好食! d 配菜, 豬鞍有點過熟, 豬扒肉汁不夠, 但還可以 $198咁大件不過又係醬汁出事.... 係order 回來的汁嘛?......唉