金鳳大餐廳 (D2 Place TWO)

营业中

休息中

✿ 金鳳貴族牛扒餐$168原來金鳳大餐廳 已經開業五十年😳😳😳 但我第一次試原本用木板上 不過店員話可以用鐵板當然要鐵板 比較有港式扒餐感覺 最重要係可以保持溫度 熱辣辣咁食😚牛扒選用美國安格斯牛肩扒😋😋牛肉味濃 肉質有咬口點左五成熟食得出唔太多鬆肉粉😇✿ 牛柳餐$99肉質有d奇怪 過分地軟不過幾厚身😛😛提一提 記得加錢 額外要新鮮蒜蓉😈香好多🤓
-
Yum：👅👅👅/5
Revisit:💃🏼💃🏼/5
Price: $350/head
————————————————
🌈金鳳大餐廳 (荔枝角)荔枝角長順街15號D2 Place二期3樓312號舖————————————————

鐵板上既扒餐😍😍套餐包餐湯餐包同野飲😋忌廉湯大大碗個人鐘意將個餐包沾湯食好正🤣加$2可以加生蒜係扒上面撈埋個汁正好多‼️-美國德州頂級西冷扒餐 $148西冷扒比肉眼硬d但都唔錯👍但肥膏比較多🧐肉質都嫩七成熟程度唔錯唔會煎到過硬😉呢個揀左普通碟上就會配薯格😋-美國安格斯肉眼扒餐 $155肉眼扒用鐵板上比普通碟香好多但就只配薯菜🍟建議鐵板上Jar Jar聲正好多‼️肉眼比較林入口即溶d😋個人比較鐘意肉眼👍

中午大約12時到達, 無需等候入座 ; 點選了三文魚扒沙津,  上餐也很快, 但一切食三文魚便不妥當了, 三文魚是凍的 ...通知店員, 三文魚扒是凍的, 沒有道歉的回應, 只是把餐取走了, 我還聽到另一位店員說沙津是凍的嘛 沙津當然是凍的, 但三文魚扒不可能是凍的吧  !   --  非常的不禮貌 等候等候, ... 再送來的食物, 是碎上的三文魚塊, 或稱之為粒吧 !  ---  太過份了 , 只是將剛才的凍三文魚扒再煎熱, 還要碎上.... 肯定是不會再幫襯的食店, 列入黑名單 !!!  

早幾日好想去食鐵板扒，揀下揀下就決定去金鳳食，因為知道金鳳係香港都好耐歷史下架啦。我地去左荔枝角果間食，貪佢新啲同埋食完可以去行下街散下步咁。上到去都好旺場，坐左九成滿，好彩一嚟就有枱。睇左下餐牌，我地揀左美國安格斯肉眼扒餐加蒜蓉同帶子牛扒餐。個美國扒可以用木板上又得，或者轉鐵板上，我就揀左鐵板上，因為都係為左個鐵板嚟架嗎。餐湯我地揀左白湯紅湯各一，配餐包同牛油。兩個湯都好好飲，紅湯就有好多料食，正。等左一會，啲扒就上枱，我地都揀左七成扒同黑椒汁，上嚟啲聲同啲香味令人流晒口水。個肉眼扒大塊過個鐵板咁濟，食落都好有肉味，好香。下面仲有薯菜，都好有誠意，熱辣辣。個帶子牛扒餐都好大份，牛扒好厚身，食落都好軟熟，啱啱好。最後仲有餐飲，我地叫左凍檸茶，正常唔會太甜。埋單百六蚊一位，好抵食！

是日收工後約了好友去D2 Place two的金鳳大餐廳享受我喜歡的鐵板燒，我曾經多次分享自己最喜歡倒汁落鐵板果種感覺，最重要係令d肉在食落肚前係keep 住熱=]金鳳係老字號，每次經過在大南街附近的總店外都有好多人排隊>,<餐飽和餐湯，真係好有懷舊風味~~~我點咗香燒羊扒餐（$132），鐵板上加上蒜香汁，感覺到陣陣的香味，羊扒軟熟又好食，羊羶味唔算重，真係好好食😋😋好友點了美國安格斯肉眼扒餐（$155），用木板上感覺美觀，七成熟上食落肉質都不錯，雖然望落去有d薄，但好友竟然食唔曬，分咗少少俾我試吓，佢加兩蚊要生蒜，如果買開餸都知係抵俾，因為要搞碎蒜頭最花功夫係脫皮，反而搞碎有好多工具可以幫手😅😅最後點埋飲品，兩個餐連加一約$320埋單，果度的扒餐價錢豐儉由人，最平的香燒雞扒餐都只係$84（未加一），怪不得果度坐滿人啦！

