釜之魂釜飯專門店 (淘大商場) (已結業)

呢度最出名嘅就係鰻魚釜飯，你都一定要試吓啦。佢有分三款嘅，一般，大，同埋特厚。 最貴果個都係$118 ， 就決定試佢最頂級果款。勁大勁肥美，仲好厚肉。咁大條少少骨絲都冇。真係做得好好。 鰻魚個燒汁好濃，但又唔會太鹹。味道一流。真係值$118。釜飯仲有個黑毛豬。都好食。五花腩做得好好。肉淋，皮又彈牙。除咗鰻魚正，其他小食都好好味。而且唔貴， $18 、$28都有交易。真心抵。榴槤炸彈最正，加單左2次。一人一粒都話唔夠喉！花生醬年糕。外皮脆卜卜，裡面軟糯。好好食。烤魚糕，似魚蛋，皮脆。釜飯加$18送埋湯同前菜及飲品。呢杯特飲跟餐半貨。 環境乾淨又好坐，真係唔錯。

之前睇大比拼bookmark咗要試嘅饅魚飯之一，好快就安排我地坐低，完全唔使排隊。座位非常闊落，整體感覺柔和舒適。可以order原條鰻魚，配上釜飯係店內嘅特色，仲有其他非鰻魚類嘅釜飯可以選擇。金魂蒲燒釜飯 $118鰻魚飯有分金魂同銀魂，即係蒲燒同鹽燒，再有細分部位，好似腩位最厚肉，中間最多油份，而尾位就最焦香咁，我地就揀咗最貴嘅腩位～鰻魚肉有成塊手掌咁大，燒汁都上得好均勻。釜飯唔同一般鰻魚飯咁凈係得鰻魚同飯，亦有蛋絲同蔬菜。側面睇都夠晒厚，鰻魚肉望落好似幾軟熟又入味咁樣。一咬就成口都係鰻魚肉，激厚！雖然未燒到入口即融咁勁，係比較有口感嘅鰻魚肉，加上連住個塊魚皮好肥美，所以咬開啲肉仲有煙煙韌韌嘅魚皮～汁燒牛肉釜飯 $58睇餐牌見到呢個人氣no1，我諗都係因為其他釜飯賣88而呢款只係58! 我地就跟隊試下先～牛肉份量好多，粒粒都係厚切，外面有少少微焦，食落都幾香口，不過牛肉味唔算太重，亦冇一口牛咁juicy。釜飯個底係一個鐵兜咁，所以有飯焦！啲飯焦勁好食，我直情覺得啲飯同出色過個餸。黑松露玉子燒 $18不過不失的玉子燒，唔係好食到黑松露味，比較似沙律醬多啲～練梅凍蕃茄 $38睇錯咗以為係糖

其實九龍灣真係無咩好食 晚飯時間唔知食乜好 行過呢間釜之魂見到有唔少人係度等緊位 所以我地都趁熱鬧試下Menu釜飯都有唔少既選擇 不過我見絕大部既人都係會揀番主打既鰻魚飯系列金魂蒲燒釜飯 ($118)本身金魂都已經分左3種 今次我地揀左最厚肉既個款黎試 個塊厚厚既鰻魚佔左差不多半個釜飯咁多 都幾誇張 食落又真係啖啖肉 個飯底就比較淋 同想像中既釜飯有少少岀入古味鹽麴牛舌盛釜 ($88)牛舌有成6.7塊 好足料 醃得好入味 咬落煙煙韌韌 都要有番咁上下既牙力先食到髒髒炸香蕉 ($18)上枱既時候已經feel到熱辣辣 係即叫即炸既温度 炸香蕉外脆內軟 外層仲包住一層層既朱古力粉 食落又多重口感 係好好味既飯後甜品另加左$18轉左套餐 飲品就揀左蘋果蜜座位旁邊放左唔少emoji既牌可以俾大家拎黎影下相

