金鳳大餐廳 (D2 Place TWO)

营业中

休息中

今次經過D2 Place時，一聽到炸炸聲 ，入面有唔少嘅霓虹燈作為裝飾，俾人一種懷舊嘅感覺，啱晒而家潮流興嘅Vintage風。雖然去哩日係閑日，但都full house，排左差唔多三十分鐘先入到。餐廳地方唔算大，座位與座位之閒距離比較近，但上菜時間就好快。🥩招牌牛柳餐($133)肉質嫩滑、肉味濃厚、肉身厚實。呢度我就選擇左蒜蓉汁，當然唔少得加埋呢一度嘅招牌生蒜，令味道更上一層樓。🐮西冷牛扒餐($133)西冷牛扒叫咗五成熟，塊扒上餐先再淋汁落去，啲黑淑汁一野淋落熱辣辣嘅鐵板👅，肉質好有咬口，但凍咗就有啲韌，建議快快趣食！下面有好多配菜，食到好飽！🧄+$2生蒜 🥣餐湯 (跟餐)白湯好creamy! 可適量加黑椒吊味🍟小食拼盤 ($88)令我最深刻嘅係個醬汁，貼貼酸酸，令人開胃。炸物小食都脆卜卜，但唔可以擺太耐，唔係就變硬倔倔！

星期日1：50 （3位 ）開始等位。都算非繁忙時段吧！點知佢原來堂食冇限時，眼見幾張堂食霸有情侶，有一家大小，食完，係度打機吹水，員工又唔醒目執定台，提醒客人要埋單。 餓既食，真係唔好離。等30分鐘都未必有位。

突然想食鐵板牛排既我，上網搵到呢間多人推介既餐廳，所以拉埋朋友黎試下。未到晚市繁忙時間，已經坐左一半人啦。我地兩個人各自叫左一個餐。一個係美國牛小排鐵板餐同一個蕃茄焗肉醬意粉。兩個餐都包餐湯同餐包，一個紅湯一個白湯，好足料。中意飲紅湯微酸辣，開胃極致係鐵板餐送上枱既時候，店員細心地叫你拎定餐紙，以免彈到你成身都係。牛小排（五成熟）鐵板餐好大份呀，我地叫左蒜蓉汁，另再加生蒜茸（$2），覺得必須要加呢個蒜茸！每切一舊牛，都沾上蒜茸，完全帶到個肉汁加蒜香味！因為叫左五成熟，肉質唔會太老，嫩到好容易切。牛少排底下仲有薯格同少量瓜，好滿足！朋友就叫左芝士焗肉醬扁意粉，上枱都keep 住炸炸聲同香噴噴份量都好充，雖然係蕃茄，但味道甜甜地，再加咸咸嘅芝士，互相滲透係意粉之間，令每條意粉都沾到d醬汁，好快就比我地ko 左啦我決定下次再帶屋企人黎食！

對上次已經寫完差評 仲有少少想補充 嗰日食完之後搞到我又屙又嘔 唔知係咪啲嘢食污糟 仲有啊未講完上次佢水吧沖啲嘢飲 華田定朱古力 全部都水嚟嘅 淡而無味 我真係見到咁多人排隊見佢餐牌又ok唔試下唔得啦 點知第一次試食即刻中伏 真係驚咗間嘢 真係極度唔推薦大家食！！！

之前見好多人排隊所以決定來食，所以特登今日過來食餐好，點知服務態度差到呢，吾講以為殺左佢全家，唔知佢係埋趕時間，嗌個餐都要睇人面色服務態度差都算，以為野食會好好食，點知仍然讓我大跌眼鏡，塊牛話要五成熟變七成，仲要唔好食，杯嘢又難飲到無字可形容！衝冠嘢飲都可以衝到如此難飲，真佩服！水吧嗰個唔知係咪做吓做吓瞓着咗，嘢食都食完嘢飲仲未上，仲要催左幾次，奉勸大家唔好來受罪！晒我幾百蚊嬲到忍唔住來寫食評！！

