金鶴拉麵 (荷李活道) (已結業)

今日去大館睇下展覽，見附近有間拉麵係google都有4.2分，所以就試下佢~好鍾意餐廳個設計，有bar枱同窗邊座位供食客選擇，坐位空曠，坐得舒適🔸餐廳出左新期間限定:蠔湯拉麵，豬先生話咁特別緊係要試下啦~簡左配埋生蠔黃金燒既套餐($198)蠔湯味帶回甘，口感清爽但風味豐富，蠔的原味完全呈現，配上一大塊的豚肉叉燒，麵中亦有木耳、糖心蛋同筍條黃金燒蠔大大粒，個蠔身仲脹卜卜，好鮮甜，蛋黃醬仲加左D菇，有咬口🔸我就簡左雞白湯拉麵($98)配上兩大塊既低溫慢煮雞肉及一大塊的豚肉叉燒，仲有炸牛蒡好特別，增加左口感，麵中亦有木耳、糖心蛋同筍條餐廳仲有串燒叫，同埋飲beer，都好適合happy hours 個陣黎👍🏻而且餐廳除咗堂食，仲有外賣自取，都見到唔少人收工過嚟拎外賣🤗

今日啱啱去咗中環嘅金鶴拉麵食晏，真係好正呀！佢哋嘅日本菜真係唔錯，尤其係佢哋嘅拉麵同埋日式餃子，絕對係值得一試嘅！我就揀咗佢哋嘅雞白湯拉麵同埋北海道極濃蟹湯拉麵卷，嚟緊就想再去試下其他口味啦！佢哋嘅拉麵真係好過癮，麵條有啲彈牙，而湯汁就好濃郁，好滋味！特別係佢哋嘅北海道極濃蟹湯拉麵，真係太正啦！湯汁濃郁又有啲甜，配埋啲鮮味十足嘅蟹肉，真係食到嘴裡就好開心啦！另外，佢哋嘅日式餃子亦都好好食，餡料多汁鮮美，皮薄又唔太粘齒，一口咬落去真係好過癮！仲有佢哋嘅拉麵卷，好似煎餅咁，餡料夠多夠香，同埋麵皮脆口有嚼勁，真係一流！"

平時好鍾意食蠔既我，見到金鶴拉麵出咗隻期間限定嘅蠔湯拉麵加埋燒生蠔就再出個朋友收工去試吓。個set係（$198）入邊有碗拉麵同加埋兩隻燒生蠔。個拉麵湯好濃好好味，特別一讚嘅係佢比起豬骨煮出嚟嘅湯更加有鮮味。面底嘅面係比較幼身，我就特別鍾意呢一種面嘅粗幼。因為我覺得幻面可以掛湯掛多啲，食落都好味啲。👍 蠔湯拉麵入面有紫菜同埋叉燒，紫菜仲係好脆好正。而且個set仲包左兩隻燒嘅生蠔，呢個燒生蠔超級新鮮。上面鋪咗啲芝士一齊燒，但係就冇搶到蠔既鮮味。真係唔錯👍至於朋友就叫咗個雞白湯沽麵（$138），嗰啲沾麵汁真係有濃郁嘅雞味😍。而且雞肉都十分嫩滑，肉質無煮到好老非常緊要👍雞胸肉都煮到呢個質素真係值得一讚。沾麵我朋友都話唔錯，我下次嚟都可以試吓呢一個先。小食方面，我就叫咗個唐揚炸雞（$38）。炸雞啲炸粉冇整到好厚，所以入邊啖啖肉。而且入邊啲肉汁都仲喺度，唔會炸到乾晒。配埋啲拉麵一齊食好快就俾我哋K.O.咗啦。金鶴拉麵呢個期間限定真係唔錯，鍾意食蠔嘅朋友仔可以試吓。