小肥忙左成個星期終於可以放下假假☺️難得天氣總算好返啲啲之際😆🌤去搵朋友行街街下之前🤪當然要食返餐好既醫下肚補充下先啦🤤🍴-位於荔枝角D2 Place二期既金鳳大餐廳🥩🍴喺荔枝角站D1出口對面亦十分就腳方便😆簡約既餐廳環境設計🙈卻有著「金鳳牛牛」標誌既霓虹燈門面鎮店😆🐮而抵食既午市套餐☺️🥩🍴午市放飯都吸引唔少學生哥或附近打工仔黎一嚐😋🍴-午市套餐沙茶牛肩肉 💸58雖然唔係鐵板上🙈🥩🔥但58蚊免加一可以食到牛肩扒扒都算平靚正啦😆😋🥩牛肩肉份量適中肉味濃郁🥩🤩原塊煎香能鎖住肉汁肉質滑嫩Juicy之餘唔起根🤤配合沙茶醬汁更帶出扒香鮮味😋🥩小肥因想keep下fit所以食意粉忍痛棄食薯菜了🥺🤦🏻‍♂️另外午市套餐亦有附上餐湯餐飲及餐包😆😋🍲🍞熱哄哄既軟熟餐包🍞以及小肥至愛既白菌忌廉湯😋🍄忌廉湯夠哂Creamy香滑濃郁之餘🤤絕佳既菇菇配合香氣滿溢之餘亦係口感滿滿Der🤤🍄餐飲就揀左老是常出現既凍咖啡😋☕️奶味較重但走左甜亦帶出濃郁咖啡香☺️為醒腦醒神既假期做充電準備🔋🤪

同老友到D2 Place 二期商場逛街，見到有50週年的金鳳大餐廳。晚飯時見食客頗多座無虛席。老字號信心保證。我們點左香燒羊扒餐$132和帶子牛扒餐$138，配忌廉湯好creamy好滑。羅宋湯蕃茄味濃郁，好足料，麵包好鬆軟👍塗上牛油更香滑，很好吃😋。羊扒🐑煎得頗香，羊肉味濃香，極好吃可惜肥左些。帶子牛扒餐，帶子煎得香香，很鮮甜。牛扒也不錯，大大塊真抵食，牛肉質腍滑，可惜牛肉味不夠濃，跟餐飲咖啡☕️和檸蜜，這餐都不錯。

又要聽得又要食得回味，滋滋聲不斷四面迎來，金鳳扒房餐廳能為一眾肉品兼到位之餘每部份細分如肉眼/西冷都有，打造豬牛雞多款高質昀招牌菜，金鳳小店以傳統格局陳設開放式坐陣「金鳳貴族牛扒 $168」五成熟加蒜茸油脂豐盛，肉質可按自己熟成度，啖啖口感拌勻黑椒汁從細嫩嚼勁份量有如一隻手掌般厚度，皮層可口內與外鎖實肉汁拌配脆炸薯條邪惡度更佳「美國德州頂級西冷餐 $148」牛味火候接個人偏嗜不同扒類有著不同特色，如大家著重肉質軟腍焦香，這款平民當中更加透設，埋單先知滿$500元即送$50元現金券，價格百多元就能嚐牛既滋味怎能擋得住

見哩度周不時都要排大長龍，終於搵到機會試下！果然係非一般茶記，哩度嘅定價正常，食物份量足夠。餐湯落足料，無敷𧗠，白湯夠晒creamy又唔太膩，紅湯酸得黎帶點甜，湯料多，雜菜多。焗芝士西蘭花芝士味夠晒，西蘭花大大舊，又夠汁，正！鐘意食扒嘅佢，嗌左哩度週年限定嘅金鳳貴族牛扒，加多左$2要多蒜，真係寧舍唔同，好香好惹味，鐵扒燒到熱一熱咁上碟，真係誠意之作，牛肉嗌左5成熟，肉質鮮嫩又無”渣”，哩個價錢真抵食。另外嗌左蕃茄肉醬焗意粉，哩度用嘅麵底特別，係扁扁地嘅闊條麵，蕃茄醬又夠哂香，正！

香港尚有好幾間懷舊西餐廳，金鳳是其中一間，現在開分店到荔枝角D2這個走年輕路線的新商場中，裝修年輕得來仍帶點懷舊，有舊式吊燈，配上淡黃的燈光，店舖雖然不大，但坐得舒適。餐牌選擇多，除了有主打多款的鐵板餐外，還有沙律，小食，意粉，焗飯及甜品供應，價錢平民，份量大份。來到這裡，當然要點一個鐵板餐吧，選了荷蘭豬扒餐，配上紅/白湯，餐包及餐飲，大大份都只是$88，荷蘭豬扒有兩大塊，足夠2人食，荷蘭豬扒肉味比較濃，不會煎得太乾身，可配黑椒汁或蒜蓉汁，另加$2 可加蒜蓉，會更為惹味，配菜有翠玉瓜及波浪紋薯條。食了一個咁有份量的鐵板餐，所以就點多一個清清地的胡麻雞肉沙律，另加$20 就有餐湯，餐包及餐飲，賣相不錯，份量不少

