金鳳大餐廳 (D2 Place TWO)

营业中

休息中

位於文青勝地D2 place原來有間港式平價鋸扒餐廳😍行完街黎食啱啱好！-貴族牛扒 $168牛扒好大塊，兩個人食都夠。叫了medium，一切開紅紅的就對啦🥰表示鍾意生啪牛肉🤣咬落去軟腍有牛香味，絕非一般茶記牛扒，配埋脆脆薯格同沙律🥗，好滿足。-芝士肉醬焗扁意粉 $65其實我真的很喜歡吃港式芝士焗肉醬意粉，濃濃的蕃茄醬配拉絲芝士，好香濃🥰-餐廳環境好好，坐得好舒服，應該算係高級港式茶餐廳😂？成個9月晚市時段食滿$500仲送$50現金卷呀💕

對呢間餐廳絕唔會陌生，因為呢間係我老豆既'飯堂'， 夜晚黎親當然要食扒餐，加蒜蓉要黑椒汁，仲要多汁，哈哈 今日行過原來呢到有做午餐，就黎試下啦每2日轉一次午餐menu, 有5款選擇牛油餐包，依舊鬆軟，牛油軟硬適中羅宋湯味濃，酸辣味剛好，入面好多雜菜我選擇B餐，黑醋汁豬扒意粉豬扒好大塊，切開一半，好厚身而且中間係帶少少粉紅色，食落唔太乾，肉質鮮嫩，肥瘦均衡，骨位有少許甘香脂肪意粉用少量牛油炒香再撈埋黑醋汁，好味，餐亦配上少量蔬菜，營養更均勻出面閒閒地食個lunch都4，50蚊，呢到成個套餐連埋餐飲埋單先60蚊到，剩係黎食塊扒都抵原來呢間餐廳已經50年(仲大過我)，消費500蚊送50蚊coupon, 下次夜晚再同屋企人黎食

今日同朋友去咗荔枝角食飯去咗d2嗰度都環境幾大 我同朋友 原先諗住食日本嘢但係畀樓上嗰間鋪頭嘅香味吸引住所以就上咗去三樓嘅金鳳食牛扒 金鳳環境非常之優雅 我同朋友都要等咗一段時間先有位 我就叫了一個 金鳳嘅 50週年特別版 金鳳貴族牛扒而朋友就叫了一個焗豬扒飯！牛扒非常之嫩滑 因為我叫咗五成熟當初都擔心會好多血 但他煮得好好 外脆內滑 簡直好像置身於刺身當中 但亦都一點 生的感覺也沒有 而朋友的焗豬扒飯 茄汁非常之濃厚 豬扒非常之香脆 配合他的飯 簡直帶出飯的香甜 回味無窮 下次我都會試試唔食牛扒 試一試他的豬扒飯

金鳳大餐廳📍荔枝角長順街15號D2 Place二期3樓312號舖重點： 出色午餐*******中午係荔枝角其實唔難，雖然人多但係選擇都相對多，因此競爭都幾大阿依間老字號港式扒房 已經五十年歷史了 是很多香港人的集體回憶跟餐既羅宋湯同餐包👍🏻👍🏻👍🏻👍🏻👍🏻羅未湯ok！質感超濃茄味，都算夠味！配料菜份量多餚製而成超讚蒜香鑊仔牛柳意粉👍🏻👍🏻👍🏻👍🏻推薦食牛柳，完全冇un嘅位肉味幾香！有咬口意粉出奇好味又唔會易碎黑椒蜜糖雞翼👍🏻👍🏻👍🏻👍🏻👍🏻黑椒同蜜糖好入味雞翼份量都幾多阿可算是一個豐富的午餐 。餐飲凍飲竟然不需要加錢，還有全單免加一。怪不得長期都排長龍了。備注👍🏻5粒代表最推介

今日黎到荔枝角d2 place食lunch，黎遠已經見到好多人等位，望反個menu，價錢黎講又真係好親民，五、六十蚊有齊扒，餐湯，麵包同飲品！而家整個感覺好似以前中學係花x餐廳入面食既扒餐，z回憶感覺返曬黎！今次揀左經典牛扒餐配蒜蓉汁，餐湯揀左白湯，湯就麻麻啦，餐包反而抵讚，大大個熱辣辣，查埋牛油真係滿足到呢！主菜，大大塊牛扒，又有得揀意粉，份量十足！蒜蓉汁好味，但係牛扒既肉質就真係偏^唸^身，好明顯落左好多粉去喇d牛肉，不過整體黎講都係算ok好食既，主要係lunch set份量好多，性價比黎講算高，所以下次可以黎試下豬或者雞扒，可能效果又唔同！

