金記冰室 (數碼港商場)

营业中

休息中

Happy Friday, 趁放假時間，入數碼港海濱公園周圍行下，可惜天氣時晴時雨，不過無阻我心情，一於搭巴士入數碼港影下相，睇下戲。我喺數碼港海濱公園行一陣，天氣忽然落一陣過雲雨，所以嚟到數碼港商場避雨時，發現有間茶記叫（金記冰室），唔太肚餓關係叫咗下午茶，係雞脾沙律同香滑熱奶茶。雞脾啖啖肉，而且而家很少機會食到炸雞脾，炸得好香脆而且仲有雞脾仲有胡椒鹽，味道唔錯。至於伴碟沙律一般般，如果有新鮮生菜同蘋果作為沙律應該唔錯。每次下午茶都會叫我最喜歡香滑奶茶，很有茶記味道，茶同奶好啱我口味。雞脾沙律👍雞脾沙律，菜心，香滑奶茶綠茶紅荳冰約左朋友，朋友仲未到，趁仲有時間，叫左杯綠茶紅荳冰，紅荳好沙同埋好淋，綠茶同紅荳好夾，加埋花奶，味道唔錯。金記門口金記冰室店內裝修風格時尚細心位，每張枱底放左餐具同調味料，十分方便用手機自行do二維碼落單，如果無機都可以叫店員幫手落單店內座位好寬敞，而且座位有分隔，不會坐得太密。下次有朋友嚟數碼港chill 下，會叫朋友嚟金記冰室食下嘢chill下，而且坐得舒服。

呢間冰室好與時並進，已經改用QR code自動落單🤩，當然如果想揾侍應order都可以，唔好以為叫得冰室就會貴啲，佢價格同普通茶餐廳一樣咁貼地🥰，係普通晚飯嘅好選擇。 又四分一位置都係卡位，有梳化凳坐得好舒服，坐位又寬敞舒適😁所有餐具和調味料都一應俱全，收埋喺枱下面嘅櫃桶👍🏻 由於太耐無食過炸雞髀，所以特登叫做一隻嚟試下，顏色炸得好金黃，外皮炸得香脆可口，炸得好乾身，一啲油膩感都冇👍🏻，火喉剛好，雞脾肉好嫩滑，質素非常高，仲包埋野飲都只係35蚊咋。 另外仲叫咗個 蘋果豬扒鐵板套餐，包一杯熱飲，蘋果切面非常香甜，仲加入咗少少肉桂粉去調味，保留少少爽脆口感😋豬扒肉嫩多汁，仲幾大塊添，旁邊更有炸薯條、西蘭花和蕃茄仔做薯菜，健康得來又唔怕唔夠飽😇

黎數碼港當然係為左睇戲喇！不過可以選擇嘅餐廳唔算好多！好彩都有呢間連鎖冰室食物質素有返咁上下㗎！啲麵包係現場即做的估唔到假日都咁多人呢度可以用電子落單，口味可以自己選擇塊多士選擇左燶啲燶少少更岩我口味羅宋湯通粉嘩份量非常之多！好似食極都仲有～羅宋湯酸味岩岩好，仲有啲辣辣地好開胃！通粉無坑紋的，係我鍾意食嘅通粉酸甜左宗棠雞呢碟雞一黎到嘅時候，朋友已經話食唔哂，叫我食啲，點知最後佢自己KO哂味道酸酸甜甜辣辣，多種味覺集於一身，但味道出奇地好夾好好味送飯一流！熱朱古力要左煉奶，味道甜左啲，無咩朱古力味！所以下次唔好加煉奶

炎炎夏日，最好離開市區，今日就去咗數碼港玩，臨走之前就去咗金記食晚餐。金記間間餐廳質素都保持到水準，而且價錢又唔貴，所以喺冇乜嘢食嘅數碼港絕對係 一個好選擇。我同朋友一人叫咗一個晚餐，分別係煎封黃花魚同四川重慶口水雞。餐廳用QR code落單，感覺方便而且一目了然。晚餐每人都有一個老火湯，嘢食未嚟之前可以開一開胃食住先。黃花魚煎得非常之香脆，甚至魚尾都可以食得，同時魚肉就仍然鮮嫩軟熟，亦都唔會太乾。口水雞有冇想像中咁辣，啱啱好刺激到味蕾又醒胃，適合鍾意食辣但係又唔敢食太辣嘅朋友。我哋另外叫咗碟菜心，非常鮮嫩翠綠。飲品方面我哋叫咗佢哋出名嘅冰鎮奶茶，茶味好濃，非常醒神。朋友就叫咗杯檸檬茶。

