釜之魂釜飯專門店 (淘大商場) (已結業)

其實試咗咁多黃店，又點會冇中過伏，我哋都覺得黃店係要支持，但係都可以揀啲高質嘅黃店去食嘅，冇必要糟質自己～今次講嘅呢間黃店喺openrice極多好評，但係我哋食到懷疑人生🤔 不過人人口味唔同，試過呢間嘅你，不妨留言一齊討論下！.▪️金魂 $138▪️半條鰻魚加咗芝麻喺面，鰻魚係煎得幾脆口，都幾肥美，但啲鰻魚汁唔係特別好食🤔。釜飯係加咗高湯煮嘅飯，個飯底份量係好多，但成個感覺唔同喺日本食到嘅釜飯，只係啲飯濕過平時，冇咩米香同高湯嘅香味😂，最後都食剩啲飯🤭。▪️五花豚肉釜 $78▪️豚肉比較瘦，本身冇點腌過，煎得唔係好夠香口，食落有小小柴嘅感覺。半隻蛋冇咩流心嘅效果，最大問題都係飯，食落奇奇怪怪咁😳。▪️黑松露玉子燒 $18▪️玉子燒比較細份，好有蛋香味，但燒完就咁加一條黑松露醬上去好似有點兒求其，個醬都唔太濃黑松露味😆。▪️梅干手羽先 $28▪️雞翼炸得幾脆口，梅干有少少酸酸地，不過冇咩肉汁🤔，好似放題嘅炸雞翼好食過佢😂

服務態度：知道係黃店 梗係要支持下啦 但原來得個樣一入去以為都幾好禮貌 點知點餐個陣有個帶黑色眼鏡既啊叔（員工）語氣陰沉 我地聽唔到佢講嘢叫佢復述多次 點知佢又有啲唔耐煩 突然把聲勁惡咁 第一印象已經唔好 點知食完之後 喺客家好棧嗰邊見到佢坐喺樓梯度 除咗口罩 喺度食煙 經過嗰陣係咁望住我哋 眼神兇狠 呢d 員工真係唔識的形容 仲要除晒口罩係度食煙 衛生方面：見到埋單後面擺左d碗 驚見有隻蟑螂走過 嚇得我 而食個張枱 下面地下又唔太乾淨 見到幾粒飯係下面 張枱又濕 衛生環境情況惡劣食物方面：叫咗鰻魚飯冇想像中咁好食 普普通通 但如果要我用呢個價錢去買個服務質素同衛生 我寧願食其他黃店還黃店比返d服務質素啊

自從係鹿兒島食過生平最好食既鰻魚飯之後就成日心掛掛。但偏偏香港有好多餐廳既鰻魚飯都唔好食，有啲甚至又薄又腥又貴，中伏率都幾高🙁。見九龍灣呢間主打鰻魚釜飯，好似幾好食咁，而且鰻魚都有分唔同價位，感覺好pro咁，下午茶就試一試佢。前菜小碟+味噌湯 (跟套餐）前菜既漬物好清新，爽口得黎又辣辣地，好開胃👍🏻。味噌湯味道岩岩好，唔會過咸過濃，清清地好好飲😋😋金魂 - 鰻魚釜飯 (下午茶餐 $78）首先鰻魚好厚肉😍😍😍厚肉肥美既鰻魚真係好好食！❤️鰻魚好香唔會腥👍🏻👍🏻可能因為要配飯，所以啲燒汁有啲咸，飯硬左少少。個飯量好多，為食妹一個食唔曬，我諗2個人share會好啲。日式叉燒稻庭湯烏冬 (下午茶餐 $48）個湯底好好味，清清地但一啲都唔無聊😋烏冬質地偏硬，同平時啲稻庭烏冬唔似，反而似讚岐烏冬多啲，不過我鍾意硬身既麵，所以覺得幾好😆叉燒就不過不失啦，唔係特別香，無乜太大感想。髒髒炸香蕉(朱古力）($18)本身以為入面係真香蕉，點知係煙煙韌韌好似麻糬既質地，又唔太好食，好失望😕😕蘋果蜜 (跟餐，凍飲+3）清清甜甜，又有好多果肉，好好飲😙😙整體黎講下午茶好抵食，淨係個金魂已經係平左好多！😜😜