收工約咗男朋友去淘大睇戲，睇戲前我哋趁有時間打算喺附近食個飯醫肚，見到戲院隔離有間日式餐廳，望落幾吸引，二話不說走入去試下。座位闊落，坐得舒適。原來呢到係食釜飯，丼飯食得多，釜飯都係第一次試。睇完menu，用剔剔紙點餐就得，方便又清楚。我地叫咗一人一個釜飯，再加HKD$18升級做套餐，有埋前菜，湯同飲品👍🏻⭐️五花豚肉釜套餐 HKD$96五花豚肉入味，食落鬆化又唔肥。肉嘅份量好多🤤鋪滿飯面，肉嘅下層仲有野菜同蛋絲，健康又好味👍🏻⭐️古味鹽麴牛舌盛釜套餐 HKD$106牛舌肉質彈牙爽口，肉汁香濃好味。米飯配埋薏米一齊煮，有咬口得嚟帶點煙韌，呢個組口唔錯。⭐️黑松露玉子燒 HKD$18黑松露沙律醬味濃開胃！⭐️梅干手羽先 HKD$28雞翼炸得金黃香脆，入面肉質保持嫩滑juicy，而且有梅嘅香甜味。⭐️髒髒炸香蕉(朱古力) HKD$18呢個甜品係而家好hit嘅髒髒系列，炸香蕉外面有一層薄薄嘅朱古力粉，但絕對唔會過甜，有香濃嘅朱古力味同香蕉嘅香甜味，外皮脆身，裡面軟糯，好想自私食哂全碟🙊⭐️熱蘋果蜜平時飲熱柚子蜜多，呢到有蘋果蜜嘅選擇都唔錯。入口有蘋果嘅清甜味，仲有粒粒蘋果肉，感覺好fresh。

今日細佬話要出街食飯，我地去淘大行咗陣，一去到就見到釜之魂釜飯專門店，無試過就入去試下，原來仲有下午茶餐，一於入去試一試！佢下午茶嘅餐原來唔多，有啲同平時一樣價錢！細佬食咗佢餐廳嘅主打鰻魚飯，佢嘅飯係釜飯，即係好似原個小電飯煲上咁，又有少少似煲仔飯，會有飯蕉，啲飯煲得啱啱好，依依韌韌！鰻魚味道亦都幾好！另外，仲要咗個雞肉生薑燒飯！雞肉嘅味道好普通，好彩有個汁，令到啲飯有啲味道！每個餐會有一杯跟餐飲品，但味道似係沖劑飲品，有啲普通！

同同事諗住係附近食個dinner，見到有新開既鰻魚飯，就入去試下😚因為主打係鰻魚飯所以我地就試佐個金魂：普通蒲燒超厚肉！果然好有咬口同埋啖啖都好有肉汁～ 下層係鋪滿各種配菜既釜飯，夾埋一齊食口感更加有層次。仲嗌佐個汁燒牛肉釜一試，可以見到舖滿佐好多舊牛，切到岩岩好可以方便食，而且都好有肉味，唔會話太乾身。我地仲貪得意加佐個茶漬飯，食剩少少飯既時候可以叫員工過黎加高湯，之後拎個飯蓋焗兩分鐘再加d飯素就可以食得。我覺得好似湯飯咁，都有淡淡既高湯味，可以試下。小食方面，我地嗌佐梅子手羽先，幾好食幾特別，真係好香脆而且有梅子味。仲試佐串鯛魚竹笹都幾唔錯，塗佐一陣燒汁？上去，味道好濃郁之餘口感有啲似魚蛋咁都幾好味

星期六行開九龍灣，想食下新野，見到淘大開左唔少新餐廳，搵搵下見呢間鰻魚飯聽聞係過江龍，價錢都ok，一於試試佢😌門口都好有日本特色。餐牌上除左鰻魚飯，其實都有牛同豬揀，不過場黎到，梗係揀鰻魚飯🤤原來鰻魚飯都有分唔同級數，有最厚肉，最油。亦有金魂同銀魂，即白色鰻魚同平時食既有鰻魚汁既鰻魚我點左 金魂 油份最高果款 $98 鰻魚都幾大塊，肉地都好厚，食落幾滑，可能油份高既意思係脂肪比例高，所以食落好滑。朋友點左 金魂 最厚肉 $118對比下呢個真係好厚肉！一樣都咁滑，配埋個鰻魚汁又唔覺好漏，會食上引。另外，加左個茶漬飯。大家都未試過，好好奇點食。原來係係差不多食完時店員會將個湯倒落個飯度，好像湯撈飯咁。個味道有點似木魚味，有少少濃味，撈多少少飯就平衡反，都幾好食。

