鐵牛台灣牛肉麵 (旺角中心第一座) (已結業)

知道姊妹鐘意食台灣野，就帶佢嚟之前食過唔錯嘅鐵牛，成為我地嘅聚腳點。女孩子們都唔太鐘意食太多澱粉質，所以我地叫左一個主食，留番啲位食多啲小食🤣牛三寶拼盤分別有金錢展，牛筋同牛腩。三樣都整得幾出色，牛筋淋滑，金錢展同牛腩好入味，而且份量非常多，堆到一座山甘滿。香酥排骨肉燥乾拌面排骨炸得酥脆，拌面份量都幾多，我地兩個女仔share都可以，肉燥粒粒分明，面身軟滑彈牙，青瓜絲加埋一齊食，加左啲清新嘅感覺。一口炸口腐一碟有4件，細細件，又真係幾岩一啖一舊。我自己本人對個醬油唔太岩我口味，所以我覺得整體一般。女孩子每個月嘅事，都係飲番熱飲比較好，我地叫左芋香珍珠奶茶同胚芽珍珠奶茶，下次再嚟食先試番凍珠奶啦

我本身係一個好鍾意食台灣野既人，但係香港好味的台灣餐廳真係寥寥可數。有朋友食過鐵牛牛肉麵話幾好食，叫我有機會去試下。今日同同事們一齊去試下，餐廳係先到櫃檯下單付款，然後再有店員會送食物過黎。我叫左牛筋麵，好大碗好足料，牛筋好淋好入味，仲有牛肉都好好食，個湯都忍唔住飲左好多。

之前有時想食台灣嘢，會去茶木。依家多一個選擇，係鐵牛，同樣牛肉麵都好正。旺中樓下食店依家裝修哂，好靚。好喜歡一致嘅排法同簡單嘅裝修。午餐價錢都可以，唔算貴，基本上想食台灣嘢，呢度都齊哂。除左櫈位，仲有梳化位，黎個陣未有太多人，緊係揀梳化啦。V(^_^)V叫咗紅燒牛肉麵，麵份量適中，較硬度都係適中，湯頭夠味，唔會過咸。牛肉煮得好林同入味，呢個價錢有呢個享受都唔錯。（＾∇＾）加9元飲凍檸檬冬瓜茶，夏天辛苦行左一輪，呢杯係舒服哂。(￣◇￣;)

第一次食鐵牛係晌尖東，抵食又好食，值得再食。黎左旺角竟然見到分店喎，又好耐無食咪再食。但今次有少少失望，覺得貴左，質素又下滑。嗌左個豬軟骨撈麵同滷水拼盤。滷水拼盤有豬大腸、蛋、豬耳。每款份量得個少少，仲要切到又細又幼，又無咩滷水汁，又唔係特別好食，靠D蔥呀雪菜呀生菜呀伴碟扮多野，好唔抵。撈麵煮得比較糊，但我ok，只係味道偏甜，少少食唔慣。豬軟骨就更甜，而最重要既係軟骨並唔軟，而係硬，豬硬骨😅 只有一小部份係軟。如果味道唔係偏甜，應該更好食。整體而言，不過不失，但以上果兩款食物肯定唔會再食。

同男朋友話黎食左幾次，但次次都會有事改變左計劃。今次終於同佢試到喇！嗌左：主廚私房牛肉乾伴麵 ($78)，招牌紅燒牛肉麵 ($62)，逄甲鹽酥雞($36)，凍芋香珍珠($18)。招牌紅燒牛肉麵 ($62)湯濃，麵煮得硬度適中。牛肉有咬口，肉質唔太死實。呢個價錢來講算是很不錯了！主廚私房牛肉乾伴麵 ($78)有牛肉味濃既湯在旁，呢碗既牛肉不同的部份都好食！麵質彈牙同整個配料加埋好香！掛湯和不掛湯食都好味！逄甲鹽酥雞($36)不會很厚炸粉，無過多既調味，卻又很香很脆，唯份量不是太多。－總括，都係會再黎再黎再黎食😛餐牌上好多都想試，例如蕃茄湯既！而且價錢好抵，食物水準係價錢之上😋

今天大雨，走入旺角中心，順便醫肚，原先打算去大X 樂便算了，點知比我發現鐵牛所在，平日下午兩點幾，依個時間唔算多人，咁咪入嚟試吓招牌台灣紅燒牛肉麵囉⋯⋯午餐加埋杯凍的洛神花茶，成為HKD68，可算是合理，喜歡他們用嘅碗夠大隻，用大碗食麵，感覺真係好味啲⋯⋯洺神花茶酸酸甜甜，合晒我口味，唯獨是唔多喜歡他們帶咗你埋位，點完又行番出櫃面比錢，之後又行番埋位，感覺上行來行去，唔多方便，而且有些位置，音響太過大聲，直情有點吵耳，最後要求侍應轉過位置。