較早之前去開九龍灣行街，就去咗食呢間釜飯。Lunch set價錢非常抵食， $48就有交易，而且仲有齊前菜、湯同飲品☕️，質素都算ok，CP值超高！..前菜丶湯跟餐送嘅係普通麵豉湯🥘.釜飯嘅質感同味道都好好，用咗珍珠米，軟硬度適中，仲滲入咗唔同配料既香味！．芝士汁豚肉釜 $58有大量嘅芝士汁，不過豚肉有啲太肥。.日式咖喱炸魚柳釜 $53咖喱汁幾好食，而且魚柳嘅份量好多，不過魚柳就炸得比較乾.汁燒牛盛釜 $48 🍽牛肉份量足，不過有少少韌，味道方面就唔錯

下午茶套餐配有前菜、湯及飲品金魂 $78嚟到當然要試吓佢哋個招牌釜飯啦～金魂係用鰻魚中間最闊最厚嘅部份，啖啖肉，雖然有少量幼骨，但肉質緊緻，用筷子夾落去，整件魚唔會鬆散；呢度選用德島縣產嘅米，米粒圓渾飽滿，煙韌有咬口，加埋鰻魚醬汁更好味。汁燒牛肋肉魂 $78份量好足，牛肋肉非常入味，煮到好軟腍，食哂啲牛肋肉已經夠飽鹽燒三文魚頭 $48魚皮燒到香脆，魚面質感肉嫩滑，我就鍾意食魚鮫位，完全唔腥，配有檸檬及醬汁，味道更提升髒髒炸香蕉 $18 /2件見到係人氣之選，食評推介我又試吓啦～ 朱古力粉舖滿外層，脆漿炸到似煎堆，脆得嚟內層軟糯，餡料當然係香蕉蓉啦！朱古力加香蕉，味道唔會差 🤗

喺香港好少食鰻魚飯嘅專門店，之前經過淘大商場見到依間鰻魚飯專門店成日都好爆，今日見到冇乜人排隊就入去試吓，叫咗一個98蚊嘅鰻魚飯，但原來下午茶時間會平$20 ，不過唔理啦好肚餓照叫咗，仲叫咗一個蕃茄牛肉烏冬，再加一個下午茶嘅小食，就係梅子雞翼，都幾特別，所以就可以分享一下。每個人入到去都會比嘅湯，麵豉湯嚟嘅，都OK嘅鰻魚飯對上一次食鰻魚飯已經係好耐之前，我就本身好鍾意食鰻魚飯嘅汁嘅，已經嘅汁都好香，絕對唔會腥，$98來講，份量都算唔錯，唔會得一細舊蕃茄牛肉烏冬呢個烏冬呢就好香蕃茄湯味，個烏冬都係有啲彈牙嗰隻，不過我都係鍾意食鰻魚飯多啲哈哈。至於牛肉就正常啦，唔會太肥或者太瘦，都有好重嘅牛肉味。梅子雞翼，呢樣我又真係有啲喜出望外，因為原本冇諗過佢嘅雞翼竟然有梅子味，出面又冇得食一樣，佢又炸得好香，所以大家嚟食下午茶都可以叫下

淘大個邊真係好多野食！但黃店就真係得幾間👾小編決定試下其他菜式同支持下小店💢就咁係門口睇已經知道呢間舖黃到金💛由外到內，再由內到外，佢都有勁多yell咭、連豬同Pepe🐸最搞笑嘅係，每一個卡位後面都會放左個公仔牌🐷🐸比你可以同佢地一齊影相😂佢舖頭都算大，啲位都好闊落，坐得好舒服😚==============================🍛 釜之魂釜飯專門店 (九龍灣) @gutssoul_kamameshi📍 九龍灣牛頭角道77號淘大商場三期地下G286-288舖⏰ 星期一至日 12:00 - 16:30, 18:00 -21:00==============================1️⃣ 【汁燒牛盛釜】$48 一嚟到見到啲牛肉🐮咁深色，就知道佢個燒汁好入味😋一入口果然好夠味，再揭開牛肉下嘅飯，一睇，哇😧邊食得晒啊，真係勁多飯😲雖然份量好多，味道都唔錯，但食到最後因為味道冇轉變同份量多嘅關係食唔晒，建議兩個女仔👭🏻食一個餐，因為已經夠晒飽🤰🏻(🔥 怒食指數: 8/10).2️⃣ 【滑蛋雞柳釜】$53第一個感覺係 佢個份量真係好鬼大！一個人係唔會食得曬！釜飯個鍋真係好深，真係有3碗飯咁

