金鳳大餐廳 (D2 Place TWO)

营业中

休息中

閒日8點幾尼到，等左一陣就有位。食鐵扒尼講唔算太貴，如果雜扒100都唔洗。牛扒140-170，都幾好食，呢個價算唔錯，包湯包野飲同餐包，呢個商場尼講呢到算多人食。

早有聽聞金鳯呢間老字號餐廳，但一直未有機會去試，可能因為我有懶癌啦，哈哈。原來佢黎咗荔枝角嘅D2 place開分店，既然咁就腳就一於是踩下場試下係咪咁掂先。雖然係新店，但環境設計上明顯走比較舊式嘅設計，好有早期老香港嘅味道，佢地採用咗半開放式設計，唔會對住四面牆咁悶，可以望望窗外嘅人流，又唔會好似金魚缸咁，俾人睇住曬食野咁尷尬，唯一差少少係枱與枱間距離窄咗少少，出入有點唔方便。講返食物，黎到金鳯緊係整返個牛扒啦，我揀咗羅宋湯，材料好足，味道酸酸甜甜。主角終於上場，我嘅係美國德州頂級西冷扒，想呃下like嘅關係，牛扒用木板上，擺盤靚d嘛，朋友仲提到話用木板嘅比較識食，令我諗起唔少鬼佬煮餸節目講過，牛扒煎完要rest，因為即刻切落去，肉汁會無曬，咁樣之下，的確，今日食嘅牛扒的確感覺比過往用鐵板上嘅肉嫩多汁，加埋佢地嘅蒜蓉汁，更上一層樓。食完一大盤肉，想飲d甜野，叫咗個好耐無係menu見過嘅唂咕，相比起朱古力，呢個應該係最近係日本好hit，成日提到嘅「大人味」，小朋友都鍾意單純嘅甜味，大人嘅話，隨住口味嘅改變，就更加留意同欣賞到朱古力本來就帶有甘苦嘅滋味。

金鳳丫金鳳， 相信好多人就算冇食過都聽過， 由細陪到我大既渣渣想鐵板牛柳， 諗起都留口水。 不嬲都食開銅鑼灣個間， 不過呢， 要去個fd度玩board game, 所以搵左間近佢。 係D2既 金鳳！我覺得係平價野黎講， 不論口感， 味道， 價錢， 性價比都十分之高。 今次出奇在， 就算成鋪滿晒人， 排晒隊， 忙到死， 待應既服務態度都超好， 有講有笑， 好有人情味。 講返食先， 我地4個人食， 分別試左佢幾樣唔同牛牛。 認真講， 呢個價錢係抵食既。 例牌， 港式西餐都有熱辣辣既紅白湯同餐包， 上台仲出緊煙， 好好飲， 餐包熱但又唔會又硬又乾。 （比起銅鑼灣個間好飲啵！）我地叫左 帶子牛柳餐 同大蝦牛柳餐就一樣。 貴族牛扒同頂級西冷扒就木板上。 帶子呢， 不過不失， 就岩岩好， 大蝦都ok， 好夠味。 重點都係好鍾意佢鐵板上既牛柳， 我地話要5成熟又真係岩岩好5成熟， 牛味幾夠， 外焦內軟！ 好食。 食返以前陣味！頂級西冷扒， 因為木板上， 所以凍得快， 但都不失牛味， 比之前更好味， 會彈牙d. 最後既貴族牛扒， 係最貴既， 但都不失佢貴族既名號， 牛味比之前幾塊都重， 又介乎內軟外彈

金鳳係香港老牌港式牛扒餐廳，保持到我細個食到嘅味道，有50年歷史嘅佢起荔枝角又開咗店點完餐就即刻有餐包送到，熱騰騰嘅餐包配合牛油好好食我塗完牛油就有湯送到啦，白湯裏面仲有啲粟米粒，而紅湯就有好多蔬菜喺裏面啦「鐵板T骨牛扒餐」一上枱就發現塊T骨牛扒仲大過個鐵板，立即打開餐巾擋住蒜蓉汁倒落鐵板是所造成嘅正氣，仲記得小時候每一次都覺得好興奮，人大個咗就鍾意食蒜蓉，佢有得加兩蚊就有好大量嘅蒜蓉在牛扒上面，配合牛扒一齊食又香又唔會覺得咁大件牛扒膩，一切開啲肉汁就走晒出嚟「鐵板帶子牛柳餐」牛柳就啖啖肉，有兩粒帶子唔算太大粒依度有好多一家大細嘅客人，爸爸媽媽應該都係想將佢哋童年嘅回憶帶比佢哋嘅仔女

兩個女仔的約會，去了荔枝角金鳳大餐廳食牛扒。我們都點了帶子牛柳加蒜，七成熟，紅湯。金鳳環境都OK, 雖然坐在路邊，但都沒影響傾計氣氛。牛柳好厚身仲好軟林林，如果牛味再濃啲更好，可能係蒜味搶晒啲牛肉味，下次試下唔加蒜。總括都OK, 下次食扒會再嚟

