金長利茶餐廳

营业中

休息中

熱辣辣唔想出街咪叫外賣，居然得到無禮對待，一肚氣打電話叫外賣，居然cut線，聽唔到可以講多一次係可以，cut我線！好，再打一次，第2次一出聲又cut線，無禮貌，唉

在威爾斯醫院工作完之後, 穿過單車徑和隧道, 就會見到這家不太起眼的茶餐廳, 和其他一樣, 提供著碟頭飯及常餐等, 快速而又飽肚的早午餐, 環境不能說是光鮮, 但夠開揚, 菜式價錢以第一城或附近的餐廳來說, 算是比較相宜. 這裏最特別的地方, 是有放置茶葉的箱架, 自己倒落茶壺, 自己泡茶, 就像一些以前的茶居一樣, 相當有趣.點了牛扒和嗲牛通, 份量和件頭都夠大, 也夠熱燙, 味道就是正正常常, 牛扒就是茶餐廳和連鎖餐廳一樣薄身, 肉質還好, 沒有落鬆肉粉而失去口感, 油比較多. 炒蛋相當滑, 相反奄列則比較死實. 沙嗲牛多了些黒椒, 夠香但不夠濃, 牛肉口感和牛扒一樣, 通粉煮得夠爽, 功能性夠, 還有原壺熱茶, 可惜就是沒有一盅兩件.Kam Chong Li is the traditional HK style cafe in Sha Tin that closed to the Prince of Wales hospital. Besides providing traditional HK food,She also provides the hot pot Chines

呢間茶記位於威爾斯親王醫院隔離，所以到訪嘅好多都係醫院嘅醫生、護士、治療師、職員同學生等等～ 見啲侍應同埋顧客都幾friend，應該人情味十足😆今次食嘅呢個韭黃叉燒炒蛋飯都真係幾鹹下，加埋佢再倒咗豉油係上面，真係鹹上加鹹…..所以食嘅時候都係咁飲水，最後都唔夠水飲🥲但係店主嘅貓媽媽生咗一堆貓仔，佢話佢哋將貓仔送晒畀啲威員嘅員工，然後又將貓仔抱畀啲學生玩，睇落都幾友善，感覺係一間食人情味嘅小店呢～

返工附近總有間係同事十分之推薦嘅飯堂，我個度同學日日都嗌這間🤣🤣🤣會早到送貨，而且價錢又吾算好貴，一個餐45蚊，包野飲，最抵係加2蚊叫可樂😎乾炒牛河，三絲炒麵，蕃茄豬扒意粉， 豉椒排骨炒河都係我地常叫嘅！特別推介蕃茄豬扒意粉，超入味好好食！！啲汁酸酸甜甜好醒胃😍而且意粉係炒過，有wok氣，豬扒吾會係一大塊un個種，好鬆軟好好味，有時仲會連住小小肥肉比你🤣雖然肥啲但係好正！！超大盒🤣一個人食會肥到想瞓覺，我地多數5個人叫4盒share，已經好夠！每人先40蚊！抵！！！

就近威爾斯醫院有幾間茶餐廳。依家真係唔想留係醫院canteen 食。都係外賣最安全。一開盒，熱辣辣，一陣白煙伴隨住令你流口水的鑊氣。真係唔誇張，一開盒已流口水。最讚干炒牛河，河粉彈牙，牛肉軟滑。讚好師傅炒功。豆腐班腩好抵食仲有菜心加底。健康必選。奶茶都好飲合到好處👍🏼是一般香港茶餐廳應有的味道。

真係好鐘意食茶餐廳,今次又黎揀左間未食過ge茶餐廳食野啦,下午茶時間黎到,但舖頭早開早收,有啲餐都賣曬啦想食清清地,最後揀左個雙蛋菜心米線,份量正常,唔大唔細咁,隻蛋煎得幾香,有幾條菜揀都幾開心,成日出街食飯都無菜食跟餐杯奶茶幾順口,OK ge上餐速度快,待應都幾nice個價錢平到真係唔知邊到搵,而其他普通飯餐都係四十零蚊唔過四十五見到隔離枱食個飯份量都唔少,幾抵食黎醫肚真係一流,又快又平又夠量,下次一定會再黎食過!

