金龍海鮮酒家

营业中

休息中

朋友生日22個人book咗鯉魚門金龍海鮮酒家，因為我哋人多酒樓好貼心留咗間房俾我哋，望住個海食飯非常Chill 服務周到我哋叫咗12道菜，豉椒炒蟶子王超有鑊氣，豉油王大蝦超級入味，一斑兩食不得不讚紅炆頭腩骨真係好好味，外脆內軟😋爺爺雞煲非常入味👍🏻店主推介芝士龍蝦炒飯底真係好出色，伊麵底或者米粉底多士就食得多炒飯都係第一次每粒飯都包住芝士汁真係出奇地咁夾，甜品佢哋有生果同埋送咗個腐乳西多士真係值得一試鹹甜適中，真係絕配

上星期日傍晚去左鯉魚門行下觀光，突然約到海鮮達人家人開餐，去左呢間佢前同事幫趁左幾十年的老店. 其實都係我哋一家三口第一次去鯉魚門食海鮮. 餐廳最近裝修完重開，環境非常新淨光猛舒適. 安頓好去左斜對面鋪龍華揀海鮮，老闆非常老實，本身想點瀨尿蝦但係佢話唔抵食太貴阻止左我哋，最後叫左龍蝦/ 海斑/扇貝/蟶子/奄仔蟹，送左花甲俾我哋. 佢好熱心介紹可以點整，最重要叫我地唔好浪費食物，蟶子有米粉底就唔好龍蝦加伊麵底啦因為食唔曬，仲叫我地唔好叫咁大隻龍蝦，好似幫自己倒米咁. 揀完曬海鮮仲即席示範鰃條大魚俾我哋睇，好驚喜. #油鹽水浸花甲花甲新鮮有咬口，個汁好鮮可以當湯飲，薑蔥勁多超好味. #上湯焗龍蝦高湯清清地唔會膩，龍蝦爽口彈牙鮮味更突出.#鹽焗奄仔蟹處女青蟹膏柔軟甘香，整體咸得嚟又唔會over, 粗鹽帶出奄仔蟹的鮮味，唔加醏都已經好好食. 據說端午後中秋前吃最爲肥美.#豉汁蟶子煎米粉煎米粉超好味，脆脆地索曬惹味鼓汁，蟶子爽口肥美.#清蒸海斑 火候剛好非常滑又鮮嫰唔腥，小朋友食左半條！#蒜蓉粉絲蒸扇貝蒜蓉粉絲撈飯一流,扇貝大隻，美足不足有少少痴殼可能蒸耐左d. 但都好味. 不過同其他比的確失色

好朋友既靚媽成功爭取兩蚊交通決定去鯉魚門擺返圍賀一賀佢🤪一行12人浩浩蕩蕩個個都撩哂鼻留晒核酸先夠膽出現有朋友食過呢間好味推介我哋再去果然冇介紹錯😋😋😋😋鯉魚門金龍海鮮酒家 有好朋友事先同大廚老細溝通咗落單程序大概係預先同佢講定幾多人人頭不值幾多左右 然後佢就會幫你設計一個菜單 預份量再同你確認去到就可以坐低慢慢品嚐🥰今次食得好滿足每一碟嘅份量都好足坐多四個人入黎都食唔晒每人都滿載而歸又食又拎🤣介紹吓我哋食咗嘅菜單先1️⃣黄金脆大虾2️⃣豉椒炒聖子皇煎米粉底3️⃣蒜蓉粉C蒸日本吊貝4️⃣西蘭花扣南非鲍鱼5️⃣酥炸生蚝6️⃣大班兩味鱼（西芹炒球，炆骨腩）7️⃣上湯龍虾伊面底8️⃣金銀蛋浸菜苗9️⃣波蘿咕噜肉🔟楊州炒饭1️⃣1️⃣海鲜靓湯1️⃣2️⃣生果拼盆1️⃣3️⃣杞子桂花糕味道方面我真係冇乜嘢好彈頭幾樣上嚟都太好味唔記得咗仲有後邊果一半所以食到後期有啲飽得滯唔可以以正常角度來品嚐不過諗返都好回味😋😋服務方面絕對要大讚一下鯉魚門Dee哥佢唔單止對自己份工好有熱誠對客又好熱情好有擔帶而且對佢老闆都好熱愛🤣聲稱係鯉魚門金城武想睇可以去嗰度幫襯下🤣聽佢講，撻佢個朵出嚟好似喺對面買鳳凰卷有特價🤣🤣🤣冇嘅話你入返廚房搵佢叫佢出嚟幫你買🙊🙊整體來講係

