釜之魂釜飯專門店 (淘大商場) (已結業)

本來琴日元宵節諗住食好一點呢間野又岩岩開真係意料之外叫左個號稱最厚既鰻魚飯連set咁上前菜果陣個侍應可以倒瀉左我碗湯然後完全無反應照上當無事發生過咁不過個麵豉湯無乜野好評之後正餐都算幾快上到鰻魚雖然一般但都還可以接受 有鰻魚同佢既醬味雖然唔太大條但個飯就真係經典入面可以濕到一個極點然後又無味但個底又可以乾焦到會苦唔好話日本米口感好似食緊糊仔咁上面仲有d蔬果同蛋無味又無口感無下次

九龍灣有間超市結業， 所以今日就特登過嚟九龍灣行街食飯朋友揀咗係淘大既釜之魂釜飯專門店， 我哋叫咗呢度好出名嘅金魂(特)佢呢度嘅鰻魚飯分別有金魂同銀魂， 兩個都係鰻魚飯， 金魂呢就係醬燒嘅鰻魚飯， 銀魂呢就係就咁燒嘅鰻魚飯， 每一種鰻魚飯都分三個size我叫咗最平嘅特盛， 雖然最平但鰻魚飯啲鰻魚都好大片， 仲好肥美，另外我加左18蚊加咗個湯同埋嘢飲， 凍嘅蘋果蜜好潤喉， 麵豉湯就正正常常，都有好多豆腐同埋海帶朋友叫咗個古味鹽麴牛舌釜盛， 一嚟到啲牛舌真係勁多， 又唔會燒到過曬火位，仲好juicy, 正呀～佢所有嘅釜飯都加咗薏米， 食落個感覺好健康為食嘅我哋仲叫左三個特別嘅小食， 分別係髒髒炸香蕉朱古力， 梅干手羽先， 黑松露玉子燒三個小食都幾得意， 梅干雞翼炸得好香脆， 係有梅味嘅呢一種整法嘅炸香蕉真係第一次食， 作為飯後甜點就一流

前兩日放工行過淘大商場，原來淘大商場都好多唔同款式嘅餐廳選擇，見到有一間門面好靚仔嘅“釜之魂”係食日本釜飯，嚮香港比較少餐廳係專門食釜飯，見唔係好多人排隊，所以就排隊食晚餐。佢哋主打係鰻魚釜飯，但係我哋兩個都對鰻魚冇乜興趣，反而見到人哋點嘅豬軟骨釜飯等等好吸引，所以我哋就每人點咗一個釜飯，再加啲小食，而我哋每個釜飯都加18蚊升級為套餐，有前菜小食、麵豉湯 同埋一杯飲品，十分超值。汁燒牛肉釜飯 $58整個飯表面鋪滿汁燒牛肉粒，大大粒牛肉大約八成熟左右，充滿肉汁好有牛味有咬口，加埋配菜同埋半邊蛋，味道唔錯。汁煮豬軟骨釜飯 $78原條大大條豬軟骨，抆到好淋又入味，配飯一流。焦糖燴蕃薯 $28呢個時間限定嘅焦糖燴番薯，表面焦糖香脆，裏面番薯又香又甜，必食之選。黑松露玉子燒 $18黑松露沙律醬配上玉子燒，黑松露嘅香味再加玉子燒嘅甜味非常合襯。其實仲有好多不同嘅款式嘅食物都想食， 不過食完個釜飯已經好飽，所以唯有留返下次再食過。

第二次幫襯啦鰻魚飯喺我嘅最愛而釜之魂整嘅鰻魚飯真心好食今次同女朋友一齊叫左2客金魂鰻魚飯，我叫左超特大肉厚嘅贅沢，而女朋友就叫左。極。佢嘅鰻魚真係好厚好大塊，鋪滿整個飯桶上而且飯上面仲有其他配菜，整個飯變得一啲都唔單調。如果唔夠鰻魚汁，仲可以要求店員加鰻魚汁添另一個令我哋每次都encore嘅就係練梅凍番茄🍅！酸酸地又甜甜地，好味嘅程度簡直形容唔到今期嘅日替人氣食品係wasabi芝麻雞翼。wasabi嘅濃度簡直令你眼淚鼻涕一齊黎，好爽呀佢每期嘅人氣食品都唔同，要向店員查詢先知。最後每人埋單160，我諗我哋好快又會再幫襯

