金船長餐廳 (已結業)

超好吃 剛吃完 味道太好了 真不相信 這世界上 牛排可以這麼好食的 一定要來試試 包保你 會展美無窮 不使的話 真的會後悔的 回味無窮的愛吧另我垂涎欲滴perfect and comfortable

情人節晚餐，我和一大兩小情人一齊食，因太太剛剛飛回來，和我原本約的時間有些不同改了兩次訂枱，但服務員也很有禮貌，絕對值得一讚，食物水準算中上，自問也是嘴刁的人，要了兩個情人節套餐牛扒要了四成熟，頭盤來了一個吞拿魚卷，味道都可以，跟着來了一個黑松露薄餅味道很好食，原來這是店長攞奬的其中一道菜，接着牛扒來到的時候，也真是做了四成熟因為很多店也做得不太好，這是廚師也很考功夫的，牛肉多汁牛肉味下次一定會再來

我好鍾意黑松露菌既香，所以專程入黎大角咀試下呢到既黑松露菌比薩，一入到黎，即叫左PIZZA，先再慢慢睇叫咩其他野食黑松露菌醬意式馬斯卡普芝士夾心比薩呢到既黑松露菌比薩係獲獎菜式，有好濃郁既黑松露菌香氣，隱約仲聞到少少芝士既咸香，佢既味道一D都唔輸洩比佢既香氣，咬落去外層係脆脆既巴馬臣芝士，內心係黑松露醬，味道非常濃郁，但一D都唔覺膩香煎老虎蝦配龍蝦汁意粉有大蝦兩隻和大大粒的帆立貝兩隻，估唔到SIZE咁巨大，蝦肉好彈牙，帆立貝亦好鮮甜、彈牙，十分新鮮澳洲西冷牛扒，牛扒煮的時間剛好唔會UN，牛扒肉味都好濃，除左主菜好，除配菜都睇出大廚既用心，南瓜甜、翠玉瓜+茄子JUICY白酒忌廉汁燴紐西蘭青口忌廉汁無搶過白酒既風頭，聞到酒香、忌廉香，青口味道頗鮮，忌廉汁增加了整體的味道估唔到除左PIZZA，其他既食物都相當有水準，意料之外!

初到金船長餐廳感受其魅力，是也!男朋友專登搵左間黑松露菜式了得的西餐廳共度好彩男朋友醒水預先訂左位，餐廳安排左門口位置比我地，同時亦不用搭枱等位金船長，有提供到冰室既飲品大愛黑牛的我當然也點了這個可樂上再加球朱古力雪糕，簡直係透心涼‧心中甜的境界男朋友就叫左個檸檬什飲，酸酸甜甜的感覺超爽，食慾大增點餐後，很快就上左個餐湯、餐包蒜蓉包非常脆，我就拎左黎點下忌廉湯索下個湯味，淋d再食法式焗田螺 $68 裡面有6粒田螺肉，田螺肉煮得好淋，無咩骨位咁，撈埋上面個層濃濃的香草芝士汁，一口就吸入同時又提供到法包，切成薄塊作底，索下香草芝士汁，弄得好香口的小前菜金船長小食拼盤 $108炸芝士豆腐完全中曬我心意，芝士唔係膩到流那種 ，淡淡的芝士味，豆腐的質感，食完都唔會覺得好濟炸魷魚圈就過份乾身同脆，好在醮上中間既他他醬，中和返油膩的感覺蜜糖雞翼同樣極有水準，香甜的與外脆內軟的配合，真係讚!黑松露菌醬意式馬斯卡普芝士夾心Pizza$108-六吋經過咁多食家點評的黑松露pizza果然名不虛傳！未上枱慢慢走過黎個陣就已經聞到好香黑松露味！黑松露pizza有6塊，每人3塊，可以感受三種食法第一種：原味食法首

