金鳳大餐廳 (D2 Place TWO)

营业中

休息中

聽朋友話荔枝角有間餐廳啲扒好好食價錢大衆化，好抵食。早兩日與先生去幫襯，哇！人頭湧湧，坐無虛席，服務員忙得不可開交。等我們坐下後，陸陸續續又有不少人在排隊等候。我先生叫了款美國安格斯肉眼扒餐配蒜茸汁。肉眼扒喺勁量級啊，成個手掌咁大又厚身，脂肪分佈均匀全熟都不韌也不嚡，肉質卻是那麼的松軟鮮嫩多汁，蒜香味濃厚，很好味，非常好👍👍👍👍👍我點的是煙三文魚田園沙律餐。雖說是煙三文魚但仍保持住其原汁原味，好香！我最喜愛的還是那個有別於傳統的秘製沙律醬，微甜微酸。檸蜜香濃，撈勻沙律菜與煙三文魚一起吃，絕配！醒神！我看鄰座的顧客各人吃的是不同款的扒餐，但個個都吃得津津有味，十分享受！誠意推介給喜歡食牛扒的朋友。

今日同朋友去荔枝角啲D2place睇完戲，食埋晚飯先走，咁啱俾我哋見到依間餐廳好多人排隊，一定好好食，於是我同我朋友就試吓啦！居然誤打誤撞比我地搵到間咁好味嘅扒房！😍而且呢度嘅嘢食全部都大大碟，啱晒我啲咁大食嘅人，我哋每人叫咗一個set，大家都係叫扒餐，有齊餐包、餐湯、主菜、野飲（包一杯飲，凍飲加$5）超抵食😛餐湯兩個湯都係帶甜，而且味道好濃，落足料！白湯裏邊仲有火腿絲、生菜絲，口感好豐富😛餐包正常發揮，另附上牛油！美國西冷牛美國西冷牛真係好有牛味，好Juicy! 佢有黑椒汁同蒜蓉汁俾我揀，我揀咗黑椒汁，超好味😍雜扒餐牛扒餐好豐富，有牛扒、豬扒、腸仔、雞翼、豬扒，仲有配住薯菜，飽到我不要不要🤩😆法式曲奇雪糕 $18食完主菜，最後配返個雪糕甜品咁就啱啱好啦🥰

今晚去了上堂。而家荔枝角真是多美食。因多了兩個商場。同學仔話想鋸扒。所以係商場中搵了間傳統扒房。香煎比目魚。比目魚鐵板上。比較少用。但魚肉入即化。肉質鮮香。齒齦留香。配以蒜汁更突顯美味可口。再配金蘋果汁更顯突式。美國安格斯肉眼扒。少年時曾經斷食「牛肉」。因當時社會盛行牛肉重毒素。。但後來本人「還俗」再食返牛肉。到現在依舊不離不棄。最愛係靚牛食3成熟。簡值享受。。近兩年本人比較喜愛日牛但今晚食安格斯真是「滿足」的一夜。入口脂肪與肉汁好配合。加上醬汁更無與倫比。肉汁豐富佔滿全口腔的空間。

金鳳原來係d2 place開左分店，無左cwb同mk個個麻甩嘅感覺哈哈。收工同朋友來左食平民價錢既扒餐，真係抵到爛！我地叫左兩個set：美國頂級西冷餐 $148 (+$2 重可以轉生蒜！）跟餐有紅白餐湯，餐包，薯格，野飲西冷勁大塊，成碼有300g 咁先係 $148 脂肪紅肉好分明  配生蒜食好一流！！！！！西冷5成熟，都唔會太難咬開，好JUICY。美中不足係Ｄ薯格應該擺左一段時間，所以就唔係好脆喇美國安格斯肉眼扒餐 $155 我好怕肥，所以揀左RIB EYES 因為可以成排脂肪切左出黎 lol 5成熟，都唔會太難咬開，好JUICY。配生蒜食好一流！！！！！兩個人先係 $300 鬆D 埋單，有扒食～　我地揀呢個SET係木板上，鍾意自己燒／JAR一聲嘅朋友可以揀鐵板餐呢~