一個人的晚餐, 唔想食快餐, 食拉麵就最好不過。公司附近有間拉麵店---金鶴拉麵, 同事食過讚口不絕, 正好今晚去試試。平日正值下班時間, 可順利安排入座, 餐廳環境整潔企理, 主打嘅拉麵有唔同湯底選擇, 另有鰻魚飯、小食、串燒,揀咗一款signature湯底----極濃雞白湯,極濃雞白湯拉麵 :奶白色湯底以原隻雞烹調超過8小時, 味道鹹甜黏滑, 非常creamy, 容易掛湯, 每條麵條都掛上湯汁, 麵質軟硬剛好, 啖啖含豐富天然骨膠原, 深受女士喜愛, 健康又美顏。牛蒡即炸, 甘香香脆不油; 雞肉有dd厚度, 肉質嫩滑; 豚肉叉燒粉嫩薄切, 毫不油膩。配有軟滑流心嘅溫泉蛋、荀片、木耳絲同埋香蔥, 令口感同味道都豐富有層次。蒲燒生燒鰻魚:燒鰻魚表面掃上了甜甜鰻魚汁, 皮稍為索咗少少汁醬帶點點煙韌, 鰻魚質地好林, 汁醬稍帶出鮮香味。明太子雞翼:外皮微脆, 雞翼嫩滑juicy, 釀入嘅明太子令整體味道有少少辣, 幾惹味。

中環高質拉麵👍🏼🫶🏻一向都知金鶴拉麵既濃雞白湯好出名🍜最近仲有好多新款既期間限定海鮮湯底拉麵🦞有極濃龍蝦湯拉麵🦞北海道蟹湯拉麵🦀身為蟹粉既我當然就揀左北海道蟹湯拉麵啦😋拉麵一上枱已經覺得好香湯底非常濃郁🍜麵質堅韌😚仲鋪滿左滿滿既手拆花咲蟹肉😋😋😋再配埋紫菜🥚溏心蛋🥩叉燒😋好豐富呀食食下連湯都差唔多飲曬份量岩岩好😉大滿足💯可以之後再嚟試吓佢其他期間限定嘅拉麵❤️❤️

📍《 金鶴拉麵 》荷李活道39號地舖見到呢間拉麵越開越多分店，👧🏻👦🏻有啲好奇佢有幾好食，於是去咗試佢最出名嗰兩款拉麵，湯底的確好濃郁，冇令我哋失望😋 環境方面，我哋今次去咗中環店，裝修都有日本風味，職員安排咗我哋坐bar枱～▫️北海道極濃蟹湯拉麵 $138👦🏻’s pick⭐️ 拉麵上面有滿滿嘅蟹肉🦀同一片叉燒🐷，配料有洋蔥、紫菜同半隻溏心蛋。湯底鮮甜偏creamy，加埋蟹肉更加有鮮味😋▫️極濃雞白湯拉麵 $138👧🏻’s pick⭐️ 呢款湯底又係勁足料勁濃郁又唔會過鹹❤️‍🔥 有兩片雞肉同埋叉燒，加埋木耳、炸牛蒡、溏心蛋，成個口感好豐富💕值得一試！人均消費 $100-150推介度🌕🌕🌕🌕🌑— 分店 —佐敦閩街3號地舖土瓜灣九龍城道10-16A號聯業大廈地下B舖旺角通菜街110號利民大廈地舖炮台山蜆殼街6-16號寶榮大廈地下E號舖銅鑼灣軒尼詩道525號澳門逸園中心7樓#hongkongfoodie #香港美食 #打卡餐廳 #thefoodie #foodie #foodiehk #foodpics #foodphotography #foodblogger #instafood #香港必食

已經有幾間分店的拉麵店，就試試吧😋🥢🍜北海道蟹湯拉麵 (日本直送，人氣No.1 ) $138 見到餐牌係咁樣介紹👉直接由日本北海道直送到店濃厚花咲蟹湯配上鮮味十足的蟹肉👈 就試呢個😋📝湯底蟹味香濃，麵質煙靭有彈性，除咗有蟹肉，仲有一片叉燒同半隻糖心蛋😃👍人均消費💰$150