金鳳相信不少港人，懷念的港式鋸扒店，在荔枝角也有分店了，今日一於去試一試體驗一下港式牛扒的風味.金鳳雖然是有50年歷史，但在荔枝角分店的裝修比較新穎坐得比較舒服抽風也比較好.這個包十分之有驚喜，是由焗爐焗完後十分新鮮地拎出來的因此包十分之鬆軟.羅宋湯的味道控制得十分之好，又夠懷舊的味道，有少少辣但又十分之開胃.都主打的牛扒上枱了一看見圖片就知鑊氣十分足，有鐵板的效果了.份量十分足夠.牛扒的肉十分之鬆，有港式鋸扒的味道.至於美國的肉味會比較重，加上香脆的薯格.

金鳳大餐廳，一講無人不曉，早於60年代，香港人受西方文化影響，多了吃西餐，但係如果要食真正進口牛扒，並非一般市民可以負擔得到，有見及此，金鳳大餐廳嘅老闆嘗試用冷藏牛肉，加入獨特處理及醃制方法，變奏出屬於香港人嘅牛扒，受歡迎程度幾十年不減⭐⭐⭐⭐⭐今天喜見荔枝角D2 有金鳳大餐廳，商場餐廳，座位環境當然舒服很多，我熟練的點了牛扒餐，坐著看著在懷舊，那些年嘅回憶馬上返晒嚟。忌廉湯、羅宋湯、牛油餐包，一貫金鳳style ,，白滑忌廉湯稀稠適中，妙在那幾粒粟米很矜貴咁😂😂😂，羅宋湯不會太酸，什菜好吃，重點在那份兒時嘅感覺 。美國德州頂級西冷餐，亮點是砧板上，好吃的味道還是要與時並進，神燈一樣嘅器皿滿是洋蔥汁，唔太濃味比我專心吃牛，牛扒大大件，七成熟是我要求的火喉，肉質腍滑正正就係金鳳特色。好味道還是要與時並進，貴族牛扒餐多了沙律菜點綴，鐵板上熱辣辣，黑椒汁用暖壺保持溫度，醬汁多少悉隨尊便，😍😍😍，叫得貴族牛扒，配菜多啲，肉味濃D，🥩味道相當不錯，正老顧客當然明白到一分錢一分貨的道理，港式餐廳食牛扒，唔使拘謹於餐桌禮儀，食得自在又滿足，真開心今天喺度再遇金鳯， 🥰

金鳳平時就食得多，荔枝角都係第一次黎，呢到都好旺場，好好彩入座後先要開始排下隊。有樣野要提就係上菜速度快到嚇親，落單後３分鐘左右已經上左餐包，湯，飲品，雞翼，仲有係熱既，值得一讚。美國肉眼扒　大過面既牛扒，配炸薯格。留意番係用木板上的，叫左７成熟都好淋，厚度都OK 厚既。而炸薯格就好脆口好味。9/10雞扒餐份量亦都好多，有兩大塊雞扒，又係大到誇張。雞肉嫩口彈牙，配薯條。不過淋汁上去就整淋左Ｄ薯條，扣左分。整體都係正既。8/10黑椒蜜汁雞翼甜甜辣辣咁好惹味，有６隻雞翼算幾好，而個汁真係好夾到雞肉，所以我大部分雞扒都有點呢個汁黎食，建議大家如果食雞扒餐都可以叫埋呢個雞翼試下。9/10

服務態度好，價格合理，食物質素有水準。食物上餐速度快，叫餐無需等太耐就有食物。餐湯同餐包合格。羅宋湯有好多菜碼，忌廉湯忌廉香，牛柳口感超好，牛味超出，雜扒餐質素一流，份量十足，男人都可能食吾曬，各款食物表現超水準，值得一戰。美國德州頂級西冷餐份量足，肉香味濃，合適2人食用。另外跟扒薯格十分香脆可口，餐飲奶茶味道足，主要茶香突出，茶同奶比例一流，比坊間食肆水準高。整體而言，食物水準同價位成正比。價錢親民，值得一試。今日人客十分多但餐廳食物同服務水準保持到值得一讚。

D2 Two開了很多不同的食肆，價錢豐儉由人，不過如果要以性價比作出評價，我相信此餐廳認第二後，應該沒有其他餐廳食肆會認第一。其實此餐廳一向以平民化的西餐為主打，以午餐為例，$60以下已經有扒類，午市套餐包括了紅白二選一餐湯、牛油餐包，而且凍飲亦不用加錢，加一服務費亦不需要。當然食物質素只屬普通(一般平價西餐水準，你懂的)，不過如果要計坐位舒適度、食物的份量等，此餐廳始終比起其他食肆高出一線，所以這餐廳亦常常要排隊。