由細到大，成日聽大人講去金鳳食扒，但自己就未試過～ 朋友喺荔枝角返工，他推介D2 place金鳳大茶樓食扒，終於可以一嘗懷舊扒房的味道☺️我們一行三人，叫咗兩個扒餐和小食拼盤，再揀了紅湯和白湯。兩種湯都好濃郁，沾上熱辣辣鬆軟的餐包，冇得輸❤️——————————🔸貴族牛扒 $168這個貴族牛扒，顧名思義是美國牛肩扒，加$2有大量蒜蓉👃🏼配黑椒汁和五成熟～ 這個用木板上，但保持到肉質鮮嫩多汁，牛肉味濃郁，絕對貴得有價值👍🏼配上生蒜蓉食，更惹味濃郁👅🔹牛柳餐 $99這個牛柳餐改用鐵板上，叫七成熟和蒜蓉汁，同樣勁多肉汁，但牛味相對差少少🤨 肉質亦有點過腍鬆軟，咬幾口就散晒🥴奇怪！🔸雜錦炸物小食拼盤 $78這個雜錦拼盤有薯條丶炸魷魚圈丶雞翼和炸蝦。所有小食熱辣辣炸起，香脆可口～ 最特別的是炸雞翼，事先調味過，所以食起來很夠味，又不油膩😋

細個到依家我阿叔都會提金鳳, 老人家耐不耐都搭$2車去太子總店食個lunch, 佢話平d喎..近我D2開左間金鳳都一排, 開學要去買鞋就帶埋仔去醫下肚..原來已經開左50年.. 懷舊裝修, 就在escalator口, 好方便... 7點半起多人入來食, 淡市中佢叫做好市, 都係口啤同性價比都好有關各式牛扒都仲係好抵食.. 見隔離果份木板上幾正就叫左推介的美國安格斯肉眼扒餐$155, 已包基本的餐湯, 牛油餐包同餐飲~ 仔叫7成熟, 好ok喎, 有肉汁, 阿仔大叫"唔錯唔錯", 人仔細細, 扮食神上身, 有肉味又唔乾喎~仲要個蒜蓉汁甜甜地好岩佢key, 正到點盡d汁~ 少見~ 仲要配感覺高一點的薯格, 小兒表現十分喜愛~ (臨睡前話我知開學很開心... 又食左個鍾意的dinner)我就叫左個美式什扒餐, 由細到大都見到疊到高山咁就開心, 再咋個汁落燒紅左既黑牛鐵板上, 我仔仲興奮過我.... (不過張餐紙就即時完了)~ 牛扒, 豬扒, 腸仔, 火腿扒同雞亦... 塊豬扒大到呢~ 黑椒汁料足, 真的黑椒味夠, 我不太食薯條, 但實的的熱熱餐包的倒是十分喜愛.. $92一個什扒餐, 自助快餐

今天在荔枝角做嘢，六點多左右在D2附近放工，一邊搵嘢食一邊行街，留意到這間很有名的餐廳，看見他們晚餐在一個用餐滿$500有$50現金卷的優惠。 就入去試吓，發覺整個餐廳嘅環境同埋餐牌都很有心思。這個餐廳的食物一定很有質素。由於今日一個人有啲肚餓嘅關係。就點了好一點大一點的晚餐。最後揀咗貴族牛扒。這個聽落去很豪華的晚餐都不用$200，還真的算是公道。 牛扒來的時候放在一個精緻的木板上，裏面有薯菜整齊的排列起來。吃下去牛扒軟熟多汁，我點的是7成熟，生熟程度啱啱好，薯菜配埋醬汁真是一個很滿足的晚餐。

夜晚約朋友食飯又要周圍搵好西食，咁啱呢排好想鋸下扒，所以就揀咗去荔枝角金鳳大餐廳。 一見到個menu有好多扒鋸，真係令人好興奮！ 呢類餐廳喺香港真係買少見少。。。白湯加餐包呢個海鮮忌廉湯真係真材實料，入面真係有魚肉咖！ 加埋餐包一齊食，已經令我飽咗一半！好正！美國安格斯肉眼扒餐 ($155)肉眼扒叫咗七成熟，比預期中煎得生咗少少， 不過肉質同味道都唔錯，完全滿足到我想鋸嘅扒嘅效果！ 肉味香濃，可以媲美出面食二百幾三百蚊嘅扒。薯格炸得都好香脆可口！帶子牛柳餐 ($138)牛柳就叫咗五成熟加蒜蓉汁鐵板上。好可惜牛柳口感比預期中差。肉質比較奇怪， 唔知點解啲肉好稔，甚至有啲霉嘅感覺，其實如果唔加汁落去鐵板度可能會好食啲。。。 因為加埋啲汁，薯條都變得稔曬。帶子食落冇乜特別，還可以啦！跟餐仲加咗15蚊，就有蕃茄汁意粉。好有以前鋸扒伴碟嘅茄汁意粉味道。好彩肉眼扒質素唔差，滿足到我想鋸扒嘅慾望啫～～

晚上九點九後D2 Place大部份食肆已關，竟然有扒房未收！ (收22:00) 我應是最後一位食客。軟熟餐包配牛油！忌廉蘑菇湯，經典好味的白湯！美國牛小排餐🥩到扒房必食美式扒。兩塊牛排，五成熟，外圍呈灰褐色，剖面為粉紅色，核心仍有血紅色，好幼嫩的口感，味鮮！蒜蓉汁另上，如果唔鐘意整食牛扒的原汁原味，可以點蒜蓉汁，牛鮮味會更特出及香口！凍檸茶唔係間間都好飲，茶不會太苦澀，檸檬片數夠多，不是薄身，適量的凍塊，少甜，形成一柸看似簡單，但一點都唔簡單的凍檸茶，開胃冰涼！