今日去數碼港行吓街，嚟到金記冰室食埋個晚餐先！叫咗個二人餐，有好多款不同的小菜可以選擇。我哋叫咗個西蘭花炒蝦球，小店的鑊氣十足，蝦球的蝦肉好彈牙好新鮮，西蘭花吸入了醬汁，送飯食係一流，份量都算多！新鮮咕嚕肉炒菠蘿，是金記推介，用上新鮮的菠蘿肉，食落去好清甜爽口，是解薯之選。咕嚕汁都好酸甜，加上新鮮菠蘿，也是送飯一流。咕嚕肉都好彈牙，炸得香口，脆卜卜，好正！再加了個沙薑雞例牌，雞肉香滑彈牙，沙薑汁又好鹹香，好食。少有做得雞肉都甘入味最後加上冰鎮奶茶，茶底香濃，奶味好滑，一流！呢個係金記必飲！

金記餐廳歷史悠久，不過近年被財團收購了，迅速快展至多區都會看到有其分店。今晚便來到位於數碼港的分店一試。鐵板西冷牛扒$108，黑椒汁味道濃郁，將醬汁淋上西冷牛扒上，會發出吱吱聲和很濃的香氣，這個便是港式西餐鐵板的特色。西冷牛扒烹煮得剛好五成熟，外表已經烹煮得很香，內裏保持肉汁豐富，牛肉味道十足，加上黑椒汁的香味，變成了一道地道的西餐美食。黑牛跟餐加$10，黑牛就是可樂加朱古力雪糕，攪勻之後就會起了很多泡沫，好玩又好味，不過要小心不要太快，因為雪糕和可樂混合之後，會產生大量泡沫，這個兒時是很少機會喝到。鐵板香煎雞扒拼吉列魚柳$92，蒜蓉汁味道十足，雞扒和魚柳的外表煎得很香脆，內裏肉汁保持得不錯，加上蒜蓉汁，兩者很快便被迅速消滅了。雪糕紅豆冰跟餐加$10，紅豆煮得很軟熟，混合雪糕和花奶之後，味道更佳，這個飲品帶着濃厚的兒時回憶。金銀蛋肉碎浸時蔬$74，鹹蛋和皮蛋的味道，令到普普通通的一道蔬菜，變得不一樣。今時今日吃飯時候，記得吃蔬菜就是一個健康的選擇。　羅宋湯的蕃茄味道香濃，酸甜味道濃郁，以一個餐湯來說，算是不錯了。

假日同屋企人去了數碼港拍照，拍完後已入黑了。於是在數碼港商場內的金記餐廳食晚飯，可能是6點鐘剛開始晚飯的時段，店內客人也不算多。我們坐的位置冷氣機有些問題，店員也十分殷勤地幫助我們換了位置呢。用手機掃QR code 點餐十分方便，食物種類繁多令人眼花撩亂，最終我們order了鐵板牛扒餐、魚香茄子魚柳煲、焗芝士鴛鴦扒飯、菜心。鐵板牛扒餐十分足料，牛扒大大件肉質嫩滑，薯條份量滿瀉炸得很香脆，配菜西蘭花及粟米也很新鮮，可中和油膩感。魚香茄子魚柳煲是送飯的好幫手，咸咸香香的，令人想再吃多一碗白飯。加埋翠綠的油菜真是食指大動～焗芝士鴛鴦扒飯，雞扒配茄汁甜甜酸酸的十分醒胃，另一方面嫩滑魚柳配上芝士味濃郁，叫這個飯真是一次便可滿足4個願望。最後，飲品order了凍奶茶和雪山菠蘿冰，菠蘿冰加雪糕有驚喜，甜度適中夏天飲這飲品很消暑解渴。另外，職員每看到我們吃完了的吉碟，都會快速地主動幫忙收拾👍值得一讚。

今日去貝沙灣探朋友，就去到數碼港嘅金記解決晚餐，位於數碼港商場地下，環境清幽。首先叫咗個黑松露翠玉瓜炒蝦球，配白飯同埋例湯嘅。首先我係俾黑松露三個字吸引咗，而我一啲都冇失望，因為黑松露香味撲鼻。翠玉瓜爽口，好多大大隻嘅蝦球，而且仲有唔少蘑菇。我會話係一個低卡路里，健康，但係不失色香味嘅一個選擇。再叫咗個無骨海南雞套餐，亦都有中湯同埋油飯。係一個質素唔錯嘅海南雞飯，雞肉嫩滑，屬於白肉嘅雞肉，亦都係一個比較健康嘅選擇。套餐亦提供花生，姜戎，同埋豉油叼下味。再嚟一個我最鍾意嘅，每次去金記都會叫嘅咖喱牛脷意粉，咖喱味香濃，但係唔辣。牛脷啖啖肉，而薯仔亦都非常吸收咖喱嘅味道。因為想吸收多啲蛋白質，所以亦都叫咗個芙蓉蛋飯，非常多蛋，多蝦，亦都多火腿，足料亦足夠蛋白質。而飲品就係喺金記必叫嘅蛋白杏仁茶，滋潤又美顏。

