金船長餐廳 (已結業)

呢間餐廳一直都想試，但一直冇機會，有幾次我提議食最終都食唔成，今日最終都如願以償！一入到去，就聞到一股好濃郁、好香既芝士味，超級吸引！一問之下先知原來係餐廳既王牌菜，黑松露菌醬意式pizza，就毫不猶豫咁點左，加上幾味主菜同小食。餐廳以海盜為主題既小小佈置～等左冇幾耐，d野食就開始到，第一樣就係黑松露意式pizza，真係好香！食落個味好有層次，creamy得黎又唔肥膩，而且外皮好脆有口感，不愧為餐廳既王牌！店員仲提供左三種食法，一係就咁食，二係連醬食，三係夾埋d沙律食，值得一提既係夾沙律食會有好fresh既感覺，一定要試！係我地食到lum lum 脷既時候，店員送上法國鵝肝，個賣相以經贏晒！食落去更加不得了，夠香之餘油而不膩，有驚喜！我地仲點左小食拼盤同一個天使麵，兩樣都不錯。整體黎講食物水準高，而且餐廳環境唔錯，好好座，值得再試！

見到OpenRice呢間人氣餐廳，一直都好想黎試吓，今日終於約埋朋友有機會嚟啦侍應推介餐廳招牌菜 「黑松露馬卡斯芝士夾心薄餅」佢地話係攞獎嘅食品，我哋梗係試吓啦Menu 上寫有三種食法1） 就咁食 2）加埋提子果醋 3） 加有機沙律菜我自己就鍾意加提子果醋，因為本身黑松露味道比較重，如果加少少果醋中和下，感覺冇禁滯，而且味道好特別，值得一試朋友叫咗set dinner 法式燒羊架，羊架上面有啲麵包糠，外面脆，入面啲肉多汁又香，朋友話下次要encore 最後，我哋叫咗個甜品—-薑汁疏乎厘，飯後係咁凍嘅天氣下食啲又香又軟嘅甜野，真係人生一大樂事

平日去親大角咀都係打邊爐，呢輪天氣咁凍本身都係約左朋友喺附近食雞煲，點知去到竟然無位，喺條街吹多兩吹都係頂唔住去附近揾食。見呢間有位睇餐牌又話啲食物拎獎乜乜乜。。。咁就唔諗咁多衝入去一入去成間餐廳彌漫住芝士味，芝士控既話實好鐘意。原來有個黑松露芝士pizza 好出名仲拎曬獎，成間餐廳陣除就係呢味餸！可能天氣凍要食多啲野暖胃，我地叫左呢個得獎pizza ，鵝肝蘋果沙律，龍蝦汁虎蝦帶子天使麵，小食拼盤，同兩個梳乎厘。1. 黑松露芝士pizza要趁熱食，否則面頭既咸香芝士會更咸，入面搽滿黑松露，所以係幾重口味仲要焗得幾脆呀。侍應介紹呢個薄餅有三個食法，第一係就咁食，第二點下提子醬汁食，第三夾埋隔離棵菜再點提子汁食。我就鐘意夾住啲菜食，雖然有六塊，不過有別平日pizza 既格局，呢個似小食多啲，再多六塊都食到！2. 睇相就知鵝肝係幾咁大塊同肥美，隔住個mon 都聞到佢煎得好香。鵝肝入口即溶，左面有啲用黑糖煮過既生果粒，加埋旁邊沙律，可以中和鵝肝既油膩。3. 小食拼盤有炸洋蔥圈，焗青口，蜜糖雞翼同炸玉子豆腐。呢個菜式相比其他較普通同失色，不過不失。4. 龍蝦汁虎蝦帶子天使麵無得輸既配搭，食得出蝦