燒汁牛肉飯釜 💰58 7⃣️分大大舊厚切牛肉粒煮到唔會話太熟，應該係medium程度左右，而且肥美多汁配上燒汁和白飯，足以填飽你地各位肚仔中既黑洞。招牌菜「銀魂」蒲燒鰻魚釜飯 💰118 7⃣分鰻魚霸就黎霸佔左半個碗，配合埋以高壓蒸煮既釜飯，味道一流。佢個飯質感比較硬身，帶有點焦香味，食落口粒粒分明，加埋個鰻魚汁一齊更惹味。櫻花蝦炸豆腐 💰22 8⃣分依道菜可謂名副其實外脆內軟，櫻花既鮮味為豆腐畫龍點睛咁款，你咀嚼既每一下都會聽到清脆既聲音。好似突然企係櫻花樹下，期待櫻花初開既清爽感覺。焦糖燴蕃薯 💰28 7⃣️分限定時間出既菜式，點可以唔嘗試下？焦糖燴番薯，表面有層薄焦糖，加埋軟綿綿既番薯真係必食之選。黑松露玉子燒 💰18 6⃣分蛋香味好濃郁，黑松露調味醬都好足夠，但由於玉子味道本身偏甜，配搭埋d調味醬，對小編個口味黎講就顯得有少少多左。沖繩苦瓜餃子 💰22 7⃣️分帶有淡淡既苦瓜味，十分易入口 。「半生瓜」同埋豬肉餡，都幾特別。

無飯煮婦嘅我，每晚都要諗跟老公食咩，今次就揀間日式煲仔飯嚟食。平日睇餐牌我都會先睇吓間餐廳有咩推介，因為推介親多數係皇牌信得過，食依個日式煲仔飯就先揀鰻魚飯，豬軟骨飯，再加皇牌推介黑松露玉子燒同吉列牛舌。個吉烈牛舌，粉醬唔太厚牛舌係厚切，夾埋一齊口感非常好，牛舌唔係乾淨淨嘅，配埋沙律醬一齊食相當唔錯，個玉子燒面有一層黑松露沙律醬，黑松露味夠香濃玉子燒得好，唔會太老... 一啖咬落去味道不錯。到主角釜飯啦，豬軟骨係大大舊見到都開心，個釜飯除豬軟骨外仲有半隻魯蛋同配菜，個飯就粒粒分明加埋豬軟骨個汁相當好味，之後就到鰻魚，我揀咗個升級極嘅，個鰻魚係覆蓋個釜飯，鰻魚上仲有芝麻... 最緊要個魚夠厚身，相當有口感又香，一啖咬鰻魚嘅油脂係口腔爆出，簡直一試難忘由於油份相當足配埋飯簡直一流

啲人講到有幾咁好食，咁啱係九龍灣所以就試吓，嗌咗最貴果兩個鰻魚飯，一個最厚肉，另一個最多油脂。厚肉嗰碗啲係肉幾厚嘅，不過啲黑色皮好難咬斷，多油脂嗰個就冇乜特別，肉同皮好難分得開都係，不過想講下佢哋啲白飯都幾難食下，好乾同埋好熱，一擺落口即刻熱到lur反出嚟。同埋呢間野係冇酒類提供。服務都係麻麻地，原來係不收信用卡或者八達通，坐嘅地方都幾逼夾，清潔程度又係麻麻地，總括嚟講我係唔會推薦去呢一間野食鰻魚飯。

香港唔多釜飯專門店 平時丼飯就食得多地點位於九龍灣淘大 又幾近🤪晚餐一於嚟試試🤩門口好大個釜招牌 唔驚揾唔到😂舖面同入面裝修都幾日式嘅 有feel!六點半去到 未算多人 即刻有位但食完七點幾開始就要等位了兩個人嗌咗兩款釜飯 兩款小食share金魂都有再分三種 揀咗油份最高嘅「極」擺得好靚🤩鰻魚份量幾多 沾滿鰻魚汁 唔係最多肉嗰款 但都唔少肉🤪鰻魚汁可以請店員任加 雖然下面啲飯無乜鰻魚汁落到去但本身鰻魚黏住嘅汁夾白飯食都夠味飯底好食！粒粒分明 刮底有飯焦🥳仲有幾多蔬菜同蛋絲伴碟 覺得伴碟嘅番薯好正🤩試埋鰻魚外嘅釜飯先！牛舌鋪滿成個飯！抵食！質地好淋 係得個邊邊筋位先有啲韌🤩同樣有蛋絲同蔬菜同飯焦個塩麴鹹鹹地 有啲米粒嘅喺到 令牛舌再惹味啲🧐睇睇啲飯焦幾靚🥰唔會燶過頭黒色又唔會煮到好硬好難咬睇你想食軟飯定硬飯🤓枱面有教你食蛋味唔夠濃 黑松露醬只有比較淡嘅黑松露味個醬汁似沙律醬多啲 就係無特別味推介蕨餅♥️🥰🥰🥰比較少喺香港餐廳食到蕨餅呢到嘅蕨餅仲要好高質🤤有黃豆粉同另外有黑芝麻味質地好煙韌 偏淋少少 唔似有啲蕨餅太硬

