釜之魂釜飯專門店 (淘大商場) (已結業)

今日放咗工， 聽同事講喺公司附近有一間開店不久嘅日式美食店， 於是就跟同事放工即去品嚐。店舖裝修給人們好舒服，好有日式嘅感覺，這裡出名嘅鰻魚飯，佢分咗銀磚同埋金磚的選擇 ，只係在烹調上唔同，任君喜好。鰻魚也是跟客人喜愛吃的部分來選擇，真是完美的設計，還可加多十八蚊變套餐，有湯、前菜和飲品。我哋揀咗個金樽鰻魚，啲鰻魚呢好厚好味，飯裏面有雜菜呀，好豐富，加埋個前菜和湯，好正喎。另外叫有一個燒汁牛肉飯，這個飯啲牛肉好正、肉好淋、好香、好有牛肉味，再加埋加少少雜菜，真係個完美嘅選擇。我哋還叫了一個小食~日式小食，串燒牛舌，燒得幾好香，啲牛舌好有味道。日式人氣~原來佢一個wasabi做的雞翼， 雞翼好重日本美食的感覺，有少少辣囉，如果鍾意食 wasabi 辣嘅人，真是可以考慮選擇小食。

食港式煲仔飯就食得多，今日經過淘大就一嘗下類似煲仔飯的釜飯。不過其實我都係食完再上網search完先知道釜飯的做法經係類似煲仔飯🤣將米，湯底和其他配料加入飯鍋，以高壓蒸煮。最欣賞原條汁煮豬軟骨釜飯！豬軟骨炆得入味而且好軟，透明的軟骨一咬即斷。重點係用左珍珠米，因為鍋仲帶有微熱，所以鍋底有一層薄薄的飯焦，真係好似食煲仔飯甘。釜飯的飯量好多，以一般女仔食量應該都未必食得曬。呢個釜飯性價比都幾高！👍🏻朋友叫左五花豚肉釜飯，肥肉同瘦肉各佔一半，但我都係覺得豬軟骨對比之下比較入味和軟腍，要講多次，豬軟骨真係必食呀！食到最後先發現原來可以免費添加鰻魚汁🤣重口味朋友如果有需要就記得order啦😆髒髒麵包我諗大家聽得多，髒髒炸香蕉🍌我都係第一次食！用朱古力粉包著香蕉蓉黎炸，甜度適中，外皮脆口，呢一刻我唔知咩叫卡路里😆鍾意甜食的朋友一定唔可以錯過啦！黑松露玉子燒，玉子唔算好油，黑松露醬好濃郁，有助帶起玉子的味道。

好耐冇見中學朋友因為佢係觀塘返工，所以就揀返觀塘附近嘅嘢食就下佢。 近排大家都想慳錢所以揀咗比較平有得食嘅鰻魚飯餐廳。你淘大十分之方便。一入到去啲座位好搞笑舉手係可以用emoji餐牌舉手既。返嘅選擇都有好多最平嘅60幾蚊都有。不過我今日嘅目標係食鰻魚飯所以我就揀咗一個$108嘅鰻魚飯。我就揀咗金魂朋友就揀咗銀魂，其實個分別就係鰻魚一個有汁一個冇汁。黑色同白色來講，我就鍾意黑色多啲啦。始終有少少燒汁嘅話會好味啲，白色嘅話就咁燒有少少腥。我哋加咗$18要一個前菜一碗湯同埋一罐嘢飲。 埋單$280兩個人大概人均$140。價錢都可以接受嘅佢哋嘅鰻魚都啖啖肉。 同埋用釜蒸既飯，有少少飯焦，食落去脆口微燶好正。

九龍灣除咗徳福有野食，仲有多個選擇就係淘大商場！之前喺啲平台，見到有啲小編推介鰻魚控一定要嚟釜之魂釜飯專門店咁我就嚟試一下。鰻魚釜飯有分金魂同銀魂，喺蒲燒與白燒之分。今次揀咗金魂，都係偏愛蒲燒鰻魚多點。金魂鰻魚釜飯贅沢 ，即係鰻魚係比較厚肉的。其實都幾厚肉如果女仔一個食應該食唔晒好多飯，男士最啱。甘露甜薯口感獨特，硬硬地甜甜咁嘅，有咬口。黑松露玉子燒重黑松露味，玉子燒得唔錯。博多餃子細細粒易入口蘋果蜜唔會好甜，清清地跟套餐，酸蘿蔔好味平均每人$150左右平日食唔需要等位上菜都算快