呢日放咗工出去食飯，黎咗D2呢間金鳳餐廳食dinner。平日dinner 時間都好多人呢，都要等下位。等咗陣終於入到去，menu 都幾多野簡，一個扒餐大概100到150左右，價錢合理。我地要咗個美國德州西冷餐同堆一個大蝦沙律餐。美國德州西冷餐唔係鐵板上，係用西式木板上，又幾骨子喎。佢配咗薯枱同少少菜，個薯枱夠曬脆，而個主角塊牛排肉質幾好，煮得啱唔好，有牛肉味。而個沙律都幾新鮮，蝦有五六隻，配上大量芝士粉，正！餐跟餐包、湯同餐茶。

放工同男朋友行D2一期時 發現有D2二期 於是過來行下～ 門口裝潢設計很有八九十年代feel～七點幾來到 個場都好full 要拎飛。但都好快有位。.每個餐set都有揀忌廉湯 or 羅宋湯，我地兩個都揀忌廉湯 鍾意咁樣配餐包～ 餐包有加熱 好鬆軟 易入口。.可揀鐵板燒上or 木板上，鐵板配薯條🍟，木板配薯格。鐵板燒嘅話係即刻淋汁 侍應會好心提醒用紙巾遮住件衫 因為會彈汁。.>~< 美國安格斯肉眼扒 HKD 155order咗七成熟，切開幾乎全熟變曬色。因為肉眼扒較薄身，所以較易熟。口感超嫩滑而且好大舊，男朋友食完都話好飽。..>~< 貴族牛扒 HKD 168一樣係七成熟，扒身大概有5-7cm厚。切開顏色好正，拎起食一啖 牛味濃厚超鮮嫩多汁。 點一點蒜蓉汁 瞬間變曬色 ～ 依然好味😋 .本身想試下金蘋果汁🍹 幫助下消化。但侍應話幾日前已經賣曬 睇黎都好熱門下～但揀嘅熱杏霜一樣好飲

20191210 @d2place金鳳金鳳係香港既老牌港式扒房，以前總愛同家人到去太子老店開餐，而家金鳳愈開愈多分店，早前經過d2 place見到金鳳分店，滿滿老香港情懷，決定同家人去懷緬一下兒時滋味。由於剛開舖就入座，所以唔算太多人，坐得比老店更舒適，配搭埋聖誕裝飾，好有氣氛。落單後餐湯同麵包好快就送上，兩樣食物都熱辣辣，白湯充滿洋蔥香味，紅湯酸度亦恰到好處，非常開胃。點左龍脷柳同牛扒各一份，兩份都選擇配意粉。牛扒大大塊，厚薄適中，口感好，唔會有鬆肉粉味道，保持到老店水準。而龍脷柳肉質結實唔鬆散，表面煎至金黃焦脆，香口美味。意粉亦煮得剛剛好，唔會太硬太糊，雖然係平民扒房，但係小細節亦無忽略，值得一讚。lunch set只需5x大元就可以享用麵包、餐湯、肉配意粉/薯菜/白飯等等，仲包埋野飲，係一個實惠又豐富既午餐！

平民價食牛扒好地方❤️有好多唔同既牛扒種類同配搭(每個餐都會跟餐湯，餐包同餐飲)除左食扒之外 仲有海鮮類既選擇😋午市食既話仲有lunch set揀🤘🏿絕對好抵食～今次叫左帶子牛柳餐同美國安格斯肉眼扒餐-👉🏿帶子牛柳餐 ($138)呢個餐係以鐵板燒既形式上菜～滿足哂想食帶子同牛扒慾望❤️塊扒本身叫左7成熟 但黎左個5成熟有小小血血地 不過一啲都唔韌👍🏿如果接受唔到啲血 都係叫返7成會好啲😂牛柳好厚身 我一個人食唔哂🥶另外帶子煎左一面 唔會成粒熟哂食落好有口感 軟林林 好香帶子味😙👏🏿👉🏿美國安格斯肉眼扒餐 ($155)呢個餐係用左普通既木板上菜～塊扒勁大塊 係薄身既🥶仲配左好多薯格 好中意❤️但叫左5成熟 就黎左7成熟呢款扒太熟好似無咁好咬～好多筋位 無乜牙都咬唔開😂👉🏿金蘋果——木梨 ($30/ 跟餐+$15)見到張枱黐住左張金蘋果(木梨)既介紹睇到簡介講得好勁 好有益身心😳所以就+$15試試佢～飲落酸酸眉眉 個味幾特別幾開胃🥶似有陣梅味多啲😂配牛扒可以消下濟👍🏿