近排好有人氣嘅金鶴拉麵除咗湯拉麵，仲有串燒，都幾多嘢揀，唔知揀咩好，就梗係揀店長推介😅極濃雞白湯拉麵 （店長推介）$138湯麵送到桌上，非常可觀，同餐牌張相好似😆雞湯入口順滑，味道濃厚而且不會太鹹，麵質有彈性，軟硬適中，配上低温慢煮雞肉及豚肉叉燒，肉質幼嫩，唔鞋口👍炸過嘅牛蒡，浸湯後煙煙韌韌，口感豐富，加上半隻糖心蛋，大滿足👍北海道蟹湯拉麵 $138濃厚花咲蟹湯，配上蟹肉，非常鮮味，麵質同樣煙靭有彈性，好好食，除咗蟹肉，還配上豚肉叉燒同糖心蛋，正😋整體食物質素良好，麵量亦非常多，食晒碗麵已經好飽，兩款拉麵湯底濃而不膩👍今期期間限定，做緊極濃龍蝦湯拉麵，睇相都好吸引，如果喜歡龍蝦，可以試吓😃人均消費$150呢間餐廳嘅拉麵仲可以買外賣。

[ 金鶴拉麵 ]上網見到好多人介紹呢間拉麵舖，見佢有幾間分店，今次就嚟左中環分店試下喺咪咁正先。✿ 極濃雞白湯拉麵 $138出名人氣no.1，當然要試吓。拉麵嘅湯頭清淡鮮美，口感非常濃郁。湯底喺用咗原隻雞烹煮8小時以上而成濃厚雞白湯，拉麵有塊好大嘅豚肉&雞肉，加埋炸牛蒡，賣相好吸引🤤。✿ 鹽燒秋葵 $28烤製後，外層微焦，內裡爽脆，加上適量嘅鹽，口感更加豐富，健康之選。✿ 鹽燒雞軟骨 $48雞軟骨口感好脆爽，味道濃郁👍🏻👍🏻。✿ 日式餃子🥟🥟 $38 日本傳統小食，薄薄嘅餃子皮，餡料味道鮮美，餃子炸起來都唔會太油膩。總結🫦人氣拉麵店，中環分店就位於荷李活道，搭扶手電梯可直達，而且店舖座位闊落。拉麵必試雞白湯，另外仲有還有A4和牛西冷牛骨湯拉麵& 3cm極厚蒲燒鰻魚飯等，日式料理愛好者點可以錯過呢。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿金鶴拉麵地址: 中環荷李活道39號地舖電話:26979780✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

分店越來越多，主打極濃的雞白湯及炸牛蒡，實在好吸引眼球。中環店內的環境不太大，午飯時間要早點來避開人潮。點了個極濃雞白湯拉面，有一大堆炸牛蒡，十分適合打卡，脆卜卜，好有口感，平時食開紫菜，這次卻有不少新鮮感。喝了一口雞白湯，濃到不得了，就似忌廉湯一樣，每一湯匙都會見到顆粒分明的雞肉粒，好足料。拉面配料有兩塊雞肉、叉燒同溏心蛋。雞肉有點鞋口，應該是用上了雞胸了，叉燒有點簿切，比較易入口，溏心蛋好流心。拉麵煮得剛剛好，掛湯能力十足，每一口都附帶濃濃的雞湯味道。

去完大館就嚟天黑，嗱嗱聲食個早晚飯就返屋企，原間餐廳又有拉麵又有鰻魚飯串燒等，選擇都幾多，所以一於一試。我哋點左2碗拉麵，見到Menu入邊有蟹肉湯拉麵，覺得幾特別好想一試，見到蟹肉好多，可以講係一堆蟹肉，好精彩，湯底好清甜，麵條口感軟硬度適中，最鍾意佢隻糖心蛋，份量超多，食完勁飽。店員話呢度出名雞湯拉麵，極濃雞湯就重口味啲，所以我哋嗌咗普通雞湯拉麵，雞湯唔油膩，我好鍾意佢塊雞肉，原來係慢煮雞肉，唔怪得知咁滑，配埋木耳絲一齊食，真係幾好味喎。呢度原來有埋串燒可以食，我哋想試吓，所以叫咗一款燒明太子雞翼，雞翼去骨，而且明太子辣辣地，外皮燒到有少少脆口，幾好味，走的時候先見到有龍蝦拉麵，下次有機會要試埋先。