無相食評，唔係第一次幫襯呢度，老闆不嬲都好有heart，笑臉迎人。但d伙記就。。。只可以叫佢地去再培訓啦。。。個戴口罩女伙記落錯幾次單，我地叫熱齋啡佢問我飲唔飲latte，同你落單時呼呼喝喝: 食乜呀、飲乜呀，拎餐具就將d刀刀叉叉掉落張枱度俾客，簽完卡將支筆掉番俾客，d態度真係一絕，可以話衰過任何茶餐廳大排擋阿叔，但問題係你收得加一，俾d咁嘅服務，幾好食都假啦，希望老闆可以注意番，或者過年係咪俾唔夠開工利是，搞到d伙記咁。。。

情侶去食飯點可以咁求其，所以都選擇左一間浪漫情調而又多人讚好的餐廳。個個人都讚好這裏的黑松露比薩，當然我們亦會一試。黑松露菌醬意式馬斯卡普芝士夾心Pizza$108-六吋一開始已經好貼心地切開幾份，食客能夠保持西餐的禮儀。表面有一些芝士粉，裏面有很香濃的黑松露，旁邊也有一些特別清新的小沙律以及提子醋，使用了新鮮提子打造，當然亦有秘方不是直接碎提子。如果什麼都不添加的話就是黑松露濃郁的香味和比較豐盛的質感；添加了提子頓時變得清新，是兩種截然不同的感覺，加埋沙律就更加清新。法式焗紐西蘭金獅魚配西西里番茄汁$188我哋選擇了配搭意大利粉，意大利粉冇咩特別，份量適中，加上有西西里番茄汁更加清新。金獅魚的份量剛好而且比較軟熟，表面有啲炸蒜茸，和脆餅增加口感，魚柳完全冇骨。亦有一些蔬菜配搭增加健康感覺。12安士美國頂級肉眼扒＄338選擇了蒜蓉汁我們點了廚師推介之中最貴的一個肉眼扒，果然有返咁上下質素，切開之後肉質剛剛好是五成熟左右。蒜蓉汁另上，其實可以叫店員給海鹽，令整體更加有鮮味而且吃到原汁原味。果然有牛香味，而且質感亦鮮嫩多汁。分別加了1.5oz鵝肝，每份＄48煮得剛剛好，沒有過火的問題，中間

在大角咀區，遇上不一般的餐廳。外表只是一般的西餐廳，進入餐廳後的觀感也算有情調，因我在晚上6時多已到達，餐廳也不是很多人，而7時後，食客也陸續進來，真的有客似雲来的感覺，好彩有book定位，否則7時後goshow的客人，最小等半至一小時才能進入。open rice內高度推薦的黑松露pizza，果然名不虛傳，其實似香脆的麵包多士配以味道獨特的松露和芝士，入口感覺非常特別，但相對份量較小，只可當餐前小吃。我們亦點了set dinner,餐湯是蕃茄雜菜湯,味濃，但伴湯齊上的蒜蓉包就一般般。燒春雞和西冷扒也是中上質素。甜品是疏乎里。所有食物上碟的賣相和質素也有高級西餐廳的風範。整體的質素來說，相對價錢就非常超值。

大角咀 - 一個與世隔絕既小社區 即使近十幾廿年有奧運站所覆蓋 但始終比較少人去除左我住得比較近 可以閒時走走 夏天有室內泳池 冬天可以去食下野打邊爐不過大角咀未來都會有大改變 舊樓多 不斷重建開發新型樓宇 改建工廈為不同形式的商廈 而且小店食肆都紛紛入駐而多年來都有一定客人幫襯 都可以數金船長莫熟食左好多年 真係食極都保持到質數五頻六色 吸引非常的餐牌由早到晚 一次過列出 無花無假入內仲有自家畫既MENU描繪環境舒適 坐得安心食得放心傾計都特別開心下午茶時間 緊係要食返個合理又全乎經濟原則既茶餐啦唔雖要AFTERNOON TEA我只要QUALITY TEA就夠喇 所以我行多幾步都要過黎呢到!!!!!!點左個香蒜茸欖油蜆肉意粉 $36炒既意粉 極度乾身 一條條意粉好分明 証明油量控制好食落係Al Dente 岩岩好 外層唔會太乾 食得出既橄欖油味度而且每一條麵都唔會斷開晒 長長的保留得到蜆肉份量唔少 絕不偷功減料 肉質彈牙 無沙石 蒜茸香口同意粉蜆肉炒埋好夾 唔會太多令個麵同配料過份蒜味惹味又夠熱 下午茶份量剛好 唔會影響到晚飯胃口即磨咖啡 跟餐+$8啡味香濃 即磨始終都即溶大分別香味