一直都聽講金鳳既扒餐最出名，今日行開荔枝角，就過左去試下。扒餐跟埋餐湯，餐包，加少少錢可以換埋金萍甲汁，好實惠！晤怪得等位既人咁多。餐包超級鬆軟，暖暖地，配上餐湯，系冬日餐前最好的食物，非常暖胃貼心，因為我地已經好肚餓。金萍果汁大大枝，酸酸甜甜口感幾爽。冇幾耐，侍應拎左鐵板什扒過嚟，我揀左黑椒汁，嘩！勁香口！熱騰騰超有氣氛，香氣撲鼻，食欲即刻大增！賣相超好的，非常豐富，肉扒厚切，啖啖都係滿足！肉質嫩滑，沾上黑椒汁，實在抵贊！加左蒜蓉，更惹味！美國安格斯肉眼扒餐，份量勁滿足，我地揀左五成熟，肉質鮮嫩，完全冇渣！超級有驚喜的！

主打懷舊港式扒餐，以及重份量的牛扒甚為有名，加上定價親民，所以經常有人龍等候入座，人氣很高。推介羅宋湯帶超濃茄味及酸香，配料豐富。餐包是熱烘烘的，可沾上餐湯一起吃味道更佳。鐵板貴族牛扒配蒜蓉汁加蒜這款牛筋比較少，且肉汁豐富，肉質嚼勁，加了勁蒜$2，一大堆蒜蓉放上面惹味濃郁，配上燒得火紅的鐵板，再淋上濃稠的蒜蓉汁，味道更突出，霸氣滿分。配菜有薯條及雜菜。美國安格斯肉眼扒牛肉以木板上，份量十足。肉眼扒牛味頗濃，配上薯格、沙律菜及醬汁。

收工約埋同事👭一齊去咗金鳳大餐廳食飯其實平時喺附近做嘢都成日嚟食lunch都係第一次黎食晚餐🍽平時食lunch都覺得佢哋唔錯㗎啦原來晚餐都好味呀🤤🤤仲要真係CP值好高呀!👇🏼濃湯+餐包👇🏼濃湯比較濃郁，每啖都飲到火腿碎或肉碎麵包上手暖☺️溫度適中，牛油係盒裝打開已經半溶，搽落包到岩岩好🤤🌟金蘋果汁$1️⃣5️⃣金蘋果汁酸甜酸甜🍎🍎開始飲落似梨汁但食左咁肉類之後再飲，即刻將個油膩感減低👍🏽🌟美國牛小排餐$1️⃣5️⃣2️⃣今次點左7成熟的牛小排🍖用木板感覺比較有質感配香脆可口薯格，牛小排入口軟淋如果中意食熟啲可以叫8成熟🐮扒類既黑椒汁，調得岩岩啲黑椒味完全冇蓋過肉味，又唔辣❤️🌟鴛鴦扒餐$9️⃣2️⃣鴛鴦扒配薯菜🍟薯條吸收哂肉汁都仲有啲脆雞扒🐥燒到岩岩好，做到皮脆肉滑啲肉汁仲保留，唔會乾🤤而豬扒🐷係嫩滑，唔鞋唔韌煮到剛剛熟，比雞扒味道更好❤️🌟🌟黑椒蜜糖雞翼$5️⃣2️⃣推薦!冇諗過會係有六隻咁多，雞翼係炸過蜂蜜係底，洋蔥鋪面，食落又唔會好油🤤P.S.呢餐係幾好食，分量都算多，一個扒餐女仔未必食得哂，可以同朋友一齊分享👭👫Menu👇🏼