金鶴拉麵食過都幾次啦，第一次食侍應話俾我哋知download個 app就可以做會員，免費架，一入會員就有💯分已經可以即刻換可樂或者糖心蛋，不過我冇即時換留咗第二次換餃子🥟1蚊1分我覺得好抵，食多幾次可以換埋拉麵添牙😍🥢極濃雞白湯拉麵先講個湯真係好濃郁，掛湯得黎又唔會覺得鹹，味道啱啱好，麵煮得啱啱好就算係濃醬汁嘅包圍下都仲有啲口感個隻😋，上面有啲咋牛蒡絲甜甜地，低溫慢煮雞肉真係嫩咬落好軟熟就算係湯底入面都好夠味🥢北海道蟹湯拉麵一入去就聞到蟹嘅味道，個湯底係雞湯，拆左嘅蟹肉嘅鮮味再加有質感嘅拉麵一啖食落去好滿足🤤🥢醬油拉麵啲湯底就好香濃鰹魚湯，啲醬油味道唔會太濃烈，又唔會太淡，醬油同鰹魚湯味道好平衡。慢煮豚肉好鬆軟，呢個醬油拉麵暫時係喺香港食過最似日本味道，足夠令我止思鄉癮🥢日式餃子餃子一份有四隻，餃子皮好薄，而且唔會太乾，啲餡料都好入味，口感好豐富。而且啲餃子煎到好脆口，好有嚼勁，外脆內軟，好好味！完全冇油膩感，好適合配啤酒飲用🍺總括嚟講佢地嘅拉麵真係好好食，呢個價錢仲有會員制我覺得超值，除咗拉麵佢哋仲有串燒，下次我會試埋佢哋嘅串燒💙

<金鶴拉麵> 📍中環🔸果然名不虛傳🔸原雞熬8小時以上 湯底 Creamy 🥴OpenRice勁多讚嘅金鶴拉麵，等我試試佢伏唔伏先。極濃 雞白湯($138) — 先講啖湯，Super creamy 😍😍😍 雞湯味濃郁，質地無冇杰撻撻。本身以為個炸牛蒡係裝飾，原來要用黎浸湯食 😯 個人覺得脆卜卜香口咁食，可以平衡到湯底嘅膩。伴隨拉麵除咗有木耳等配料，仲有兩塊滑雞胸、一塊滑叉燒 🤤🤤🤤 大大塊，肉感十足，一啲都無揸流攤！果然係名不虛傳！Damn Lemon beer ($38) — 呢款啤酒做緊promotion就叫黎試試 ☺️ 小小酸，但總體清甜，似Cider🍺 甜甜地好易入口。Overall係Satisfying的午餐，環境不錯、服務又好。唔覺意咁登記左做會員 🤭 當日登記Download個apps就已經有100分，加埋今餐365分 ($1 = 1分)，我下次就可以用400分換一份炸雞 🍗 抵！！！我同朋友仔12點左右黎到，餐廳先開始營業 😌 唔算好多人，午膳環境幾舒適。

雖然餐廳主打拉麵，但今次想試吓食串燒～🍢✨黑椒牛舌串 $68切得都幾大塊，味道唔膻，口感幾柔軟爽滑。✨蒲燒生燒鰻魚 $68鰻魚燒得幾脆皮，燒烤醬汁濃郁。✨照燒免治雞肉 $48雞肉口感軟綿，入口肉汁濃郁，如果配埋隻蛋黃就好了。✨鹽燒五花腩 $48五花腩肥瘦相間，燒至油香四溢！✨黑椒安格斯牛柳 $68肉質有啲韌。✨燒秋葵 $28口感清脆，燒得稍微燶咗少少。🏠 金鶴拉麵 (荷李活道)📍 中環荷李活道39號地舖☎️ 26979780

中午路經中環, 未夠鐘接人, 見到金鶴就係前面, 又好似好耐冇食拉麵, 就入去試下啦！聽講雞白湯出名, 叫咗一個, 另一個叫咗蟹肉湯底！入會下載個App就有可樂或者蛋送！我哋2個人下載就可以一人揀一份！唔洗等好耐, 拉麵到喇！麵質偏硬係我哋鍾意嗰隻, 湯底濃郁野味各有千秋, 豚肉就一般！整體都ok既！