之前去過荃灣愉景新城嗰間分店，好好食推薦大家去，諗住今次嚟荔枝角呢間分店一樣會咁好食，DLLM一嚟到嗌嘢，服務員西L到好似殺咗佢全家咁樣。啲嘢食嚟到個餐包同埋個白湯都OK，個扒五成熟變七成熟，七成熟變十成熟，啲黑椒汁少過佢間野冷氣機滴嗰啲水，啲蒜蓉大粒到可以卡L死人，叫佢幫我加啲汁10幾分鐘都未加到，到食完嘅時候個餐飲都未到，杯朱古力嚟到變咗奶水咁樣，有一下想衝入去水吧自己沖，服務態度咁樣，都要收$60服務費，唯一一樣好嘅嘢就係員工非常團結，團結擺爛，一句講晒狗也不吃。

點咗嗰5成牛柳幫我整成全熟飲品食完野先上等咗超耐🙄服務態度超差成間餐廳得一個服務員其他服務員坐喺度撳電話就算係放飯時間係咪應該都擺一兩個人服務啊😑你放飯時間唔理人都算食完飯念着叫人幫手點知望完一眼之後掉頭走明明舉左手真心極無奈🥲

服務態度差到爆 叫落單好似攞佢命阻佢收工咁 嘢飲食完嘢先到 水吧速度快到傻 食啲牛食到哽死都未有嘢可以飲 啲嘢食又唔知想點 嗌5成熟啲肉全熟咁款 落汁又比得個啲啲 真係bad list

呢排成日都喺荔枝角行街晚晚經過金鳳 都見到好Crowded平日晚都排晒長龍係咪真係咁好食先？😲😲😲今日終於扚起心肝脾去首先一入去嘅感覺 就係個裝修幾靚 坐得幾舒服😌好快已經坐滿晒人咯😂😂😂同朋友各自叫咗一個扒餐再另外叫咗一個忌廉芝士西蘭花🥦😋每一個餐係包括一碗餐湯及一個餐包+ 一杯餐飲我哋兩個都點咗羅宋湯羅宋湯嘅味道係我鍾意嘅口味酸酸唔會過甜😀後勁仲有少少辣辣地😁勁快就比我飲晒🤣 扒餐分別有野菌西冷同埋豬扒餐🍴豬扒餐豬扒餐有兩大塊咁多！一上菜已經覺得好豐富加埋啲黑椒汁，熱到治治聲真係聽到都覺得興奮🥰豬扒軟硬適中食得出用調味酒醃製過 非常惹味😍😆兩塊真係多到食唔晒😳🍴野箘西冷個汁好味西冷都係好厚身 肉質就偏淋所以我個人比較鍾意食豬扒🥦芝士忌廉西蘭花熱辣辣 芝士味都幾重 yummm不過點完餐先發現原來仲有個Dinner Menu有埋沙律同甜品好似仲抵食！除此之外都見到有沙律食可以跟埋餐想食少啲肉都有好選擇我覺得下次再嚟可以再同朋友share一個扒餐，再加一個沙律餐🥗🥙又健康，又滿足

睇完「想見你」，趕得切返學前食個下午茶餐（5點半前先有），梗係食個下午茶扒餐，勁抵食，只係$65，仲要凍飲唔使加3蚊！以$65可以食塊牛扒、又有煎蛋、又有薯條，真心抵，塊扒仲要幾好味😋，真心推介。

之前去過太子的金鳳大餐廳，扒餐係分量十足，今次去試吓D2的金鳳大餐廳，這裏的裝修有少許中國風，有紅色的摺疊門和窗框，很有心思。我哋兩個人都想食牛，所以叫左兩份牛，美國牛小排餐同埋蘇格蘭牛扒餐，揀咗羅宋湯和餐飲凍檸檬茶，侍應姐姐仲提議我哋兩份牛扒order五成熟，加埋用鐵板上就啱啱好。首先上餐包同餐湯，羅宋湯有少少辣味，正合我意😋，而餐包暖笠笠，配餐湯就非常之好，輪到主角出場，侍應姐姐倒汁時，又好細心叫我哋攞起餐巾，避免汁濺在衣服上，我哋分別點左黑椒汁同蒜蓉汁，正如侍應姐姐所講，五成熟加鐵板上，真的剛剛好👍🏻，最後飲埋杯茶味濃嘅檸檬茶，就將這－餐畫上完美的句號。順帶一提，11:30-17:00，金鳳扒餐有88折，真係抵食。

