金鳳大餐廳 (D2 Place TWO)

营业中

休息中

收銀員服務態度非常非常非常非常差😡排隊等候非常耐都算，態度差真的接受不到，尤其是四眼瘦削收銀員，不知所謂，面黑過鐵板，已經常常光顧每一次的態度都沒有改善，以後不會光顧。

首先一坐低係後少少個女侍應係收拾餐具時掉野，啲湯（飲淨咗）彈咗落我個頭，當然佢係無任何唔好意思既表示（可能唔知彈到咁遠）。跟住係食緊野其間，問我地介唔介意俾人撘檯，我地3個人坐6人位（之前係有2個人坐咗），撘檯既都係3個人。我真係好介意，就同個位女侍應講我介意呀，但有位男侍應衝出嚟態度好差咁話：繁忙時間，你地坐埋一邊啦！哇，咁你問嚟做咩？同埋個陣已經晚上9點半，無人等位，亦都有人準備走。每人都百幾蚊架wo，唔係茶記價錢，但茶記質素，仲要收加一，但好似係譚仔到食野咁。好彩對方都好介意咁撘檯，佢地選擇等多一陣，但真係幾分鐘就坐咗去第二張檯。到塊西冷，個肉感似豬，睇落都似豬，一啲牛味都無，問個侍應係咪上錯咗，佢睇一睇，一副你地識咩既咀臉話，牛嚟架wo!咁仲衰，大快活都好食過你囉。最後係未食完野，啲姐姐仔趕收工，係我隔離位執餐具，我明白你地要收工，但可唔可以去一張無人食緊野既檯到執........哩間野不可一不可再，唔係要求西餐廳既服務質素，但唔係西到咁既態度下嘛，茶記啲姐姐哥哥都好過哂你地，唔該留意下啦！

金鳳喺荔枝角D2 2期開咗都一段日子，對比太子，感覺上嘢食係太子好啲，但係呢度就坐得舒服好多。早幾個星期兩個人嗌咗兩個扒餐：牛柳同埋蘇格蘭羅未湯ok！質感較稀，但都算夠味！菜份量略嫌較少。普通餐包，近乎已經唔暖。牛柳。肉質好腍！肉味幾香！蘇格蘭。肉味比牛柳多！肉質比較鞋口，但都幾腍，還可以！肉質嘅問題，金鳳阿叔親自解釋過，係用木瓜酵素醃嘅！不過真定假、信與唔信，留俾各位自己決定。😂順帶一提，呢間啲姐姐服務幾好。👍🏽不過有個戴眼鏡嘅男經理（老細？）好似唔憂做咁，叫極都無咩反應（佢有望過你係知道你叫緊佢），佢個態度就好似喺度講緊：「你嚟得食就預咗要俾我黑你面，同埋我唔一定要睬你㗎卑微嘅客人」🤷🏽‍♂️

上星期六去了荔枝角的D2place行街，又落大雨，最後還是在商場的餐廳吃晚餐。路過見到金鳳時間尚早已經有人等位，金鳳的名字也聽過，我也不知道之前有沒有吃過，看到餐牌主要是吃鐵板餐還有其他西餐粉麵為主。和朋友一共四人吃晚餐，我們都點了鐵板餐，我的是牛柳鐵板，另外有朋友點了雜扒鐵板，跟餐有餐包及羅宋湯飲味道很不錯！鐵板上枱也很大盆，是職場即時問你想要黑椒汁或蒜蓉汁然後直接幫你淋在鐵板上，我覺得黑椒汁淋得太多，令牛柳吃起來比較咸。牛柳可以選擇熟的程度，應該是有按照所要求的程度上枱，但鐵板很熱，所以五成熟的很快也會變成七成熟，要留意一下！另外牛柳比較厚身，肉質一般，反而朋友點了的雜扒，當中的豬扒感覺比牛柳還要出色，以這個價錢我覺得還可以，但是牛柳真的不要點了，可以選擇其他肉類吧

D2 place分別有一期及二期，同樣有很多食肆。此餐廳於繁忙時段就會排長龍，也許是因為價錢不太昂貴的原因吧!幸好我們於中午繁忙時段前到達，不用等候就可以進餐。餐廳裝修以懷舊的風味，紅黃色為主打。午餐有五款選擇，可以配飯、意粉、薯菜及沙律，還有餐湯及飲品，可算是一個豐富的午餐 。洋蔥蒜香西冷牛扒 $58 牛扒肉質不是很硬，但明顯不是高級的牛扒。醬汁只有一款，我覺得配黑椒汁會更好吃。我們選擇一個配薯菜及周打魚忌廉湯，一個配沙律及羅宋湯。薯條分量很少，反而沙律比較吸引。餐飲凍飲竟然不需要加錢，還有全單免加一。怪不得長期都排長龍了。

