金船長餐廳 (已結業)

位於大角咀的金船長餐廳，絕對是隱世高人，雖然餐廳不是很大，但看得出老闆對食物的追求和創意。先看看內觀，裝修和它的招牌金船長十分貼切，牆上掛了很多尋寶的得意圖案。服務員為我們推介是他們的招牌菜「黑松露菌醬意式馬斯卡普芝士夾心比薩」，這個招牌菜在飲食比賽勇奪兩個獎項。烹調的時候，在廚房已經傳出好香的黑松露菌味。服務員送上Pizza 的時向我們建議：「你可以先吃一口Piza，可以先嗜Pizza本身味道，而且帶有很濃郁的黑松露菌及芝士味道。然後你可以塗上餐廳自家炮製的提子果醋再吃。最後你亦可以再配上有機沙律菜，三個不同層次」我覺得這個Pizza配上提子果醋比較好，因為對我來說，Pizza的芝士味非常濃郁，配上提子果醋後能中和芝士味，而且吃上來也不覺得太油膩。另外我叫了當日的晚餐，餐湯有羅宋湯及忌廉湯選擇，蒜蓉包亦焗得很香口。主菜我叫了香煎紐西蘭牛柳配紅酒汁($188)。牛柳叫了七成熟但仍很有juicy，煎得很香，意粉用上橄欖油及香草烹調，吃上來很滋味。最後甜品是芝士蛋糕，有酒店水準。

今晚9點嚟到間餐廳，竟然一個人都冇，唔駛等位，有點意外。可能係落雨的關係吧。有點包場的感覺。睇完餐牌好多嘢想試，不過最後決定唔嗌主菜。先來一客焗田螺。夠熱，好味。再來一客黑松露pizza。呢個堅得，好香口，夠熱。不過兩個人，一人三件，有小小over 咗。多人食開心啲。最後車仔意粉。意粉種類，醬汁同埋餸都係自己配，所以價錢都係睇餸食飯。呢碟嘢有點失色，唔夠汁，好乾。最後加38蚊有個雪糕心太軟。咁又一餐。

今晚同朋友去試左間新餐廳, 就係大角咀既金船長餐廳, 入到去個裝飾已經好有「船feel」。跟住侍應攞了壺我覺得係非一般而言既水來招呼客人, 出於好奇心一問之下原來係佢地自家研發的"薄荷葉水", 因為大多餐廳頂多用檸檬水來招呼客人, 但佢地用"薄荷葉水"好特色。然後點了佢地個招牌菜「焗芝士黑松露薄餅」,真冇介紹錯一食難忘, 由出廚房已經好香焗芝士味, 夾埋黑松露同埋沙律菜食冇得輸, 仲有一個必剎技配埋"葡萄酣"(又係佢地自家制)。普通食法，直接食點自家製葡萄酣一起食配沙律菜一起食主菜我地叫左「香煎紐西蘭牛柳配紅酒汁」及「香煎雪魚柳扒飯」,牛柳配紅酒汁個汁好濃同香, 剛剛好煮到我要的七成熟, 利害利害, 呢間餐廳好有心思朋友叫的「香煎雪魚柳扒飯」面層煎得好脆好似打邊爐D炸魚皮咁好香口, 朋友話正呀!同埋呢間餐廳好有心思, 每款菜式上台時倘擺法都做到似埋首船, 令個食客好似係船長咁襯番晒, 呢一下好好。