晚去九龍灣行街街兼搵食。雷小囡突然大叫「嘩！bear Bear 呀！」就衝過去合照，仲仆到去，好彩bear bear哥哥扶住佢，「咁好bear」又點可以唔幫襯下呢？呢間專門食釜飯嘅其實我想試左好耐，聽講啲饅魚好食。又真係唔錯！而且價錢算平，小食十幾廿蚊有交易，釜飯都豐儉由人，$58牛肉釜飯到$188生蠔釜飯任你選擇！ 今次揀左傳說中最正饅魚。 金魂特大$118款。$118係最大最厚最肥美！ 又真係好好食。大大條啖啖肉。個醬汁好濃又唔咸，真係好好食。雷囡s添飯👍🏻另外揀左個黑豚釜$98 ， 勁邪惡，令我忍唔住食左一大半🙈。肉質夠淋又唔鞋口，個皮好Q彈，忍唔住一啖接一啖，好好食。仲叫左好多小食，全部十幾廿蚊就有，街邊都食唔到咁平！ 小食首推：榴槤炸彈，外皮脆，中間煙韌，一咬落去榴槤爆出嚟，勁好食。髒髒香蕉，其實係朱古力香蕉，口感同榴槤炸彈差唔多，外層鋪滿朱古力粉，都幾得意！焦糖番薯本來想唔點，但店員姐姐話好多小朋友鐘意食， 咁平又試下啦🤣 真係幾好食，烤完番薯又淋又甜。 面頭舖左層糖烤到脆卜卜。仲有個梅干雞翼好好食，炸到好香口，而且酸酸甜甜好野味。不過好輕微辣辣地，bb食得出。媽咪唔覺😆俾

今晚去到九龍灣淘大附近搵嘢食，黎到呢間餐廳食日式釜飯，叫左金魂蒲燒釜飯（最厚肉）（$118）、汁燒牛肉釜（$58）、黑松露玉子燒（$18）同焦糖番薯（ $28）。哩個金魂蒲燒釜飯，鰻魚好厚身肥美兼大件，內有魚脂，食落啖啖肉，配埋鰻魚汁、荷蘭豆、粟米、冬菇、蘿蔔、雞蛋絲等配料，送飯一流！飯用左珍珠飯，由於用咗特殊嘅不鏽鋼兜，可以保持熱度，食到最後一啖嘅時候，飯都唔會凍～哩個汁燒牛肉釜，牛肉整到半生熟，肉質軟，用左蒜蓉、黑椒等調味，製成飯汁，非常之惹味！（筆者認為味道類似Pxppxx Lxxxh😂)配有半隻蛋同荷蘭豆、粟米、冬菇、蘿蔔、雞蛋絲等配料，性價比高，推薦！黑松露玉子燒，黑松露味香，玉子燒帶點微甜，配搭起嚟好食！焦糖番薯，熱辣辣嘅番薯本身已經好甜好好食，再配搭埋焦糖，sweetness combo~

自從名古屋返嚟後， 食過嗰度嘅鰻魚， 就念念不忘， 好想再去食。 喺香港上網網千揀萬揀， 釜魂係其中一間想去試嘅。希望越大失望越大， 除咗格局幾舒服外， 真係冇乜令我滿意。望落好靚， 鰻魚極都好大塊厚身， 最厚嘅地方有我手指尾咁厚鰻魚相當肥， 未食曬就感到肚飽， 未知係咪太肥， 完全食唔出燒鰻魚嗰種焦香。2星俾個釜飯，唔知咩事勁淋， 食唔出一粒粒嘅米， 好似食爛飯咁，一pat野唯一好既係， 套餐幾抵食， 包飲品、湯同前菜。玉子燒第一啖食落去有油味， 睇嚟落得太多油， 好彩都有啲醬送下。 不過黑松露味唔太強， 似沙律醬多啲。 不過勝在夠平， 十八蚊一串。唔知係咪嗰次先失水準 ，食過真係唔會返轉頭。 中評係畀佢街坊價。