今晚有天寒地凍又唔想晚晚打邊爐今晚同老婆食好西 ，好耐之前去過呢間餐廳，今晚再嚟一次 ，它是區內都算數一數二的老牌餐廳。你間餐廳好易認,，喺門口已經有好多剪報介紹呢間餐廳入到餐廳做服務員講table for two， 攞嚟menu嚟嘅時候,佢就介紹佢哋有個得獎名菜 ,就係黑松露夾餅pizza。跟他說了叫個大嘅九吋 黑松露夾餅pizza，之後再叫多個 肉醬千層麵 ，同老婆撐枱腳。跟住啲餸就嚟啦先嚟㗎係黑松露夾餅pizza ，我應該從未試過食成塊夾餅裏面全部都係黑松露so yummy其實唔應該叫pizza應該叫黑松露夾餅會啱聽好多 ,夾餅上面全部鋪滿芝士碎加埋佢哋獨有嘅提子醋 ，簡直是最佳配搭稍後到的肉醬千層麵，原來係焗的又係有好極邪惡嘅芝士 ！點算 ？食完肯定要跑多幾個圈，食千層面嘅時候 ，發覺原來肉多過面……感覺上啫， 非常之好味口感一流！雖然同老婆sharing， 但係真係好飽好邪惡好好味！埋單走人，拍住拖拖住老婆的感覺，好warm好sweet....好飽！

今日個朋友仔去左間環境氣氛浪漫的小餐廳🏚 食晚餐。環境暗暗地，坐得都幾舒服。坐底左，店長推介我地食 餐廳既🏅得獎作品： 黑松露菌醬意式馬斯卡普芝士夾心比薩 🍕都幾特別咁，有三種食法。一於試下先。配有提子果醋醬。沾落黎食更突顯出個黑松露味。成個包都好夠味。而且包面亦烘到好脆身。唔錯再叫左：🥈三文魚比目魚伴白酒忌廉汁 🐟賣相幾特別。兩條魚都煎得幾靚！唔會話煎得好乾。👍想讚一讚佢個薯蓉好滑好味！🥈焗田螺。好香既焗田螺味！放上係多士上面食。多士吸收左田螺同芝士既味道，一起吃更滋味。仲叫左杯🍹橙汁什飲甜甜的橙汁，飲完好解渴。幾好飲！👍

今晚約咗女朋友食飯，特登去大角咀睇下有乜嘢好食，原來大角咀都幾多美食，今日就特登同佢黎試下啦。鋪頭都唔係好大，大概可以坐到10靚張枱，不過去到嗰時已經見到有好多係一大班人黎食，不過我都建議多啲人嚟一齊食會開心啲，因為佢啲主菜都幾大份，可以幾個人一齊share鋪頭都幾多特色嘅擺設，入到黎就好似置身喺船當中。我哋叫咗個黑松露菌醬異式馬斯卡普芝士夾心Pizza，好重嘅黑松露嘅香味，食入口再加埋面頭充滿嘅芝士粉，好香，簡簡單單兩三種食材放埋一齊就已經好好食，如果一班人食一定要叫。蜜糖雞翼，焗到外面雞翼皮好脆，而入面嘅雞翼好嫩滑，面頭仲有少少甜甜地嘅蜜糖嘅香味，好味，不過呢個始終係小食，如果多人食嘅話就可能要叫兩三碟。最後叫咗隻豬手食，呢隻豬手係主菜，佢可以配飯意粉同薯菜，豬手好大隻，份量都好驚人，我哋兩個人食都已經好足夠，佢隻豬手好juicy，出邊食開嘅豬手通常都好乾身，佢呢一隻唔會，食落口個皮好滑，肉入面充滿汁，呢一個係必食嘅推介，我見有幾張枱都叫咗呢個豬手食。最後建議，如果上嚟食飯嘅話一定要Book定枱，因為我見到平日都幾多人嚟食，都有幾張枱嚟到要等位，所以一定要book定位。