朋友介紹這間餐廳的PIZZA獲得過自創菜式大獎，所以特意來試試。這個曾獲獎的招牌菜名爲「黑松露菌醬意式馬斯卡普芝士夾心比薩」，它的外形與一般意式PIZZA不同，有點像三文治飛碟，外面滿佈芝士，內裏是厚厚的黑松露醬。這個PIZZA有三種食法，第一種是直接拿起吃，食到濃郁的芝士同黑松露，PIZZA好鬆化外脆內軟。第二種是配上自家製提子醋食，加了提子醋即時中和了芝士的膩感。最後一種就是夾上有機沙律菜一同吃，再點些提子醋，非常配合，本人亦最愛這種食法。試完PIZZA已經有點飽，我們主菜只叫了一份法式焗紐西蘭金獅魚柳配西西里蕃茄汁share。先送上餐湯和麵包，是我最愛的蒜蓉飽。金獅魚柳採用了沾上麵包糠再焗的方法烹調，口感豐富，完全沒有油膩感覺。再配上新鮮蕃茄製成的西西里汁，和南瓜、翠玉瓜同茄子作伴菜，感覺非常健康。最特別是這𥚃每一款主菜都會加上脆麵包作裝飾，配合主菜看來是不同的船隻在海上航行，與餐廳名金船長很關連，盡顯廚師心思。最後配上特濃朱古力布朗尼及香草雪糕作總結，非常滿足的一餐。

第一次就係打負評😕今晚約咗👦🏽食飯佢話openrice揾到呢間金船長一向係我負責揾餐廳嘅平時會㩒入去睇下d負評寫咩不過今次偷懶冇睇到 然後就中伏了💩💩見佢openrice 都幾多好評 雖然都有幾十個負評 但心諗都應該ok ge 所以好hea咁睇咗餐牌同餐廳環境就算了其實我睇餐廳就睇性價比ge 簡單嚟講即係值唔值然後就會睇環境同服務質素整體嚟講佢除咗服務算唔錯其他都麻麻即係性價比好低講返食物質素 我地叫咗3樣野:Set dinner嘅咩牛柳+飯 ($188)車仔意粉: 波菜芝士辣腸香草扁意粉($92) 炸軟殻蟹 ($78) 仲加咗$28有湯同野飲首先對唔住 冇影到相 因為我頹到連相都唔想影🤢🤢個牛柳勁少再加白飯 成碟canteen頹扒飯咁 飯仲要唔熱同硬 竟然夠膽收$188 🌚🌚跟住個意粉平心而論 唔係難食料都足嘅但真係好油 好油 好油 食到我成嘴油 一路食一路抹🌚🌚同埋好似茶記d焗意粉囉真心唔抵 個軟殻蟹我見佢有推介公仔先叫嘅不過不失但有d硬似整完好奈咁仲有 佢杯熱朱古力好淡 又唔熱👎🏻👎🏻👎🏻總括嚟講要我俾$425 食呢堆野真係不可一不可再🌚🌚🌚其實我一路食一路成個怨婦咁呻真係對唔住

曾經住過大角咀，可惜從未有機會來這店，今次工作路過，只得半個鐘食晏，就入去碰碰運氣，坐低冇耐，門外開始有人等位，可見呢度幾受歡迎。叫了牛扒午餐，先來青豆湯，喂真係從未試過快快食午餐嘅地方都會有青豆湯，雖然望落個樣普通，但青豆味算出，比一般的忌廉湯特別，之後的牛扒薯菜，其實都唔係之後，因為上菜速度快，快到湯喝了幾口湯就上菜了，牛扒非常薄切，醬汁非常濃郁，以午餐幾十蚊的價錢來說，雖不是抵食夾大件，但也算是物有所值，所以，如果快快食又唔想去茶餐廳，呢度絕對係好選擇。

今日要去大角咀，就上openrice睇下附近有咩好食喇。見到呢間金船長餐廳好多食評。啲人話幾好咁。所以就黎試下喇。驚夜晚多人無位，所以就打去訂抬喇。好彩都book到位。 😃入到去間野，都幾有情調，多數都係一對對情侶食。上openrice話呢度d 黑松露芝士pizza 正，又話拎過獎咁。所以就試一試喇。黎到喇，都幾大陣黑松露味既。但食落都係普普通通咁。唔會話真係超好味個種感覺。仲另外叫左個set.叫左個牛扒。5成熟都ok既。但就覺得熟左少少，似7成熟多。餐廳坐係幾好坐既，但食就普普通通咁囉。價錢唔算平。