最近朋友介紹有間唔錯既西餐，仲話有個黑松露pizza要必食！有得試新野，梗係即刻要拉埋男友去試下啦！慎防太多人要等位，一早book好位，由於係平日，都唔算好多人，準時可以入座！餐廳環境都唔錯，每位員工都面帶笑容，好有禮貌，值得表揚我地每人點左一杯野飲，左邊既係檸檬什飲，味道幾好，唔會太甜或太酸。右邊既係薄荷浮冰，幾特別！餐湯，忌廉湯+蒜蓉包法式焗田螺，蒜蓉包夾住田螺食一流必試黑松露pizza！有別於一般pizza，有少少似鬆餅，中間夾住厚厚既黑松露醬，外層鬆軟，入口已經係濃濃黑松露味，店員落單既時候都有特別提到呢個黑松露pizza係餐廳必點，而且仲攞左獎tim，果然好好味呀另外一樣必試仲有肉眼扒，跟餐加$45就有件1.5oz既鵝肝，梗係要試埋啦牛扒三成熟，肉質鮮嫩亦都好有牛味，鵝肝夠份量，入口即溶最後梗係唔少得甜品啦，呢個係薑味既梳乎厘，好鬆軟，薑味唔會太重，味道啱啱好朱古力心太軟，好好味，必試推介好滿意既西餐，服務好，味道好，食物亦好精緻，下次都會再黎

好香呀！我一路追隨香氣，黎到大角咀呢個新地方為既就係一嘗黑松露PIZZA 首先，試左是日餐湯先蕃茄海鮮清湯個名有個清字，但味道相當濃郁蕃茄味明顯，一D都唔稀，亦試到點點海鮮鮮味 黑松露菌醬意式馬斯卡普芝士夾心比薩認真咁講，108食呢個SIZE既PIZZA係有點小貴，但食完發覺真係值呢個價，味道同風味完全唔同PIZZAHUT果種，真係唔好比PIZZA呢個字眼呃左唔止黑松露味濃、芝士既咸香都征服左我，外層脆脆，入面係黑松露醬口感同味道都好好凱撒沙律，PIZZA味道比較濃，食返沙律清淡下口腔沙律菜爽脆，色澤光亮，係新鮮，但黑松露同芝士仲有餘韻縈迴口腔種感覺就好似食完榴槤咁

實在太掛住個黑松露pizza la 所以揀左同朋友去大角咀食飯主角黑松露芝士pizza 其實我覺得似批多過似pizza 最上層係好香既芝士，芝士係似菠蘿包個種皮，好香酥，但又唔會搶左黑松露既味道黑松露同芝士味好夾，互相襯托有三種食法：1.直接食，感受最原始既黑松露同芝士味2.加提子醋，提子醋酸酸甜甜好refreshing !3.加有機菜同提子醋，加左脆口既脆菜之後口感變得豐富！我就鐘意三種食法都輪住食啦，咁食唔會好膩，又有新鮮既感覺叫左個西冷牛扒，牛扒足料，而且高質牛扒唔會鞋，肉味香濃，外層煎得好香，入面就剛好六成熟，鮮嫩多汁！配菜既薯泥唔算好滑，不過芝士味香濃，好有飽足感。蔬菜厚身而且新鮮多汁心太軟配雪糕流心朱古力醬配雪糕好正！餐湯係魚湯，好清甜，而且有好多蔬菜同魚肉粒

Ever since I saw photos of this special pizza I have always wanted to try it.This restaurant used to be in a difficult location near elements so I couldn't be bothered to go but now they are in Tai Kok Tsui which makes it slightly easier and the fact that they are still around means the food can't be too bad.So the first thing I ordered when I got there was the award winning pizza and a pasta.The pasta was really good because you get to choose the sauce, ingredients and type of pasta.When the pi