今次唔係推薦大家食而寫的.今日終於食到一直因爲排隊排好耐而冇等既金鳳茶餐廳，出名平價扒，但估唔到係呢個質素，叫左個牛柳餐，肉質鬆弛到一個奇怪既口感感覺食緊合成肉，又冇牛味，唔知咬緊咩！😨😨外表係煎得幾靚，幾吸引，可惜肉質竟然會係咁仲衰過一般茶餐廳既西冷牛扒🤦🏻‍♂️🤦🏻‍♂️，不過佢個白湯同薯條都算合格。我朋友叫了雞扒我試了少許，感覺好過牛扒！所以想食牛扒既朋友都係建議大家去第二間食好了

今日收工好攰 突然之間好想大大啖咁食肉😂😂行D2 place個陣 本身冇諗定食咩 但經過金鳳個陣 見到門口啲人食緊大大塊扒既鐵塊餐 聽到埋鐵板餐既吱吱聲 就決定要食金鳳😋我最後決定左食蘇格蘭牛排餐 99蚊（未計加一） 包埋餐包、餐湯同餐飲 睇落好似幾抵咁餐湯就要左職員推薦既紅湯 餐飲就叫左唂咕（都係職員推介😂）紅湯真係唔錯 係帶D微辣既雜菜湯 好香既辣味 搭暖笠笠既餐包食一流 個湯入面都幾足料 有好多唔同既菜、青椒、西芹而餐飲唂咕 職員介紹既時候話係濃過朱古力 淡過咖啡 飲落就feel到好重朱古力/華田味 仲有少少既苦味 真係有d似朱古力又似咖啡😂飲落都幾得意至於牛扒 我就配左蒜香汁 個汁好香但唔係超級蒜蓉味 食完都唔驚口臭 個扒就好淋好滑 五成熟真係好正 仲大過鐵板既扒下面鋪左薯條、翠玉瓜同栗米粒 99蚊有咁大塊既肉食 仲有薯條 真係好爽😂😂塊扒食完一定會飽 埋單都唔駛120蚊 食到好飽咁返屋企😂😂 下次一定會再試下其他扒

今日放工約咗人睇戲，所以喺返樓下就腳嘅餐廳食嘢。呢間餐廳lunch日日都爆多人，夜晚就唔使排隊喇。今日叫咗一個牛扒餐，跟薯菜同奶茶（牛扒好大塊，好林，粗薯條配埋黑椒汁好好味。呢度個羅宋湯都好好飲，酸得黎有微辣。奶茶都好好飲，好滑）另外散叫左個焗肉醬意粉（個意粉份量好足，上面焗到有少少燶，肉既比列都算多，唔會得D汁，啲意粉本身都用茄汁炒過，所以好入味。）

一直都未有機會一嘗這家出名的金鳯茶餐廳，很多人都推介牛柳餐，今晚就點了套餐！扒餐有餐湯包括了羅餸湯或忌廉湯，餐包及飲品。 我們點了一紅一白湯，餐湯都足料的但菜較多，附送的餐包也暖暖的，職員會貼心會問一下客人加不加生蒜在牛柳上，好奇就加左，熱辣辣鐵板上菜，蒜味濃加上黑椒汁的確很香口野味，本身都幾鍾意食蒜，所以都很推介大家加這個蒜，牛柳口感略嫌「林」身左一點，不過整體還算滿意，性格比高而且套餐也有飲品提供的都算經濟！！

應該早D入黎OpenRice 睇下個食評。 確實很差既服務態度。很難忘既一次經歷。聽人講，呢度既牛排餐比較平宜，付近又好似無D平民D又好食既牛排餐廳。所以約了朋友到餐廳食晚飯試一試。本人先到，取了位置，坐左十分鐘左右，有位男侍應過黎話我朋友未到，要趕我走。我都未聽過有餐廳俾左人入去坐低左之後會趕客走。已話俾付近做野既朋友同事知呢件事。大家都話會blacklist 左呢間野。無人會鍾意貼錢買難受。

D2二期最近變成我哋嘅拍拖勝地， 呢度除咗日小朋友啱玩嘅嘢之外， 仲有爸爸最愛嘅 #金鳳 #鋸扒 😍 話說林生其實好鍾意old school嘢 ， 佢唔鍾意去 西餐廳鋸扒㗎， 茶記或者港式扒房就最啱！ 趁林小玩到攰瞓著咗，我哋兩個就扮下拍拖嘅鋸番個扒先。🍽荷蘭豬扒餐平時林太鍾意嗌西冷牛扒， 今次見到係荷蘭豬扒就有啲動心， 的確冇令我失望！ 一碟兩塊厚厚嘅豬扒，juicy 又香嫩，肉質仲係彈牙鬆軟添！ 不過最驚喜係嗰塊煙肉， 不油不滯，肉香十足，林太大愛啊～🍽帶子牛扒餐兩粒大帶子都幾鮮甜， 主角牛扒厚而不韌， 六成熟煮法，肉質嫩滑多汁，入口牛香鮮嫩，林生表示可以encore !🥣每個餐都配餐湯牛油麵包， 港式傳統紅湯白湯任揀， 再配杯凍檸茶或咖啡， 咁先係最正宗港式鋸扒體驗!#林太好鍾意 #下次再食 #分量太十足 #飽到食唔到香蕉船