係好耐之前同舊同學去過呢間餐廳食過，印象不錯！今次去男朋友到大角咀，決定Encore呢間餐廳。餐廳不大，有意去食的可以先打電話訂枱。2人叫左2個Set同1份Pizza及1份甜品。一睇Menu就對黑松露Pizza心心眼，即刻叫返客試試。另外叫左一個鴨胸配薯菜同埋黑松露意大利飯。本身想加多$99配個3安士的鵝肝，不過當日無貨。餐湯有洋蔥湯同忌廉湯可以選擇，洋蔥湯好有驚喜，平時比較少有之餘，洋蔥味都幾香！忌廉湯同市面上差唔多，唔係特別好或者特別差。先上菜的係Pizza!! 全名有D長「黑松露菌醬意式馬斯卡普芝士夾心比薩」，聞落勁香，仲要外脆內軟。打開見到黑松露醬上下都搽得滿滿，令每口都充滿黑松露的味。Pizza配埋餐廳自家製的提子果醋及沙律菜，令到味道更Fresh更Balance！Good Match到紅酒汁鴨胸配薯菜... 鴨胸有少少「蘇」，不個紅酒汁幾香，D蔬菜又夠冧身。呢個黑松露意大利飯每粒飯粒都好飽滿，不過調味重手左少少，令到成碟飯味道偏鹹。叫任何主菜都可以加$38要一份甜品，熱愛即焗甜品的我當然加左一客雲厘拿梳乎厘食。等左20分鐘到，一大杯漲卜卜的梳乎厘送到！呢個梳乎厘一D都唔He

西餐食得多，但金船長係我會再去既餐廳，價錢平民但食物保持水準店鋪位置唔係鬧區，但依然咁多人支持！店內燈光較暗，但店內小裝修好別緻，牆上既畫睇得上手工了得haha 先講講前菜，依個田螺$68黎講算性價比高，忌廉味好香，田螺焗得入味，配埋法包簡直係享受重點推介：黑松露菌醬芝士夾心pizza依個pizza有別於平時食開既pizza，佢夾心係黑松露菌醬，而pizza兩面佈滿芝士碎，食落黎係超級夾!! Pizza焗得又夠脆，已經去過食4次哈哈哈! Pizza有3種食法，第一乜都唔點咁食，第二點下甜甜地既提子醋，提子醋令人開胃，第三點完提子醋再夾沙律菜！三種食法我都好喜歡金船長必試菜式！豬手煮得好夠稔，亦都食到香香甜甜既蜜糖味，同豬手好夾最後試埋甜品，質素唔錯，焗得好香，口感鬆軟，味道唔會太甜。食完正餐仲有肚既朋友可以一試依間餐廳已經黎過4次，無一次係失望！推介推介！

他帶我去一間說朋友吃過十分不錯的餐廳，還說是得過獎的黑松露芝士比薩是推薦必吃，既然都說到如此沒理由不去吧。一來到已經非常多人，幸好還有位置，兩個人去哪裡都非常方便易找位子。立馬下了一個黑松露芝士比薩，一股黑松露若隱若現地飄來，陣陣汽油味出來了，比薩咬下酥軟，底與面有芝士碎，裡面更是溶掉馬斯卡普芝士與黑松露，雖然芝士份量不太多，整個比薩不會太芝士，但芝士味隨後湧上，夾雜黑松露，意外地合襯，完全不覺得膩。店員告知比薩有三種吃法，第一種是單獨吃；第二種是點下自家制提子醋；第三種是配合有機沙律菜吃。提子醋非常香甜，濃濃的提子味，非常像提子果汁，完全不會有醋酸酸的感覺，雖然好吃但很易搶走黑松露與芝士的味道；沙律菜很爽口清新，不過我略覺有點清淡，所以絕對是單吃完勝。他點了個美國特級西冷牛扒配紅酒汁，五成熟，牛扒有我兩個手掌這麼大，旁邊還有翠玉瓜茄子片等等，還有插著乾餅的薯蓉底。肉扒肉質算軟熟，不過我們配搭鹽來吃，牛味更加突出！牛扒稍微比五成熟透多了一點，不過都不會太熟，還是能保持軟嫩。而我的是法式焗紐西蘭金獅柳配西西里蕃茄汁。金獅柳酥軟，面頭麵包糠焗得香脆，魚柳肉相當飽滿，配上超級濃味的西西里蕃茄