是夜去九龍灣覓食，去淘大果邊行下行下行到街尾，見到呢間裝修得金光閃閃咁，原來食鰻魚既，就同朋友膽粗粗試下正唔正先！晚飯時段坐滿晒人喇，應該真係唔錯！餐牌上既相片都好吸引櫻花蝦炸豆腐首先黎既係小食，我地點左櫻花蝦炸豆腐。一碟有兩件，啲蝦多到密集恐懼症都出黎濃味既選擇，配埋面頭既蘿蔔蓉一齊食，唔錯。鰻魚釜飯（極）鰻魚好大塊，又夠厚身，油脂適中，嫩滑！鰻魚汁唔會太咸或太甜襯落啖啖肉鰻魚，好味！溫馨提示：汁的份量是剛好，醬汁控記得另加汁。古味塩麴牛舌盛釜到牛舌飯喇！一樣係大大碗，牛舌都幾大塊咬落去仲有驚喜！好爽口，一咬就咬到，一啲都唔嚡又唔韌！味道都好適中，同樣如果有多啲醬汁就更加好喇食食下發現啲飯都幾有咬口，原來係加左薏米，感覺即刻健康左滿足

收工後同朋友係淘大揾好野食，我們都好鐘意食鰻魚，見到鰻魚同釜飯係呢間餐廳主打，一於揀佢~我地點左(金魂)極同(金魂)特的蒲燒鰻魚釜飯，升級埋套餐，有前菜，不過味道偏酸，麵豉湯及飲品~佢其實除左釜飯，仲有沙津，小食，甜食等選擇~鰻魚釜飯黎啦，鰻魚有手掌咁大條，望起來好肥美，上面撒有芝麻粒，淋上鰻魚汁，賣相已經好誘人，食落極比特的鰻魚更油脂豐富同甘香，肉質好滑溜，仲啖啖肉，食唔到有細骨，配菜有蛋絲，荷蘭豆，冬菇等，配上濃郁的鰻魚汁，真係夠哂入味，用來拌飯一流，如果覺得唔夠鰻魚汁，仲可以免費添加，超讚~呢個釜飯好特別，加入左薏米，口感好煙韌，我朋友話食到煲底最後的飯，仲會有飯焦香，呢個釜飯份量真係十足，食完已經好飽，下次先再試其他小食~

😋😍😂😊😀😏😎☺️😁😉👍❤️🙄🤣😜😀一入餐廳，已經被啲emoji 吸引左，即刻同佢地影返張相先平日下午時間，人不多，坐得舒服剛好下午茶時間，可以食平啲滑蛋雞柳釜 $53洋蔥炒蛋滑溜溜，雞柳很嫩滑。但最吸引係個好耐無食過飯焦，仲要係軟硬度適中既飯焦，很香口。而且很容易刮出來。呢度啲米係用日木米，不過我覺得最吸引係加左啲意米落去，食落去好香意米味，口感也豐富左金魂 $78 （午巿價$98）即饅魚飯。饅魚肥美可口，入口即溶。饅魚汁很惹味，還可以追加，用黎撈飯一流小食吉列紫薯餅 $38/2件，榴槤炸彈 $22/2件外皮炸得很脆，炸粉不厚。紫薯餡料滿滿的，紫薯蓉混有粒粒紫薯，增加口感，熱辣辣，很好吃用榴槤炸彈作飯後甜品榴槤餡料爆滿，榴槤香味撲鼻，一解榴槤癮不知不覺係度hea左兩個幾鐘，出黎開始見到人潮，係時候講拜了，有機會再黎食過

呢日早收工就陪同事一齊食飯先返屋企因為我地都想試下附近新開既釜飯店一入到去已經見一個又一個既釜飯排好隊，整裝待發XD呢度最吸引我既係佢地既鰻魚釜飯~除左分為蒲燒同白燒之外，仲可以揀最肥/最厚/最焦香，一係唔食，一食就梗係食最厚先滿足啦所以我就嗌左個“金魂超特大肉厚蒲燒釜飯”HKd$118+10%，加多18蚊upgrade做套餐，咁就有埋前菜、湯品同野飲個湯暖笠笠，飲落清清地，仲好多蔬菜添接住落黎我既特厚鰻魚釜飯~~~鰻魚真係幾厚身，重點係完全無細骨，真係食落啖啖肉！！而米飯中加入左薏米，令成個飯更加有咬口，啲鰻魚燒汁仲可以隨意添加架而同事所叫既“汁燒牛肉釜”HKd$58+10%，望落都好吸引見到有好多大大粒既牛粒，同事話食落都幾香又夠腍，CP值好高其實食完成個釜飯已經飽飽，但又見到佢地個“焦糖燴蕃薯”做梗promote，由原價68蚊減到28蚊啵最終我地都係心思思咁嗌左一份share黎食蕃薯香甜，表層焦脆跟餐加多3蚊飲埋杯凍檸茶真係又爽又滿足啊