今日喺九龍灣見完客，順便行過去淘大食街食中午。寶寶說很久沒有去日本，於是行過一間店面很像居酒屋的餐廳，展開了美食家之旅。中午餐牌也有不錯的選擇，最驚喜的是還可以在午餐時段吃到下午茶小食（當然沒有分價錢）。草草點了兩個釜飯，一個三文魚魚頭小食，本來還打算點多一些，但是原來中午是可以跟餐的，包括前菜、湯和飲品。前菜不錯啊，酸辣的可以用來配飯入口。說真的，他的麵豉湯是弄得很好，清清的沒有那些很重的味精，喝下去很健康的感覺！點了一個金魂（鰻魚飯）$98鰻魚飯很大碗，鰻魚很厚身，而且拌飯沾上了鰻魚汁留下來的烤香味道。因此我們吃得很滋味！話雖如此，寶寶很飽但寶寶不說！另外再叫了一個汁燒牛肋骨飯$78不知道店家是如何調製的，牛肋骨煮得很鬆化，咬口一流。對於我這些愛汁拌飯的人士來說，這真的十分入味！ ！而且可以把七味粉與飯一起攪勻，味道濃厚。三文魚頭，我想要帶你回家！$48能夠吃到這嫩滑而不漏的肉質，真係難得嘅賺到了！ $250到日本一趟，滿足了遊客的心願哦！ ！

淘大有好多美食，由中日韓到西式都有，可謂係一個美食小天地，所以小胖常去果到找尋美食，今次小胖就食咗間不一樣的日式料理店。佢的主打唔係常見的壽司，刺身咁，而係日式釜飯。小胖和友人分别叫咗蒲燒鰻魚釜飯和日式叉燒釜飯，另外仲叫咗兩個小食，梅子手羽先同吉列紫薯餅佢的蒲燒鰻魚釜飯的鰻魚肉質肥美厚實，配埋甜甜的鰻魚汁，好食，而且價錢唔貴。而佢的叉燒亦都不錯，係厚切叉燒，唔係薄薄地一塊的，而且分量都幾多。其實釜飯姐係日式煲仔飯，和平時的日本丼飯不同，因爲有用高湯去煮，所以佢的味道係淡香淡香的，而且咬落煙韌有咬口，食到底的時候仲會食到脆香的飯焦，不錯。佢飯的分量都好多，我地都食唔完。佢的小食梅子手羽先，姐係梅子味的雞翼，好特别，酸酸甜甜，清新不油膩，而佢的吉列紫薯餅，炸粉唔會過厚，亦無炸過火，紫薯的淡甜配埋香脆的表皮佢的坐位好闊落，幾好坐，另外佢唔係俾水或茶，而係俾味噌湯同芽菜當小點俾你，咁你食飯時就可配湯和清爽芽菜一齊食