可能因為我唔係喺依頭住啦，依間餐廳都搵左幾耐同行左幾耐先搵倒！喺餐廳外嘅時候已經有店員喺餐廳外面招呼客人，當然就順勢入左去啦！入面嘅環境好浪漫，因為光線唔多，都幾適合情侶去食！點解啲相會空無一人？因為我地去嗰時未到晚餐嘅時間嘅！我去嘅時間大概係六點半左右！仲有一個小小嘅餐桌裝飾，佢係一個偽明火燈，我都鍾意依個燈！黎得最快嘅係野飲！抹茶紅豆！佢大概係一個抹茶沙冰咁，抹茶味道有啲啖，啱哂啲唔太鍾意太濃郁嘅抹茶味嘅人！蜂蜜檸檬紅茶！就好似係檸檬茶咁，不過不失！然後就係佢店長最重視同推薦嘅黑松露芝士pizza亦都有三種食法！依個就係我最鍾意嘅食法！點埋個汁！prefect有好濃郁嘅黑松露同芝士味，而芝士嘅味又嗰會搶左個黑松露味！炸軟殼蟹！好欣賞佢個醬入面有好多蟹子，將個醬將個口感升級仲食左牛扒！個牛扒都幾多肥膏！個芝士薯波好似以前麥x勞嘅芝士薯波！而我重期待嘅就係心太軟！佢上面所謂嘅布甸原來就係雪糕！我仲傻到問個店員有冇雪糕！仲有朱古力流出黎！埋單加加埋埋九百蚊左右，如果嗌啲set就會平啲，不過今次黎都想食多啲唔同種類嘅野，下次黎都會食下啲意大利飯同薄餅！

午餐平靚正之選， 平食西餐紐西蘭牛扒配香草汁 可選 飯/ 薯菜/ 意粉 連埋凍飲加2蚊 都係HKD 60. 西式環境，坐得舒服，上菜快手！不過中午要早少少排隊攞位，午市好受歡迎！

寄望過高，失望越大，唉！不是想像中的，不知他們為何會有甘多好食評！其實食物和湯真是一般，可能我吾識欣賞真正的意大利飯原來是甘硬的，硬到生米甘，希望他們有待改善！💪🏻💪🏻💪🏻

晚上7點入座，唔多人。直到8點幾就差唔到滿座。環境唔差，服務員態度非常好，值讚。價錢普普，都係由此app得知呢個餐廳。湯味道普通，無咩特別。豬手好食，賣相非常有心思。薄餅值推薦。不過今次無食到人氣推薦嘅黑松露薄餅，下次會試。呢間餐廳意粉好玩之處係可自由配搭，試左芝士卡邦尼意粉，太多芝士，同可惜嘅係食到有加蛋白，兩至三個人先食到。漢堡，感覺一般，可選擇肉幾成熟。如果跟餐甜品加38蚊就有，叫左brownie同心太軟。brownie賣相好，但味道唔太特出。反而心太軟做得較出色。

食客來源主要係附近住宅居民為多，好多一家大細有老有嫩。即日星期六中午電話訂位都有位，不過餐廳話用餐時間一個半鐘。對於規限用餐時間感覺唔舒服，又唔任食。餐廳出名既菜式都係黑松露有關，但係今晚叫既都與黑松露無關肉醬千層麵，好難得唔係豬肉呀，好耐無食過啦超多肉醬呀，$88一大碟，真係抵食架肉眼扒就一般啦，唔係太特別好食。加左$25要一個忌廉波菜，一黍到好吸引又大碟，點知一放入口😱好咸呀，食緊鹽咁，當然同職員講啦，佢都好有禮物幫我地換過，之後個碟係正常好味道，廚師唔通重手得濟。價錢屬大眾化，3個人都係6百左右。係價錢同味道中攞到平衡。