很久沒來九龍灣，很意外原來淘大花園已經大翻新。推開商場玻璃門發現有一條長長的美食街，並非如大排檔質素，而是林立很多高尚不同類型的餐廳及甜品。由美食街行到末端，發現有間外表華麗、金碧輝煌的日本餐廳。餐廳裝修很有心思，外表有條很長的鰻魚雕塑，突顯餐廳以鰻魚為主要食材; 內部以鰻魚設計及木系裝飾，座位寬敞並以青綠色為主，感覺非常舒適。就連盛裝筷子的木桶也很有特色。除餐牌外的食物，還有每日限定的特別菜式。服務員很細心地逐一講解是日精選。黑松露玉子燒 $18串賣相吸引，玉子厚厚的，配上黑松露及沙律汁，充滿口感。金魂。極。高級鰻魚飯 $108蒸飯的器皿十分獨特，客人大可直接看到廚師把鐵造器皿的蒸飯，蒸好後直接放入獨特六角形的木製器皿上。送上來的飯格外熱騰騰的。鰻魚厚身肥味，還可以免費添加鰻魚汁。黑豚釜飯 $98豚肉肥瘦得宜，肉汁濃郁。 飯的份量非常多，相信男士一定吃得飽。焦糖燴番薯 特價$28這是其中一款期間限定的小食。很驚喜，賣相非常好看，外表有焦糖脆脆的感覺，蕃薯非常甜美，超級好吃。Wasabi炸雞翼 $38這是其中一款日替人氣的小食。 wasabi味恰到好處，不會令人流眼水或不夠味。誠意推薦

約了一個舊同事在淘大食飯，淘大太多餐廳，在OpenRice 搜到釜之魂人氣高企，就決定呢間。店員先端上熱湯及小黃羅白前菜。看看中午餐牌，最吸引的是金魂釜飯，我就點呢個了。釜飯用熱的鍋盛著，保温之餘仲有飯焦。飯焦不是脆脆的那種，夾著鰻魚汁食，好開胃。鰻魚份量也不少，鰻魚有兩層，而且肉質厚厚的，咬落去肥美啖啖肉好滿足。鰻魚底下還夾著甜甜的南瓜及雞蛋。同事點了蕃茄湯牛肉烏冬，賣相唔太吸引，但我試了一下個湯，蕃茄味濃，還可以啦。我們還叫了小食，梅干手羽先，雞翼皮脆而且塗了微辣的醬汁，夠惹味。髒髒炸香蕉，炸脆的香蕉再加上朱古力粉，中間的香蕉溶甜美可口。午餐附送飲品，可選蘋果及柚子蜜。

九龍灣不嬲好多餐廳選擇 今日去咗淘大食呢間釜飯專門店🍚 味道唔錯 而且價錢合理 所以要介紹吓一入坐 店員就好主動咁俾熱水我地 都幾好招呼 店舖點餐係自己寫點餐紙嘅 而店員會覆單 避免漏單情況出現😗 汁燒牛肉釜 牛肉唔係全熟 所以咬落口唔會太硬 牛肉味都幾出 仲有好濃郁嘅黑椒味 雖然個飯望落好細 但其實個容器既深度幾深 所以正常食量嘅人食完 絕對夠晒飽🙊五花豚肉釜 呢個飯上枱好靚 豚肉片鋪滿咗個飯 下面仲有好多配料 最驚喜係有南瓜片 豬肉半肥瘦 有入口即融嘅感覺👍🏻 而呢個飯嘅醬汁就冇汁燒牛肉釜咁濃味 值得一提 餐廳標明白米係由日本德島縣直送嘅 係日本米唔怪得零舍香啦另外我地仲嗌咗三個小食吉列牛舌 一串有兩件 外層炸到脆卜卜 炸粉又唔厚 內層嘅牛舌一啲都唔韌😛黑松露玉子燒 一舊厚厚既玉子燒 甜甜地 咁幾好食 上面既黑松露沙律醬嘅味道好出 會有少少蓋過咗玉子燒嘅香味🥚甘露甜薯 外層嘅蜜糖真係好甜 有埋芝麻係上面 咬落口更加有層次 甜薯份量都多嘅 不過略嫌有啲比較老 較難咬落口😥整體嚟講 食物質素幾好 有機會下次會再食 不過要留意 餐廳有設每位最低消費$88唔計加一 所以大家落單嘅時候就要有

