金鳳大餐廳 (D2 Place TWO)

营业中

休息中

D2 two開了多間新食店，金鳳大餐廳是其中一間，每日一到lunch time, 餐廳外佈滿等位的人，經試食後，我相信人多的原因應該是價錢便宜，一個午餐，有麵包，餐湯，主菜和餐飲，也只是$58左右。以這樣的價錢來說，跟食物品質算是平衡，正所謂一分錢 一分貨。我跟同事各點了不同的餐，麵包只是普通餐包，沒有特別，但優點是有點熱，搽上牛油還是可以的。同事點了周打魚湯，她說這湯味道尚可，湯身夠濃，不過就太creamy, 魚肉只有幾粒，西芹粒反而多一些。我則點了羅宋湯，味道正是我喜歡的舊式餐廳味道，茄汁味濃，帶少許辣，湯內蔬菜豐富，最重要是夠熱。至於主菜各點了黑椒汁雞扒飯及蒜蓉汁牛扒意粉，牛扒明顯用梳打粉奄過，肉質林但沒有牛肉味，意粉口感還可以，至少不會一夾就斷。至於雞扒則太鹹，飯不夠熱😔餐飲叫了凍檸茶，茶味ok, 算是夠濃，但不澀口😊食前沒抱有希望便不會失望😂

同事知道喺D2二期3樓開咗間金鳳大餐廳，聽講金鳳好出名，所以每日中午都超多人排隊，可能新開張無耐，大家都一窩蜂搶試，我哋為咗試下，仲同老闆申請2點先食晏，哈哈⋯⋯都話女人為咗食可以無所不用其極，我哋仲提早1:30就出來排隊，1:45來到門口，仲有好多人排隊，我哋都預咗要等，果然2點後好快就有位，午市套餐真係好抵食，我哋7個女同事各自點咗唔同套餐，我就㨂咗A西冷牛扒伴黑椒汁配薯菜，羅宋湯，熱辣辣，但味道偏咸，牛油餐包，好懷舊既味道，最正常黑椒牛扒配薯菜，薯條剛炸好好香，牛扒嗱到非常軟化，唔鍾意囉，不過$58喺荔枝角區好似咁既套餐已經算好超值，一分錢一分貸，唔好要求高級餐廳質素，檸檬茶都算ok，不過如果要排隊，應該唔會再來了

在屋苑 Facebook 群組見到 D2 Place Two 3/F 有新食肆開張，其中一間係以鋸扒聞名的金鳳。趁今日得閒，就同老婆去試下。先講環境，其實店面積不算大。有啲枱仲橫跨店內店外。但新裝修完，都好企理下。我哋只係叫咗兩樣嘢。一個係帶子 carbonara，另一個就係馳名的雜扒餐。順帶一提，新張期間送野飲。雜扒餐先上忌廉湯，賣相無特別，不過飲落偏鹹。飲完湯就上什扒餐，個雜扒餐真係輸人唔輸陣，啲扒堆到成座山咁高。有豬扒、牛扒、雞扒、火腿、香腸、薯格同埋翠玉瓜。 個人意見塊牛扒“拿”得勁嗰咗少少，其他扒都尚算可以，食完飽曬。至於我老婆嗰個帶子卡邦尼意粉，啲帶子就好薄，一開二。 味道都係偏鹹。總括來說，食物水準有再上升空間，期待下次再幫襯時可以改善食物偏鹹的問題。

上星期去山林道果間見到 金鳳係荔枝角新開張， 今日放門行黎睇睇 。 D2 好多新開餐廳估唔到 竟然開金鳳 鋪頭無乜味。空氣流通 份量依舊 食物味道不變 依然咁好食鋪頭新裝修 扮懷舊 都係ok la 價錢貴5蚊左右西冷93什扒88

金鳳餐廳呢個招牌睇嚟虛有其名，開新舖都應該注意食物質數，食物超級難食🤮吾會有下次，叫咗個鮑魚牛㧕扒，啲牛柳肉質霉霉哋好難食，應該系用得太多行內人叫嘅-食粉(本來系用作另肉質變諗),太多的話就會霉，個羅宋湯同出面茶餐廳嗰啲冇分別水汪汪，無咗舊式羅宋湯嘅味道🤦🏻‍♂️！另外叫咗兩一個安格斯肉眼扒亦吾得，完全想像唔到咁差水準！睇嚟個廚房要換人先得！今次無試香蕉船！樓面服務態度一般，地方整潔！入坐不需等候！希望餐廳能改善不足之處！

Lunch: 餐湯，餐包，主菜，同一時間上，都唔知食得乜，唯有趁熱先吃主菜，之後個忌廉湯已成了傑達達的漿粉糊😰燒豬脾沙律：豬脾又乾又鞋，菜沙律，菜也新鮮，但汁酸到盲公都開眼南瓜汁龍脷柳：一般standard, 但見到老公及阿女也吃剩下一半，不言而喻。

餐廳新開就同朋友黎試吓，同友人都叫咗牛扒餐，一食就知係合成牛扒，劣質。。。切開牛扒中間有勁多氣孔。。。。。。肉質淋到好似山竹牛肉球咁，一啲都唔似牛扒，好難食，好失望，估唔到金鳳變成咁。塊扒仲大過我塊面，好假，大到有啲嚇親，我同朋友都冇人食得晒....好後悔叫咗牛扒餐，早知食意粉焗飯算.......例湯配菜尚算OK，不過勸大家唔好叫扒餐了，我一定不會再幫襯，價錢又唔算平，大x樂嘅鐵板牛扒餐好食10陪

今日經過荔枝角D2 place 2時， 發現3樓嘅金鳳經已啟業。 Yes! 平時去太子道嗰間成日都要等位。。 以後唔使去咁遠啦5點左右冇客人，可能太早。。門前掛住“試業中”的牌 (怪不得)，原來剛開業。點了西冷牛扒餐加蒜蓉 (去金鳳當然加蒜蓉)。先來一碗又熱又材料豐富嘅羅宋湯。那個餐包十分香軟，牛油是真牛油 (久買遺了的牛油香)。在這寒冷的天氣得到份外温暖。牛扒要了「五成」熟。 在港式餐廳吃的牛扒會用梳打粉處理過是它的特式。可別期望與Morton's of Chicago比較啊。牛扒份量大(大概10-12oz)配上沙律菜、薯條和一些熟嘅翠玉瓜和紅蘿蔔絲。 雖然生熟菜放在一起有點奇怪，但薯條的味道真是不得了。炸得香脆又有薯仔味。牛扒熟的程度與期望一樣。照片無加工，顏色與實物一致。 喜歡食生蒜頭的朋友，這些蒜蓉絕不會令你失望。咁大膽用金茶王印喺隻杯上面？茶味的確香濃， 亦與洪水橋哪間 奶茶王 味道相似。適合喜歡懷舊的朋友。