A姐想睇嘅嗰套戲，原來就快落畫，應承咗同佢睇但又唔記得添，好彩仲有數碼港戲院呢個選擇！講真如果我哋唔係因為睇戲，都唔會特登走入嚟數碼港呢！嚟到夜晚嘅數碼港，餐廳選擇唔多，好彩仲有金記冰室，更真心覺得呢間金記嘅出品比其他金記更好味。炸雞髀配沙律雞脾大大隻，雞皮炸到乾身，所以食嘅時候，無咁大罪惡感。雞皮鹹香味十足，雞肉嫩滑；沙律入邊有薯仔、粟米、蘋果同桃等，沙律汁撈得均勻。夏天食沙律真係夠晒爽快。鹹魚雞粒炒飯A姐是日金句：「炒得好味嘅鹹魚雞粒炒飯真係好好味！」炒飯即叫即炒，炒得乾身，米飯粒粒分明，夠晒鑊氣。鹹魚雞粒炒飯嘅重點當然係鹹魚啦，鹹魚切得細粒，融入炒飯當中，所以每一啖飯都充滿住鹹魚嘅鹹香味，好惹味。XO醬蝦球炒西蘭花蝦球有成6大隻，新鮮彈牙；而西蘭花爽口，索晒XO醬嘅香辣味。魚香茄子斑塊煲撈飯之皇當然係魚香茄子啦！呢個煲份量超多，撈飯嘅重點當然係肉碎，肉碎勁多，撈飯食真係可以食兩個「靚仔」呀！斑塊份量同樣唔少，炸咗嘅班塊，外皮脆卜卜，魚肉嫩滑；至於茄子入晒味，好滿足。

天氣熱死辣辣，真係冇必要都唔好入廚房，一於落街解決晚餐。接近糧尾梗係要搵啲經濟實惠嘅地方，「金記冰室」係我哋嘅頭號選擇。拎起成本電話簿咁厚嘅餐牌，選擇令人眼花撩亂，三個人來揀二人套餐就唔使諗咁多。二人套餐 $168有齊老火湯、小炒兩味、餐飲等。小炒都有十幾廿款選擇，梗有一款啱胃口。今晚想食得健康啲，揀左兩款清清地嘅小菜XO醬蝦球炒西蘭花 、粟米深海魚柳店員先奉上老火湯「節瓜章魚煲排骨」入口就知冇味精，味道鮮甜，火喉足。「XO醬蝦球炒西蘭花」先試咗隻大蝦，口感爽脆彈牙；西蘭花翠綠爽口，加埋超惹味嘅XO醬，有鑊氣又好味。「粟米魚柳」雖然唔係即炸，但外皮仍然保持少許脆口，但略嫌炸粉厚身，粟米汁都稀咗少少。另外嗌多一個小菜「蜜桃中式牛柳」$88用上酸味味嘅醬汁和香甜蜜桃令人超開胃；洋蔥都吵到剛剛熟入口唔辣，牛柳肉質軟稔可口，酸甜汁令牛肉味更突出，送飯一流。三款小菜份量都夠多，唔使擔心食唔飽夏天就係要凍飲「凍檸賓」居然有五片檸檬咁多，所以飲落去酸味會比較突出,食完飯飲一杯，既幫助消化又解渴。

呢間金記，你去買外賣係👌嘅，但係堂食就……果日係食下午茶，餐廳人唔多，數埋都係大約十枱客，伙記有三四個，但冇一個人理你。叫咗好耐都冇人來，叫佢落單，佢話自助落單，問佢點落，佢叫我去門口收錢度攞張飛就有QRcode落！OK照做，到落單喇，網上落單嘅餐牌又同店面唔同，咪以為冇更新餐牌，照落啦，點知揀哂食物，但係落唔到單架，又再次去收銀問，佢話唔知喎，叫我喺度落，伙記話網上有嘅餐，佢哋呢間唔一定有，佢有包賣，但冇包餐，其他餐廳先有。我問佢呢個QRcode係咪呢間鋪，定係所有金記通用，佢繼續迷惘，乜嘢都話唔知！叫三個餐，我行來行去，最後都係攞住個餐牌同QRcode去搵收銀落單，咁樣叫自助落單咪同大家x果啲快餐店一樣？！全程啲伙記都時運高，一個客都睇唔到，唔理你架！食食吓野，見個阿姐喺附近枱refill餐具，砰砰鵬鵬好嘈，心諗唔知一陣係咪過嚟我張枱度。點知真係中咗，佢就喺度刀刀叉叉咗5分鐘，都唔知點解有咁多枱冇人又唔去做，係要過嚟，食緊嘢就嘈住我哋。最後，如果你想搵地方坐呢度一定好過麥記，因為你入去大把位坐兼冇人理你