今日有d野要去大角咀，有個係個到住左好耐既同事，介紹我去呢間餐廳試下，咁就帶埋女朋友去試一試。睇得得獎作品，黑松露又係今期大熱，咁緊係試下啦。咁經店員介紹都有三種食法，就咁食又得，夾有機菜食又得，點個提子醬食都得。但我就貪心d又夾有機菜又點醬食。食落好鬆軟，黑松露味岩岩好，淡淡芝士香味，果然係得獎作品。Set dinner都好抵食，所以就揀set dinner，唔洗諗。另外仲叫左個辣蒜香青口，蒜香味好濃，但又唔會搶左青口既味，恰到好處。番茄湯都好鮮番茄味，配個真係好脆既多士。到個主菜啦，牛柳幾厚身，咬落去啖啖肉。我比較鐘意食熟d，岩岩好，口感都唔差，牛味極重，黑椒汁都好香口。順帶一提，薯條超多，薯條都食到飽。我一定會再番食

久仰金船長嘅黑松露pizza，今晚終於有機會試下喇！.黑松露pizza上枱熱辣辣，濃濃嘅芝士同黑松露香令人食指大動😍 staff仲為我地介紹左呢個pizza 3種唔同嘅食法😚👍🏻 創意同服務絕對值得加分！不得不讚3種食法真係各有特色，我自己就每種食法都好鐘意☺️：🍕🍕簡簡單單就咁食塊pizza就可以食到外脆內軟嘅口感，黑松露同芝士嘅香味喺口裏面四散，無論係口感同味道都好rich😍；🍇🍇淋上提子果醋嘅pizza倏然變得酸甜清新🍷 微微嘅果香同兩樣濃味嘅食材相映成趣🙌🏻；🥗🥗若然覺得果醋嘅水份除去左pizza外脆嘅口感，不妨佐以沙律菜，沙律菜嘅爽脆同清甜令pizza層次更豐富！❣️.除此之外我都仲食左黑松露薯條同黑松露忌廉意大利飯😝 因為咁啱朋友們都鍾意黑松露嘅味道，就一於試多啲啦🤣 前者份量比想像中大，沙律醬都整得好滋味；後者味道香濃，飯亦煮得夠軟夠creamy😚.要左小食拼盤作為appetizer ，其中比較鐘意芝士豆腐同青口😋 .另外仲食左幾個main，都十分啱口味呢！軟殼蟹南瓜意大利飯嘅賣相吸引，軟殼蟹唔會炸到好油膩，而意大利飯亦啖啖充滿南瓜香，🎃微甜再加上芝士嘅鹹香確實令人食到停唔到

今日難得約咗朋友食飯 聽人講金船長好食 就嚟嚟到敘舊一入餐廳就覺得氣氛幾好 係微藍有情調嘅燈光 餐廳亦靜靜地 好適合同朋友一路傾計一路食食物單睇餐牌都覺得好吸引🤤所以揀咗唔少野食試😋我地叫咗個大份嘅黑松露pizza佢既黑松露芝士pizza真心推介😋黑松露同芝士味都好重 但又唔會遮蓋咗雙方嘅味道 配埋香脆嘅口感真係無得輸😋 店員仲好細心咁話比我地聽嚟個pizza有三種食法 1 可以咩汁都唔點咁食2 加一啲提子醋3 提子醋+少少沙律提子醋味道都重幾吸引 不過個人最鍾意佢咩都汁都唔加 芝士味會更加突出🤤之後我地都點咗個小食拼盤同黑松露薯條佢嘅黑松露薯條份量好多😋而家炸得唔太油 配埋濃濃嘅黑松露同沙律醬好好食🤤另外我地仲點咗個炸軟殻蟹南瓜意大利飯都好吸引🤤炸軟殻蟹炸得金黃鬆軟不突只 南瓜飯嘅味道都好突出好濃郁🤤 最後我地點咗一份肉眼排肉眼排煎得好香🤤肉質都唔會太韌 好好食😋 佢嘅配菜薯蓉都不錯 佢好軟滑仲唔會食到粒粒嘅薯仔 十分美味😋甜品仲點咗個推介嘅原味梳乎厘同紅桑子甜點 兩個都好好食🤤 梳乎厘嘅空氣感啱啱好 質感鬆軟🤤又唔會太甜 值得一試😋飲品點咗白牛 係七喜加雲厘拿雪糕 兩樣配埋味道都不

