金記冰室 (八號花園) (已結業)

出街帶住小朋友食嘢，成日都想搵一個地方有齊晒大人小朋友都啱嘅食物，今日經過大埔見到今期有超抵嘅兒童餐，＄50 咋🤩🤩🤩依家出去求其食一個兒童餐最少都70-80仲要冇乜嘢食，呢個套餐滿足晒小朋友嘅願望，真係超抵我哋兩個大人就叫咗鐵板餐，鐵板海陸空＆鐵板美式集扒我鍾意佢個鐵板係燒到好熱咁樣上枱，加上分量十足，雞翼超級脆，雜扒全部都好入味，我哋兩個人都食得好飽就算幾飽都有一個胃係可以放甜品🍮我哋叫咗個金粒西多配雪糕，夜麻麻都食到西多士～正

1）早晨全餐薯餅有益味，麵包用甜包做多士，味道怪怪， 香腸用滾水煮熟無味2)餐蛋麵，雞蛋用半蛋比較吝嗇，餐肉無味3) 啡走，永遠已經落左普通奶，但無甜味，要另外再叫加煉奶

連續放4日假，喺屋企吽到悶悶哋就落咗去食個下午茶。金記喺大埔開咗一段時間但我都冇乜機會嚟，今日就貪佢近近哋，menu又多嘢揀，就試一試。餐廳用咗QR code落單system，個人幾鍾意呢種落餐方式，唔駛等侍應行過嚟，唔會等極都冇人嚟丫嘛嗌咗一個XO醬海鮮炒烏冬，加羅宋湯同無冰奶茶，落完冇幾耐湯同奶茶就上枱。羅宋湯都幾多料，味道偏酸，都幾開胃。奶茶好飲！奶嘅比例比茶多少少，飲落淡奶味較重，好滑，味道好啱我口味，加上佢係無冰，飲到最後都仲係好濃滑，呢個雖然貴少少但一定要嗌！炒烏冬上枱時出哂煙，調味唔錯，XO醬俾得唔會太姑寒，食到有蝦米，海鮮有蝦、蜆、魷魚，份量都ok，當中大粒嘅蝦較少，細細粒嘅蜆較多，因為烏冬比較粗，海鮮太細粒會覺得冇乜存在感，相信如果蝦多啲會俾人感覺足料啲。食完烏冬個肚仲有quota，就追加多個炸雞翼同西多配雪糕。炸雞翼外皮金黃香脆，肉質保持到嫩滑，但個人喜好重口味，覺得稍為淡口咗啲啲，如果醃得耐少少會更好。西多士配雪糕上枱賣相唔錯，多士炸得金黃，食落唔會油淋淋，亦冇油益味，配埋雲尼拿雪糕一凍一熱好啱夏天，只係如果蛋味再香啲會更好。兩個女仔食飽飽，飽到夜晚果餐都慳返，都

今日端午節，我就喺外賣app嗰度order咗一個咖喱牛腩飯單嘅外賣。點知送到黎一打開放白飯嘅外賣盒，就見到白飯裏面夾雜左包裝廢紙！雖然我心知不妙，但由於太肚餓嘅關係，只係將包裝廢紙撥走之後進食… …所以我想請問吓餐廳嘅負責人，點解可以任由員工將廢棄嘅垃圾包裝連同白飯一併裝入去外賣盒上？再加上現時疫症橫行，唔係應該更注重衛生令食客食得放心咩？貴公司嘅衛生情況令人堪憂！今日本應該係普天同慶嘅日子，但因為呢件事情令到就算係難得嘅假日心情都欠佳，依家進食後仲要擔心會否上吐下瀉！本人並唔係諸多挑剔而係認為一間餐廳確保食物安全嘅質素應該放喺第一位！

由於好想搵返好食既干炒牛河，所以基本上如果間茶餐廳有干炒牛河既，都會試。今日係大埔中心路過見到金牌冰室，見餐牌寫住金牌干炒牛河，咁就梗係試下啦！結果...味道同牛肉份量係好及足夠既，但成個粉係凍既，包括牛肉，最大鑊牛肉係乾既。雖然凍檸茶好飲，但都補唔返。凍飲加$3，盛惠$53。你話好貴，又未至於，但下次會否再幫襯又真心要考慮，始終附近真係好多食店選擇。

今次隨心去一間餐廳，點知好有驚喜環境舒服，以懷舊火車做主題，有特色！驚喜推介：1. 西多粒配雪糕一口西多加上一口雪糕勁好食！份量啱啱好2. 無冰奶茶又滑又夠茶味茶和奶的比例啱啱好另外，其他主食都好好食！3. 口水雞又香又麻辣！送白飯一流呀！4. 西蘭花炒蝦仁蝦肉彈牙，而且蝦嘅Size都大件5. 鐵板餐：雞扒+吉列魚配薯菜炸物不會太油，香口！雞扒大件，抵食！仲包飲品同湯！套餐有中湯西湯揀今次我揀左中湯，味道有住家的味道！