鐵板美式什扒💲106包括 牛扒、豬扒、雞扒、腸仔、煙肉，配蒜蓉汁 和 薯菜更附送了中湯和餐飲，真係超抵的晚餐set， 牛扒和豬扒肉質一啲都唔鞋口，雞扒的雞皮甚至經過油炸，咬落好鬆脆而且肉汁豐富👍🏼，配菜的粟米仲好甜好多汁添😋。份量多到一個女仔食唔晒，cp值超高🤩。白汁粟米焗海鮮飯💲70有 煎魚柳、八爪魚、帶子仔、蜆肉白汁上更有一層焗到微微焦香的芝士，遮蓋著一份大魚柳，魚柳肉質嫩滑，八爪魚好彈牙，帶子和蜆肉都好有口感👍🏼，不但配料多，連飯都好足夠。.菜膽雞例牌💲72例牌嘅份量都有三分一隻雞，雞肉嫩滑有彈性，肥瘦均勻，選材非常好😋👍🏼，配有小白菜增添健康感覺。

難得平日有時間去到數碼港輕鬆下。見環境舒服比較少人，同朋友決定係到食埋飯先出番港島唔洗同人逼！門面乾淨入到去亦見餐廳光猛企理。用QR code落單都幾方便。餐牌幾多選擇，由每日精選至小菜、扒餐、焗類、咖哩都有。最後決定食豪d，相信用番依個價錢都好難係附近搵番依個性價比既餐廳！皮蛋芫荽魚片米線米線質感偏粗，同一眾連鎖店果款面質稍有不同，各花入各眼。芫荽味重，其餘口感清淡，適合健康人士選擇。焗芝士鴛鴦扒飯紅白2汁都味濃撈飯食一流，芝士量亦適中，配搭不俗！個人喜歡紅汁，而朋友岩岩好鐘意白汁，有哂2款唔洗煩！特別一提個飯底真係唔錯，有蛋香，粒粒分明 唔會糊口。龍利柳同雞扒味道同口感都幾好。相信依款應該係餐廳既招牌菜。金銀蛋肉碎浸時蔬份量足料。小白菜爽口、金蒜香口、豬肉有肥瘦位陸睇得出處理得宜，食材亦見新鮮。值得一試！飲品桂花蘋果，都有幾多蘋果肉谷咕，專登點左少奶 諗住冇咁甜，點知反而淡左d，下次唔好咁多手金粒西多配雪糕雖然已經食到好飽，但見依個甜品係menu 入面賣相幾好，又見天口熱決定再加！果然冇叫錯！多士香口配上雲呢拿雪糕配搭一絕，嗜甜者可再補埋糖漿。正！滿足！

今日咁岩同朋友來數碼港，見到個商場唔係好多餐廳，就揀左呢間茶餐廳。鮮茄濃汁焗豬扒飯好多茄汁，加上個底係蛋炒飯，個飯炒得干，唔會太濕，另外仲有大大件嘅豬扒，豬扒嫩，唔會太老。炸雞髀公仔麵炸雞脾係另上，雞髀大大件。炸到脆卜卜，另外仲有個公仔麵。仲有蛋同沙律。薑王雞很大份的薑王雞，肉質鮮嫩，特別係雞脾位置。醬汁很多，最適合送飯。XO醬美果蝦球炒西蘭花材料有西蘭花，鮮蝦，椒，蔥，很豐富。加上很香的XO醬，西蘭花炒到剛剛好，不會太軟。健康之選。飲品則叫了奶茶。

周日帶小朋友黎數碼港玩， 見到間新開茶記， 裝修新門面乾淨。出面仲有兩枱outdoor 位， 好似好舒服咁。 因為下午茶時間人不多， 挑了個靠窗位置卡位， 闊落舒服。首先叫咗個自選二人小菜餐，入面有XO醬蝦球炒西蘭花，西蘭花都好入味， 蝦球彈牙。再加客家砂薑雞，包例湯包嘢飲。蝦球爽口， 砂礓雞嘅份量都很大， 砂礓汁撈飯一流。跟住叫咗一個先茄濃汁焗豬扒飯， 味道很好， 豬扒大塊， 蛋炒飯很香。再叫咗個公仔麵炸雞髀配沙律， 雞脾外皮脆， 入面有肉汁， 不會乾身。係傳統港式水果沙律， 酸甜開胃。茶記黎講， 環境好，價錢優惠，食物份量大都好味。