今日約咗同事一起食海鮮，當然選擇朋友介紹既金龍海鮮。超抵食，一檯12人，很久沒有這樣食得開心，我們選了人均消費$400個款，由同事決定食什麼，樣樣新鮮材料，一定無得輸。先嘟咗安心及量體溫，然後入座，座位舒舒服服，地方夠大。我們點了🦐、鮑魚、🐟、蟶子、龍蝦、蠔、賴尿蝦、螺⋯⋯個人推介：賴尿蝦、蟶子、龍蝦⚓️走嘅時候若果家住港島東也可以考慮搭船🚢，因為貪夠近，不用行去搭地鐵，非常方便。💰鯉魚門附近也有一些手信，順便買回家，一晚嘅行程非常豐富。

今次由於係同家人食飯，而海鮮都鮮甜味美，所以食得好快，影唔切相！中秋節家人想食海鮮，於是入鯉魚門揾食！由於係揸車入去，見到停車場做緊優惠，食某幾間酒樓可以免一小時租，決定揾一揾果幾間酒樓睇睇，最後家人揀左呢間金龍！揀海鮮果個檔口唔算好大，有2條大魚坐陣，非常生猛！店主表演餵蝦仔俾佢地食嘅時候，大魚一瞬間就呑左蝦仔，仲激起好大水花！今次同家人共三個人，海鮮方面一共食左：蟶子 - 第一道菜，非常鮮甜爽口，多肉貴妃蚌 - 三隻蚌肉有大有細，睇運氣，蒜蓉粉絲底好夠味，蚌肉亦係比較爽口鮑魚 - 非常大隻(應該有手心大，唔計手指),好厚肉！廚師煮得好好，非常軟嫩、一啲都唔難咬！琵琶蝦 - 聽講店家特別準備左呢個品種，所以會咁大隻多肉！再一次，非常鮮甜多肉！仲有膏，相當肥美！我地仲要左一碟菜，而店家亦送左魚湯同生果，成餐都非常滿足！雖然最初8點幾到埗時覺得呢間要行咁入，食客唔多，海鮮檔又唔大，都無乜期望，但今晚嘅海鮮都真係非常鮮甜，真係非常有驚喜，忍唔住要寫返個食評等多啲人知！我印象中幾乎無試過連食幾種海鮮都咁鮮甜，下次想食海鮮嘅時候仲會再返黎！消費額:$2000有找/3人

同学濃情～招呼我们入鲤鱼门食海鲜是真正自家秤的海上游泳非的黄皮老虎斑皮和骨腩油泡A超级滋味肉質嫩嫩而富弹力皮厚～很好吃我極度推薦清蒸活蚌蚝油扣鲍鱼新鲜鲍鱼不是贵是扣了兩天行政总厨透露勁大只虎虾用刀叉锯吃饱了很结实的肉加上不乏红虾羔简单可以话滯巨大蛏子下面煎米粉不错的甜菜心和牛轻煎细细只壽飽普通水平反而个绿豆沙充分臭草和海帶的特殊气味我們一般都偏好古典風的慢慢煮糖水這個晚饭友人自己用上超级材料不過覺得金龙亦有進取的人才敢接受挑战厨艺可以

今日同一大班同事嚟到這間我們想幫襯的鯉魚門海鮮酒家，為什麼我們時常來光顧因為這裏的海鮮非常之新鮮種類繁多，今次我們人數超過15人所以很難找到一張餐枱有這麼大的，今天我們點一個大魚兩味，先先用班魚肉炒西芹就是這麼簡單可以令到魚肉發揮到最有魚味的方法況且又彈牙又不會過火所以這方法是必須的，魚頭和魚腩我們用紅燒的方法非常之近外脆內軟，真的是下酒菜，還有其他元貝，豉椒聖子，非常之咁野味，椒鹽鮮尤又香口又彈牙，簡直令人回味無窮。

金龍在鯉魚門屬老舖，少時候來見到的老闆娘都退休了，現在由兒子接手管理。來得鯉魚門吃海鮮，要有心理準備花費可能要多些，但喜慶日子來一次豪吓，大家高高興興都未嘗不可。先到金龍酒家對面左邊轉角位，一間叫龍華的賣生猛海鮮的店舗選喜愛的食材，共選有8類，再說份量為12人用。跟著叫埋菜、湯、飯，就坐定定，傾吓計，等食了。最快到當然是白灼海中蝦，好大隻，灼得剛好，皮薄易剝，肉厚又彈牙。椒鹽瀨尿蝦，一切4件都好大塊，仲有膏添，椒鹽調味帶少辣，外脆肉鮮，一下子就搶光了。豉椒炒花甲，對味，花甲肉厚。一魚兩吃：西芹炒斑球，斑球多過西芹，肉質鮮甜，有魚味。炆炸腩骨，仲有好多肉，味道較炒球濃味些，且有脆皮的咬口。油鹽焗重皮蟹，每人半隻，勁多膏，膏食落好creamy，一梳梳脹卜卜的蟹肉又香又鮮甜。蒜蓉蒸蟶子，新鮮的證明是脆爽。蒜蓉蒸帶子，唔算太厚肉。果皮蒸鮑魚，成個手掌咁大隻，可以用刀义切片來吃，超正。海鮮湯，真是海鮮味十足，濃濃奶白的湯，因鮮，所以都不用加胡椒僻腥，可直接襯熱時喝便可。蒜蓉炒芥蘭，是先灼後炒，芥蘭夠軟淋。揚州炒飯，炒得乾身。什果盆，嘩！每人半隻芒果，一大盤上枱，好驚喜！芒果下面還有其他水果片。桂