好耐無見波仔，我個姨生仔，佢家住大角咀，同佢來呢間食西冷，吹下水。餐廳細細但裝修好法國feel，D燈昏黃幽暗，好浪漫。叫了金船長拼盤，香草，青口好新鮮，芝士豆腐皮脆，入面好軟滑，食落有淡 淡芝士，芝士味不太搶，反而更好吃。蜜糖雞翼是烤 的，無咁肥膩，加上甜甜蜜汁，令雞翼更惹味。魷魚圈好有魷魚味，唔韌。一份我地唔夠喉，再encore一次! 再吃是主菜美國西冷，五成熟牛肉好軟身，入口爆出牛肉汁，加上點了黑椒汁更出到牛味，食埋伴碟薯蓉，好滿足，西泠我愛死左您。友人也大讚西冷有95分。船長D野好正，食完再來。

金船長餐廳系大角咀大全街尾，夜晚人流唔多，但附近都有唔少餐廳，所以都會有唔少人專程黎食野，而家就系一個例子。我會以平民西餐形容，價錢大眾化，Dinner Set都只系$178左右，而Pizza就$108起，呢啲價錢，旺區邊有可能做得到。蟹肉素翅南瓜湯 ($42): 天氣甘凍，純粹嗌個湯暖一暖胃，呢個湯南瓜味幾香濃，仲食到一絲絲既蟹肉，用料都幾足，湯仲夾雜住大量素翅，雖然唔系真魚翅，但無論視覺定系質惑都相當真實，幾可亂真，又真系幾抵飲。黑松露醬芝士夾心薄餅 ($108): 呢個系招牌薄餅，基本系獨有，其他地方都好難搵到。落左大量黑松露做夾心，香氣逼人，而表層大灑芝士，焗至黃金色，外脆內軟，非常融合，味道超級獨特，系出面真系食唔返架! 另外，特製提子果醋既甜味同黑松露及芝士非搭配，味道更為豐富，呢個真心好食!!蜜糖慢煮烤豬手配蜜糖燒汁 ($168): 豬手既表皮烤至入口即溶，而且好有蜜汁香，超級香口，而肉質相當幼嫩，切開一絲絲之餘仲含有肉汁，確系唔錯。嫌唔夠RICH既，仲配左蜜糖燒汁，真系有雙重蜜汁享受，好惹味!

唔止一次係朋友口中聽過金船長呢間餐廳,話質素同環境都係唔錯,但係始終大角咀呢個位有啲唔方便,所以過左咁耐,終於黎到試喇!餐廳內既環境燈光暗暗地,幾有氣氛,適合情侶或者同2,3個朋友黎咁,而由於餐廳位置其實唔多,7點半打後都差唔多full晒咁濟,所以真係要黎既話,記得book再位先,因為大多數人都係預先book左位架!海鮮鮮果沙律配千島汁, 食主菜前梗係要食啲開胃啲既野先啦!由於今次唔想叫湯,所以就揀左沙律做starter喇,首先沙律既份量好多,足夠幾個人Share,海鮮方面有青口,蟹柳,蝦生果方面就有蘋果,火龍果,梨,生果本身好甜,再加上千島醬,係一個好好既配搭!美國肉眼牛排12oz, 塊排唔算好厚,不過就真係幾大塊既,叫左7成熟,中間既位都ok,切開仲係紅紅地色既,不過邊邊既位就好似熟左啲喇,所以如果大家可以接受既話,不妨叫5成熟!應該就會食到最好既肉質喇!黑松露菌醬意式pizza, 呢道係餐廳既得獎菜式,現場觀察好似大家都會叫呢個pizza!一上台個陣,pizza中既黑松露味確實好誇張!!不斷飄上黎,黑松露味咁重既原因係入面真係放左好多黑松露醬,餐廳真係唔手軟!而外面個陣仲有好濃既