今日難得有機會來到九龍灣就當然少不免懲罰下附近的黃店💛經過一番搜尋 最後決定選了間日式餐廳「釜之魂」顧名思義以釜飯為著名菜環境舒適有氣氛💁🏻‍♀️並擺放了多款打卡圖案牌🐟金魂 $78稱為鰻魚釜頭飯專門店 當然要試試招牌菜烤製後的鰻魚塗上了充份的濃郁香甜燒汁不但可去除魚腥👅並能提升惹味程度然而肉質亦非常肉厚肥美配搭釜飯一拼吃掉 滋味滿分💯🐮汁燒牛盛釜 $48首先 一上菜已聞到香濃牛味🤤牛肉份量多得每口都能吃到啖啖肉並且肥瘦適中 入味之餘又嫩滑無渣重點是烹調時由於加入了大量洋蔥🧅讓醬汁更為可口 富有風味👏🏻相當推薦🍠吉列紫薯餅 $38/2炸物乃即叫即製 新鮮熱烘烘的🔥外皮金黃酥脆 真的做到外脆内軟裡面則是滿滿薯蓉 但卻不用擔心太膩這香甜的紫薯餡💕恰到好處🐣梅干手羽先 $28/2入口皮脆肉嫩 內裡充滿肉汁💦那淡淡梅干香清幽地散發出來於鹹味中帶著酸酸甜甜💋零舍醒胃🥚串燒玉子 $28/2玉子燒後色澤均勻吸引😍質感鬆軟 富蛋濃濃香外 還有甜甜的滋味份量十足💪🏻整體性價比頗高

最近哥哥搬入淘大，每次經過這間釜之魂，都被他的日式裝修所吸引，加上釜飯真的沒吃過，好奇心驅使下，便來一試了。梅干手羽先還是先點小吃吧，這炸雞全翼，有輕微的梅干味，而且調味充足，加上雞翼外皮卜卜趣，幾惹味。串燒玉子玉子剛剛燒起，暖笠笠，非常合適冬天這是接吃呢。加上玉子甜甜的，女士都會喜歡。金魂我就點了鰻魚飯，這碗飯看起來相當精緻，有蛋絲和厚切鰻魚，配上特製的碗，令這飯充滿日本風味。看來小小的一碗，珍珠飯卻是深不見底😂，非常飽肚，用料足，對得起這個價錢吧。五花叉燒盛釜哥哥則點了這個盛釜，除了有數大塊厚切五花叉燒外，這飯更有豐富的蔬菜👍🏼，有蘿蔔和粟米芯等等，還有大量的蛋絲，吃起來香氣十足。第一次吃釜飯，下次和家人再來試試其他的款式❤️

難得全家攞左同一日假，就出走九龍灣一帶行一條簡單行山路線👣 行之前當然要醫下肚仔先，媽媽喺openrice睇左一輪，揀左得獎熱店👉🏼 釜之魂，我都想試好耐喇🤩💛望下牆身既poster，就會知道佢地既立場～ 我地3個人去，店員俾左大圓枱，用透明膠板間開兩張枱～ 而當peak hour個陣，我聲隔離入多左一枱客，店員即刻用屏風咁高既foamboard，效率高又非常之守規矩👍🏽枱面仲有教食軟飯攻略，哈哈😄講下食物先💁🏽‍♀️ 以推介程度排列！➿ 金魂 ($98)媽媽見好多人都推介呢個，所以叫左😆 鰻魚都幾大條，幾重脂香味，好軟冧～ 蛋絲同照燒汁份量都多，伴飯一流！➿ 芝士汁漢堡扒釜 ($58)漢堡扒有三塊咁多，不過係現成個種，所以冇咩特別～ 但重點一提就係個個芝士汁🧀 雖然睇落平平無奇，但芝味比相像中濃好多！➿ 滑蛋蝦肉配釜飯 ($68)雖然蝦仁🍤數量都算多，但係洋蔥🧅同汁既處理令到滑蛋太濕，我都係鍾意港式既蝦仁炒蛋多d！😌每個套餐都有前菜、麵豉湯同飲品，午餐用呢個價錢($48-$98)就可以食得咁豐富，抵食啊！飲品方面💁🏽‍♀️➿ 蘋果蜜 *熱好少見～ 有蘋果粒粒🍎，味道唔假 😋➿ 柚子蜜 (