食牛扒，梗係去金鳳啦👅金鳳港式扒房呢個名，我細細個就聽過，估唔到d2 place有分店，仲要環境有懷舊冰室嘅氣氛，餐廳出面仲聞到好大浸鐵板牛扒味，即刻忍唔住拎張飛，等埋位，好在好快有位坐🤣嗌完嘢，轉頭咗拿拿聲俾咗牛油餐包，同忌廉湯過我哋👍🏻 餐包仲暖暖哋，好鬆軟，加上忌廉湯嘅忌廉味好濃郁，兩樣加埋，perfect池❤份帶子西冷牛扒用鐵板上嘅，咋咋聲，配蒜蓉汁，仲額外加咗蒜蓉，成堆蒜蓉山喺塊扒上面，啲蒜香十級咁重，勁正啊😍 我嗌五成熟，切落去已經feel到好淋，咬落去簡直係淋到極點，牛香同蒜香，好好味啊😭 另外仲有好多薯菜喺側邊，抵食！朋友就驚熱氣，份美國牛小排就用木板上，牛扒雖然冇鐵板咁熱辣辣，但牛味更加重，牛脂較多，肉質都好細嫩😳 最特別嘅係啲薯格，炸得特別香脆，整體都係有水準嘅！😋飲品就有唂咕，比起其他地方大杯，飲落唔錯。 仲有金蘋果汁🍹，果汁嚟講唔算太甜，酸甜味啱啱好，好清新爽口！下次行d2 place，一定會再嚟食😍

呢間lunch 就食得多，晚餐就第一次食，今次試左佢哋既招聘牛扒之一，美國安格斯肉眼扒，5成熟，同美式雜扒餐😋牛扒有分鐵板上或者碟上，識得㨂梗係叫鐵板～熱辣辣上菜加上即淋既黑椒汁，真係恰到好處呢塊安格斯肉眼扒既脂肪好香，好鐘意食細細塊連住既果個部分，軟腍得黎又充滿安格斯牛既味道，成塊牛扒口感唔錯，有薯菜，配埋餐湯同餐包，仲有餐飲。真係好飽好滿足🤤🤤 另外雜扒餐方面都幾有驚喜～好鍾意塊豬扒，好厚，肉質又夠爽口，唔會好難咬，好鞋咁，仲有火腿、腸仔、牛扒，雞翼咁，真係好大份！食肉獸至愛😍見佢地推廣緊個新品 金蘋果汁，功效又好似好好咁，所以加左15$換左枝黎試下，個人覺得幾好似，酸酸甜甜咁，如果飲得健康咁又唔驅呀～

最近帶我的小肥肥去荔枝角上playgroup，所以成日搵下附近有咩好野食。金鳳係繼深水埗文記之外，我應該會再encore的餐廳。 兩點不用等位點了一個午餐，粟米湯和蒜香洋蔥西冷牛扒配薯菜。餐包暖笠笠，粟米湯不會好水是我喜歡的濃湯，裡面都好足料有好多雞絲。自己本身好少食牛，亦較怕牛味勁濃的。牛扒似係炸亦無得揀生熟程度，牛扒和個蒜香洋蔥汁都幾好味，午餐來說$58都幾好，比大家樂鋸扒好好多！諗住自己係大食積，加點了一個黑椒蜜糖雞翼，$52都幾大碟好似有6隻，黑椒好香有點辣，勁多洋蔥配飯應該幾正！午餐應該無加一，但雞翼是單點有加一，餐飲叫檸水就差差地，有點苦澀，飲完先配起最近應該少飲有新鮮檸檬的飲品 😱😱 餐廳勁凍，問佢要杯水想食藥，今日天氣轉冷仲俾左杯冰水我 🤣🤣 不過會再去。

今天忙於工作。晚飯在公司附近的老牌金鳳大餐廳吃。點了50週年特別版貴族牛扒餐。雖然我不是貴族，但牛扒也不是貴族吃的高級貨。因此和我很搭配。牛扒是港式，肉比較鬆，入口不難嚼。薯格外脆內軟。夠味。羅宋湯夠熱。喝到一滴不剩。性價比幾好。