聽餐廳服務員話，新老闆已經由四叔接手，以前的老闆脾氣暴躁，人品更不想多說。現在新老闆，我覺得四叔為人低調，人品好，最主要態度好，脾氣好👍😆，值得大家來試下，thank you. Have a nice day.

本人並不是一個上等人，所以時時都會去光顧茶餐廳這一類型的平民食肆。在沙田，有一間名叫《金長利》茶餐廳我會經常光顧的。原因，就是餐廳前有一個咪錶停車場，方便我泊車；另一個原因是這餐廳位於威爾斯醫院附近，探完病或睇完醫生就來充飢。點解我會知道此店? 就是因為有位朋友曾在威院工作，經佢介紹而得知《金長利茶餐廳》囉。 食物其實只是普通，不過平靚正的工友份量午餐，是令到此茶餐廳客似雲來的原因。而且食客吃不吃套餐都好，這兒的湯是自助的，任飲。不夠飯時，大鍋湯旁邊也有大鍋飯，自已添。例湯雖然好水下，但有味道，有足夠的青紅蘿蔔，對比較少有機會飲湯的人士，屬不錯。 這一次是探完病後一家人來食午餐，所以好多人一起食。老媽子要了一碗魚片河，有點點潮州式的湯底，但全走青。味道雖好，但這並不是粗身，厚身的那一種河粉，所以我對粉有點保留，但魚片切得厚身，入口又爽。魚片救了這一碗河粉。 食物賣相就一定不美的了，原因好簡單，這一間《 金長利》，實際上是一間不折不扣的工友飯堂。除醫院員工店，此店最多的，甚至更多的，都是開車來的司機大叔。對食完就食從事勞動工作的他們，抵食夾大件就最好，所以，有湯任飲，白飯任食這一個玩意。

這是間比較老式的普通茶餐廳，平日午飯時間有很多人光顧，主要食客都是街坊、或者附近的裝修工等，環境相當擁擠又嘈吵。到茶餐廳當然要試一下常餐，常餐配搭多樣，加了2蚊轉了炸豬扒，很大的一塊，肉質較軟，表面下的炸粉多了些，非常脆，配有沙律醬；叫了一碗米線，但湯底太淡，味道一般。這個常餐還有牛油方包，方包一般，太乾了，中間有牛油；還有火腿奄列，內有大量火腿，雞蛋很滑，這餐最為滿意就是這個火腿奄列了。另外，常餐包了熱飲一杯，檸蜜中有幾片檸檬，但可惜太甜。

今日去左沙田踩單車,1同8人由大圍出發,沿路經過城門河,風景靚靚的,身心舒暢,不過就有小小臭味lo..第ｌ站停係河畔後面,成班人就停底單車係依間餐廳口,食過午飯先再行,我點左西炒飯,凍奶茶,西炒飯賣相色1般,因為好淡色,食落味道都係好淡,我便加左d辣蕉油,令味道好食d而飯粒就林左d,整體1般!係放車位置最好

出來工作後，少不免要在家裡以外的地方用膳，不論位置腳程，價錢味道，都是不少打工仔的考慮因素。同事們都吃膩了公司的連鎖式飯堂，有時候都會想為舌頭換口味，今晚放工後，我們就走到了離公司五分腳程的茶餐廳。 四個人經過一天疲累的工作，不約而同都叫上了凍檸樂，希望可以gur一gur。 晚市小菜是有套餐的，加$8可以包一飲品，要再來白飯任裝，對於大食的男同事實在是優惠之選。 京都豬扒本想叫京都骨，但老闆娘說今晚只剩下豬扒，沒關係做法是一樣。豬扒很軟熟，牙齒不靈光的我也完全沒有問題，京都汁少少甜，不稠也不稀。魚香茄子煲港式茶記我最愛魚香茄子，咸魚味很出色，肉碎都沾滿了醬，用作送飯是一流。不過茄子略嫌不夠淋，可以再煮多一點時間或許更好。霸重手撕雞是這店的招牌菜式，幾乎每一圍都見到他的蹤影。青瓜絲辣椒絲切得幼細，芝麻和花生的香味更為手撕雞畫龍點精。但相對以前份量好像縮水了，不過雞肉本身依舊滑溜。 椒鹽鮮魷份量有點細少，吃起來炸粉好像放重手了。不過鮮魷依舊炸得恰到好處不會老，粉漿雖厚但仍炸得金黃香脆。吃飽飯後趕快回家，天寒地凍就是要趕快睡覺，又是滿足的一天。

