更多
2021-04-25
581 浏览
唔知幾耐冇食茶記了, 今日上開數碼港順便食埋飯先走, 數碼港選擇唔多, 今晚EARLY DINNER搵咗間茶記解決......金記冰室。一般茶記裝修, 不過就高樓底及很光猛整潔。Tea set 巧抵5:00PM除咗tea set, 仲可以食海南雞套餐、乾炒牛河及鐵板扒等等茶記流行食物, 今日好想鋸扒, 有朋友曾經同我講.....你都傻傻地, 喺茶記/快餐店鋸扒, 邊會好食㗎, 其實我想食牛, 又真系會去快餐店/茶記的, 下下去扒房幾百蚊落樓唔掂呀, e度鐵板西冷牛扒 $108 己包餐湯+飲品了。奶茶 奶茶用高身特厚杯盛載, 存熱很好, 奶茶茶味夠香濃, 如果再滑口啲就更好。很有禮貌的奶茶, 看吧會讓人回心微笑。餐湯 ~ 章魚節瓜豬骨湯餐湯黎講算有誠意, 飲落絕對唔係清清的味精水, 有節瓜紅蘿蔔的清甜及豬骨的肉香, 唔鹹嗰下先正。鐵板西冷牛扒餐所有鐵板餐可以選擇配意粉、飯或薯菜, 今日選擇薯菜, 有西蘭花、炸薯條、粟米、蕃茄仔及洋蔥絲。大大塊兼厚度十足的西冷扒, 煎得焦香放上鐵板配黑椒汁上枱。牛扒煎得好香, 切開有少許肉汁, 食到牛肉味, 冇用梳打搞到件西冷扒不似牛味, 瘦肉帶少許肥肉
一般茶記裝修, 不過就高樓底及很光猛整潔。
Tea set 巧抵
5:00PM除咗tea set, 仲可以食海南雞套餐、乾炒牛河及鐵板扒等等茶記流行食物, 今日好想鋸扒, 有朋友曾經同我講.....你都傻傻地, 喺茶記/快餐店鋸扒, 邊會好食㗎, 其實我想食牛, 又真系會去快餐店/茶記的, 下下去扒房幾百蚊落樓唔掂呀, e度鐵板西冷牛扒 $108 己包餐湯+飲品了。
奶茶
奶茶用高身特厚杯盛載, 存熱很好, 奶茶茶味夠香濃, 如果再滑口啲就更好。
很有禮貌的奶茶, 看吧會讓人回心微笑。
餐湯 ~ 章魚節瓜豬骨湯
餐湯黎講算有誠意, 飲落絕對唔係清清的味精水, 有節瓜紅蘿蔔的清甜及豬骨的肉香, 唔鹹嗰下先正。
鐵板西冷牛扒餐
所有鐵板餐可以選擇配意粉、飯或薯菜, 今日選擇薯菜, 有西蘭花、炸薯條、粟米、蕃茄仔及洋蔥絲。
大大塊兼厚度十足的西冷扒, 煎得焦香放上鐵板配黑椒汁上枱。
牛扒煎得好香, 切開有少許肉汁, 食到牛肉味, 冇用梳打搞到件西冷扒不似牛味, 瘦肉帶少許肥肉很香口, 呢件西冷扒尚可, 對得起$108 set dinner 呢個價錢。
惹味黑椒汁
法蘭西多士 ($35)
嘩! 好鬼邪惡, 但又好鬼吸引我對眼喎, 正呀。
將整件牛油放上剛炸好熱辣辣的西多士, 件牛油很快就完全用掉了, 再淋上糖漿, 嘩! 入口香、甜及鬆軟, 真係作死囉。
西多士中間塗上的花生醬系粗粒花生醬, 內有粒粒花生碎, 好香口, 難怪西多士配熱奶茶成為香港人下午茶不敗之選, 實在太好味了。
张贴