鍋心八鮮蒸鍋

营业中

休息中

朋友選了這間蒸氣海鮮，食海鮮唔使$300又幾抵咁喎。Book咗8:30嗰場，準時入席準時離席，侍應控制時間出色，不過最後食蒸飯略嫌有啲趕。坐底先嚟碗靚湯，好足料，頌有兩隻雞腳，夠熱夠甜。之後海鮮陸續蒸，可以選調味料，我們盡量選唔同調味配唔同海鮮，希望試足佢嘅唔同味道。先食龍蝦，夠鮮夠甜，蒜蓉味足。鮑魚選果皮，略嫌失色，本身鮑魚唔知點解唔夠鮑魚味，果皮又唔夠果皮味。😅😅蜆都ok, 配泰國sauce, 嗰汁好好味。生蠔好鮮甜。聖子夠晒爽口。魷魚腸粉要選沙爹汁啊，我覺得必食，好野味，沙爹味夠濃，魷魚夠爽，腸粉索晒啲汁，好好味。蝦就普通啲，無乜特別。蟹都好鮮甜，好大隻唔係普通嘢。除咗蜆同魷魚腸粉，其他海鮮上場都配唔同蔬菜：椰菜花，節瓜，白蘿蔔，冬瓜，蕃薯等，明顯有心做好…讚！最後嗰蒸飯我已經飽到只係食咗半碗，好多料👍…最後頌有糖水…勁。

一早訂了第一輪5點45分預早慶祝母親節提早15分鐘到達門口已經排滿人坐低點好八種海鮮, 侍應就好快安排好食咗龍蝦,沙白,蟶子,元貝,蒜蓉開邊蝦 ,肉蟹,鮮魷腸粉食完海鮮都已經好飽但重點係之後嘅八寶蒸飯完全吸收曬所有餸嘅精華

一行5人試鍋心另一分店蒸海鮮！之前食過火鍋覺得很好食，發現佢開左間蒸海鮮一於黎試下。食鍋心係一定要訂位，佢有分3個時段，第一、二個時段係一定滿座。今次我地揀左8:30這時段去食，去到門口就企滿等入座的人潮，但安排好好，完全沒混亂就入座了。呢間鋪有兩層，位置比食火鍋的分店闊落，坐得比較舒服。食物方面，一開始會每人一盅燉湯，今日係蟲草花雞腳瘦肉湯，真材實料無味精。然後就食8款海鮮（龍蝦、鮑魚、蝦、八寶魚，魷魚、象拔蚌、大蜆、蟹），調味係坐低果時揀的，有蒜蒜，豆豉，清蒸等等，每樣海鮮都非常新鮮，龍蝦同蟹特別正！食完海鮮就會蒸八寶飯，八款材料都係係坐低時就要選好，一定要揀蝦醬豬腩肉同銀魚仔，個飯好出色，分量好多，食不完可以打包，最後食埋個糖水就完美啦！

早前光顧過同品牌的粥底火鍋相當滿意, 這天試試蒸鍋。固定每位收費$268, 按人頭安排海鮮, 蒸法有不少口味可以選擇, 最後可選8款餸做蒸飯。坐下不久, 便按人頭送上燉湯。湯非常熱, 用料亦甚豐富, 有雞腳, 豬骨, 雪梨等, 清潤好喝。所有海鮮都會由店員代為放進桌上的蒸鍋及取岀, 相信是為保持海鮮煮的時間要恰好及避免食客受傷(坐在蒸爐旁的的感到爐是相當熱的)。每款海鮮熱有特定的蒸煮時間, 店員會按時間制, 大家坐著等吃便可。先吃了龍蝦半隻配金銀蒜, 肉質彈牙, 鮮味但較淡。果皮蒸鮑魚相當新鮮而且非常大隻, 看著其蒸時不斷掙扎便可知, 鮑魚煮的時間只剛剛好熟, 如多10秒再熟一點會更好。清蒸花甲超鮮味, 花甲內自身的湯汁很鮮甜也帶點海水味。接著有海蝦, 選了一半金銀蒜一半剁椒。海蝦半身肉質已非常彈牙且蝦味十足很鮮甜, 我特別推薦剁椒, 帶點麻辣味, 少許刺激但又不會蓋過蝦的鮮味。蟶子亦鮮甜無沙。魷魚選了沙爹醬, 魷魚不會過老, 加上腸粉, 很好吃, 明明已半飽也忍不住一口接一口。豆醬蒸多寶魚有點酒樓水準, 魚肉幼滑。重點來了, 每人半隻蟹, 非常多膏! 選了梅子蒸, 只在蟹殼上加了些許