今日呢同一班朋友嚟到鯉魚門食海鮮，因為依度啲海鮮呢就係比較新鮮啦，種類多，以價錢又不算太貴，先介紹一個上湯伊面龍蝦，龍蝦有焦香嘅感覺，同埋肉真係好鮮嫩，蝦肉又彈牙嘅的感覺，加上伊面吸收左上湯同龍蝦嘅精華簡直回味無窮，仲有我最愛嘅鹽焗奄仔蟹，雖然做法好簡單但係呢啲蟹充滿咗海鹽的香味，加上佢原隻證保持佢嘅肉汁喺晒蟹內𥚃簡直令你一試難忘。

今日去鯉魚門逛逛，行到有啲攰，隨便揀咗一間酒家食海鮮，佢地介紹咗我哋去一海鮮店買海產，我哋揀咗鮑魚、貴妃蚌同澳洲龍蝦，店主免費送我哋花甲，滿心期待享受豐富海鮮餐。酒家侍應服務尚算熱誠有禮，但廚房手工就真係好一般，花甲醬汁調得惹味但煮得太老，d肉掉哂出嚟，花甲雖然免費，但應該收咗加工費🙄，下單時明明話鮑魚用果皮蒸煮，最後變咗薑蔥豉油蒸，fine 我哋都冇乜所謂，但調味好一般，而龍蝦就煮得太熟，令龍蝦肉變得有啲老，蒜蓉粉絲蒸貴妃蚌就不過不失，反而免費送嘅鮮魚湯最好飲，值得一讚。海鮮連加工茶介費，每位五百幾蚊，咁嘅價錢咁嘅質素就真係有啲貴😓

同屋企人食飯，今次去咗鯉魚門金龍食海鮮。我地首先去明記買海鮮，再喺金龍加工食飯。至愛蒸魚蒸得剛剛好，夠熟之餘又夠滑。鮑魚同蟹都係鯉魚門必食嘅。食完之後去買豬肉乾。為食嘅我地今次滿載而歸。

話說朋友出左好大份BONUS咁大家都好唔客氣咁屈左佢一餐海鮮大餐,我地其中一個係地膽所以我地就去左鯉魚門食.貪食既我係第一次去到鯉魚門嫁~在我未到之前佢地已經買好晒所有海鮮我一黎到就已經有得食.首先當然係象拔蚌, 龍蝦同埋墨魚剌身. 唔知係唔夠凍定係始終中式酒樓唔係專業處理既問題, 龍蝦同墨魚刺身既口感都係一般, 象拔就好穩陣, 不過鮮味就一定冇問題,話晒都係活生生咁片佢!!係... 好難搵到既蝴蝶蚌呀,用薑蔥炒仲保持到蚌既鮮味但又唔油膩. 我就好鐘意食旁邊既蔥啦吸晒海鮮既鮮味簡直就係精華所在.椒鹽大賴尿蝦...賴尿蝦係我其中一個FAVORITE! 成隻有前手臂咁大隻,一隻分4件!嘩... 避風塘做法係中式酒樓度食真係好唔同. 連殼食都冇問題,炸到外面脆卜卜個肉仲好JUICY~ 好味到我食左3舊呀!! 哈哈...蒜蓉粉絲蒸帶子黎到時白雪雪排到好整齊,見到一人一隻好快已經KO左. 食落有好多粉絲, 可能肚餓同天氣太凍連普通既粉絲都覺得好好味. 帶子就蒸到熟得黎唔老但又離晒殼! 一點都唔浪費.由於我地叫左好多野食所以我地都冇叫芝士焗只係蒜蓉就算. 雖然只係頭頭尾尾不過呢隻靚真係靚,成隻腳吱