金鳳餐廳呢個名，應該係好多人嘅童年回憶，原來已經50年啦，記得細細個一有乜野喜慶都會去金鳳据扒，今日比我發現原來荔枝角D2都開咗金鳳餐廳，緊係入去懷緬吓啦。我地叫咗2個餐，選擇咗一紅一白餐湯，個湯真係幾足料，羅宋湯唔使撈，d料已經浮晒上面，個湯酸酸辣辣勁醒胃，而白湯就係磨菇湯，飲落好creamy好滑，其實2個湯都好唔錯，配埋熱辣辣好軟嘅餐包一齊食，perfect。美國德州頂級西冷-我選擇咗5成熟，一切開真係5成熟，完全冇over cook,牛味好重，d肉質好juice，牛排面頭煎得有少少焦焦地嘅感覺，好香口，好正，配菜有啱啱炸起嘅薯格，炸得好香脆，非常惹味。T骨牛排-呢款係用鐵板上，塊排真係大塊到摭住咗成塊鐵板，呢個餐我地加咗生蒜，生蒜嘅份量都係勁多，原來加生蒜係咁好味，同牛排係勁夾，當店員淋d汁上去塊排果度，咋咋聲，d煙升晒上黎，即刻諗返細個時嘅回憶。塊排份量十足，d肉都好重肉味，真係唔錯。最後緊係要叫最愛嘅涷檸茶做結尾啦

一直以來都沒有懷疑過金鳳係一個超級正名，用得這個名開店一定有質素。今次發現D2Place開咗呢間金鳳大餐廳，主打牛扒為招徠，不能來捧下場！門面好地道，裝潢鮮明別樹一格，座位寬躺闊落，坐得很舒服。原來金鳳大餐廳已有50年歷史，身為後輩嘅我都非常尊敬其創業精神，為香港人帶來地道美食。麵包熱辣辣，極速K.O.左。羅宋湯很好味，香濃不錯。忌廉湯很滑口，全清！美國牛小排餐（$152）香濃牛肉每口甚是回味，四成熟剛剛好，黑椒汁是絕配吧！加$2仲有大家最愛既蒜蓉，簡直係錦上添花！薯格很鬆脆可口，伴隨沙律茶平油膩感，大讚！貴族牛扒（$168）這是餐廳嘅超級推介，特色是可以鐵板上，因為牛扒厚度夠深，可以叫四成熟或以下就是最完美食法。肉質鮮嫩多汁，牛味好濃可口，份量大得驚人，兩人分享也絕對足夠。香蒜配合黑椒汁是無死之選，第一次外出食飯可以有咁多香蒜，真是太驚喜了。肉色鮮豔，賣相一流！每口牛加上濃濃蒜香，是別的地方沒有的，非常好味！港式凍奶茶和凍杏霜，香港特色，永遠都咁好飲解渴。下次可品嚐一下甜品，佢地既雪糕香蕉船和心太軟看似很吸引！

I am a huge fan of hk style sizzling plate steak. I got a new job in the Lai Chi Kok area and wanted to get some lunch with a new coworker. I described hk style sizzling plate steak to him and he brought me here. First off, there is a long wait. The price/value is great I must say. However, there is no choice of how well you want your steak done. Most importantly there is no sizzling plate experience. If you want steak in this area, fast in and out, cheap, then this is for you. Dont expect anyth

老字號港式扒房 已經五十年歷史了 是很多香港人的集體回憶 雖然我小時候的回憶不是這家店 但是我的回憶已經結業了😢 所以想回憶這味道只能試試其他的店了 其實這店在網絡上惡名遠播 有些人甚至說他的肉鬆軟得像腐肉一樣 說他加了太多鬆肉粉 但我自己親身吃過後 卻體會不到這樣--🌟-荷蘭豬扒餐hkd$88 --包括了兩塊很大的豬扒、一片合成煙肉（培根）、薯條、翠肉瓜、粟米（玉米）用加熱了的鐵板盛上、再由店員淋上蒜蓉汁（可選黑椒汁）馬上就能聽到滋滋滋滋的特效🤤記得要拿起桌上的餐紙遮擋喔 不然汁可能會濺到衣服上說真的，合成煙肉讓我蠻失望的🥺不過豬扒正常有咬口 而且很大的兩塊，除了我最喜愛浸泡在蒜蓉汁而且被鐵板燙得焦香的薯條外，最讓我驚喜的是切成角狀的翠肉瓜！吃起來特別juicy😬另外加錢要了杯唂咕，上網查了一下，其實就是某種牌子的可可粉，像是阿華田和美祿那樣，這種可可粉泡出來的味道是很濃的可可味但不甜，我覺得還蠻不錯 不過有部分可可粉還沒溶掉...--🌟貴族牛扒餐 hkd$158(不太肯定）--朋友點的，好像是五十週年限定的，貴的牛扒為免一直受熱影響肉質，所以是用木板上的，感覺很高級啊🤣但是其實沒有

性價比好高，大件夾抵食，味道好，環境ok。推薦食牛柳，五成熟，完全冇un嘅位。好適合一家大細或情侶黎食。高質港式扒房。PS: 但唔好叫鮑魚牛柳，因為鮑魚有腥味同好un。