約咗老友記中午食飯， 中間點搵咗九龍灣。 過咗去淘大果邊，開咗好多餐廳， 但沿途有點崎嶇，因為地鐵通往淘大嗰邊有地盤動工。我哋搵咗一間食釜飯專門店。  接近午飯時間尾聲， 人流唔算多， 係三期地下。門口已經見到一棟棟德島縣產日本米，非常期待。午餐餐牌有四十幾道 唔使一百蚊都有交易，又估唔到！金魂釜飯$98店員放低 釜飯專用嘅器皿， 因為是高溫即煑即焗， 有特製機關釋放蒸氣，鰻魚足有一大塊， 肉厚肥美， 鰻魚汁非常惹味唔會太鹹。 米飯非常煙韌， 黏實喺圓形盛載器， 非常“實心”。小食選擇唔算多，有幾款想叫也已經沒有貨。串燒玉子$28長方柱體嘅燒玉子， 有蛋香，甜甜地仲微微暖。炸雞全翼，外皮脆卜卜， 但梅干粉稍嫌過多， 太甜破壞了 整體味道。每款午餐都送 前菜（醃蘿蔔），汤和 飲品， 夠曬豐富!鹽麴雞肉野菜煑配 釜飯 $58熱鍋裏面有粗粉絲， 京蔥，蔬菜，冬菇。 雞肉好嫩滑， 湯底係 壽喜燒嘅味道， 帶甜， 味道唔錯！再配釜飯 都非常豐富。 午餐選了凍蘋果蜜，柚子蜜。 都是現成一瓶可以自己沖嘅果蜜。

It made feel like a fish out of a water when someone leave you away.-食野除左本身食材重要之外.環境同氣氛都好緊要,係九龍灣呢間頗時尚風格既鰻魚飯主題餐廳,裝潢已經吸晴不少!👇-📌金魂(厚肉) - $138👉份量睇落好似唔多,但鰻魚係有驚喜,可能係order左個厚肉,所以肉質相當淋身,修口有融化感覺,汁底做得好好,調味岩岩好,我好鍾意佢既配料,有d南瓜蓉同粟米,底有少少飯焦,岩哂我口味,好食!-📌鹽麴牛舌飯 - $98👉主要牛舌算係幾有咬口,香味亦都合格,都係一樣有南瓜蓉攪碎撈埋d汁同個飯1齊食真係好和味!食得過!-

淘大好多食店都試過...今日試呢間日式餐廳主打鰻魚飯🤗🤗平日七點幾去到，八成滿～都算幾多人喎！剛好有卡位👏🏻👏🏻開心～主角：厚燒鰻魚飯👍🏻鰻魚燒得幾香，撈飯一流～因為我地兩個女仔唔食得多又為食想試多，一個飯share再叫小食😆😆博多餃子🥟ok 脆皮下面係黑松露玉子燒～一般，佢係黑松露加左沙律醬做上面個醬第三個小食係甘露甜薯😋😋甜薯控表示滿意👍🏻🥰🥰🥰套餐叫左個熱蘋果蜜味道一般，唔太甜整體ok, 勝在環境唔錯，坐得舒服～

好耐冇黎淘大，因為之前一路都冇咩野好食。但最近見朋友介紹呢間釜飯好正，所以今次專誠嚟試吓。呢度出名食鰻魚飯，淘大一絕鰻魚飯。個鰻魚燒得幾香，鰻魚表面有少少焦香嘅味道。鰻魚肉夠厚，軟熟。我估應該係條鰻魚最厚嘅部份。以百幾蚊食到咁嘅質素嘅鰻魚飯真係超值。同埋我見台台都叫鰻魚飯，啲鰻魚去得幾快、幾新鮮，呢個係信心嘅保證！聽講鰻魚汁係鰻魚飯個精華。依度仲可以任加鰻魚汁值得一讚👍依度用日本越光米，我相信好多人都聽過。淨係依個名一聽就知勁，仲要啲飯都唔少。加埋鰻魚汁簡直係天衣無縫天下一絕。我建議如果兩個比較細食嘅人，可以share一個飯再加一個小食。另外在叫咗個鐵板雞燒魂個雞扒好招積即叫即煎，都值得推介。塊雞皮煎得有脆又香口，雞肉亦都好軟熟。另外仲叫咗個梅乾手羽先，雞翼夠脆，仲有淡淡的梅香，令到成隻雞翼嘅味道昇華。呢度仲有啲emoji紙牌，可以比鍾意自拍嘅人用嚟影相留念，好適合年青新一代。總括而言呢間店有咁嘅質素以及價錢絕對可以再次光臨。