之前已經想去金鳳試吓但每次都好多人排隊就無食到今次遲咗收工咁啱撞正呢間分店呢個時間唔多人食終於試到啦～嚟得扒房當然係食扒…其他就下次先啦今次2個人食咗2個扒餐每份都只係百五左右，包牛油餐包+餐湯+餐飲睇落幾抵食，價錢啱晒我哋啲平民食事實上質素都唔差侍應仲提醒5成熟比7成熟更好不過最後我哋自己試咗一個5成一個7成5成的確比7成好食好多金鳳貴族牛扒 $168餐牌寫住50週年特別版即管試一試....呢份係美國牛肩扒肉質好軟腍，肉質夠嫩，牛味好濃每啖咬落都好Juicy美國安格斯肉眼扒餐 $155呢份都好有肉味肉質都好軟腍另外平時食扒用鐵板盛載keep住煮同個熱度呢度啲扒只係用木板盛載，煮完先上木板但扒嘅質素原來都唔輸蝕不過都想知用木板盛載係咪有特別好處就真....

上次行經，多人到要放棄，今日特登早啲12:30到，結果仍然一樣排哂隊，好在單拖，央求之下侍應安排了搭枱。在一張細枱跟三個陌生人同進午餐，好怪但冇計。點了鑊仔牛柳沙律，羅宋湯，凍啡。餐湯同餐包先送上，我真係好喜歡餐包，簡直係港式西餐嘅標誌,餐湯味道可以，可惜唔夠熱。扣分。侍應拿來牛柳沙律，驚見沙律有沙律醬，而非沙律菜，十分後悔！幸好那碟是同桌的路人甲的，於是我立即請侍應改單，又一央求之下，成功改為意粉。牛柳真係冇得輸，好稔，火候恰到好處，好好食。醬汁多咗少少, 但由於牛柳太好食，其他都唔緊要了。另外，呢到凍飲係唔駛加餞，埋單$58！無求！

金鳳呢間老字號一直都想試好耐，但本店唔太就腳，所以一直都未有機會食。今日嚟開荔枝角，見到呢度有分店，一於要試下。見佢有兩個50周年特別餐，一個係貴族牛扒，一個係安格斯肉眼扒。安格斯肉眼扒係薄切上嘅，會比較肥小小，但會腍啲。加左蒜蓉，所以好香口。而個貴族牛扒其實係牛肩肉，牛味比較濃啲，因為嗌五成熟嘅關係，所以肉質都好腍。而且佢係厚切，視覺效果好滿足之餘，佢仲將個面煎好脆卜卜，一切落去係索索聲。配左佢個黑椒汁，佢個黑椒汁比較偏甜，唔辣，絕對老少咸宜。而餐湯我地嗌左一紅一白，忌廉湯好creamy好滑。而個紅湯就豐富啲，有好多雜湯，甜甜地之餘帶小小辣，好開胃。食飽飽飲埋杯餐飲，好滿足。下次要拉機會去本店潮聖。

以前一直食開太子個間總店，喜歡總店的味道 懷舊既感覺，但總係等好耐位。環境方面 荔枝角店好近我，每次去都有人等緊，但都好快就入到去。環境舒適啲，依個價錢的確係抵食。食物方面 有啲人會覺得嗱到舊肉太淋，其他方面都幾好。

今日同個同事都冇帶飯，過左黎 D2 place 搵食，見好耐都冇食金鳳，同事又話冇食過，就試下佢！我地拎左飛仔等左5分鐘左右，好快有位！晏晝侍應姐姐話要答枱，冇問題啦！坐埋一邊！我地叫左兩個午餐，今日好想食扒，就叫左一客西冷牛扒，一客雞扒！首先上左每人一個紅湯（羅宋湯）加加個大餐包 😋 細細個果陣就覺得佢個紅湯正！一入口食番兒時既味道！入面既菜都好多，好正係好似酸辣湯既感覺！好過引！唔駛五分鐘都黎埋個扒，牛扒會唔會太大 😱 不過要壇下...拿得太勁！個汁係墨西哥汁，但唔辣，有幾粒紅腰豆！似蒜蓉汁！薯條好正，炸到好香脆！同事既雞扒都到左，個汁係菠蘿同蜜桃咁，甜甜地幾開胃！雞扒我地覺得太小，得一件...我地兩條友 share 黎食！如果每人一塊會好少少！我叫左凍檸茶走甜，朋友叫左凍奶茶...佢話太淡 🤣