需要預先訂位大量朋友極力推薦的餐廳 海鮮非常美味鮮甜 侍應也非常友善貼心的為我們處理好食物並提示各樣海鮮所需要烹煮的時間 正常套餐已包括大量海鮮例如鮑魚龍蝦大蝦扇貝最後還會有一碗在經過之前烹煮海鮮留下的精華混成的粥

按人頭計算，每位$268，而且不設加一，已經有燉湯、八款蒸海鮮、八寶飯、甜品。晚上會分為三輪，淨睇價錢已經十分吸引，緊記要預先訂位。食蒸鍋前，每位會有一份燉湯，好足料，感覺無加味精。每日有八款時令海鮮，當日包括波士頓龍蝦、鮑魚、蟹、多寶魚、魷魚、大蚌、花甲。海鮮醬料可以按個人喜好選擇，例如豉汁、古法豆醬、沙爹等，海鮮新鮮肥美，性價比極高。

宵夜揀呢度，因為佢都收1點，要就我哋啲夜收工搵宵夜食。同埋要慶祝朋友生日。我哋6個人，叫咗$168套餐，有6款海鮮，有波士頓龍蝦，鮑魚，中蝦，蜆，蚌，樣樣都係即叫即蒸，都唔使等好耐，差不多每款等8分鐘，有啲快啲，有啲耐啲。我哋仲加咗湯，係燉湯，好鮮味好足料㗎，抵加。每款海鮮上枱，都有人幫我哋分餸，好好服務。食到最尾，仲有八寶飯，自己點餸，鍾意食乜就點，以為好小份量，食吓食吓都幾多。值得推介。如果叫$268嗰set,仲有甜品送。

兩好友升職請食飯，一行四人就揀左呢度慶祝！樓上雅座，四人卡位，坐位闊落…我見有情侣二人都係坐四人卡位，值得一讚，真係約會吹水好地方！由1800食到2030 星期五晚市限時有兩小時算唔錯了！睇下啲野食先～首先係上盅頭湯，我唔記得影，基本上味道都okay 嘅，但就不太熱面且較油，所以飲左兩啖就算了！第一道海鮮係龍蝦～龍蝦肉就唔夠彈牙，朋友話上次新鮮啲，但又不是梅，所以都係睇下好唔好彩了！第二樣係鮑魚新鮮爽口彈牙～第三樣蒸蝦一樣係新鮮肉爽，就咁清蒸已夠鮮味！第四，五樣係蒸多寶魚同花甲魚要快食，好快凍而肉變硬，因爲果度冷氣充足！花甲甜，蒜蓉香第六，七樣清蒸蜆和沙爹魷魚蜆鮮甜，有少許海水咸味沙爹微辣，同腸粉一齊蒸夠唒入味～正最得有蟹同八寶飯食唔哂要打包值得一讚個糖水，夠熱又好味祝大家事業蒸蒸日上

最近朋友介紹有一間蒸氣鍋，平時食的蒸氣鍋下面是粥底，但是這間是飯底，不過你也不用其怪，話明蒸氣鍋出名一定是海鮮，想不到海鮮好新鮮好甜美，海鮮也有很多款式，食到最後還有一個蒸飯，食物份量剛剛好，飯後還有一個甜品滿足你所有要求。

二年前已食過佐敦總店粥底火鍋，而深水埗店及新元朗店都試過，全部海鮮都非常新鮮。今次啲同事講左好耐終於就到時間一齊去試尼間八鮮蒸鍋，真係無失望。一嚟就送一碗蟲草花鷄腳湯，非常足料新鮮海鮮最好係清蒸才食到鮮味豉汁蒸多寶魚陳皮蒸鮑魚，清香陳皮味唔會蓋過鮑魚鮮味清蒸龍蝦，超新鮮及彈牙😋😋蝦，真可惜用了豆醬蒸，有點蓋了鮮味，但還是很好味🙁沙爹醬蒸鮮尤，又香又嫩食唔停蒜香蒸扇貝，無敵配套好味清蒸蟹，好鮮味試完八款海鮮還有八寶飯（材料又是自選的），真的好滿足食唔落要打包走😂😂最後還有糖水送，畫上一個完美的句號

朋友多次極度推介，前日終於黎試試，我地一行12人嚟，朋友話佢個燉湯係必飲，而且只係$10，仲要超高質，至於蒸海鮮就有5款海鮮揀，另外跟一個八寶飯，個飯有好多種唔同嘅食物選擇，真係花多眼亂燉湯超足料，好清甜蒸海鮮第一道係龍蝦，上枱嘅時候仲郁緊，超新鮮鮑魚爽甜彈牙帶子就稍為差啲，肉質比較硬花甲好大隻，好鮮甜，冇沙最後一樣係豉汁蒸多寶魚八寶飯整體來講，所有嘅食物質素都非常好，新鮮，員工嘅服務態度都係非常好，好細心照顧每一位嘅食客同需要，期待下一次再嚟