第一次寫食評🙈請多多指教😀鐵牛🐃由第一間尖東分店，到現在的旺中分店，我間唔中都會食下。岩去完台灣返黎，想食台灣野嘅癮又發作，就會好自然諗起鐵牛🐃味道👅問心比唔上台灣，但環境都坐得舒服，唔會有限時，可以同朋友慢慢傾下計。以呢個飲食環境，餐飲價錢都算合理，唔貴。今次同一位朋友去食晚餐，好好彩唔使點等位（其實我無一次要等好耐😃）。今次好好彩俾人分到2人位，唔需要搭枱。（有時會搭去4人枱）👭👬一坐低，張枱會放低左餐牌同落單紙（忘記左影），好似畫車仔麵咁填落張落單紙到，之後自己行去入口嘅收銀處落單同俾錢，就可以坐返埋位等食。我地今次就叫左一個餐，再配搭幾種小食#上面：奮起湖燒雞腿排肉燥麵雞腿啖啖肉🍗，上面嘅蔥有少少似食白切雞配嘅蔥油味，醬油雞腿十分入味。肉燥麵我就無試，但眼見就似上海麵。#下左：木魚炸豆腐❤️呢個係我次次都會點嘅小食。豆腐用炸漿炸好，然後上面鋪上木魚絲，再加上類似日式章魚燒嘅醬汁，上面再配埋青瓜絲，食落好香，好有口感。不過今次上菜時已經凍左，所以無平時咁香口。#下右：好芝味芝士花枝丸呢個好普通，只係純粹炸完幾粒花枝丸，上面淋左「黃色嘅醬」。我話「黃色嘅醬」係因為無咩芝士味，唔覺得係

剛去完台灣，想懷緬一下台灣味，於是揀了鐵牛來試試，當然也不敢抱太大的期望！以牛肉麵來計，價錢還是可以吧！餐廳是先到櫃檯下單付款，然後再有待應送到的方式服務。鹽酥雞肉燥乾伴麵─鹽酥雞大概有6粒左右，肉燥則非常少量，但反而我覺得肉燥少不是一個問題，因為太多肉燥會令到整個扎撈麵很咸，少少的肉燥作為吊味，反而令麵更香，另外麵煮得也剛好，有咬口，加上鹽酥雞也不會炸到很粉及表面也沒有耍太多的調味粉，甚至比台灣某些大品牌的鹽酥雞來得更好一些，所以我覺得這碗麵頗為完美！牛肉麵─我記得碗底還有一舊牛肉加上有一定的厚度，所以以價錢來說是抵的，味道方面也非常不錯，牛肉鬆軟而不似湯渣，有咬口，牛味亦很到位，較為幼身的麵掛到湯的香味，麵煮得亦很好，不會太淋，一碗很高分的牛肉麵。梅子脆薯─不點也擺，非常厚粉，蕃薯完成無味，加上梅子粉不似粉(一舊舊)，又太重手！這個菜為這頓飯，留下了污點！蜜桃茶─蜜桃味很香亦有茶味，甜度適中，不錯！我覺得這店的回頭率應該頗高吧！

唔講大家唔知大家知唔知 鐵牛 本身係尖沙咀起家（起碼我一心咁諗）而本人就由佢係尖沙咀的時候就幫襯水準都無乜點變變的係愈來愈多侍應講普通話囉旺角呢間分店 每次去都幾多人總要等一陣但為了台灣味道 無計 我為了可以食更多的野而決定散叫 唔叫餐 叫左兩個小食其實差不多次次都係食個皮旦豆腐 味道正 今次個茄子都唔錯而老實說 之前個茄子試過太油真心唔ok 另外試左腸仔 不過不失當然無台灣咁好食但如果你想重溫台灣的美好鐵牛都係一個好選擇

初嚐鐵牛，係假日食，所以無午市同下午茶套餐。本來想食乾拌麵，但比呢個洛神花便當吸引住。因為我平時好鐘意食d酸酸地，糖醋之類，所以決定叫呢個便當。賣相幾靚，但都好夠汁，唔明加多個汁係度做咩。首先，配菜好有家的感覺，但如果蕃茄蛋係熱的，會好食好多。跟住呢個洛神花糖醋汁好味，唔會過酸，又唔會太甜。雞肉係好似鹽酥雞咁，鬆化，無雪味。超正用黎送飯。如果呢個餸可以配乾拌麵，就更合我心意。今次睇一個人，無得叫小食，下次再試。