開完會，落去食個靚晚餐。呢間以船為背景既餐廳真係好有feel。入去燈光調得好好，好有係船既氣氛。牆上見到黑松露披薩既食法，即刻叫個黑松露披薩食。入口鬆脆，仲有少少熱，好好味。味道配搭到好好，好鍾意黑松露同提子醋個配搭，天衣無縫！加埋菜係披薩入邊，口感好有層次感。3種食法，齋食，配提子醋，配菜食。3種都有唔同口感。高質，只可以講一定要食。叫左個雜菌汁豬肋骨套餐黎食。豬肉整得香脆，但又唔會太老。入口，豬肉同香料既味道出曬黎，好足料夠味。唔配醬汁齋食豬肉已經好好味。叫左個鵝肝，鵝肝煎得好滑，厚身香滑，切一切開，肥美既油漏出黎，入口即融，幸福既！牛尾湯配蒜蓉包。蒜蓉包點一點牛尾湯，個味道好香，口感脆。牛尾湯好有牛肉味，湯質感唔會太濃，唔會太忌廉feel，咁樣反而冇咁重口味。呢個奧運隱世餐廳，正呀！

大角咀的金船長餐廳 – 我早已聽過它的大名，一兩年前亦來過一次，感覺不俗，這晚反正來到奧海城，便走五分鐘過去這間餐廳吃頓晚飯。餐廳的裝潢一般，反正就是普通西餐廳的感覺，但整體算是舒適，燈光偏暗，靜靜的，也蠻有氣氛。食物選擇尚算多元化，價錢亦感合理，SET DINNER的選擇也不缺。餐廳極力推介這個得獎PIZZA，還誇下海口說，這個肯定滿意，必定要試。PIZZA新鮮焗起，滲透著非常濃烈的黑松露香，必須趁熱食，亦有芝士夾心，形成外脆內軟的感覺，整體非常CREAMY。最特別的是伴隨在碟上的提子汁，非常香甜，味道與黑松露PIZZA極為搭配，為其生色不少! 絕對是推介之選!西冷牛扒七成熟，火候掌控得不錯。以鹽和黑椒調味，餘下的便是肉香。質素算是及格，唯一的comment是肉質不及嫩滑。本想吃豬鞍，但今晚的餐牌稍稍轉成了這日本豬肋排。如果有吃過西餐廳的燒豬腩排的話，相信會很有picture。豬肋排皮脆肉嫩，相信是很多人追求的感覺，但對我來說，若豬皮嫩滑的話，更有質感，但只是個人口味。忌廉什菌汁不會太搶，能襯托肉味的鮮香，不錯。

今次係第二次黎食，見新一年決定食餐好的！真係好掛住黑松露薄餅，有三種食法，可以就咁食/點提子醋/加豆苗點提子醋。個人最中意最後個食法，口感豐富啲！真係抵佢得獎，黑松露同芝士融為一體，個餅皮好香，食完唔會漏，必食之選。肉眼牛排，5成熟，好大塊好厚身，侍應細心地提供海鹽調味，幾juicy,但個人略厭肥左啲，同埋好難切，應該唔好叫咁熟會好味啲，薯蓉係食過最好食的薯容，因為入面仲有薯仔粒，好正。另外加左$48鵝肝，外層薄脆，煎得好出色！豬鞍，又係好厚身，份量好多，肉質好嫩，煎到個皮岩岩好，媽咪話好中意食！意粉就算唔配汁都唔會乾身👍🏼兩杯雜飲（檸檬同橙），七喜梳打加以調配。薑味梳乎厘，估唔到係咁高咁大個，綿綿的質感配薑味，外皮有口感，好食唔會濟。心太軟配雲呢拿雪糕，相信世界上無唔好食的心太軟哈哈。整體而言，好滿意是次用餐，食物質素好高，賣相不錯，服務仲要好好，不時加水，仲好有禮貌好健談，又會介紹主食，幫左選擇困難症的我不少。