依日同男朋友係九龍灣行完街，我就想食啲平時無食開既餐廳，我地就諗住search下有咩特別餐廳，之後就見到依間，因為我未食過釜飯，所以就決定試下。我地8點半去到都仲好full。佢有好多吾同種類既釜飯，但我同男朋友都好鐘意食鰻魚，所以就叫咗金魂同銀魂既鰻魚釜飯。佢仲有好多吾同既小食，不過我地見兩個飯都已經好多就無叫到。釜飯嚟既時候，店員好好，佢提醒我地要食咗銀魂先，因為銀魂係白燒鰻魚，姐係佢地淨係落咗普通調味料就一直燒，無落到我地平時會見到既蒲汁。我地試完發現白燒既鰻魚都幾特別，無咗蒲汁反而食到鰻魚真正既魚味。金魂就係蒲燒鰻魚，姐係我地平時食開既。依個有咗蒲汁就比較惹味。一啖飯加一啖魚，個味道岩岩好。而且無論係金魂定係銀魂，佢個鰻魚都好厚身，真係好足料呀。

日本菜一向都是我喜愛的菜式，其實日本菜不一定要吃魚生、壽司的，還有好多好選擇呢！與友人突然想吃釜飯，而且還有多種選擇呢！同時加$18就可以同時享用兩種享受，茶漬飯啦！除了釜飯外，還有不少小食及甜點呢！！汁煮豬軟骨釜豬軟骨及雞蛋煮得好入味，調味完完全全融入食材內，豬軟骨肥瘦適中，與飯一同吃，絕對可以把整釜飯完全吃掉呀！左：鯛魚竹笹、右：鹽燒鰻魚串燒第一次吃鹽燒鰻魚，比平時吃的醬油煮的感覺很不一樣！外層燒得香口，肉質肥美有彈牙感覺，而且有點活咸香味，正呀！！櫻花蝦炸豆腐豆腐十分香滑，上面落足料，鋪滿櫻花蝦，增加了不少香味呀！！梅干手羽先炸雞翼炸得外脆內肉juicy, 而且外層先用梅汁調味，酸酸地，減低油膩感！花生醬燒年糕燒年糕很軟棉棉，配上花生及砂糖，味覺口感很好👍🏻Golden Dreaming 這是用了芒果、橙及乳酪打成的，芒果味濃及香甜，而且橙令飲品帶甜refresh感，天氣熱一點飲的話會非常棒呀！誰說日本菜只有魚生、壽司的呢！😬😬😬

第一次試釜飯呢到淨係鰻魚的已經有六款 仲未計豬牛雞鰻魚有分蒲燒(金魂) 同白燒(銀魂) 另外有不同部位可選 頭位(油份最高) 腩位(最厚肉) 尾位(最焦香) -點了【金魂釜飯 $118】- 最厚肉的 果然整條都好大條好厚肉飯既份量超多 旁邊有啲蔬菜可以撈埋一齊食 幾香 食到底有少少飯焦建議餐廳可以擺底支鰻魚汁俾客人自己落因為我中意加好多汁落啲飯到 每次都要叫人泥幫我加汁有點不好意思呢他們都很忙仲叫左啲小食 【髒髒炸香蕉🍌 $18】係炸左的香蕉外面有朱古力粉 我個人幾中意 感覺似甜品但不在甜品類別 食完飯先點比較好👍🏼

餐廳位置易搵，座位都幾舒服😌選擇都幾多☺️我地就叫左一個金魂同生薑豚盛🐽午市套餐都係有前菜同湯豚肉飯帶有吉吉家牛肉飯嘅味道😅😅金魂飯味道十分好，醬油味道足，魚魚夠厚身，但就有小小骨🙈可以改進嘅地方我地就覺得夠味喇，但如果覺得唔夠味可以再加啲醬油🤗小食因為已經夠飽喇，所以就無再另外加另外係日本食釜飯會有蓋係上枱時打開，依間都有，但午市套餐就要係飯同餸分開嘅款先有，姐係得滑蛋雞柳先有😋😋未試到，可能下次經開會再食，更加想食佢個蠔飯🥰