金鳳人人都知係食港式扒餐唔食扒，其實可以唔洗黎黎親9成9都係食扒D2 Place Two 依間只有嘅discount真係好抵，88折所以到2點半下午茶時間都係有大把人排隊中座位唔算多，所以有人等唔到就叫外賣外賣好似仲再平d見到個menu 都想試哂佢黎金鳳一定係叫紅湯酸味適中，足料凍飲正常港式扒餐一定係鐵板上不過有人拍大煙都可以碟上係小左d 風味T骨牛扒餐 $167計埋加一肉好大塊，下面有小小薯菜不過食塊扒都夠哂肉淋，調味道夠美國牛小排餐 $189貴小小都係計埋加一所以都係抵食過出面牛小扒有咬口，彈牙有d texture食得出係靚野。美國嘅

今日同朋友係D2 Place行完街，就嚟到呢間港式風味經典扒房享用晚餐。呢度有各式各樣唔同嘅扒餐可供選擇，美式又有，港式又有，豬牛羊雞扒全部都有。最後我哋叫咗一個西冷牛扒餐、一個鴛鴦扒餐，以及一個小食拼盤。餐包同餐湯係扒餐嘅標準配搭，紅湯白湯我哋各點了一碗，都幾大碗，紅湯嘅材料比較多，味道酸中帶有點點辣。小食拼盤 ($88)小食拼盤包括黑椒蜜糖雞翼3隻、日式吉列炸蝦3隻、吉列手指魚3隻、脆脆薯格。原本其實只係想叫脆脆薯格，但見到有呢個小食拼盤，價錢只係貴少少就可以試多幾款小食 ，非常之抵。所有小食都炸得好香脆，特別係脆脆薯格，一啲都唔會稔。日式炸蝦配上千島醬非常之夾。 鴛鴦扒餐 ($124)佢係雞扒加豬扒，份量非常多。兩塊扒都好大塊，揀咗黑椒汁。黑椒汁淋起鐵板上產生出既咋咋聲，真係好治癒 。雞扒同豬扒都好稔，豬扒一啲都唔會鞋口。 雞扒吸收晒啲黑椒汁好入味西冷牛扒餐($138)揀咗七成熟，但由於鐵板原本都有熱力， 所以令七成熟嘅牛扒食落似九成熟 。西冷牛扒冇牛柳咁諗，但較有口感，牛味亦都幾香。唯一係啲筋位有啲太靭，要咬比較耐。PS1：餐飲跟餐價冷熱同價PS2：我地六點半入座剛好不用等位，

大約12點半同同事去食lunch，我地一行3人先到，另外2位同事後join，共5人襟飛仔排隊等入，飛仔上寫明過半數可入座，等左陣有位，諗住入去食啦，點知被帶位肥肥地嘅男侍應A攔截，話我地唔夠人數😵‍💫😥明明話半數可入，我地好聲好氣同佢講，我地過半數人喎，另外兩位同事黎緊，侍應A西住面咁帶我地入座😵‍💫一坐低，我地已經幫未到同事叫左餐，共點5個餐，侍應A又摧問人到未，我地話黎緊喇😤😡，餐都叫左啦頂佢個肺，d食物啱啱到，食唔夠兩啖，第4位同事已到，侍應A又走埋黎摧，佢話咩人多，第5位到唔到？前後唔夠10分鐘，問長問短，態度勁差，我地心諗，到叫左5份餐啦，點解仲咁煩問到唔到？想輕鬆食個lunch ，都咁煩，又要受氣，食物質素又唔係特別好，唔會再去😡😤

想食港式西餐，不嬲都第一時間諗到呢間餐廳！今日同另一半放工過嚟呢度撐枱腳！是日忌廉湯（轉套餐＄25）忌廉湯味道濃厚，而且夠晒熱！值得一讚就係麵包都係熱辣辣嘅可以令到啲牛油查上去時候即刻溶咗！✨美國牛小排餐(五成熟）（洋蔥汁）(鐵板板上)叫咗五成熟，真係五成熟！洋蔥汁沒有搶過濃郁嘅牛肉味，同埋呢塊牛扒一啲雪味都冇👍👍牛肉好容易咬開，沒有筋！✨野菌忌廉煙三文魚意粉三文魚好多！野菌忌廉味道適中，食得出野菌味道又唔會太鹹！意粉質地適中，同埋都啲醬汁都可以黏附喺意粉表面！✨檸檬茶(熱）檸檬夠晒多，而且夠厚切！檸檬味超香！總括來講，每人百幾蚊已經食到唔錯嘅西餐！而且地點方便，位於地鐵站附近，怪不得到七點幾已經要排晒隊，不過我見呢間餐廳條龍去嘅速度都好快！