今日同女朋友遠征大埔由於我好少嚟大埔啊我都唔係好識路呀講真跟住女朋友就帶咗去大埔中心行喇最後我哋嚟到呢間叫金記冰室食個Tea餐肉蛋公仔麵$31茶餐廳嘅款式餐肉蛋公仔麵啲午餐肉都幾厚嘅佢切得冇乜特別嘅 普通一個茶記餐蛋麵深海吉列魚柳沙律$38個名勁啊深海魚柳啊呢個一個好普通嘅吉列魚柳我覺得個餐蛋麵個感覺好似抵食啲飲咗一啖熱奶茶一杯凍檸茶天氣開始熱啊飲番杯凍檸茶都幾爽兩個食個下午茶餐$72唔算叫做不過不失啦茶記嘅下午茶

呢排天氣日日30幾度，熱到人都癲，煮飯意慾直線下降唔好話煮飯，煮個麵都唔想所以對自己好d，搵間平靚正既出街食算數，不用買不用煮不用洗我地就食開金記冰室，貪佢夠方便，K車總站一落就見到，地方寬敞，冷氣夠，坐得舒服呢道晚市有個二人餐好抵食，兩個小菜兩個飯兩杯飲品兩個湯先$148，4人4餸就$288，份量多上枱快味道好，絕對係懶人恩物，分分鐘平過自己煮粉葛湯好夠味，飲完唔會好口乾椒鹽豬扒豬扒夠淋，有鑊氣夠入味茄子魚柳煲超級多魚柳，魚柳比茄子更多魚柳幾滑，皮唔厚適中；茄子入味夠淋，個味唔錯，重有咸魚粒同肉粒咕嚕肉酸酸甜甜，好開胃，份量好多！蒜香南乳炸雞好香蒜味及南乳味，略嫌雞比較乾身$300有找舒舒服服食飽飽

同家人諗緊晚餐食乜好，妹妹就提議去樓下的金記冰室食，聽朋友講話幾好食，就去試吓佢嘅晚餐。佢嘅自選二人小菜餐好抵食，價錢只係$148，包括有兩款小菜、老火湯、白飯及飲品，而且小菜仲有八款選擇，當中的欖菜肉鬆四季豆及韭黃叉燒炒滑蛋就啱晒我哋口味。當中韭黃叉燒炒滑蛋的叉燒大大塊，而且好足料，炒蛋炒得好香滑，仲好大碟，我哋四個人食份量好足夠。欖菜肉鬆四季豆炒得好香好入味，而且味道很新鮮，仲有好多欖菜及肉碎，簡直撈飯一流。仿鮑魚絲火腿通粉呢個套餐好豐富，當中包括炒蛋及金油脆豬，配以凍檸茶夠晒飽肚，鮑魚絲及火腿份量好多，湯底又夠濃郁，加上香脆可口的金油脆豬好滋味。今日的精選晚餐C - XO醬翠玉瓜炒蝦球很吸引，蝦球好大隻，仲可以揀選多汁，少少辣好滋味，配埋羅宋湯就飽肚晒。同樣地我哋都好鍾意飲呢度嘅凍檸茶，好濃郁啊。四個人食足夠有餘，每人平均消費大約$80，真係好抵食！

一向都有幫襯開金記冰室因為佢嘅食物質素高而且美食多選擇今次同埋兩個朋友一齊去嘆個下午茶🫖呢個下午茶就夠晒豐富啦喜歡點餐形式係掃QR code落單可以減少人與人之間的接觸減低傳染病菌病毒的機會首先Order了涼拌小食-口水豆腐長方形一整件豆腐配以麻辣的醬汁、花生及蔥花等好惹味吖金記三文治🥪仲可以飛邊走麵包皮即叫即整新鮮熱辣而且餡料仲好色彩繽紛當中包括有餐肉、雞蛋、芝士、火腿、蕃茄及雜菜等一啖咬落去有幾重口感食得好滋味當然唔少得配返杯凍冰冰嘅凍檸茶茶味香醇又夠晒濃郁而且甜度適中好快就飲晒精選晚餐有四款選擇當中包括白飯及老火湯一碗仲送檀島咖啡或香滑奶茶隨即朋友點了惹味鹹酸菜炒豬肚夠晒大碟好足料又豐富豬肚炒得好入味又有鑊氣配以少少香辣嘅汁一齊撈飯食簡直就一流呀還有XO醬豬扒炒烏冬同樣地炒得非常入味最後食咗咁多嘢埋單都只係$300有找食物質素依然都係咁有水準一定會繼續encore食