近排返工太有壓力，放工真的要搵好友鬆一鬆啦！釜之魂主打釜飯，光看menu已經口水直流啦！好想快d點餐呢！！原條汁煮豬軟骨釜賣相十分吸引，原條豬軟骨上檯十分有誠意呢！豬軟骨十分入味，很有醬油的甜香味，而且豬質保持嫩滑，還帶著充滿骨膠原的軟骨！釜底的飯吸收了肉汁、醬油汁發配菜的精華，伴著一起吃很是滋味！晚餐時間加$18就能加配麵豉湯及前菜，麵豉湯足料、味濃，正呀！日式炸雞🍗我們同時點了數款小食一齊share 呢！ 炸雞外層炸得香脆，內裡保持肉汁幼滑，灑上檸檬汁更開胃呀！！黑松露玉子燒我是燒玉子的愛好者，當然要吃吃它啦！玉子燒得甜甜香香，十分厚切，好感更佳！加上黑松露醬，頓時提升了不少香味，味覺多一重享受！甘露甜薯🍠蕃薯外層燒得香口，微焦帶點甜味，一口一件剛剛好呀！士多啤梨特飲內裡有士多啤梨、雲呢拿、牛奶及忌廉！十分香滑，牛奶與士多啤梨味的比例剛好，有著幸福的感覺！雖然暫時未能去日本充充電，但吃完日式美味之後，暫時可以放鬆心情一下呀！

I love to eat eels, especially Japanese eels. My friends told me that there is a restaurant in Ngau Tau Kok that selling Japanese eel rice. They are selling steamed rice in special pot. 🌊Golden Unagi Kamameshi - $118 I ordered this bowl as it mentioned that the eel meat is specially bigger and thicker. The eel steak was burnt with Japanese sauce that makes the eel steak looks golden in colour. The sauce was inside the steak that keeps the freshness of eel. 🐷 Soft bone rib bowl -$98 another bowl

一段時間無黎牛頭角淘大，發覺好多店舖食肆都改變咗，但好在除左有大型連鎖餐廳外，仍保留有一些特式小店。今日想食飯(飯桶的我)，就拉老公試下呢間釜飯店叫左個燒牛肉釜飯，雖然等得有啲耐，但牛粒絕對有驚喜，牛粒厚切而且份量充足，咬落好多汁而有肉味，食得出係用新鮮靚牛肉，飯熱辣辣加上燒汁好好味，$58絕對性價比超高另外仲叫左幾個小食，老公最欣賞係燒牛舌， 幾大塊都唔韌，即燒食落仲係辣口苦瓜餃子都好特別，餃子皮有淡淡苦瓜味易入口 ，同埋豬肉餡料加咗菜粒，食落幾清新松露玉子燒同埋蜜糖番薯都係即叫即整，味道吾錯最後叫左個花生醬麻薯做甜品， 麻薯燒過所以外脆內軟， 好好味 唯獨係淋在上面的花生醬比較乾身。埋單只係二百幾蚊，兩個人食到飽飽仲要有呢個質素，絕對"食"有所值。

【金魂蒲燒鰻魚釜飯】：相信呢個飯就係店鋪嘅主打，無理由唔食啦！蒲燒鰻魚燒嘅時間控制得好，鰻魚燒到好香，魚身軟熟，連同適量油份，好惹味！（HKD88 +18)【燒汁牛肉飯】：牛肉絕對喜出望外！全部牛係以比起一口牛稍大嘅size放係飯內，大概有成8-9舊，真係食牛都食到飽哂。重點係，佢煮到medium rare，外面煮到淋而內裡有非常有咬口，配合日本米黎食，一流！(HKD58 +18)【汁煮豬軟骨釜】：豬軟骨比起一般食到嘅更入味，食得出烹調下好工夫，味道層次豐富。(HKD78 +18)座位方面好舒服，入面都好多卡位；服務方面浸水、落單都好快手，睇得出店員認真做。加套餐就另加18，有湯有野飲，都抵加架。用膳當日係平日晚上，人流都幾多，幾乎坐滿，想坐靚位就早啲喇。