一早已聽聞鍋心大名，但一直未約到朋友試，原來有分粥底和蒸海鮮，今個月忽然兩種都試齊，高下立分。位於太子的這間鍋心吃的是蒸海鮮，粥底海鮮可以留意下篇食評。首先介紹一下遊戲規則，鍋心所有分店都是分兩輪進入，六時和八時半，人氣很旺！要一早訂位，即日訂無位的機會很高，不過今日好彩，可能是不好彩(睇落就知)，慶祝家姐生日，即日訂位竟然有位。入座後，枱面會有張點餐紙，規定8款海鮮，你只要選蒸煮的方法，最後會有一大個蒸飯，要選8樣配料，統一收費，不計飲料。 店員會先送上一碗燉雞腳湯，湯十分甜，先為飢餓的我們墊一墊，但雞腳太肥，不想吃。蒸海鮮都吃過幾間，這間海鮮蒸煮法挺多，味道可以，但海鮮不夠鮮味，可能配料搶去了主角光芒，讓人有種吃一次便足夠的感覺，除了價錢平外，使我很疑惑為什麼大家都推介鍋心（後來發現粥底好食很多)。8款海鮮如下:至於蒸飯，有別於一般粥底蒸海鮮，海鮮的鮮味肉汁，全部會流入粥底，這個蒸飯是純粹一個蒸飯，與海鮮無關，但吃完8款海鮮，其實大家已經飽了9成，對於這個蒸飯是都不想吃，只好打包，我試了兩口，其實味道還可以，十分足料，不過有少許油膩。

呢日帶屋企人食豐富海鮮餐~~😜哇哈哈鍋心呢間餐廳其實係朋友推介，佢話啲海鮮好抵食一定要黎試吓，但係成日會爆場，所以要預早兩三星期book定夜晚會分幾個時段，我哋揀咗早啲嘅時段，夠鐘等一陣就分批入去，嗰日真係全場爆滿，環境唔算好大不過坐得都唔算好迫，開頭每人會有個湯飲，之後就開始蒸海鮮啦~~有八款海鮮，波士頓龍蝦大大隻！鮑魚好新鮮！大蜆好惹味！白灼蝦好彈牙！多寶魚好滑！花甲同蒸蟹鮮甜！沙嗲蒸魷魚都唔錯！仲有一個蒸八寶飯！有湯飲最後仲有甜品食Tim~~😋成家人都食到Lam Lam 脷~😋尤其係我哈哈多謝suki Baby推介~所以我都要推介俾大家老豆平時成日話出面D野食比唔上佢煮今次都讚新鮮😆老豆表示滿意 父親節快樂!#海鮮餐 #食到傻 #lamlam脷 #好豐富 #好美味

海邊城市長大，海鮮已經是應接不暇。最近已經好多店鋪推出海鮮的另外煮法，雖然蒸汽海鮮並不是主打。但蒸汽海鮮的確是我們每個人健康需要已經確定的選擇。少少簡單的蒸汽同液體融為一種來自於大自然的味道。

蒸氣鍋12月中打電話訂位 接線生話近期都full了 要到5/1先有位可以預訂 咁就訂左5/1 (8:30 p.m.)大概8:25 p.m. 去到門口 有成幾十人喺門口等緊 望入間鋪裡面 一個食客都無原來係分時段食既 第一個時段食既客人走哂清理完畢 先再入第二時段既客人 OIC🕣時間到了 8:30 p.m. 有位接待員就會企喺門口度叫預訂左既客人既姓氏同電話號碼（頭4個字）📣📣無預訂既walk in 客想食就要等預訂客入哂而仲有位剩 或 有預訂客放飛機先有得食 所以訂位好啲 📞☎️我們二人被安排咗去上層坐 二人枱 位置都算寬敞 環境尚算乾淨 裝潢就一般般了 枱面上有兩張紙 :-（1）8款指定海鮮 🦞🦀🦑🐠🦐自選調味方式 （例：清蒸/剁椒/金銀蒜/豆醬 等等⋯⋯）（2）8寶蒸飯 自選8款配料侍應生服務態度唔錯 知道我地第一次來 面帶笑容咁詳細講解咗一次上面個兩張紙比我地聽 仲提我地 「如果你地想食既味道唔同係可以一款海鮮選擇兩個調味方式」填好兩張紙之後 熱辣辣燉湯好快就送到你面前 雪梨腰果沙參玉竹煲瘦肉湯 一啲都唔油膩 足料燉湯 唔錯夠滋潤 味道唔錯 只係略嫌雪梨酸味過咗界享受燉湯既同時 蒸