呢間冰室都算多選擇，我想食中式小菜、但老公想食西式鐵板扒餐，一間冰室齊晒，唔駛煩，YEAH~!仲可以用QR Code落單，方便！今晚食咗自選二人小菜餐 + 鐵板美式什扒配薯菜 + 仲食埋甜品~金粒西多配雪糕 自選二人小菜餐 $1482小菜 + 2白飯 + 2 例湯XO醬蝦球炒西蘭花：蝦肉彈牙惹味新鮮菠蘿咕嚕肉：冰室來講，咕嚕肉算做得不錯，唔厚粉，都啖啖肉鐵板美式什扒配薯菜 $98好豐盛，有雞扒，牛扒，豬扒，腸仔，煙肉，無咩鬆肉粉味，每塊份量都唔細，最開心係有波浪薯條，不過誤會咗個app嘅選擇，選咗碟上，原先係可以鐵板上金粒西多配雪糕 $40外脆內淋，配雪糕令件事不會太滯雪山菠蘿冰 (餐飲+$10)菠蘿配七喜，中和咗汽水的甜，幾夾熱利賓納 (餐飲Free)可以選擇濃D，有這個選擇不錯例湯都好足料3人份量：共 $296餐牌:

又到左晚飯時間，隨心咁入咗去呢一間港式餐廳。餐廳的內部裝修不錯，中西合璧，好舒服😌餐牌菜式選擇種類好多，有茶餐廳菜式，大排檔菜式，到西餐菜式，全部一應俱全，包羅萬有。真係花多眼亂，但我同朋友最終都揀咗幾款唔同嘅菜：「金銀蛋肉碎浸時蔬」皮蛋配上白菜，湯底夠味之餘可以食到菜嘅鮮味，清清腸胃。「椒鹽豬扒」椒鹽味非常濃，食落去非常香口！「魚香茄子魚柳煲」非常足料，炸魚塊嘅數量好多，茄子都好入味，如果炸粉可以落少啲就更好啦「鐵板西冷牛扒」牛扒非常大塊，食落去肉質亦都好好，不過就有啲根，同埋有少少粉味，但整體感覺唔錯最尾叫咗杯熱朱古力飲，就當係今晚嘅總結啦，但今餐食得太Heavy啦，要做多啲運動

咖啡好正, 有時要排隊。不過睇你係咪趕時間，如果唔趕時間可以去附近行下，佢d咖啡有水準，我次次都飲凍咖啡，d餐就正常啦。不過佢侍應好怪架，成日行黎行去，但係冇咩人真係做野。

金記冰室係我哋其中一間好鍾意嘅茶餐廳，食過幾次食物有質素又好食。上次去market place ，先知原來大埔八號花園附近都有間金記，以後就可以經常都食到。呢度嘅裝修係以懷舊古典風為主題，有70，80年代嘅感覺，而且非常整潔。呢度有好多唔同食物可以揀，除咗冰室一般有嘅食物，亦有小炒，我哋今日點了三個小菜，加$15 可以轉套餐，有白飯，餐湯及飲品。呢度係掃QR code點餐，落單後，秒速已上例湯，非常有效率！XO醬蝦球炒西蘭花$68可以揀大中小辣，我哋點左小辣，西蘭花炒得好有鑊氣，XO醬令到整體味道更加豐富，有少少鹹香嘅瑤柱蝦乾味，蝦球非常爽口彈牙，而且非常肥美又大隻。魚香茄子魚柳煲$68呢度嘅魚香茄子煲，竟然係魚柳多過茄子，魚柳份量多，整體味道好香口，茄子又淋又惹味，魚柳炸得亦唔錯，肉質亦夠滑嫩。四川重慶口水雞 （半隻）$118好鍾意呢度嘅口水雞，有少少微溫，食落唔會凍冰冰，衛生又好食，上面鋪滿花生碎及口水雞醬，非常香口，雞肉嫩滑啖啖肉，就算係雞胸位置都好好食，麻麻辣辣味道好開胃。紅豆冰 （左）另加$13上次飲過呢度嘅紅豆冰，真係好好飲，雖然要加$13，不過真係物超所值，搵唔到另一間餐

真冤枉，本身已經買了餸，但是想到由於不太肚餓，妻子在廚房冰冷的煮食好像比較浪費心機🤔倒不如求其叫個外賣，想不到，看到這個金記茶餐廳的二人晚餐，以為普普通通，豈料原來份量相當多。焗鮮茄豬扒飯，本身那個外賣盒都已經比大快活大家樂的大得多，飯又炒底，上面一塊厚切豬扒，夠厚身，即是切開來也不見得太過乾，中間的質地都算是不錯，不算太過乾瘦如柴。而咖哩雞扒就更加出色，咖哩汁多，一個大碗載滿咖哩汁，那不是死辣或是港式咖喱，亦都不像日式甜味咖哩，像馬來西亞椰香式，加上少許椰汁，因此有點兒香，兩大塊厚煎雞扒，雞皮夠脆好香，中間都肉汁極多，是意想不到那麼正點的咖喱雞扒飯。送的時菜是菜心，煮得比較軟林。而外賣飲料，杯子都相當特別，連同外賣膠袋的設計，都非常懷舊，但又不會太過造作即使我把鴛鴦雪凍了然之後第二日再返熱，鴛鴦味道都不錯，兩種味道不會太搶。