喺旺角周圍逛下逛下搵到間鐵牛牛肉麵之前食過尖東嗰間感覺唔錯咁啱唔駛等位就入去食一打開發現剔剔紙 有下午茶餐牌可以揀三個小食同一個細飯或麵仲有野飲添只係$36起咋好啱我又細食又想試唔同口味嘅人啦結果我揀咗 擔擔麵好少辣好夠醬嘅口感👏🏻鹽酥雞好香好嫰 有d唔感喉小香腸Juicy👍🏻餐飲 台灣奶茶 一般般啦總括而言 抵食到爆 份量剛剛女 對於小女黎講

一人台式晚餐一個人放工去旺角食晚餐都真係幾難抉擇，最後黎左呢間想試好內既台灣牛肉麵。呢間台式餐廳系旺中都開左一排，人流都算多，而且餐廳十分貼心，除左卡座亦設有一人bar 檯，就算一個人去食野都吾使擔心怕無位啦。餐廳環境都好新潮，以木色為主調，餐廳為配合主題，長期都會播放台灣音樂，而且重要系童年回憶歌曲，聽落特別有共鳴。而點餐方面，都係行自助形式，客人選擇好餐點，可以去櫃位排隊比錢，然後安坐位置就有專人送餐比你架啦，十分方便。鐵牛招牌牛肉麵一人晚餐就選擇了招牌牛肉麵，佢既份量都頗大碗，第一淡當然就係試湯底啦，呢個湯底好重牛肉味，食得出呢個湯底系花左長時間熬製出黎，雖然濃但唔係味精湯底，食完吾會覺得特別口渴。牛肉方面，又系抵贊，肉質好嫩，應該系採用牛炕楠，切成條狀，而且吸曬湯頭既精華。麵質方面則平平，整體上都好滿意，令人回味無窮。小建議系可加點辣度，讓整體更惹味。珍珠奶茶台灣飲品代表點少得珍珠奶茶，份量適中，雖然無出面舖頭有得揀甜度，但係呢個都合格之上啦，珍珠size剛剛好，奶茶方面系茶香偏重，可以解膩，特別推薦。下次多d人都會嘗試鹽酥雞，花枝丸等等小食。

今日難得番晏....訓醒已經係點幾兩點😂又係諗諗食咩嘅時候，都一排無黎鐵牛食野喇，就又黎食下佢個抵食下午茶！之前已經寫過佢普通時段嘅牛肉麵.......今次就......今次揀左麻辣擔擔麵、鹽酥雞、小黃瓜同炸豆腐、熱台灣奶茶。一如以往，一人入座嘅話，佢會放個留座牌晌枱，等你出去俾錢時，唔會俾人坐左個位。今個下午茶只係需要36蚊，旺角喎，好抵啦...更何況我係當正餐咁食添😂坐左陣個餐就黎喇感覺上啲小食份量細左，鹽酥雞凍嘅不過脆！小黃瓜都好味嘅酸酸地炸豆腐，炸得老左！麻辣擔擔面，都有啲麻架，麵質唔稔！仲有啲肉碎嘅！個台灣奶茶係珍奶嘅味不過無珍珠咁解....其實即係奶精沖嘅....但相比起用正價食....下午茶個性價比係高嘅！我個好評係俾抵食加味道ok！

旺角越來越多台灣小食同餐廳 今次行行下見到呢間 鐵牛牛肉麵 ！！望入去好多人係入邊食 一大班朋友又唔知食咩好最後決定咗呢間 呢間 主要食牛肉麵 所以最後我哋叫咗兩碗招牌紅燒牛肉麵 $60 😋 碗麵賣相好吸引 未影相就飲左幾啖湯 ！！湯頭方面 - 好濃郁 好有牛肉味 紅燒牛肉大大件 有好幾件 好正 肉質五會太硬或太軟 岩岩好 ~麵底方面 - 幼面 食落去有口感 額外叫多咗份 台式炸雞 🍗 新鮮即炸！！ 一上枱勁脆食到一半先記得影， 嘻嘻超級推薦啊~~good

平日午餐黎鐵牛都抵食，因為佢有套餐，比散叫平啲啲，同可以加小食 👍👍今日同朋友一齊食，大家都點唔同嘅餐。而必食牛肉麵😋牛肉麵有筋有肉，啲牛肉唔老，連埋個牛肉濃湯，麵就冇得揀，得幼麵，如果用粗麵/台灣刀削麵就更正，有咬口。朋友點嘅鹽酥雞麵都不錯，但可以再“鹽酥”啲，冇果種好熱氣嘅感覺😂😂 個蔬菜便當就冇咩特別。再另外加甘梅脆薯！梅粉多；薄薄炸皮加大大舊香甜蕃薯真係真材實料。必食吖！！但我唔會加錢嘢佢嘅珍珠奶茶，因為唔特別好飲，同呢間嘅飲品水準不一致，有時太甜，有時又太淡，唔好浪費quota.