今日黎到位於大角嘴既金船長  7點左右黎到   當時未算好多人  不過原來餐廳愈夜會愈多人  所以大家黎既話記得要book 定以防萬一我地點左個餐廳既得奬食物  黑松露醬芝士pizza一上菜既時候 侍應好主動咁向我地介紹佢既三種食法除左就咁食之外 仲可以加提子果醋同側邊既有機菜食作為得奬食品 佢絕對唔係浪得虛名!一上枱就已經聞到勁香既黑松露同芝士味食落口當然就更濃郁  特別一提  佢個果醋真係好好味  同個pizza 也都好夾我地都食到唔停口  仲搶住加個醋tim! 跟住仲叫左個蜜糖慢煮烤豬手呢個係我地當晚最鍾意既野食! 完全無諗過佢地可以將個豬手煮到咁淋!! 而個汁也配合得好好 同其他餐廳硬繃繃  切到手都攰既豬手簡直係冇得比!!為左佢  我已經好肯定一定會再黎最後我地仲叫左個12oz 既肉眼牛排呢個牛排實在令人有啲失望`我地叫左7成  雖然火喉控制唔錯 (中間仲係粉紅既)但牛排比較韌 應該係本身排既問題吧?! 而且呢個排係幾樣食物內最貴既一樣... 反正下次黎就絕對唔會食呢個不過整體黎講  除左牛排之外 其他既野食都好好味! 特別係個豬手  真係令人再三回味呢間餐廳絕對有下次!! 

去到金船長，就發覺平日黎講，booking都好full下，密密都有人入緊黎。咁廢話唔多講，就梗係點野食啦。一黎就叫左個得獎招牌嘅黑松露薄餅，呢個得哂獎，點都要試一試！一上枱嘅時候，已經有非常濃烈嘅黑松露味飛過黎。咁係食嘅時候仲有3種唔同食法，其中配醋嘅食法係最吸引我，不過整體黎講都係非常特別嘅一道菜。之後黎左個海鮮雜果沙律，呢個沙律一上菜嘅時候就已經嚇親人，因為估唔到個份量有咁多。而且當中嘅生果係鮮甜多汁的。不過海鮮我就冇食到，實質係點就唔知，不過睇落都係非常新鮮！最後仲叫左個肉眼牛扒七成熟配黑椒汁。切落嘅時候見到的確係七成熟，食落都好軟熟，唯一係汁方面略咸。不過，配菜同牛扒整體黎講都係非常出色的。

今日特登黎到金船長食飯，因為見到網上好多好評，尢其是個pizza。一場黎到，就緊係點左個人氣王 – Pizza。即叫即整，等10分中左右，熱喇喇，店員講解左3種食法。第一種食法: 就咁食第二種食法: 點葡萄醋(新鮮榨成)第三種食法: 配沙律菜Pizza 表面有層鬆化既芝士粉。就咁食已經好好食，但配埋個葡萄醋，簡直係配合得宜，酸酸咪咪好開胃，個人就吾太喜歡菜，但絕對係好食既pizza!黑松露既味重得黎又吾會太over。極力推介大家黎食。食完後，自己都再外賣多個Pizza 拎走，放入雪櫃，吾使翻叮，凍食都好好食。同樣點左個香草焗三文魚併凡立貝:三文魚吾會好腥，而且份量都好多，啲肉又夠滑，配上啲香草忌廉汁，增加左三文魚既鮮味。側邊伴有薯蓉，幾片瓜。薯蓉不過不失，相反啲瓜煎得好爽口, 又好味。點左個黑松露薯條:份量適中，薯條夠脆，黑松露味道好夠，仲有配埋黑松露醬，正!跟住點左個熱柚子蜜：柚子量都算多，吾會好淡。