早已認識金鳳餐廳，講到金鳳，便會即時諗起据扒！套餐例牌跟湯(紅或白湯) ，餐包及飲品。牛油餐包：暖餐包，自行塗上牛油。羅宋湯：料足，香甜味濃！忌廉湯：濃稀度適中！滑溜感重！据扒配可樂，冇得彈！老字號扒餐：美國安格斯肉眼扒餐五成熟，木板上，木板的特式是能保持著牛扒的成熟度。肉質香嫩。配上熱辣辣的格格脆薯，好滿足！鴛鴦扒餐：豬扒+雞扒夠洒大塊呀！豬，雞都一樣，外層香脆，入口口嫩滑！所以話，去金鳳，無理由唔食据扒！

金鳳大餐廳🍴尼間金牌平民扒房，出名抵食，我由細食到大，原來連D2都開左分店，今晚一於同老公來据扒，回憶下童年😬😬😬D2分店，裝潢設計比較時尚，燈光暗暗的，好有氣氛，亦算旺場，全店瀰漫着鐵板嘅味道，好香啊🤤🤤🤤餐廳已經開業50年了，已經傳左比下一代，仍堅持人人食得起嘅初心，真係十分難得👍🏻👍🏻👍🏻五十週年特別版金鳳貴族牛扒非常吸引呢🤤🤤🤤其他扒類亦有很多選擇，雞牛羊豬，帶子鮑魚大蝦，什扒等，全部不過二百蚊，包餐湯，餐包同飲品，真係好抵食😯😯😯餐包熱辣辣，底部烘脆左，入口鬆軟，正👍🏻👍🏻👍🏻餐湯大大碗，味道不錯🤤🤤🤤美式什扒餐配蒜蓉汁，好大塊豬扒舖面，份量十足😯😯😯底下係火腿，雞翼，腸仔，同牛扒，味道好好，牛扒好淋好入味，正👍🏻👍🏻👍🏻鮑魚牛柳餐配黑椒汁，好大塊牛柳啊！真係嚇一跳😳😳😳六成熟剛剛好，又淋又有牛味，高水準啊😋😋😋鮑魚大大隻，見到都流口水🤤味道好鮮甜呢😋食完個餐已經超級飽，再嘆埋杯凍餐超滿足，埋單不過三百元，真係扺食夾大件，大家不妨試試啊😊😊😊

講起港式牛扒, 十個有九個都會諗起金鳳, 由以前太子嗰間到今時今日開到周圍都係, 可以話係老牌餐廳餐湯 餐包每次食港式牛扒, 都會好期待個羅宋湯同餐包｡ 個湯材料份量多, 酸甜味啱啱好, 好開胃｡美國安格斯肉眼扒餐職員話由於塊肉眼扒冇醃過, 所以建議食 5 成熟｡ 份量十足嘅肉眼扒, 大大塊, 油花適中, 肉汁豐富, 用木板上, 加 $2 要左多蒜蓉, 配埋蒜蓉汁, 超級惹味 !! 金鳳皇牌焗豬扒飯豬扒非常厚身大塊, 而且焗飯係炒飯底, 個飯夠乾身, 汁底又夠多, 由於用個瓦盤裝住, 所以 Keep 到 D 飯夠晒熱辣辣

先唔好講佢啲嘢好唔好食,但係送錯咗扒餐 畀個客已經食咗兩啖， (因為嗰個客坐喺我隔離嗰兩個位)， 點知發現係搞錯咗， 但係嗰個阿姐竟然將個扒餐原封不動咁畀咗我， 我一睇見到已經切過食過， 就同個阿姐講佢竟然話冇可能嘅，我就話你睇下切開過食過㗎喎 ，佢就換個第二碟畀我，點知都係嗰一個扒但係就將切開嗰舊換走再比第二嚿我，真係好離譜囉 咁樣做生意簡直係趕客，叫人食口水味

鐵板牛扒可以話係香港既特色食物，喺熱辣辣既鐵板上淋上唔同既醬汁，即時就會傳黎bilibala 既聲音，每個食客都會自動拎起餐巾擋住，避免被油彈到。今日就黎到荔枝角D2 place既金鳳大餐廳，商場本身都富有香港特色，所以非常配合。適逢餐廳50週年，餐廳有個特別既餐叫金鳳貴族牛扒（$168) 套餐選用美國牛肩扒，佢介紹話係牛肉味濃，鮮嫩多汁。見到咁吸引，雖然價錢比其他餐貴，我都一於試下！先黎餐包、餐湯、餐飲。呢個套餐果然不負所望，牛扒非常厚身，做到五成熟效果！牛扒外香內嫩，肉味濃郁，非常出色。另外點左一份牛柳餐，同貴族牛扒比當然無咁好色，但鐵板既風味實在難以取代。整體黎講，呢度既裝修有特色，而且坐位舒適。食物質素方面，貴族牛扒係非常高質抵食！下次一定再黎！