前幾日晚上約了中同到淘大吃晚餐，雖然由 地鐵站行過嚟都要十分鐘左右， 但能夠避開得福嘅人潮而且款式又多d 選擇，行過嚟又有咩所謂呢。我哋就揀咗喺 消防通道入口嘅 日本餐廳佢專做 鰻魚 釜飯，當然要去試一試！餐廳店面夠大， 一望就知佢喺邊。-呢度嘅鰻魚飯有六款可以揀， 有蒲燒又有白燒， 又可以揀肥美/ 甘香等等的 鰻魚款式， 選擇真多。 我就叫咗一個白燒最金香嘅鰻魚飯，而 朋友就揀咗海之幸釜飯。-銀魂：白燒鰻魚釜飯落左單，都要等一陣先食到，即叫即整ar ma, 白燒鰻魚冇蒲燒鰻魚咁濃味， 但係咁先食得出鰻魚嘅真味， 鰻魚 肉質結實肥美，外皮香脆。 配埋產自日本嘅咪同埋薏米 ， 加上少少鰻魚汁 ，食落啖啖肉又滿足！釜飯同時都有其他蔬菜有菇類、南瓜、 粟米芯， 唔怕淨係得鰻魚咁寡。-海之幸另外我哋仲叫咗個海之幸， 海之幸嘅主角係嗰啲 蝦乾魚乾同埋魚肉碎 撈飯食。 呢個飯係唔會有執嘅所以要撈勻啲海鮮蝦干 去做調味。 呢個飯完全食到停唔到口， 因為每一啖都係海鮮嘅鮮味。-梅干手羽先炸雞翼又有梅嘅酸度，食落唔會太肥膩， 而且啲雞翼炸到非常juicy㖭，唔會得返啲雞肉乾。-汁煮鰻魚肝另外我哋仲叫咗個

贅沢金魂蒲燒釜飯 $138金魂同銀魂之分 其實就係蒲燒同白燒之別 即係有用佐料同無佐料燒既分別 鰻魚亦有分為油分最高、最厚肉、最焦香三款 呢款贅沢係最厚肉 魚肉確實幾厚身 肉質偏腍 好肥美 尤其係層魚皮 魚脂香固然重 不過略為油膩🙊飯粒係珍珠米 帶少許黏稠 配搭鰻魚汁好好送飯 而且鰻魚汁係可以無限添加架🤩.汁燒牛肉釜 $68牛肉粒多到堆滿釜飯面頭既一半 另外驚喜既係 牛肉好嫩 一啲都唔難咬 咬開裡面見到仲係一半粉嫩 呢個飯既汁帶蒜香 都幾重口味😛.焦糖燴蕃薯 $28切開左一半既蕃薯呈金黃色 可惜焦糖乾硬左就難切開 而且食落味道有啲苦澀 幸好蕃薯本身好香甜🤤.鹽燒牛舌 $28店員推介既限定食品 牛舌唔會燒到好乾 鹽帶出牛舌既香 同時有黑椒吊味 不過呢個價錢咁細串有啲唔抵🧐

九龍灣呢間人氣鰻魚飯，其實我之前已經食過一次，今次係食過返尋味再嚟食多次😋😋呢到最大嘅特色係鰻魚可以揀金魂（蒲燒）或者銀魂（白燒），同埋仲有分埋最高油份、最厚肉或最焦香～～睇你個人鐘意邊樣😗之前食過最厚肉既鰻魚飯已經覺得好正～今次就試下其他，嗌咗金魂蒲燒釜飯，揀咗要油份最高嘅鰻魚，一上枱就聞到香噴噴，鰻魚超肥美🤤一啖鰻魚汁，一啖肉、一啖飯，真係好滋味，唔夠鰻魚汁仲可以再加🤗另一個飯order咗古味塩麴牛舌盛釜，因為一坐低睇餐牌已經俾佢豐富既賣相吸引住！成朵花咁😂雖然上枱既賣相唔及餐牌既好睇，但係味道都搭夠，有內涵，牛舌薄切得黎有口感，夠爽口，份量仲好足，誠意之作！👍🏻小食方面，店員推介咗我試wasabi雞翼，話好特別😲，咁我就叫咗一碟嚟試，啲wasabi味係由啲雞肉入面滲出黎，真係幾過癮，配埋沙律醬中和下都幾夾！🤗

門口等了十分鐘, 入到去, 大把位, 偏偏安排一d 又迫又窄既位, 明明無人幫親, 仲要咁安排, 好差, 黎到先放底杯水, 杯水有黑點, 遞手5分鐘無人應, 當有侍應見到我遞手, 又扮見唔到, 最後我嬲到親自行去同佢講大大聲話呢條侍應扮睇我唔到, 收加一服務費, 完全無服務質素,埋單仲要出去埋, 收加一做乜?? 差到爆!!!食物, 同menu 張相完全唔同, 我叫左最貴果個鰻魚飯, 唔單止係size, 連配料都唔一致, 張相有冬菇有青豆角, 但黎到一塊都無, 違反商品說明條例, 我覺得可以告佢鰻魚又唔好食, 有骨, 飯太濕, 又唔夠熱, 無飯焦, 整体差我見隔離對情侶都投訴食物質素