由於我一個人放飯，我分別去了兩次D2 place 食飯，打算儲多點相再跟大家分享，但兩次的用餐回憶都十分差勁。食物不是問題，問題是員工的態度，如果每次用餐換來的是嘲笑，客人的感覺並不好受！下午茶餐份量剛好，肉醬意粉偏甜，但配上芝士很香。餐飲選了檸檬水，檸檬沒有苦澀味，反映熱水溫度掌握得很好。我請問店員可否加湯，換來的是不屑的眼神說招牌羅宋湯原價另計，最後沒有幫我下單。我食完成個餐先發現未有湯，要再落單。湯很辣，而且用料很一般，湯中只有少許頹菜（椰菜）。第二次是食焗豬扒飯，落單時請問侍應可否加油菜。 侍應用嘲笑的語氣說餐廳是沒有菜，然後再自大地說一句：我們這裡是食扒的。 然後就走開了。 其實我知道餐牌是有沙律，但是我想食熟的菜，因為近幾天胃一直不舒服。我只是問一問，沒有油菜我也不會勉強。 但侍應的態度讓我很不爽。 知否香港患大腸癌的人為數不少，拜這些沒營養概念的餐廳所賜。金鳳是出名食扒，不用講我也知道，用不著那麼自大狂妄。 真是一個侍應累了整家餐廳。 說回焗豬扒飯，挺好吃，豬扒用酒醃過，辟了豬臭味，而且口感鬆軟，很好吃。跟餐點了一杯可力，也不錯。

新年前去完太子金鳳，見到門口寫住D2開左分店，諗住近屋企，就去試下，但最後都係覺得寧願行遠少少去太子金鳳。兩個大人一個小朋友，叫左2個扒再另加白飯，承惠$233 (相同既餐，係太子金鳳食$200有找)。小朋友每次去太子金鳳都會食哂2個餐包同飲哂成碗白湯，但今次食左2啖之後話個飽好硬，碗湯唔好飲，爸爸話個包唔熱同有啲硬，似係就咁用微波爐翻叮，唔似太子金鳳咁用焗爐翻熱，碗白湯只係火腿湯，同太子差好遠。牛扒都幾淋，但無乜牛味。可能因為商場，唔可以大煙，冷氣開得勁同個鐵板唔係好熱，牛扒好快就凍冰冰。

今日老母又帶我食好西啦。話說今日同老母行完南豐紗廠，就一齊近近地去D2行一轉。✨金鳳，我諗大家都有聽過㗎啦，係一間港式扒房，由太子一間，做到而家有分店，老細實好好賺😂😂😂小妹我細細個就聽過呢個名，有時細細個生日，老母實帶我去金鳳据扒，而家食翻金鳳，真係好有味道☺️☺️☺️✨金鳳門面。✨小妹我地嗌咗下午茶餐，價錢由$25-$50不等。✨我地嗌咗一個焗豬、一個西冷牛扒，凍熱飲都唔洗加錢，正呀🤤 兩個下午茶餐都唔過$100。✨餐飲唔洗加錢~凍檸茶同熱奶茶~✨西冷牛扒配薯格。港式牛扒就無分成熟度嘅，但係煎出黎一定都韌，仲好稔添。✨老母嗌咗個焗豬扒飯，份量下午茶啱啱好，芝士好十足㗎。

係咪因為人大左，嘴刁左，所以硬係覺得金鳳自從開咗分店一間又一間之後，啲扒嘅鬆弛程度亦都日益上升！其實有時候鋸平扒真係幾開心，感覺好懷舊，童年嘅回憶返晒嚟。但人大了，對味要求絕對多了。當你食一塊所謂牛扒，咬落口佢嘅肉質鬆弛到一個地步，完全感受唔到肉本身應有嘅纖維，咁其實間餐廳係點樣對待呢塊牛扒呢？除咗鬆肉粉，仲有乜嘢獨門神奇秘方可以令肉質破壞到咁徹底呢？不禁令我諗起飲茶食嘅山竹牛肉，點解同平時阿媽喺屋企煮嘅牛肉係完全唔同嘅質感，點解會咁嘅？好啦，面對肉質鬆弛晒嘅牛扒，乜嘢食法先係最好食呢？就係當落單時待嘅問你要幾成熟嘅時候，諗都唔使諗就答佢：「10成！」... 咁點解呢？既然塊牛扒嘅肉質已經俾人搞到咁鬆馳，咁點解仲要食五成熟七成熟呢？五成熟七成熟嘅本質，就係希望食嘅時候口感可以tender啲，咁而家啲肉已經鬆成咁，仲tender乜鬼嘢吖？嗌10成熟加番佢本身已經鬆弛晒嘅效果反而先係啱啱好！哈哈哈！但如果你照樣叫返五成熟，咁就大鑊啦，個口感因為佢本身已經太鬆馳嘅緣故，口感會變得覺得佢好生，好似變返三成熟都冇咁！會令人感覺非常不良好！... 其實呢個價錢，要搵一間茶記可以食到除咗鬆弛之外仍然