食海鮮既好選擇，相信都話推介西貢，鯉魚門等等，今晚帶埋Monkey baby一齊黎慶祝母親節，大家一齊食餐好既，去鯉魚門食海鮮！母親節泊車好難呀，周圍都係車，我地搵左好耐先有位！牡丹蝦刺身: 有四隻大蝦刺身，下面有堆冰托底，十足十日本刺身咁！本地既海蝦同日本既牡丹蝦真係唔同，呢個蝦肉質好結實，咬落去無鬆既感覺，而且有海水味，咸咸地咁，好新鮮。我鍾意佢唔連蝦肉，淨係得蝦肉，唔使拆殼，連手都唔使污糟架！蒜蓉粉絲蒸扇貝:四隻大大隻，扇貝好清甜，肉質結實飽滿，一啖咬落去大大舊肉，咬都有排咬喎！扇貝好新鮮，但係有少少韌。蒜蓉差左少少，因為d蒜蓉只係係扇貝上面，碟上面一d汁都無呢！仲想撈下飯tim！原隻椒鹽瀨尿蝦: 一上菜就覺得，好熱氣喎！但食落又唔覺，因為有大量椒鹽，所以好香口。瀨尿蝦大大隻，新鮮醃制，肉質鮮美飽滿，色澤又靚，因為用椒鹽製造，所以脆卜卜，香醇酥軟。芝士龍蝦焗伊麵:平日酒樓都有呢個菜，但係永遠都係白雪雪咁，但呢個伊麵，焗既表現好出色！上到菜真係有焗既感覺！(雖然我覺得呢個有d似咖哩伊麵)。芝士味濃厚，但係唔膩，值得一讚！龍蝦肉厚，鮮味比芝士味蓋過了，所以唔係太食到，龍蝦鉗都相當大隻

15-1-2016 (Fri)同事請去鯉魚門食晚飯,一行九人,佢o地o黎呢間,然後o係出面揀海鮮,有:1. 清蒸蝴蝶蚌第一次見蝴蝶蚌,外型好靚,唔蘸任何o野食,好鮮甜.蘸o左醋就唔好食.2. 上湯龍蝦伊麵同樣係鮮甜,伊麵唔多亦唔係好腍,鹹度適中.3. 清蒸鮑魚蒸到o岩o岩好,鮑魚o既軟硬度適中.4. 象拔蚌刺身同事同酒樓溝通上出錯,佢o地係要原隻象拔蚌,但酒樓俾o左雪到凍一凍o既例牌,不過都好鮮,蘸wasabi豉油同食,唔錯.5. 薑汁芥蘭唔知點解俾o左蒜蓉芥蘭,芥蘭夠腍同唔苦,蒜蓉味唔算多,唔會太俗.6. 清蒸海斑亦都蒸得o岩o岩好,唔會好o鞋.7. 豆腐魚湯淡奶白色,飲得出兩樣才料,而且冇落味精,飲得好舒服.8. 蒜蓉粉絲蒜扇貝香蔥多,金蒜唔算多,加上冇淋豉油,呢個勁唔夠味,因而一般o左,失望.9. 白灼墨魚呢個唔蘸o野食唔得,因為冇乜味.蝦醬太鹹,都係蘸wasabi豉油食吧.10. 豉椒炒蜆呢個唔係咁莣味又冇乜鑊氣,而且最後都食淨.11. 椒鹽瀨屎蝦已經一開三, 椒鹽夠味又唔過鹹,熱騰騰,真係手指都啜埋.12. 豉油皇炒麵一個平平無奇o既炒麵,一食,竟然係唔停得口,鹹度適中.13

鯉魚門出名食海鮮，廿多歲仔也只因舊東主慶功才能多試幾次，作為一名港人，絕對要多多支持本土的漁港風情。鯉魚門劏人傳聞聽得多，怕自己也身受其害。今次有幸獲女友家人邀請，極好海鮮的我對此萬分感激！免除充當「水魚」的份兒。餐廳酒家多是作料頭廚煮與奉茶侍菜，村料則在外端的海鮮檔購入。區內一間酒家附近就有多間檔口，好比八陣圖。依女友家人經驗，還是買熟一兩檔，找一間可靠的酒家最為穩當；當中少不免要交些許學費吧…幸好龍華海鮮檔和金龍海鮮酒家與他們熟悉，屬老顧客。龍華就在金龍的外頭，一個個透明玻璃崗內的生猛海鮮，像向我們揮手道出歡迎光臨般—鯉魚門簡直是海鮮版果欄。揀選過程有專人拍導是晚靚貨，另有歡樂叔叔表演雞泡魚充氣、龍躉兇狠食蝦。搞掂就回食店傾計等食！油鹽水浸瀨尿蝦第一味，清清哋。我未曾見過長過手板既瀨尿蝦。先幫佢跳一大輪舞，再中間剪開，一大條肉就咁呈現眼前，方便！痛快！肉質因新鮮而爽口，味道鮮甜。豉椒炒蟶子蟶子是本人大愛－「可惜不是蒸，走進我的口」。炒得有點老，而蟶子掛上的汁也不上味，有點汁肉分離。蒜蓉粉絲蒸扇貝嗰頭話無蒸，呢頭就有帶子食。黃金組合，無得傾；這道菜最經典是由帶子、粉絲、蒜粒的三重口感