第一次去一間咁惡既茶餐廳，今日同男朋友踩完單車，傍晚入去食野，叫左一個小菜泰式墨魚餅（連白飯），另外叫左一個蒜蓉炒波菜。個波菜好快就來到，個白飯都係，但之後一直在等，等左25分鐘，都唔見我地既墨魚餅，但個白飯已差唔多食完。於是我地問佢其中一個店員，我只係想知其實等左咁耐，究竟有無整（或者有無miss左張單），但個店員全程無理我地，只係好大聲話「d墨魚餅要炸！」，佢無幫我地去跟進一下，我覺得係敷衍我地。再過左一陣，我地都見唔到個墨魚餅，所以直接同老闆講，佢即時黑面，同時亦話墨魚餅要炸，但亦無幫我地跟進；仲話我地只係坐左一陣，又話等四、五個字只係小事，又話去酒樓起碼要等半個鐘（但佢又唔諗下佢自己各方面同一間酒樓都差好遠），仲大大聲話我地唔係食快餐。聽到佢咁講真係更加唔想再等同再食。因為已經等左咁耐，所以我地決定如果佢未整我地就唔要。老闆一聽到我地話要cancel，先即係叫伙計睇下個墨魚餅炸左未，又話d墨魚餅梗係要炸架啦，唔通拎去蒸咩，我最接受唔到既係明明係你自己提供只到應有既service比客人，一句唔好意思都無，仲要大大聲鬧客人。而且我地眼見係我地呆等既果半小時內，已經坐滿左好多張檯，人

之前踩單車經過呢度, 見到都好多人幫襯, 今晚過嚟試下, 開頭仲以為係食打冷, 點知只係有小菜食, 雖然價錢合理, 但選擇唔多, 諗咗好耐先諗到食乜............開頭諗住叫1個套餐+1個餸, 因為唔肚餓, 要1碗飯同1杯飲品已經夠, 點知亞姐話要以人頭計, 2個人就要叫2個餐, 佢餐的意思係加$7跟飯同飲品, 所以被迫叫咗2個餐................ 石榴蝦見佢個名幾特別, 仲要成$48咁貴, 應該幾好食, 所以叫嚟試試...............原來係用d雲吞皮包住d蝦膠去炸, 都好爽口, 仲好香康芹味, 再點埋d酸甜醬, 唔錯, 只可惜油咗少少咁lor~~~ 什菜煲諗極都諗唔到食乜好, 唯有食什菜煲啦~~ 最正常, 而且好抵, 只係$30, 以呢個價錢有咁大煲, 都算係好抵, 雖然用料唔係名貴, 但叫做乜都有丫嘛~~ 凍檸茶唔知係咪太熱, 杯凍檸茶已經好快唔凍, d冰都好快溶哂...........好似飲緊盒裝VLT咁............飯佢見你2個人, 就比2碗飯你, 如果唔夠可以自己添食, 不過D飯係冇飯味同飯香lor~~~踩完單車過去已經熱熱地,

我一向喜歡茶餐廳，總覺得茶餐廳d 奶茶咖啡特別好飲~今日同家姐食lunch，近近地所以食呢間。我要左個常餐，包括:魚柳米粉、火腿蛋、麵包、熱咖啡 $25 鐘意呢度會在米粉中加入粟米，好味! 魚柳呢，係要另加$1，一食就知係劣質魚柳，魚肉是灰白色的那種，下次都係食牛肉算了! 火腿蛋、麵包就無咩特別啦。家姐要左:鮮茄牛肉飯、熱奶茶 $31 大大碟飯，而且多餸多汁，味道唔錯! 奶茶都沖得好味! 抵食!整體都唔錯，下次再來~

要快, 又冇得揀之下, 今日和老豆來了呢度食.真係估唔到咁貴, 食個SET 要成約40蚊!所以叫了個米粉算了.但都成廿幾!雞炸到好乾好硬, 米粉唔熟.最好食係菜...唔係咁掂. 要加油喇......服務係零.