就嚟聖誕節，當然想同朋友去食餐好嘅！咁岩途經淘大嘅時候，朋友指住間餐廳話十分好食，咁啱我都好耐冇食過日本嘢，於是決定同朋友去試吓。餐廳嘅佈置真係好靚好細心，明嘅人就會明🤣🤣餐廳嘅背景音樂都不得了，基本上都係播一啲我經常聽嘅日本流行曲，我同朋友都聽得好開心食正餐前，侍應俾咗沙律同麵豉湯我哋，好少見到有餐廳嘅麵豉湯係咁足料，真係好抵讚我哋叫咗芝士年糕，師兄話要趁熱食，果然趁熱食係最好食。年糕咬落去有少少彈牙，入面既芝士又熱又軟，食多幾個都唔會濟！牛舌十分之好食，入口即化，我同朋友食完都讚不絕口。真係要必試仲有雞翼，外皮炸到好脆，入面既雞肉又多汁又嫩，好想食多幾件終於到主菜啦，一望到個外觀已經食指大動。鰻魚超大塊之餘，而且啲醬撈飯都好好食，呢個價錢來講真係好抵食朋友叫咗個有叉燒既飯，我都忍唔住食咗啲，叉燒肥瘦啱啱好，醬汁都好入味，送飯真係一流！

推薦指數：👍🏻👍🏻👍🏻👍🏻-大概都光顧了這店兩三次，第一次初嘗的時候，不好吃。之後就沒有再光顧了。事隔一兩年，它成了九龍灣區的知名黃店，而且竟有多位朋友向我推介它的鰻魚飯！甚至推薦我點整條鰻魚！但是，同期亦有朋友稱此店的釜飯，並非釜飯而是「苦飯」，痛苦的飯。疫情期間，我都不太會外食，這次點了下午茶餐，再嘗鰻魚飯！試試它到底為何如此兩極評價(*´ω｀*)-店舖: 釜之魂釜飯專門店地址: 九龍灣牛頭角道77號淘大商場三期地下G286-288號舖價錢: $77人數: 1人光顧時間: 12月16日2pm外賣有折，所以下午茶變得更划算。我點的是<金魂 特> 這個餐有一盒 鰻魚飯、一小碗 麵豉湯及小前菜漬物。鰻魚飯份量看上去不多，但其實鰻魚也有手掌大小，重點是飯！很硬！十分硬！喜歡吃硬飯的朋友就有福了(・ω・)ノ而且，意想不到的是吃了半個鐘也是一樣的硬。-鰻魚是不錯的，但也不算有非常出色，但這個價錢在香港也算是划算。鰻魚大條，很好送飯，每一口也有鰻魚的味道。另外還有跟餐的麵豉湯及前菜，味道普普通通，不過不失。-總結而言，以$77有手掌大小的鰻魚，而且不討厭硬飯的話，是蠻推薦這個餐的

食日本野一定要食凍冰冰架咩？🤔No 💢No ❌ 呢間日本菜主打日本釜飯🍚啱曬俾女朋友嘈住要食日本野，而又驚食唔飽嘅男仔喇🤣🤣仲唔快啲Save 低！😍鐵板雞排釜飯 $78如圖，雞扒🐣真係非常之大塊，而且好厚，咬落去肉質非常Juicy一啲都唔硬😃調味方面用上照燒汁調味，味道正常😉 配料方面用上少量荷蘭豆，同埋粟米仔🌽金魂鰻魚釜飯🐟 $108金魂係用上鰻魚最寬闊最厚嘅位置🤩味道係蒲燒汁味🥰食落去超級肥美❤️咬落去啲魚油唧曬岀黎🤤份量一啲都唔馬虎，有成個手掌咁大，真係CP值超高👍🏻👍🏻👍🏻飯底🍚方面，選用高質珍珠米煮製，食落有咬口，而且粒粒分明。飯底吸收晒啲餸菜嘅味道，鰻魚🐟/雞排🐣嘅精華， 十分吸引。而且份量都唔細，粗略估計有一碗半飯。小編自己一個都食唔晒成個飯。🍚🙈黑松露玉子燒 🍳$18玉子燒咬落比較厚實，有層次。有少量湯汁🥣，食落蛋香味濃🥚黑松露醬係正常嘅黑松露味，發揮正常。串燒年糕 （期間限定）🍢小編係之前食過呢一度嘅串燒年糕，屬於期間限定，所以如果你睇到呢個post嘅時候應該冇得食㗎啦。😕不過呢一個嘅年糕咬落去非常軟糯，燒過之後更加外脆內軟，口感好豐富。😋服務方面，呢間座位算多，但服務